01/10/2020
تركيا وقفت الطيران المباشر مجددا
من العراق ...
#احزنني
Iraqi Tourism Store - ITS
- Home
- Iraqi Tourism Store - ITS
Contact information, map and directions, contact form, opening hours, services, ratings, photos, videos and announcements from Iraqi Tourism Store - ITS, Travel Service, .
05/08/2020
سلام 👋
مثل ما كلت سابقا انه السفر مفتوح لكن عدة بلدان بسبب عدم توفر الفيزا الي تمكن الجواز العراقي من الدخول الى الدولة
الدول الي حاليا مفتوحه اربعه دول الي هي تركيا و لبنان و الامارات و مصر .
راح نجي نسولف على وحده وحده تنويه ممكن المنشور طويل
نجي على الدولة الاولى تركيا
حاليا الحصول على فيز تركيا حصرا من السفارة تحس المتطلبات كانك مقدم على احد دول الشنكن ولو هي اصلا تركيا تعتبر من دول الشنكن
شلون نحصل على الفيزا تروحون للسفارة وتحصلون موعد وراها تنتظرون موعدكم يصير وتروحون تقابلون لازم كل المستمسكات الاصليه وتدفعون سعر الفيزا ١١٥ دولار والناس الي اعمارهم اكبر من ٦٥ سنه اكو زيادة ٣٠ دولار شنو سبب الزيادة هو التامين يصعد سعره العمليه تطول تقريبا ب ٣ اسابيع
السؤال المهم هنا طيران لتركيا مباشر تكنسلت كل الرحلات الاشاعات تكول لحد واحد ايلول هذا ممكن يكون مرجح او لا بسبب اعتقاد شخصي الامور راح تنحل تطول ممكن لنص الشهر لان لو اكو اللغاء جان كل المواعيد الي السفارة حددتها فوك تنلغي فهنا ممكن نعرف انه اكو مشكلة لكن الامور كله ماشيه عادي
الناس الي محتاجه تسافر لتركيا وما يكدر ينتظر عندك اختيار اخر الي هو ترانزيت روح على القطرية بس سعرها مو رخيص هاي للضرورة استخدموا هاي الطريقة لكن الي عنده فيزا ستيكر لازم يقطع تووي ذهاب وعوده يلا يكدر يدخل لاصحاب الفيز الستيكر بس الاقامه عادي مو مشكلة
-------‐----------------------------------------------------------------
لبنان بلد حلو وحاليا اسعاره مناسبه للكل بس من راي الشخصي لبنان بيه تعقيدات اكثر من اي دولة مفتوحه
نجي نحسبها وحده وحده
المرحلة الاولى
تحتاج تسوي بي سي ار من بغداد سعره من ١٥٠ الى ٢٥٠ الف دينار عراقي
المرحلة الثانية
تححز تذكرة ذهاب وعوده على العراقية بسبب اكو تغير باسعار سستم العراقيه راح انطي رقم تقريبي ٣٦٧ دولار للشخص
المرحلة الثالثة
قبل ما تسافر لازم تسوي تامين صحي حصرا من موقع حددته سلطات اللبنانيه سعره ٥٠ دولار لكن بحالة انت قطعته من ماستر كارد خاصه بشركة سياحيه لازم تخلي بالك زيادة بالسعر فد ١٠ دولار بسبب ضرائب القطع مال ماستر كارد الي مستخدم قبل يعرف شنو اقصد وهمين ممكن ياخذون او لا زيادة بس انت لازم تخلي بالك اكو زياده بسيطة
مرحلة الرابعة
تملي استمارة الكترونية معلومات بسيطة
المرحلة الخامسة
من تسوي بوردنك بالكاونتر مال عراقية تدفع ٥٠ دولار فحص بي سي ار بمكار بيروت
المرحلة السادسة
لازم تنحجر بيروت ٤٨ ساعة باحد الفنادق التالي
لانكستر او جولدين تولب او راديسون بلو
