Golden Ramanya

19/01/2023

ကိုယ့်ဘေးက လူတွေကို သတိထား
➖➖➖➖➖➖➖➖➖➖➖➖➖➖➖➖

တစ်ခါတုန်းက သိုးအုပ်တစ်အုပ်ကြားထဲကို ခြင်္သေ့ပေါက်လေးတစ်ကောင်ဟာ မျက်စိလည် လမ်းမှားပြီး ရောက်သွားတယ်။

ခြင်္သေ့ပေါက်လေးဟာ ဘယ်မှလည်း မသွားတတ်၊ မလာတတ်တာနဲ့ပဲ သိုးအုပ်ကြားထဲမှာပဲ နေဖို့ဆုံးဖြတ်လိုက်တယ်။

အဲ့လိုနဲ့ သိုးတွေကြားထဲမှာ အနေကြာလာတော့ ခြင်္သေပေါက်လေးဟာ သိုးတွေလိုပဲ ပြုမူလာတယ်။

အသား၊ ငါးမစားဘဲ အသီးအရွက်ပဲ စားလာတယ်။
သိုးတွေလိုပဲ တခြားတိရစ္ဆာန်တွေကို ကြောက်တတ်လာတယ်။
သားရဲတစ်ကောင် ဖြစ်နေပေမယ့်လည်း ရင်ဆိုင်တိုက်ခိုက်ရမယ့်အစား ထွက်ပြေးဖို့ကိုပဲ အားသန်လာတော့တယ်။

အဲ့လိုနဲ့ ခြင်္သေ့လေးဟာ အရွယ်ရောက်လာသည့်တိုင်အောင် တခြားခြင်္သေ့တွေလို မပြုမူနိုင်တော့ဘဲ ခြင်္သေ့ညွန့် တုံးသွားတော့တယ်။

တစ်ခါတလေကျရင် ဒီ​ခြင်္သေလေးလိုပဲ သင်လည်း သင့်ဘေးကလူတွေရဲ့ လွှမ်မိုးမှုကြောင့် သင့်ကိုယ်သင် ပျောက်ဆုံးနေတတ်တယ်။ သူတို့သိုးဖြစ်နေတာနဲ့ပဲ ကိုယ်ခြင်္သေ့ဖြစ်တယ်ဆိုတာကို မေ့လျော့သွားတတ်တယ်။

"မဖြစ်နိုင်ဘူးထင်တယ်နော်၊ ဖြစ်မှ ဖြစ်ပါ့မလား၊ ငါတော့ ကြောက်တယ်နော်၊ ငါတော့ မလုပ်ရဲဘူး၊ မရလောက်ပါဘူးကွာ" စတဲ့ဘေးလူတွေရဲ့ စကားတွေမှာ နားယောင်ပြီး တကယ်ကြီးမဖြစ်နိုင်ဘူး ထင်သွားတတ်တယ်။

အမှန်တော့ သူတို့မဖြစ်နိုင်တာပါ။ သင်မဖြစ်နိုင်တာ မဟုတ်ပါဘူး။

သူတို့သိုးဖြစ်တာနဲ့ပဲ ကိုယ်ကပါ သိုးလိုက်ဖြစ်နေစရာမလိုပါဘူး။

ဒါကြောင့် ကိုယ့်ဘေးက လူတွေကို သတိထားပါ။ သင်အောင်မြင်ခြင်း၊ ကျရှုံးခြင်းဟာ သင့်ဘေးက လူတွေရဲ့ လွှမ်းမိုးမှုလည်း အနည်းနဲ့အများ ပါနိုင်တာကြောင့် ကိုယ့်ဘေးမှာ ဘယ်လိုလူတွေနဲ့ ဝန်းရံထားမလဲဆိုတာ ရွေးချယ်တတ်ဖို့ လိုပါတယ်လို့ အသိပေးလိုပါတယ်။

19/01/2023

စာဖတ်တဲ့အခါ Notes ဘယ်လို ထုတ်မလဲ?

Dream Lab က စာအုပ်တွေ ဖတ်ပြီးတဲ့အခါ ဘာတွေ ဖတ်လိုက်လဲ ဆိုတာ မမှတ်မိဘဲ ဖြစ်နေလား?

စာအုပ်ထဲက အကြောင်းအရာတွေကို သေချာနားမလည်ဘဲ လက်တွေ့ဘဝမှာ အသုံးမချနိုင်ဘဲ ဖြစ်နေလား?

ဒါဆိုရင်‌တော့ စာဖတ်ရင်းနဲ့ Notes ထုတ်တဲ့ နည်းလမ်းကို သိထားဖို့ လိုပါလိမ့်မယ်။

စာအုပ်ဖတ်တဲ့အခါ မှတ်စုမှတ်ခြင်းက စာလေ့လာတဲ့အခါပဲ ဖြစ်ဖြစ်၊ Development စာအုပ်တွေ ဖတ်တဲ့အခါပဲ ဖြစ်ဖြစ် အကျိုးကျေးဇူးတွေ ရစေပါလိမ့်မယ်။

- စာအုပ်ထဲက အကြောင်းအရာတွေနဲ့ အိုင်ဒီယာတွေကို စုစည်း‌ပေးပါတယ်။
- စာဖတ်တဲ့အခါမှာ အာရုံစူးစိုက်နေစေဖို့ ကူညီပေးပါတယ်။
- ဖတ်ခဲ့ဖူးတာတွေကို မှတ်တမ်းတင်ထားပြီး နောင်တစ်ချိန် ပြန်လိုချင်တဲ့အခါ ရှာဖွေရလွယ်ကူစေပါတယ်။
- စာအုပ်ဖတ်နေချိန်မှာ နက်နက်ရှိုင်းရှိုင်း တွေးနိုင်စေပါတယ်။
- စာအုပ်ရဲ့ အဓိက အိုင်ဒီယာနဲ့ အနှစ်ချုပ်ကို ရစေပါတယ်။

ဒီတော့ Notes ထုတ်တော့မယ်ဆိုရင် နည်းလမ်းတွေ အများကြီး ရှိပါတယ်။ နည်းလမ်းတိုင်းက ကိုယ်နဲ့ အဆင်ပြေမှာ မဟုတ်တဲ့အတွက် ကိုယ်နဲ့ ကိုက်ညီတဲ့ နည်းလမ်းကို ရွေးချယ်တတ်ဖို့တော့ လိုအပ်ပါတယ်။

👉 စာအုပ်နဲ့ မှတ်စုမှတ်ခြင်း

ဒါကတော့ သမားရိုးကျ သဘာဝ နည်းလမ်းပဲ ဖြစ်ပါတယ်။ ကျွန်တော်ကတော့ စာရွက်နဲ့ မှတ်တာထက် စာအုပ်တစ်အုပ် သတ်သတ်မှတ်မှတ် ထားစေချင်ပါတယ်။ ကိုယ့်လက်ရေးနဲ့ ကိုယ်ဆိုတော့ ပိုမှတ်မိလွယ်ပြီး ကိုယ့်စိတ်ကြိုက် အသေးစိတ်လို့လဲ ရပါသေးတယ်။

အဓိက စကားလုံးတွေ၊ စကားစုတွေနဲ့ စာကြောင်းတွေကို ချရေးထားပြီး မြင်သာစေဖို့အတွက် Highlight လုပ်တာမျိုး၊ ပုံလေးတွေ သုံးတာမျိုးကိုလဲ ပြုလုပ်လို့ရပါသေးတယ်။

👉 Application များ အသုံးပြုခြင်း

နည်းပညာရဲ့ အကူအညီကို အပြည့်အဝအသုံးချပြီး Evernote, OneNote တို့လိုမျိုး Application တွေကို အသုံးပြုပြီးတော့လဲ မှတ်စုတွေ ထုတ်နိုင်ပါတယ်။ သူ့ရဲ့ အားသာချက်ကတော့ Sync လုပ်လို့ရတဲ့အတွက် ကိုယ့်ရဲ့ Electronic Devices တွေ အကုန်လုံးမှာ ပြန်ကြည့်လို့ရမှာ အသုံးပြုလို့ရမှာ ဖြစ်ပါတယ်။

စစချင်းမှာတော့ အသားကျဖို့ အချိန်ယူရပေမဲ့ အချိန်ကုန် သက်သာသလို Efficient ဖြစ်လှတဲ့ နည်းလမ်းဖြစ်ပါတယ်။ ဓာတ်ပုံ၊ အသံဖိုင်နဲ့ ဗီဒီယိုဖိုင်တွေကိုလဲ ထည့်သွင်းလို့ရပါသေးတယ်။