خلي بالك سعر الليلة الوحده بالفنادق الفوك السغر ابتدا من ٦٥ دولار اذا ما وصلت لل ١٠٠ دولار بسهولة حسب الزخم
بعد ما تكمل كل هاي المراحل راح تكدر تدخل لبيروت وتعيش حياتك وتحجز وين ما يعجبك
المرحلة السابعة والاخيرة
من تكمل سفرتك على خير وسلامه لا تنسى تسوي فحص بي سي ار قبل ما ترجع لبغداد
انتوا احسبوها وشوفوا شكد تكلف اني بس انطيتكم اسعار تقريبة
------------------------------------------------------------------------
الامارات هسه حاره يمهم ورطوبه وتلزك بس تبقى الامارات دولة حلوه وممتازة
الفيزا سعرها مع التامين من ١١٥ الى ١٢٠ دولار للشخص تطلع من ٥ الى ٧ ايام صارت اكو مشاكل بحيث توقفت الفيزا للعراقين لكن هسه رجعت
تحتاج فحص بي سي ار بغداد ومن توصل لدبي ايضا راح تسوي فحص بي سي ار اخر مره من جيكت جان ب ٩٥ درهم هيجي شي ما متاكد ١٠٠%
وتملي استمارة صحية
سعر التويوي عراقية ٥٥٧ دولار
------------------------------------------------------------------------
مصر الدولة الاقل تكلفه بالنسبة للفوك كلهم
اكو كروبات سعرها لا باس بيه نسبيا الفيزا وحدها ب ٦٠ دولار
التذكرة ذهاب وعودة عراقية ٣٦٧ دولار
لازم تملي استمارة صحية
اذا تريد تتونس بالصيف سافر ضمن كروب ارخص
بالنسبة لفحص البي سي ار من مصر تقريبا سعرة من ١٦٠٠ ال ٢٥٠٠ جنيه
حاليا هاي الدول الي ممكن تسافر عليها
ملاحظة مهمة : الاردن لحد هاي اللحظة مغلقه لا اكو طيران ولا اكو فيز
مثل ما كلت هاي الاسعار مجرد شي تقريبي يصعد ينزل اني غير مسؤول لكن تخلي بالك نبذة عنها
اي استفسار او شي بالكم او دولة معينة تريدون انطيكم تفاصيلها راسلوني وان شاء الله خير
31/07/2020
سلام 👋
بالبداية احب اكللكم كل عام وانتوا بخير وان شاء الله الصحة والسلامة وتحقيق جميع الاماني ....
المفروض اكتب قبل فتره على الاحداث الي صارت بالسفر بالعراق والى ما ذلك من امور بس تخاذلت الصراحه
بس اعتقد هسه وضحت امور السفر اكثر
بما انه رجعنا المكتب وعاد الروتين اليومي
اشتغلت بهاي الشهرين الي فاتت اجابة العملاء او الزبائن مع العلم مو وظيفتي الاساسيه صدقا اني لحد هسه ما اعرف شنو اسمي الوظيفي 😅
المهم هوايه استفسارت صارت اسئلة الذكية من طرف واسئلة غير منطقية تماما من طرف اخر
لازم تعرفون شغلات التاليه
الجواز العراقي بعده سيئ فيعني لازم تفكر بالفيزا قبل ما تفكر تسال بسعر الطيران بسبب تغير اسعار الفيز والاجراءات
اكو دول تحتاج فحص pcr من بغداد الي هو يعرف عندك كوفيد ١٩ او لا الدول الي تريد حاليا فحص هي لبنان و الامارات
الدول الي ما تحتاج منك فحص pcr من بغداد
تركيا و مصر
علما هاي بحالة المغادرة لكن بالعودة الى وطننا العزيز مطلوب منا نسوي تحليل pcr من اي دولة مسافرين بيها
علمود ما يصير المنشور طويل راح اكتفي لهنا
بالايام الجاية منشور طويل وبيه كل المعلومات والاسعار سواء كطيران او فيز وشنو تفاصيل دقيقة بالدول الاربعة الي هسه مفتوحه للعراقين .