👉 Mind Map ဆွဲခြင်း

နောက်ပိုင်း Notes ထုတ်တဲ့ နည်းလမ်းတွေထဲမှာ လူသိများလာတဲ့ နည်းလမ်းတစ်ခုကတော့ Mind Map ဆွဲခြင်း ဖြစ်ပါတယ်။ အဓိကအိုင်ဒီယာကို ဗဟိုပြုပြီး သစ်ကိုင်းပုံစံ ဖြန့်ကျက် စဥ်းစားတဲ့ နည်းလမ်း ဖြစ်ပါတယ်။

ဦးနှောက် အလုပ်လုပ်တဲ့ ပုံစံအတိုင်း စဥ်းစားတာ ဖြစ်တဲ့အတွက် ပိုထိရောက်ပြီး အဓိက စကားလုံးတွေကို ဆန်းသစ်တဲ့ ပုံစံတွေ၊ အရောင်တွေနဲ့ ဖန်တီးလို့ရတဲ့ အတွက် ပိုမှတ်မိစေပါတယ်။ စာအုပ်မှာ ကိုယ်တိုင် ဆွဲလို့ရသလို၊ Microsoft Word, Free Mind တို့လို Software တွေမှာလဲ အသုံးပြုလို့ရပါတယ်။

ဇယားပုံစံ မှတ်စု မှတ်တာမျိုးလို တခြား နည်းလမ်းများစွာ ရှိသေးတဲ့အတွက် ကိုယ်နဲ့ အဆင်ပြေတဲ့ နည်းလမ်းကို ရွေးချယ်တတ်ဖို့တော့ လိုပါတယ်။ Notes ထုတ်တဲ့အခါမှာ သတိထားရမယ့် အချက်လေးတွေလဲ ရှိပါတယ်။ ဒါတွေကတော့

☑️ စာအုပ်ထဲက စကားလုံးတွေထက် ကိုယ့်ရဲ့ ကိုယ်ပိုင် စကားလုံးတွေကို အသုံးပြုပါ။
☑️ ရှုတ်ရှပ်ခတ်နေအောင် Highlight မလုပ်မိပါစေနဲ့
☑️ အိုင်ဒီယာတစ်ခု ပြီးအောင် ဖတ်ပြီးမှာ မှတ်စုထုတ်ပါ။
☑️ စာအုပ်ထဲကအတိုင်း အတိအကျရေးစရာ မလိုပါဘူး။ တိုတိုနဲ့ လိုရင်း အဓိက စကားလုံးတွေကို သုံးပါ။
☑️ ဆက်စပ်တွေးခေါ်မိတဲ့ အိုင်ဒီယာတွေကိုလဲ ချမှတ်ပါ။
☑️ Notes တွေကို ပြန်လည်လေ့လာပါ။ တွေးခေါ်ပါ။ ပစ်မထားပါနဲ့။

ဒါဆိုရင်တော့ စာဖတ်တဲ့အခါ ပိုပြီး ထိရောက်လာမှာ ဖြစ်သလို ဖတ်ပြီးတဲ့အခါမှာလဲ လက်တွေ့ဘဝမှာ အသုံးချနိုင်လာပါလိမ့်မယ်။

www.dreamlab.news
နေ့စဥ် စာတစ်အုပ်ဖတ်ပါ။

19/01/2023

19/01/2023

ဘဝမှာ သင့်ကို ငွေရှာပေးနိုင်တာ (၃)ခုရှိပါတယ်။
ခွန်အား၊ အတွေ့အကြုံနဲ့ ပညာပါ။
ခွန်အားဆိုတာ ကန့်သတ်ချက်ရှိပါတယ်။
အတွေ့အကြုံနဲ့ ပညာကတော့ အကန့်အသတ်မရှိ သိမ်းဆည်းလို့ရပါတယ်။

ငယ်ရွယ်စဉ်မှာ ခွန်အားကသာ ငွေရှာပေးနိုင်ပေမယ့် အသက်တဖြည်းဖြည်းကြီးလာတဲအခါ အတွေ့အကြုံနဲ့ ပညာကသာ ငွေရှာပေးမှာဖြစ်ပါတယ်။

သင်အသက်ကြီးလာတဲ့အခါ ခွန်အားနဲ့ ဝင်ငွေရှာလို့ မရတော့ပါဘူး။ ငတ်ပါမယ်။
အသက်အရွယ်နဲ့ မျှတဲ့ ပညာနဲ့ အတွေ့အကြုံရှိတဲ့အခါ သင့်အတွက် ငွေမရှားပါဘူး။

တချို့ အသက်ကြီးတာတောင် ပိုက်ဆံမရှိတာဟာ ပညာနဲ့ အတွေ့အကြုံမရှိလို့ပါ။

လစာနည်းလို့ စိတ်မညစ်ပါနဲ့။ အတွေ့အကြုံနဲ့ပညာရတယ်လို့မှတ်ပါ။
နောက်လိုက်ကောင်းဖြစ်ပါစေ။ အတွေ့အကြုံကောင်းတွေယူပါ။
တနေ့သင် ခေါင်းဆောင်ဖြစ်တဲ့အခါ လူတွေကလေးစားတာခံရတဲ့အပြင် ဝင်ငွေလဲကောင်းပါလိမ့်မယ်။



#𝐃𝐚𝐘𝐢𝐧𝐊𝐚𝐮𝐤

19/01/2023

စာအုပ်တွေ အများကြီး ဖတ်ပြီး ဦးနှောက်ကို နည်းနည်းပဲ သုံးတဲ့လူက တွေးခေါ်ရမှာကို ပျင်းသွားလိမ့်မယ်

ဦးနှောက်ရဲ့ အခန်းကဏ္ဍက ကျွန်တော်တို့ရဲ့ ဘဝမှာ အရေးအကြီးဆုံးပဲဆိုတာကို ပြောပြစရာ လိုမယ်လို့တော့ မထင်ပါဘူး။

ဒီဦးနှောက်ကပဲ ခန္ဓာကိုယ်တစ်ခုလုံးကို ခိုင်းစေပြီး အရေးကြီးတဲ့ ဆုံးဖြတ်ချက်တွေကို ချပေးနေတာဖြစ်ပါတယ်။

ဒီဦးနှောက်ရဲ့ အတွေးအခေါ်တွေနဲ့ပဲ ရှင်သန်နေတာ ဖြစ်ပြီး ဦးနှောက်ကို အသုံးပြုမှုပေါ်မူတည်ပြီး ပေါင်းသင်းဆက်ဆံရေး၊ စီးပွားရေးတွေက ကွဲပြားသွားတာ ဖြစ်ပါတယ်။

ဦးနှောက်ကို တိုးတက်စေဖို့ အတွေးအခေါ်တွေကို ပိုကောင်းလာစေဖို့အတွက် စာအုပ်တွေဖတ်ရမယ်ဆိုတာကိုလဲ လူတိုင်းသိကြပါတယ်။

ဒါပေမဲ့ အများစုက စာအုပ်ကို ဖတ်ရုံဖတ်ပြီး အသုံးမချနိုင်ကြပါဘူး။ ဘာကြောင့်လဲဆိုရင် စာအုပ် တစ်အုပ်ကို ဖတ်ပြီးတိုင်း ဦးနှောက်ကို အသုံးပြုပြီး မတွေးခေါ်လို့ပဲ ဖြစ်ပါတယ်။

စာအုပ်တစ်အုပ်ကို ဖတ်ပြီးတဲ့အခါမှာ ဦးနှောက်ကို အသုံးပြုပြီး ဆက်စပ်တွေးခေါ်တာ၊ အိုင်ဒီယာထုတ်တာ၊ လက်တွေ့အသုံးချတာ၊ အကောင်အထည်ဖော်တာတွေကို ဆောင်ရွက်သင့်ပါတယ်။

ဒါမှသာ စာအုပ်ရဲ့ အကျိုးကျေးဇူးကို အပြည့်အဝရရှိပြီး ကိုယ့်ကိုယ်ကိုယ်၊ ကိုယ့်ရဲ့ ဘဝကိုယ် တိုးတက်အောင် ပြောင်းလဲနိုင်ပါလိမ့်မယ်။

Albert Einstein ပြောခဲ့တာက “စာအုပ်တွေ အများကြီး ဖတ်ပြီး ဦးနှောက်ကို နည်းနည်းပဲ သုံးတဲ့လူက တွေးခေါ်ရမှာကို ပျင်းသွားလိမ့်မယ်” ဆိုပြီး ပြောခဲ့တာပါ။