12/06/2020
سلام 👋
هواية استفسار صارت كدامي هاي الفترة
هل اكو سفر ؟ شلون نكدر نسافر ؟ عندي صديق او قريب موجود بالعراق وما يكدر يرجع ؟
وقبل فترة نزلت قائمة شوكت تنفتح المطارات اعتقد الي متابع السفر راح يفتهم شنو اقصده ،
هاي الاستفسارات اعتقد عندي بعض الاجوبة الها حسب تعاملي الحالي والاجراءات الي نتبعها كشركة سفر
هل اكو سفر ؟ / نعم اكو سفر بس جدا محدود بصورة عامة ممكن تختصر على اجراء المواطنين الى بلادهم مثل ما صار بداية ازمة الفايروس وهسه صارت كلش قليلة او محدودة
شلون نكدر نسافر ؟ / المسافرين اصحاب الجواز العراقي ما يكدرون يسافرون هاي الحقيقة مع الاسف بسبب ضعف الجواز اولا والي ينتقل بينا الى السبب الثاني الي هو الفيزا
ماكو فيزا للعراقين احنا متعودين نقدم فيز سياحية علمود نسافر بس هسه ماكو سياحية فاذا تحب تراجع السفارة للدولة الي تريد تقصدها على امل الحصول على فيزا بصورة من الصورة علمود تسافر
قريب او صديق موجود بالعراق ويريد يرجع لبلدة ؟ / عراقين لكن عدهم جوازات او ايقامة بدول اوربية
عنده اختيارين اما قطرية او اماراتية بخصوص الطيران
اكو رحلات على فلاي دبي لحاملي جوازات الاوربية لدبي
منتصف شهر السادس وبالتحديد يمكن يوم ١٦ ما اعرف اذا فولت الرحلة او بعدها بس مقاعد محدودة
حاليا الاماراتية توصل ل ٢٩ دولة يروح لدبي بما انه يكدر يدخل بدون فيزا وبعدين يحجز رحلة للبلد الي يريده
بالنسبة للقائمة مال مطارات هل هي مفيدة او صحيحة ؟
ما اكدر اشكك بيها لكن هي بالتاكيد غير مفيدة لعدة اسباب انه الفيزا عائق اساسي للعراق وايضا حتى لو ينفتح المطار مو شرط الدولة تستقبل سياح فممكن تبقة بالمطار وتعيش تجربك الخاصة كفلم / terminal
هل هي صحيحة بعض الدول اي وبعضها لا ما اكدر انفيها بس صدقا محد بمجال السفر راح يكدر ينطي اجابة حقيقية
ملاحظات مهمة : الي عدهم اقامة بتركيا اكو رحلات على طيران فلاي بغداد و ايضا تيلوند (طيران خاصة بالكروبات ومحلي بتركيا )
الاشخاص الي يحملون جوازات اجنبية وطلعوا من العراق ويريدون يرجعون لازم يحصلون موافقة امنية يلا يسمحلهم
وصدقا ما اعرف شلون الشخص يحصل موافقة امنية بس حبيت اشاركم بهذا الخبر
اتمنى تكونون استفاديتوا وشنو استفسارات مستعد اساعدكم بيها ...
12/05/2020
سلام 👋
https://www.qatarairways.com/ar/press-releases/2020/may/MedicsGiveaway.html?activeTag=Press-releases
رابط الخبر (المصدر) ☝️☝️
26/04/2020
سلام 👋
اليوم راح نسولف على الفيزا
بما انه الجواز العراقي مو بالمستوى الفعال وما يكدر يعطينا سهولة التنقل لهواية دول
لهذا السبب نحتاج نقدم فيزا الي تعتبر بطاقة الدخول للدولة الي جواز العراقي غير قادر على استحصال موافقة لها
الفيزا انواع مع العلم انه كلهن تعطينا نفس الخاصية الفوك بس ...