လူတော်တော်များများက စာအုပ်ဖတ်ဖို့ကို သတိပြုမိကြပါတယ်။ ဒါကြောင့်လဲ စာအုပ်တွေကို ဖတ်နိုင်သမျှ များများ ဖတ်ကြပါတယ်။ ဒါပေမဲ့ စာအုပ်တွေကို ဖတ်ပြီး ဦးနှောက်ကို ကိုယ်တိုင် အသုံးပြုကာ ကိုယ့်ရဲ့ ဘဝကို အထောက်အကူပြုနိုင်စေဖို့ လိုအပ်ပါတယ်။

စာအုပ်ဖတ်ခြင်းက ဦးနှောက်မှာ သတင်းအချက်အလက်နဲ့ ဗဟုသုတတွေကို ရင်းနှီးမြှုပ်နှံရုံပဲ ဖြစ်ပါတယ်။ ကျန်တဲ့ အပိုင်းတွေက ဦးနှောက်ကို အသုံးပြုပြီး ဆက်လက်လုပ်ဆောင်ရမှာ ဖြစ်ပါတယ်။

ဒါကြောင့် စာအုပ်ဖတ်ပြီးတိုင်း မှတ်စုမှတ်ခြင်း၊ Mind Mapping ပြုလုပ်ခြင်း၊ ဆက်စပ်တွေးခေါ်ခြင်း၊ အိုင်ဒီယာထုတ်ခြင်း၊ ဖတ်ထားသမျှကို ပြန်လည်သုံးသပ်ခြင်းတွေ ပြုလုပ်ပေးသင့်ပါတယ်။

Dream Labers တို့ရော စာအုပ်ဖတ်ပြီးတိုင်း လက်တွေ့ပြန်လည်အသုံးချနိုင်အောင် ဦးနှောက်ကို အသုံးချဖြစ်ရဲ့လား? မလုပ်ဖြစ်သေးဘူးဆိုရင်လဲ စာအုပ်ဖတ်ပြီးတိုင်း ဦးနှောက်ကို အများဆုံး အသုံချနိုင်အောင် ကြိုးစားသင့်ပါတယ်။

www.dreamlab.news
နေ့စဥ် စာတစ်အုပ်ဖတ်ပါ။

19/01/2023

"အမေရိကန် နိုင်ငံမှာ တနှစ် $2 သိန်းအထက် ဝင်ငွေရှိစေဖို့ လုပ်သင့်တဲ့ အချက် 11 ချက်"

အမေရိကန် နိုင်ငံမှာ 10 ရာခိုင်နှုန်း လောက်ပဲ အိမ်ထောင်စု ဝင်ငွေက တနှစ်ကို $ 200 K အထက်မှာပဲ ရှိကြတယ်။

The threshold to be in the top 10% of household incomes in 2022 in the United States was $212,110.

အဲဒီ 10% ထဲပါအောင် ဒီအချက်တွေလုပ်ပေးပါ။

1. အိမ်ထောင်ပြုပါ။ ဝင်ငွေကောင်းသူ အချင်းချင်း အိမ်ထောင်ပြုရင် combined income ပူးပေါင်းဝင်ငွေက $ 200 K အထက် ရနိုင်ပါတယ်။
2. ကျောင်းတက်ရင် အသုံးဝင် အလုပ်ရနိုင်တဲ့ ဘာသာရပ်တွေတက်ပါ။ Science ဘာသာရပ် သို့ လက်တွေ့ အသုံးဝင်တဲ့ Demand Jobs တွေ တက်ပါ။
3. အလုပ်ကြိုးစားပါ။
4. လစာပေးတာကောင်းတဲ့ မြို့ကြီးတွေမှာနေပါ။
5. အကြွေးမထားပါနဲ့။
6. အသက် ၂၀ လောက်ကတည်းက ငွေစောစော စစုပါ။
7. Budget တခုထားပြီး သုံးပါ။
8. ဝင်ငွေ တခုထက် ပိုရအောင် Create Multiple Sources of Income ကြိုးစားပါ။
9. ရေတို အဆင်ပြေတာထက် ရေရှည် အသုံးတည့်တာကို ပိုစဉ်းစားပါ။
10. မလိုအပ်တဲ့ တန်ဖိုးကြီး ပစ္စည်းတွေ ဝယ်ပြီး ချမ်းသာတယ်လို့ ထင်ရအောင် ကြွားဝါခြင်း ရှောင်ကြည်ပါ။
11. အရက်သေစာသောက်စားတာ/ လောင်းကစားလုပ်တာ ရှောင်ကြဉ်ပါ။

Financially stable ဖြစ်တာပျင်းစရာကောင်းတယ် ထင်ရပေမယ့် က paycheck to paycheck နေရတာထက် ပိုကောင်းပါတယ်။

အထက်ဖော်ပြပါ အချက်တွေထဲက ဘာတွေလုပ်နေကြပြိီလဲ ပြောပြပေးကြပါဦးနော် 😍

ချစ်ခြင်းများစွာဖြင့်
❤️
Your Daily Dose of Brain Power

subscribe on YouTube 💌 shorturl.at/etKY9

(စာကို ကူးယူမယ်ဆိုရင် စာရေးသူနာမည်ပါ ထည့်ပေးဖို့ မေတ္တာရပ်ခံအပ်ပါတယ်)

19/01/2023

☘ ဆိတ်တစ်ကောင်က မြည်းတစ်ကောင်ကို
ကြိုက်မိသွားတယ်။

☘ မြည်းကပြောတယ်... " ငါ နင့်ကိုငေါက်တာ၊
ကန်တာ နင်ခံနိုင်ရင် နင် ငါ့ကိုတကယ်
ချစ်လို့ပေါ့" တဲ့။

☘ ဒီလိုနဲ့ဆိတ်ဟာ မြည်းအလိုကိုလိုက်ခဲ့တယ်၊
သည်းခံခဲ့တယ်။ မြည်းငေါက်တာ
ကန်တာကို လက်ခံခဲ့တယ်။

☘ တစ်နှစ်... နှစ်နှစ်... ဆယ်နှစ်အကြာမှာတော့
မြည်းကို ဆိတ်ထားခဲ့လိုက်တော့တယ်။

☘ ဆယ်နှစ်တောင် စွဲစွဲမြဲမြဲရှိခဲ့တာပဲ ဘာလို့
တစ်သက်တာအထိ မထိန်းထားသလဲလို့
ဆိတ်ကိုတချို့ကမေးတော့ ဆိတ်က..

☘"ဆယ်နှစ်တာကာလနဲ့ ငါ့ရဲ့စစ်မှန်ခြင်းကို
ငါသက်သေပြခဲ့ပြီးပြီ။ အခုလက်ကျန်အချိန်နဲ့
ငါ့ရဲ့ဂုဏ်သိက္ခာကို ငါကာကွယ်ရမယ်"

☘ နင့်ကို ငါဘယ်လောက်မြတ်နိုး၊
နင့်အပေါ် ငါဘယ်လောက်ကောင်းလည်း
ငါ့ကို နင်တန်ဖိုးမထားရင်
ငါလည်းလက်လွှတ်တတ်၊ စွန့်ပစ်တတ်တယ်။

☘ စီးပွားရေးပဲဖြစ်ဖြစ်၊ သူငယ်ချင်း၊ အချစ်၊
ဒါမှမဟုတ် အိမ်ထောင်ရေးပဲဖြစ်ဖြစ်
အရာအားလုံး အားလုံးက တန်ဖိုးထားတတ်မှ
ပိုင်ဆိုင်ဖို့ထိုက်တယ်။

☘ သင့်အလိုလိုက်လျောသူဟာ
မစဉ်းစား မတွေးခေါ်တတ်သူမဟုတ်ဘူး။
သင့်အနား မခွာရက်နိုင်သူပါ။

☘ ဘာမဆို သင့်ကိုလုပ်ခွင့်ပေးသူဟာ
ငတုံးငအ,မဟုတ်ပါဘူး။ သင့်ကို
အလေးထားသူပါ။

☘ နေကောင်းလား၊ ဘာလုပ်နေလဲမကြာခဏ
မေးသူဟာ ပြောစရာစကားမရှိလို့ မဟုတ်ပါဘူး။
သင့်ကို ဂရုစိုက်သူပါ။

☘ သင့်အပေါ်ကောင်းတာဟာ
သင့်ကို ပေးဆပ်စရာရှိလို့မဟုတ်ပါဘူး။
သင့်ကို ဆွေမျိုးသားချင်းလိုသဘောထားလို့ပါ။

☘ စစ်မှန်သူအချင်းချင်းက
လျှောက်ရင်းလှမ်းရင်း ရင်ထဲတိုးဝင်ကြတယ်။

☘ ဟန်ဆောင်သူက လျှောက်ရင်းလျှောက်ရင်း
မြင်ကွင်းကနေ ပျောက်ကွယ်သွားတယ်။

☘ လူလူချင်း တွေ့ဆုံဖို့အတွက်
ကံတရားလိုတယ်။

☘ လူလူချင်း ပေါင်းသင်းဆက်ဆံဖို့အတွက်
ရိုးသားစစ်မှန်ခြင်းလိုအပ်ပါတယ်။

ိုင်နိုင်းစနေ

19/01/2023

စာတစ်အုပ်ဟာ သင့်ကို ဘာမှ လုပ်မပေးနိုင်ပေးနိုင်ဘူးဆိုပေမဲ့ စာတစ်ကြောင်းကတော့ သင့်ဘဝကို ပြောင်းလဲစေနိုင်ပါတယ် တဲ့။ သိပ်မှန်တဲ့စကားလေးပါ။

အကြောင်းတစ်ခုခုကြောင့် ငွေကြေးကုန်ကျခံပြီး ကမ္ဘာကို မပတ်နိုင်သေးဘူးဆိုပေမဲ့ စာအုပ်ပေါင်းများစွာနဲ့ ထိတွေ့ရတဲ့အခါကျရင် ကျွန်တော်တို့ဟာ ကမ္ဘာကို ရွာကြီးတစ်ရွာအဖြစ် ပတ်နေရသလို ခံစားရနိုင်ပါတယ်။

စာဖတ်သူနဲ့ မဖတ်သူရဲ့ကြားမှာ အစစအရာ တူညီနေရင်ကြတယ်ဆိုရင်တောင် ဦးနှောက်ထဲက အတွေးအခေါ်ချင်း၊ တွေးပုံတွေးချင်း၊ အသိပညာချင်း၊ ဗဟုသုတ ကြွယ်ဝချင်း၊ လူထုကို လွှမ်းမိုးဦးဆောင်နိုင်ချင်းတွေ အစစအရာအရာ ကွာခြားနေတတ်တယ်။

နောက်ဆုံး ကုန်ကုန်ပြောရရင် စာဖတ်သူဟာ စာမဖတ်သူထက် ခေါင်းတစ်လုံးပိုသာနေလေ့ ရှိတယ်။ စာဖတ်သူဟာ အကွက်မြင်တယ်၊ ရေရှည်ရေတို မှန်းဆနိုင်တယ်၊ ဖြစ်လာသမျှ ရင်ဆိုင်ရဲတယ်၊ လူအကြောင်း လောကအကြောင်းကို ကောင်းကောင်းနားလည်တယ်။

ရသမျှ အတွေးအစတွေကို မျှဝေမယ့် စေတနာလေးတွေ ရှိတတ်ကြတယ်။ ဒီအခါ ကျွန်တော်တို့မျှဝေမယ့် အတွေးက ဆန်းသစ်နေဖို့ လိုအပ်လာတယ်။ ဒီအတွက်အကောင်းဆုံးနည်းလမ်းကတော့ စာအုပ်ကောင်းတွေရှာဖတ်ဖို့ပါပဲ။

ဝန်ခံချက်။ ။ ဓာတ်ပုံပါစာသားသည် စာရေးဆရာကြီးဒဂုန်တာရာ၏ “ စာပေစစ်တမ်း၊ စာပေရှုထောင့် ” စာအုပ်ထဲမှ လေးစားသမှုပြုကာ ကောက်ယူမျှဝေပေးခြင်းဖြစ်ပါသည်။


#၃၀မိနစ်တက္ကသိုလ်

19/01/2023

စိတ်ထားတတ်ဖို့လိုတယ်
➖➖➖➖➖➖➖➖➖➖➖➖➖➖➖➖

တစ်ခါတုန်းက သဲကန္တာရထဲကို ညဘက် ခရီးအပြင်းနှင်လာတဲ့ ခရီးသွားလူတစ်စုဟာ တစ်နေရာအရောက်မှာ အသံနက်ကြီး တစ်သံကိုကြားလိုက်ရတယ်။

" အားလုံးရပ်"

ကန္တာရထဲမှာ သူတို့အပြင် ဘယ်သူမှလည်း မရှိတာကြောင့် ဒီအသံနက်ပိုင်ရှင်ဟာ သဲကန္တာရစောင့်တဲ့ နတ်မင်းကြီး ဖြစ်ရမယ်လို့ ယူဆပြီး အကုန်လုံး မလှုပ်ဘဲ ငြိမ်နေကြတယ်။

တအောင့်ကြာတော့ အသံနက်ကြီး ထပ်ပေါ်လာပြန်တယ်။

"မင်းတို့ခြေထောက် အောက်မှာရှိတဲ့ ပစ္စည်းတွေကို မင်းတို့ အိတ်ထဲကောက်ထည့်၊ ပြီးရင် သွားတော့"

ခရီးသွားတွေလည်း ကြောက်ကြောက်လန့်လန့်နဲ့ သူတို့ခြေထောက်အောက်မှာရှိတဲ့ ဘာမှန်းမသိတဲ့ ပစ္စည်းတွေကို ​ကောက်ထည့်တယ်။ ညကလည်း မှောင်မှောင်၊ ကြောက်ကလည်း ကြောက်နဲ့ဆိုတော့ ခရီးသွားတွေဟာ သူတို့ဘာပစ္စည်းတွေ ထည့်လာကြလဲ မကြည့်ကြတော့ဘဲ အဲ့ဒီနေရာကနေ မြန်မြန်ထွက်ခွာသွားကြတယ်။

အသံနက်ပိုင်ရှင်များ ရောက်လာဦးမလားဆိုတဲ့ ကြောက်စိတ်ကြောင့် ခရီးတောင်မနားဘဲ တစ်ညလုံး အပြင်းနှင်လာလိုက်တာ မနက်ရောက်တော့မှ သူတို့အိတ်ထဲ ဘာပစ္စည်းတွေ ထည့်လာမိလဲဆိုတာ ဖွင့်ကြည့်ကြတယ်။

"အားပါးပါး စိန်တုံးတွေပါလား" သူတို့ထဲက လူတစ်ယောက်က ထအော်တယ်။ ကျန်တဲ့လူတွေလည်း သူတို့အိတ်တွေကို အသီးသီးဖွင့်ကြည့်ကြတယ်။ အမှန်တကယ်ပဲ စိန်တွေဖြစ်နေတာကို တအံတ​သြ တွေ့လိုက်ရတယ်။

ဒါပေမဲ့ သူတို့မပျော်နိုင်ကြဘူးတဲ့။ ဘာကြောင့်လဲဆိုတော့ များများထည့်မယူလာမိလို့တဲ့။ စိန်တုံးတွေမှန်းသာသိရင် များများထည့်ယူလာပါတယ်ဆိုပြီးအကြီးအကျယ်စိတ်ညစ်ကုန်ကြတယ်တဲ့။

တစ်ခါတလေမှာ ကျွန်တော်တို့တွေဟာလည်း ဒီခရီးသွားလူတစ်စုလို ဖြစ်နေတတ်တယ်။ ကိုယ့်မှာ ရှိတဲ့အရာတွေ၊ ကိုယ်ပိုင်ဆိုင်ထားတဲ့အရာတွေ၊ ကိုယ်ရနေတာတွေကို အာရုံမစိုက်ဘဲ ကိုယ်မရလိုက်တဲ့အရာတွေ၊ ကိုယ်လက်လွှတ်လိုက်ရတဲ့အရာတွေကို သွားအာရုံစိုက်ပြီး မပျော်နိုင်ဖြစ်နေကြတယ်။

အမှန်တကယ်တော့ ကျွန်တော်တို့ ပျော်ရွှင်ခြင်း၊ ဝမ်းနည်းခြင်းဆိုတာဟာ ကျွန်တော်တို့ စိတ်ထားတတ်ခြင်းအပေါ်မှာလည်း အများကြီး သက်ဆိုင်နေပါတယ်။