الي اقصده طرق تقديم الفيز بصورة عامة
لازم نتفق على شغلتين مهمة قبل لا نبدا بالكلام المهم
مستحيل اكرر مستحيل تكون الفيزا مضمونة لاي سبب من الاسباب كدرت تحصل فيزا مره مرتين بس مو كل مرة تحصل فيزا
اما السبب الثاني هو تكدر تتواصل ويه السفارة للدولة الي تريد تروحلها وتقدم على فيزا وهاي الفقرة ما متوفرة بالعراق بصورة سهله
نرجع لموضوعنا
اولا / فيزا تتقدم الاونلاين عن طريق سستم معين
مثل تركيا او دبي وبعض الاحيان قطر وسنغافورا وهواية دول ثانية بس بنفس الوقت مو اي شخص يكدر يقدمها فقط الي ضمن قطاع السفر يستطيع التقديم
ثانيا / فيزا الي لازم تقدمها بالسفارة نفسها
مثل الهند و اليابان و كوريا الجنوبية و الصين اندنوسيا الخ
هنا هذا النوع راح ينقسم لجزء ثاني الي هو الشنكن الفيز لاوروبا ايضا تقدم عن طريق السفارة اصعب شي بالشنكن الحصول على موعد مقابله
ثالثا / الي يمزج بين النوعين الاول والثاني يعني تقدم اونلاين وبعد ما تكمل الاستمارة راح تروح تقابل بالسفارة وهناك اما يقبلوك او يرفضوك مثل امريكا و بريطانيا
رابعا / الموافقة الامنية اغلب الناس يكولون عليها فيزا بس هي موافقة امنية تابعة لجهات امنية يشوفون سجلك اذا فايت للدولة واذا مسوي مشاكل الخ بعد جهات امنية
مثل المملكة الاردنية الهاشيمة و مصر الخ
خامسا / عند لحظة الوصول للمطار
اكولة دول بدون فيزا تحتاح تقدم من توصل للمطار تسوي فيزا وتدفع فلوسها وهوووب تدخل للدولة بدون مشاكل
مثل لبنان و ماليزيا و مالديف الخ
ملاحظة مهمة لنقطة خمسه / لازم عندك حجز فندقي سواء حقيقي او وهمي المهم عندك فاوجر اذا يسالوك عليها وتكللهم ما عندي يعطلوك وهم مو دائما يسألون حسب الزخم
اكو هواية انواع بعد بس هاي الاساسية بصورة عامة او الي اني لحد هسه مشتغل عليها ومطبقها بيدي
هذا جان جزء بسيط او مقدمة راح ندخل على الفيز بالتفصل واذا عندكم فيزا تريدون شرحها اذكروها بالتعليقات واحاول اسويلكم ملخص عليها
24/04/2020
سلام 👋
اليوم راح ابدي بشي جديد ان شاء الله يعجبكم الي هو
تذكروا دائما تاخذون وياكم بالسفر جواريب اضافية
لان راح تستخدموها هواية وشيئ اخر علمود نقلل احتمالية انه تغسل الجواريب بيدك بعد ما ترجع للفندق وايضا وين راح تنشرها ( اني بوكته علكتها على الباب ) بالاضافة خدمة غسل الملابس مو رخيصة يعني اشوفه تدفع تقريبا 20 لو 30 دولار حسب المكان الي انت بيه مو ضرورية ممكن تستفاد بيها بشغلات ثانية
للتنوية : النصيحة ممكن تكون تجربة شخصية او منقولة من شخص متعامل معه او الخ من نصائح بصورة عامة
22/04/2020
سلام 👋
اليوم راح نسولف بفقرة
راح ننطلق برحلتنا لكوالالمبور عاصمة ماليزيا وبالتحديد سانوي لاكون