ဒါကြောင့် စိတ်ထားတတ်ဖို့ လိုပါတယ်။

လက်လွှတ်လိုက်ရတဲ့ အရာတွေကို အာရုံစိုက်ရင်း ကိုယ်ပိုင်ဆိုင်နေတဲ့အရာတွေကို ​လျစ်လျူရှုမိသလို မဖြစ်ပါစေနဲ့လို မိတ်ဆွေတို့ကို မှာချင်ပါတယ်။

19/01/2023

လုပ်ငန်းတစ်ခုရဲ့ Performance ကို သုံးသပ်မယ်......အပိုင်း (၁)
ပြီးခဲ့တဲ့ ပိုစ့်တစ်ခုမှာတုန်းက စီးပွားရေး လုပ်ငန်းတွေရဲ့ Net Profit Margin ကို မြှင့်တင်စေဖို့ ဘယ်အချက်တွေ အဓိက ဆောင်ရွက်သင့်တယ်ဆိုတာကို မျှဝေပေးခဲ့ပြီးဖြစ်ပါတယ်။ ဒီတစ်ခါမှာ လည်း စီးပွားရေး လုပ်ငန်းတွေရဲ့ Performance ကို ဘယ်လိုတိုင်းတာ သုံးသပ် ရမလဲ ဆိုတာကို ဆက်လက်မျှဝေပေးလိုပါတယ်။
တကယ်တော့ စီးပွားရေး လုပ်ငန်းတစ်ခု ရဲ့ အခြေအနေကို သုံးသပ်ရာမှာ Finance ပညာရပ် ကနေ ပြောရမယ်ဆိုရင် အဓိက အားဖြင့် သုံး မျိုးကို ကြည့်ရှု သုံးသပ်ကြရလေ့ရှိပါတယ်။ ပထမ တစ်ချက်ကတော့ Ability to generate money ဆိုတဲ့ အသားတင်အမြတ်ငွေတွေ ဘယ်လောက်များများ ရှာဖွေ နေနိုင်လဲဆိုတာဖြစ်ပါတယ်။ ဒီအတွက် အရင်ဆုံးရောင်းအား တွေ ရောင်းရနေတိုင်း အမြတ်ရတာမဟုတ်ပြန်ပါဘူး။ Net Profit ဆိုတဲ့ အသားတင် အမြတ် ရမှ ဖြစ်မှာပါ။ ဒီအခြေအနေကို တော့ စီးပွားရေး လုပ်ငန်းတွေ ရဲ့ ဘဏ္ဏာရေး ရှင်းတမ်း တွေ ထဲက အမျိုးအစား တစ်ခုဖြစ်တဲ့ အရှုံးအမြတ်စာရင်း Profit and Loss Statement ကနေ သိရှိနိုင်ပါတယ်။
ဒုတိယ တစ်ချက်ကတော့ လုပ်ငန်းရဲ့ ခိုင်မာတောင့်တင်းမှု ၊မပြိုလဲနိုင်မှုဖြစ်ပါတယ်။ လူမှာဆိုရင်တော့ ကျန်းမာရေး လိုပါပဲ။လူတစ်ယောက်က လစဉ်ဝင်ငွေတွေ များသထက်များများ ရှာဖွေနိုင်ရင် ငွေရှာကောင်းတယ်၊ လူတန်းစေ့နေနိုင်မယ် စသဖြင့် အကျိုးတွေ ရပါတယ်။ ဒါပေမယ့် ငွေ ဘယ်လောက် ရှာနိုင်နိုင် ကျန်းမာရေး မကောင်းပဲ အိပ်ယာထဲ လဲနေမယ်ဆိုရင်တော့ ငွေ ရှာနိုင် ခြင်းဆိုတာက သိပ်အရေးမပါနိုင်တော့ပြန်ပါဘူး။ လုပ်ငန်းတစ်ခုမှာလဲ ဝင်ငွေ ကောင်း ပြီး အသားတင် အမြတ်တွေ ရနေပေမယ့် သူလည်ပတ်နေရတဲ့ ငွေ တွေက အကြွေး ယူထားတာ ဖြစ်နေမယ်ဆိုရင် ရှာသမျှ အသားတင်အမြတ်တွေ ဟာ အကြွေးဆပ်ရတာနဲ့ ကုန်နေနိုင်သလို ၊အကြွေး သာမဆပ်နိုင် ရင် ပိုင်ဆိုင်တာတွေ သိမ်းယူခံရမှာဖြစ်လို့ အလွယ်တကူ ပြိုလဲသွားနိုင်လေ့ရှိပါတယ်။ ငွေ ရှာနိုင်ပြီး Financial Health မကောင်းလို့ ပြိုလဲသွားရတဲ့ လုပ်ငန်းတွေ အများအပြား ရှိပါတယ်။ ဒီအခြေအနေကို တော့ Balance Sheet ဆိုတဲ့ ဘဏ္ဏာရေးရှင်းတမ်း ကနေ ဖတ်ရှု သုံးသပ်နိုင်ပါတယ်။
တတိယ အချက်ကတော့ လုပ်ငန်းဟာ ငွေကြေးအခြေအနေလဲတောင့်တင်းတယ်၊ အရောင်းတွေ လဲ ရနေတယ် အသားတင်အမြတ်တွေလဲ ထွက်နေတယ်ဆိုပါစို့။ ဒါဆိုရင် ဘာမကောင်းစရာရှိသေး လဲလို့ မေးစရာပါပဲ။ ဒါပေမယ့် ဒီအနေအထားမှာ Cash Flow ဆိုတဲ့ ငွေကြေးစီးဆင်းမှု အခြေအနေကို ပြန်သုံး သပ်ဖို့လိုအပ်လာပြန်ပါတယ်။ အသား တင်အမြတ်တွေ စာရင်းထဲမှာ ထွက်နေပေမယ့် တကယ်ကျတော့ ကုန်ကြွေးတွေ ပြန်မရတာ၊ Account receivable တွေ များနေတာ၊ ကြွေးဆုံး Bad Debt တွေ များနေတာ ၊ စတာတွေ ကြောင့် လုပ်ငန်းမှာ ငွေမရှိ ပဲဖြစ်နေတတ်ပြန်ပါသေးတယ်။ ဒါ့အပြင်ကို မှ Purchase အဝယ်ငွေတွေများတာ၊ ရောင်းမစွံကုန်တွေ ပုံနေတာ၊ ငွေမလည် တာ စတဲ့ အကြောင်းတွေ ကြောင့် လက်ထဲမှာ ငွေတစ်ပြားမှ မရှိပဲဖြစ်နေတတ်ပါသေးတယ်။ တစ်ခါက လုပ်ငန်းတစ်ခု ဟာ လုပ်ငန်းရှင်ကလဲ ငွေကြေးရှိ လုပ်ငန်းကလဲတောင့်တင်းပြီး အမြတ်တွေ များပေမယ့် ငွေ မလည် ပတ်လို့ အသေးသုံး တစ်သိန်းလောက်ကိုတောင် လုပ်ငန်းမှာ ပေးစရာမရှိ ကျပ်တည်းသွား တဲ့ အခြေအနေမျိုးကို လက်တွေ့ကြုံခဲ့ရဖူးပါသေးတယ်။ ဆိုတော့ လုပ်ငန်းဟာ လက်ထဲမှာ ငွေကြေး စီးဆင်းမှု Cash Flow Positive ဘယ်လောက်ဖြစ်နေသလဲ၊ ငွေကို လည်ပတ်အောင် သေချာ စီမံနိုင်သလား ဆိုတာ က တတိယအရေးကြီးတဲ့ အချက်ဖြစ်လာပါတယ်။ ဒီအခြေအနေကို တော့ နောက်ထပ် ဘဏ္ဏာရေး ရှင်းတမ်း တစ်ခု ဖြစ်တဲ့ Cash Flow Statement ဆိုတဲ့ ရှင်းတမ်း မှာ ဖတ်ရှု သုံးသပ်နိုင်လေ့ရှိပါတယ်။
ဆိုတော့ကာ လုပ်ငန်းတစ်ခု အခြေအနေကောင်းလား မကောင်းဘူးလားဆိုတာကို အချက် တစ်ချက် ထဲနဲ့ ဆုံးဖြတ်လို့ မရပါဘူး။ ဥပမာ ရောင်းအားကောင်းနေတိုင်း၊ လူဝင်များနေတိုင်း လုပ်ငန်း အခြေအနေ ကောင်းနေတာ ဟုတ်ချင်မှ ဟုတ်မှာပါပဲ။ ဒါ့အပြင် ဘဏ္ဏာရေး ရှင်းတမ်း အမျိုးအစား တစ်ခုထဲနဲ့လည်း လုပ်ငန်းက အဆင်ပြေမပြေ ကိုအတိအကျ သုံးသပ်လို့မရပြန်ပါဘူး။ သုံးခုလုံးကိုပေါင်း စပ် သုံးသပ်ရမှာဖြစ်ပါတယ်။ အကြမ်းအားဖြင့်တော့ ငွေရှာကောင်းရမယ်၊ ကျန်းမာရေး ကောင်းရမယ်၊ လက်ထဲ ငွေ ရှိရမယ် ဆိုတဲ့ အချက်တွေ ဖြစ်ပါတယ်။
ဒီနည်းနဲ့ လုပ်ငန်းတစ်ခုရဲ့ Performance ကိုသုံးသပ် တယ်ဆိုတာဟာ တစ်နည်းအားဖြင့်တော့ ဘဏ္ဏာရေးရှင်းတမ်းဆိုတဲ့ Financial statement တွေကို အခြေပြုကာ Finance ပညာ ရပ်ပိုင်း ကနေ သုံးသပ်တဲ့နည်းလမ်းဖြစ်ပါတယ်။ ဒီနည်းလမ်းမှာမှ အသေးစိတ်အားဖြင့် Financial Ratios လို့ခေါ်တဲ့ အချက်တစ်ချက်နဲ့ တစ်ချက်ကို အချိုး ချ တွက်ချက်သုံးသပ်တဲ့ အသေးစိတ် နည်းလမ်းတွေ လဲရှိပါ သေးတယ်။ ဒီလို Financial ဖက်ကနေသာ မက အခြားသော Management, HR, စတဲ့ ပညာရပ် ပိုင်းတွေ ကနေ လုပ်ငန်း တစ်ခုကို သုံးသပ်နိုင်ခြင်းများလည်း ရှိပါသေးတယ်။
နောက်ထပ် တစ်ပိုင်းမှာတော့ Profit and Loss Statement ကနေ သိနိုင်တဲ့ Net Profit Margin ကို ဘယ်လို အချက်တွေ နဲ့ နှိုင်းယှဉ် သုံးသပ် ရမယ်ဆိုတာလေးကို ဆက်ပြီး မျှဝေပေးလိုပါသေးတယ်။
လုံလောက်တဲ့ အသိပညာဟာ ပြင်းထန်တဲ့ အခက်အခဲတွေကို လွယ်ကူစွာကျော်ဖြတ်စေနိုင်ပါတယ်။
လုံလောက်တဲ့ အသိပညာ ရရှိဖို့ ..Kaung Hein Soe - Strategic မှာ သင်တန်းတက်စို့။
Kaung Hein Soe – Strategic
Business Consultant

18/01/2023

သင်ရော ဘာကြောင့် ဘီလီယံနာ မဖြစ် ရမှာလဲ။
နေ့တိုင်း ရုံးတက် ညနေ ရုံးဆင်း လကုန် လစာထုတ် ရင်း နဲ့ အချိန်တွေ သာ တဖြည်းဖြည်း ကုန် လာ တယ်။ ငါ့ ဘ၀ ကြီးတော့ ဒီလို နဲ့ပဲ ပြီး ဆုံးသွားတော့မှာလားလို့များ မိတ်ဆွေ အတွေး တွေ ဝင်ပြီး စိတ်ဓာတ် ကျ နေပြီလား။ ကိုယ်နဲ့သက်တူ ရွယ်တူတွေ က အောင်မြင်နေတာမျိုး ဒါမှမဟုတ် တီဗီမှာ လာတဲ့ လုပ်ငန်းရှင် လေးက ကိုယ့်ထက်အသက် ငယ်လှပေမယ့် အများကြီး ချမ်းသာနေတာမျိုးတွေကို တွေ့ပြီး ကိုယ့်ကိုယ်ကို ပြန်နှိုင်း ယှဉ်ကာ အားလျော့ နေတာမျိုးရော ဖြစ်နေပြီလား။
ဒါဆိုရင် တော့ ဒီလို ကျဆင်းနေတဲ့ အားအင်တွေကို ပြန်လည် ကောက်တင်လိုက်ပါတော့။ သင်လည်း အခွင့်အလမ်းတစ်ခုခု ကြုံလိုက်တာနဲ့ဘီလျံနာတစ်ဦး ဖြစ်သွားနိုင်ပါတယ်။ တစ်ခုပဲ လိုပါတယ်။ ဒါကတော့ သင့်မှာ အဲဒီလို အခွင့်အရေး လာချိန်မှာ အဆင်သင့်ဖြစ်နေဖို့ပဲဖြစ်ပါတယ်။ တစ်ခါတုန်းက သတင်းထောက်တစ် ဦး က ဘီလျံနာသူဌေးကြီး တစ်ဦး အင်တာဗျူး တစ်ခုမှာ မေးပါတယ်။ ဒါကတော့ သူဌေးမင်း ခင်ဗျား… ခင်ဗျားက အခွင့်အရေး ကြီး တစ်ခု ပေါ်လာတိုင်းမှာ အဲဒီအပေါ်ရောက် အောင် အမြဲ ခုန် တက်လိုက်နိုင်တယ်နော် ..အဲဒီလို ကော်ပေါက်ကြီး တစ်ခု လာမယ်ဆိုတာကို ခင်ဗျား ဘယ်လို သိသလဲဗျ လို့မေးလိုက်ပါတယ်။ ဒီတော့ ဘီလျံနာကြီးက …ဒီလိုပါဗျ ကျွန်တော်က ဘယ်အချိန် အခွင့်အရေး ပေါ် လာမယ်ဆိုတာကို မသိ ပါဘူး။.. ပေါ်လာတဲ့ အချိန်မှာ အခွင့်အရေး ပေါ် တန်းရောက်သွားအောင်တော့ အမြဲ တမ်း ခုန် နေတာပါပဲဗျာ..လို့ပဲဖြစ်ပါတော့တယ်။ ဒီအတွက်နောက်ထပ် နမူနာလေး တစ်ခု ထပ်ပေးလို ပါသေးတယ်။
အီတလီ အစားအစာ တစ်မျိုး ဖြစ်တဲ့ ပီဇာ ဆိုတာ အခု ခေတ်မှာတော့ နိုင်ငံတိုင်းနီးပါးမှာ ခုံမင်စွာ စားသုံး လာကြ တဲ့ အစာအစာဖြစ်လာပြီး ဖြစ်ပါတယ်။ အသားတွေ ချိစ် တွေ အသီးအရွက် မျိုးစုံတွေကို အပေါ် ကနေ Topping အဖြစ်ထပ်လောင်း ထည့်လို့ရပြီး အရမ်းလဲ အရသာ ရှိလှတဲ့ အစားအစာ ဖြစ်ပါတယ်။ အမေရိကား မှာ လဲ ပီဇာကို ဆိုင်တွေ မှာ တင်မကပဲ လူအတော်များများက အိမ် အထိ ပုံမှန်မှာ စား ကြလေ့ရှိပါတယ်။ ဒီလို မှာစားကြတဲ့ သူတွေ အထဲမှာ နယူးယော့ မှာ နေတဲ့ Carmela Vitale မိန်းကလေးငယ် လဲပါဝင်ပါတယ်။ ပီဇာကို အိမ် အထိ အမြဲ မှာစားလေ့ရှိ ပေမယ့် အမြဲတမ်း ကာမီလာ ကြုံတွေ ရတဲ့ မကျေနပ်စရာကတော့ ပီဇာလာပို့လို့ပီဇာ ထည့်ထားတဲ့ လေးထောင့် ကတ်ထူ ဘူးကို ဖွင့်လိုက်တိုင်း Topping အဖြစ် ပီဇာ အပေါ် ကနေ ထည့်ထားတဲ့ ချိစ် တွေ ခရမ်းချဉ်သီး အဝိုင်း တွေ အသားတွေ ဟာ ကတ်ထူဘူး အပေါ် ဖက်နဲ့ထိကပ် ပေရေ ကာ အချပ်လိုက် ကပ် နေတတ် တာကိ ုအမြဲ တွေ့ရလေ့ရှိတာပဲ ဖြစ်ပါတယ်။ ဒါဟာ သူ့လို ပီဇာကြိုက်တတ် သူအတွက် တော့ တကယ့်စိတ်အနှောင့် အယှက်ပါပဲ။
နောက်ဆုံး မှာတော့ ကာမီလာ ဟာ ဒီ ပြသနာကို ဖြေရှင်းဖို့ကိုယ်တိုင်တီထွင် မှု တစ်ခုကို ပြုလုပ်လိုက်ပါတော့တယ် ဒါကတော့ အောက်ကပုံမှာ ပြထားတဲ့အတိုင်း ခြေထောက်သုံးချောင်းပါ တဲ့ ၂ လက်မအရွယ် ပလတ်စတစ် ခုံ ပုံစံ အသေးလေး ပဲ ဖြစ်ပါတယ်။ ဒါလေး ကို ပီဇာ လာပို့တဲ့ အခါ ဘူးထဲက ပီဇာ အလယ် တည့်တည့် မှာ စိုက် ထားပြီး ပို့စေတဲ့အခါ အထက်က ပြသနာ မျိုး လုံး ၀ မကြုံတွေ့ရတော့ တာကို တွေ့ရှိခဲ့ ရပါတော့တယ်။
၁၉၈၅ ခုနှစ်မှာတော့ ကယ်မီလာ ဟာ အဲဒီ ပလတ်စတစ် Tripod လေးကို မူပိုင်ခွင့် အနေနဲ့တရားဝင် ရယူခဲ့ပြီး ထုတ်လုပ်ရောင်းချပါတော့တယ်။ ဒီ ကိရိယာလေးဟာ လဲ Pizza Saver ပီဇာ ကိုကယ်တင်သူဆို တဲ့ နာမည် နဲ့နာမည်ကြီးသွားခဲ့ပါတယ်။ သာမာန် အားဖြင့်တော့ ဒီ pizza saver လေးဟာ တစ်ခါသုံး သာ သုံးလို့ရပြီး တစ်ခုကို လဲ ၁ စင့်လောက်သာ တန် ပါတယ်။ (အမေရိကန် တစ်ဒေါ်လာမှာ စင့် ၁၀၀ ရှိပါတယ်)။ ဒါပေမယ့် အမေရိကန် မှာ တစ်နှစ်ကို ပီဇာပေါင်း ၃ ဘီလီလျံ ဝန်းကျင်ရောင်း ချ ရတာဖြစ်တဲ့အတွက် သူမ ရဲ့မူပိုင်ခွင့်ဟာ တစ်နှစ်ခန့်အကြာမှာ ၈ ဘီလီလျံလောက်တန်ကြေး ရှိလာ ခဲ့ပါပြီး သူမ ဟာလဲ သန်းကြွယ်သူဌေး တစ်ယောက် အဖြစ်ကိုရောက်ရှိလာခဲ့ပါတော့တယ်။
ဒီဖြစ်ရပ်ကလေးကို ကြည့်မယ်ဆိုရင် ဘာမှ မဟုတ်တဲ့ သာမာန် တီထွင်မှု ကလေးကနေလဲ သင့်ကို ချမ်းသာကြွယ် ဝတဲ့ ဘဝကို ရောက်အောင် လုပ်ပေးနိုင်တယ် ဆိုတာတွေ့ရမှာ ဖြစ်ပါတယ်။ ဒါ့ကြောင့် နေ့စဉ် ဘဝတွေ ထဲမှာ လူတွေ ဟာ ဘယ်လို အခက်အခဲ ပြသနာ တွေကို ကြုံတွေ့နေရလဲ။ အဲဒီ ပြသနာတွေကို မိတ်ဆွေ က ဘယ်လို နည်းလမ်းနဲ့ဖြေရှင်းပေးမလဲဆိုတာ စဉ်းစားနိုင်ရင် အလုပ်ဖြစ်ပါပြီ။ လူများများ က မကြာခဏ ကြုံတွေ့နေရတဲ့ ပြသနာ ဖြစ်လေလေ ဒါကို သင် က ဖြေရှင်းပေးနိုင်ရင် ပို ပြီး အခွင့်အလမ်းက ကြီး မားလေလေ ပဲ ဖြစ်ပါတယ်။
ဆိုတော့ မေးခွန်းက ဒါဖြင့် ဒီလို ကော်ပေါက်တိုးသွားမယ့် အိုင်ဒီယာ ကို လူတိုင်း မတွေ့ဘူးလား ဆိုတာပါပဲ။ လူတိုင်း မတွေ့ပါဘူး သတိထားမိ သတိပြုမိတဲ့သူကမှ ပြဿနာ ကိုမြင်လေ့ရှိပါတယ်။ ဒါပေမယ့် ပြဿနာ ကို မြင်တိုင်း ဘယ်လိုဖြေရှင်းရင် ကောင်းမယ် လို့ စဉ်းစားကြည့်မိသူ က နည်း ပြန်ပါတယ်။ ဖြေရှင်းဖို့ စဉ်းစား မိရင်တောင် လက်တွေ့အကောင်အထည် ဖော်လုပ်ကြည့်သူက နည်းပြန်ပါတယ်။ လက်တွေ့အကောင်အထည်ဖော်လုပ်ကြည့်ရင်တောင်မှ ဒီ လုပ်ဆောင်မှုကို စီးပွားဖြစ်အောင် လုပ်တတ်သူ ရှားပါးပြန်ပါတယ်။ ဒါကြောင့် အခွင့်အလမ်းတိုင်းဟာ လေ ထဲမှာ လွှင့်နေပြီး ဖမ်းဆုပ် သူ တွေက သာ ရလေ့ရှိကြပါတယ်။
နောက် ထပ် ဥပမာ တစ်ခု ကတော့ လန်ဒန်မြို့မှာ နှစ်ထပ် ဘတ်စ်ကား ကြီးတွေ စတင် ပြေးဆွဲ ချိန်မှာ သတင်းစာရောင်း သူ တွေရော ဝယ်သူတွေ ရော စိတ်အနှောင့်အယှက်ဖြစ်စရာ တစ်ခု ကြုံရပါတယ်။ ဒါကတော့ နှစ်ထပ် ဘတ်စ်ကားတွေ ရဲ့ အပေါ်ထပ်က သူတွေကို သတင်းစာရောင်းလို့ မရသလို၊ ဝယ်လိုသူတွေကလဲ အပေါ်ထပ်ကစီးမိရင် မြင့်နေတော့ သတင်းစာ ဝယ်ဖတ်လို့ မရ နိုင်တာပါပဲ။ ဒါကို သတင်းစာရောင်းသူ ဝယ်ယူလိုသူတိုင်းက သတိပြုမိပေမယ့် အခွင့်အလမ်းတစ်ခုအဖြစ်တော့ ဘယ်သူမှ မမြင်မိကြပါဘူး။ ဒါပေမယ့် သတင်းစာရောင်းသူကောင်လေးတစ်ဦးက အဲဒီအပေါ်ထပ်က သူတွေကို ဘယ်လိုရောင်းရမလဲ စဉ်းစားရင် အပေါ်ထပ်ထိ မှီတဲ့ တုတ်တံတစ်ချောင်းမှာ သတင်းစာပါတင် ၊ငွေအကြွေပါ ထည့်ပေးနိုင်တဲ့ခွက်လေးပါတပ်ဆင်ပြီး ရောင်းချ တဲ့အခါ အများအပြားရောင်းရကာ သတင်းစာတိုက် တစ်ခုတည်ထောင်နိုင်သည်အထိအောင်မြင်မှု လမ်းစကို ရသွားပါတော့တယ်။
ဆိုတော့ ဘီလီယံနာ ဖြစ်ဖို့ က ကိုယ့်ပတ်ဝန်းကျင်က ပြဿနာတွေကို မြင်တတ် ရမယ်၊ ဒါကို ဖြေရှင်းဖို့ လုပ်နိုင်ရမယ်၊ ဒီအဖြေကို စီးပွားဖြစ်အောင် ပြောင်းလဲနိုင်ရမယ်ဆိုရင် ရနိုင်တယ်ဆိုတာ ကို တွေ့ရတာပါပဲဗျား။
လုံလောက်တဲ့ အသိပညာဟာ ပြင်းထန်တဲ့ အခက်အခဲတွေကို လွယ်ကူစွာကျော်ဖြတ်စေနိုင်ပါတယ်။
လုံလောက်တဲ့ အသိပညာ ရရှိဖို့ Kaung Hein Soe - Strategic မှာ သင်တန်းတက်ကြစို့။

Kaung Hein Soe - Strategic
Business Consultant

18/01/2023

DV ပေါက်ပြီး ပြင်ဆင်ထားရမည့် စာရွက်စာတမ်းများ

=========================

1️⃣. Passport (PV)

DV တင်တဲ့အချိန် Passport မလိုသေးပေမယ့် DV ပေါက်တဲ့အချိန်မှာတော့ DS260 ဖောင်တင်တာကစလို့ Visa Processing ဆက်လက်ဆောင်ရွက်ရန် သက်တမ်းရှိ Passport သေချာပေါက် လိုအပ်လာပါပြီ။
Case Number အနည်းအများ အလိုက် Passport သက်တမ်း (1.5 ~ 2) နှစ်လောက် အနည်းဆုံး ကျန်ရှိဖို့ လိုအပ်ပါတယ်။
လက်ကျန်သက်တမ်း 2 နှစ်အောက်ဆို ဒဏ်ကြေးမရှိပဲ သက်တမ်းတိုးလို့ရပြီး Passport လုပ်ရတာ အချိန်နည်းနည်းကြာတတ်လို့ မလုပ်ရသေးတဲ့သူတွေရော Exp Date နီးတဲ့သူတွေပါ အချိန်ရရင် သက်တမ်းတိုးထားသင့်ပါတယ်။

( ❗လက်ရှိ QR စနစ်နဲ့ Appointmentရက်ချိန်း 3 ~ 4 လကျော်လောက်စောင့်ရမှာမို့ စောစောလုပ်ထားကြဖို့တိုက်တွန်းလိုက်ပါတယ်)

2️⃣. 6 လအတွင်း ပြန်ရိုက်ထားတဲ့ 2" x 2" ပတ်လည် Softcopy ဓါတ်ပုံ (White Background, No eyeglasses)

3️⃣. မွေးစာရင်းလက်မှတ် (သို့) မွေးစာရင်းထောက်ခံစာ

ရှိရင်သေချာသိမ်းထားပါ။ မရှိရင် သက်ဆိုင်ရာ မြို့နယ် (သို့) တိုင်း/ပြည်နယ် ကျန်းမားရေးဦးစီးငှာနရုံး မှာ "မရှိကြောင်း" မွေးစာရင်းထောက်ခံစာ သွားလုပ်ဖို့ လိုပါမယ်။
https://www.facebook.com/217175726971721/posts/471918124830812/

4️⃣. လက်ထပ်၊ ကွာရှင်း၊ သေဆုံး လက်မှတ်

DV ပေါက်သူသည်
➡️ အိမ်ထောင်ရှင်ဖြစ်ရင် လက်ထပ်စာချုပ်။
➡️ ကွာရှင်းထားရင် ကွာရှင်းစာချုပ်။
➡️ အိမ်ထောင်ဖက် ကွယ်လွန်ဆုံးပါးသွားရင် သေဆုံးကြောင်းအထောက်အထားလက်မှတ်။

စသဖြင့် မိမိဖောင်တင်ခဲ့စဉ်က ရွေးခဲ့တဲ့အခြေအနေအလိုက် စာရွက်စာတမ်းများ လိုအပ်ပါတယ်)

5️⃣. ပညာအရည်အချင်း အထောက်အထား (သို့) လုပ်ငန်း အတွေ့အကြုံ အထောက်အထားများ

ဆယ်တန်းအောင်ဆို အောင်လက်မှတ်၊ ဘွဲ့ရဆို ဆယ်တန်းအောင်လက်မှတ်နှင့်ဘွဲ့လက်မှတ်များ လိုအပ်ပါတယ်။ အကယ်၍ ဆယ်တန်းမအောင်ဘူးဆိုရင်တော့ သံရုံးက လက်ခံနိုင်မည့် ဝန်ထမ်းထောက်ခံစာ၊ လုပ်သက်အတွေ့အကြုံထောက်ခံစာ၊ Training Certificate,...စသဖြင့် လိုအပ်ပါတယ်။

6️⃣. ပြစ်မှုကင်းရှင်းကြောင်းထောက်ခံစာ နှင့် တရားရုံးမှတ်တမ်းများ

ပြစ်မှုကင်းရှင်းကြောင်းထောက်ခံစာကို သက်ဆိုင်ရာရဲစခန်းများကနေတောင်းခံတဲ့အခါ အောက်ပါအတိုင်းသတ်မှတ်ထားပါတယ်။

(အသက် 16 နှစ်အထက် မိမိနေထိုင်ခဲ့ဖူးသောနေရာတိုင်းအတွက် ပြစ်မှုကင်းရှင်းကြောင်းထောက်ခံစာ ပေးဖို့လိုအပ်ပါတယ်)

ပြည်တွင်း ➡️ ် နေထိုင်ခဲ့သောနေရာတိုင်းအတွက် ရဲစခန်းကနေ ပြစ်မှုကင်းရှင်းကြောင်းထောက်ခံစာတောင်းခံဖို့ လိုပါမယ်။

ပြည်ပ ➡️ ှစ်အထက် #အရင် နေထိုင်ခဲ့ဖူးသောနေရာတိုင်းအတွက် ရဲစခန်းကနေ ပြစ်မှုကင်းရှင်းကြောင်းထောက်ခံစာတောင်းခံဖို့ လိုပါတယ်။

ပြည်ပ ➡️ ် #လက်ရှိ နေထိုင်နေတဲ့နေရာ သက်ဆိုင်ရာရဲစခန်းကနေ ပြစ်မှုကင်းရှင်းကြောင်းထောက်ခံစာတောင်းခံဖို့ လိုပါမယ်။

(Edited: မြန်မာနိုင်ငံအတွင်း အစောပိုင်းနေခဲ့တဲ့ ‌လိပ်စာတိုင်းအတွက် ထောက်ခံစာ မတောင်းတော့ပဲ မိမိနောက်ဆုံးနေတဲ့နေရာအတွက်ပဲ ထောက်ခံစာ တောင်းတယ်လို့ သိထားပါတယ်

Foreign နိုင်ငံမှာနေထိုင်ဖူးသူများအတွက်တော့ နေထိုင်ဖူးသောနိုင်ငံတိုင်းမှ Police Clearance Certificate ပြဖို့ လိုပါတယ်)

ပြစ်မှုမှတ်တမ်း၊တရားရုံးမှတ်တမ်း၊စစ်မှုထမ်းဖူးရင် စစ်မှုထမ်းမှတ်တမ်းများ (ရှိခဲ့လျှင်) ထိုမှတ်တမ်းများကိုလည်း ပူးတွဲတင်ပြပေးရန် လိုအပ်ပါတယ်။

DV ပေါက်ပြီးရင် ထိုစာရွက်စာတမ်းများကို မူရင်း ၊ မိတ္တူ နှင့် Notary ပြန်ပြီး အဆင်သင့်လုပ်ထားဖို့လိုပါမယ်။

အခြားလိုအပ်တာတွေကတော့

7️⃣. Medical Record

KCC မှ 2NL, Email ရရင် Samitivej International Clinic Yangon မှာ Booking ယူပြီး ဆေးစစ်ထားရမှာဖြစ်ပြီး သံရုံးအင်တာဗျူးဝင်တဲ့အခါ Medical Record ကို အထက်ပါ စာရွက်စာတမ်းတွေနဲ့အတူ ပူးတွဲတင်ပြဖို့ လိုပါတယ်။
***Interview date ရပြီးမှသာ ဆေးစစ်ဖို့ အကြံပြုပါတယ်***

8️⃣. Additional form

အမေရိကန်ဗီဆာလျှောက်တဲ့အခါ မြန်မာနိုင်ငံသားတိုင်း ဖြည့်ပေးရတဲ့လျှောက်လွှာ တခုပါ။
https://www.facebook.com/164487086904429/posts/2717184384968007/
https://m.facebook.com/story.php?story_fbid=3406928765993562&id=164487086904429&mibextid=Nif5oz

9️⃣. USD 330$ Cash ( DV Interview အတွက် ပေးသွင်းရမည့် တဦးစာ Visa Charges)

🔟. မင်္ဂလာဆောင်ဓာတ်ပုံ/ဖိတ်စာ မှတ်တမ်းများ
လတ်တလောထိမ်းမြားလက်ထပ်ထားတဲ့ဇနီးမောင်နှံတွေမှာ ပို၍ လိုအပ်ပါလိမ့်မယ်။

Reference Link...
https://travel.state.gov/content/travel/en/us-visas/immigrate/diversity-visa-program-entry/diversity-visa-if-you-are-selected/diversity-visa-prepare-supporting-documents.html