الي تعتبر اهم معلم ترفيهي بكوالالمبور و اكبر مدينة اللعاب مائية بالمنطقة
يعني الي يحب يطرطش بالمي هذا المكان المناسب اله
هواية اسباب خلتني احجي عليها اهمها راح تتونس بيها اذا جنت وية العائلة او ويه جماعتك او حتى سنكل لان صدك ما بية المكان عيوب هواية بخلاف انت راح تنقط بالاكل بنهاية المنشور راح تعرفون وين تاكلون والشغلات الي تشتريها بصوؤة عامة حاله حال اي مكان سياحي مهم
الشغلات المهمة الي المفروض تعرفها قبل ما تروح ، اكو ٣ انواع بطاقات برونزي و فضي وذهبي
اخذ الفضي كل اللعبات تكدر تلعبها يمكن بس ٣ لو ٤ لعبات ما تكدر تلعبها الي اعتقد من ضمنها سيارات المصادمة
ما علينا
نجي للمهم اخذ متعلقات السباحة وياك اهم شي الجسوه لان راح تحتاجة انت رايح بمدينة مائية يا فندم على فكرة هي مدينة الالعاب عادية وايضا مدينة مائية يعني اثنين بواحد ست البيت مصغرة
معلومة مهمة التذكرة عبارة عن حلقة تنلبس بالايد بس تسوي scan للبطاقة وتدخل مدينة الالعاب بعد ما تكدر تطلع منها وتدخل الا بطاقة ثانية
اخذ وياك فلوس او بمعنى اخر صرف قبل ما تروح او اذا نسيت تصرف قبل لا تدخل اكو محل للصرافة بس هيحي صاير بختله اذا جنت رايح بايام مو عطلة يمهم واذا عطلة هي يوم السبت او الاحد لا بهاي الايام الصرافة معزلة ويحتاج تصرف وانت جوه
اني صارت بيه بحيث صرفت ب ٣٦٥ رنكت واني جنت اصرف ٤١٨ رنكت فرق جبير بيها وجبتين بيك ماك وكولا مشين وسيم كارت وانت الممنون لا تسالني ليش توازيت بوكتة علمود ٣ رنكت
الي هو اللوكر ب ٢٥ رنكت وجان عندي ٢٢ عدل بدل هي ٣ رنكت تعلمت هنا انه سانولاي ما بية تتعامل عليك فقط تدفع وخلص
بالنسبة للتبديل الملابس فانصح تبدل بالحمامات جبيرة وبيها منطقة مخصصة للنزع واذا تستحي تنزع وكدامك واحد هوووب روح للدش وسد البردة واستمتع
الي يخاف من المي وكوسج عادي كومة لعبات حلوه وبدون غرق
اخر نقطة الاكل اذا جعت تكدر تاكل عادي بنفس المكان
ورة ما تخلص اطلع من باب الخروج واطلع كله كدام من مكان ما اجيت راح تلكه مول سانوي روح اضربلك لفتين فاست فود واستمتع ملاحظة افتر بالمول هواية شغلات حلوه بس دير بالك تشتري لان الاسعار اغلى لان يعتبروه منكقة سياحية وضعف السعر تلكى اني اكللكم وين تسوكون بمنشور ثاني
هواية شغلات نسيت اذكرة بس علمود ما يكون المنشور طويل بزيادة 😁
اي شي تحتاجون اني موجود و شيئ اخر متوفر بداخل المكان زي سباحة نسائي
21/04/2020
سلام 👋
بعد ما وضحنا بعض وجهات السفر وعدتكم بتفاصيل اكثر وها نحن هنا علمود نعطي تفاصيل وحتى بعض الاسعار التقريبية
تنوية المنشور طويل وبيه كمية معلومات متداخله بعض
وايضا شكرا اذا دعمتوني يوصل لاكبر عدد من الناس
شيئ اخر انه اني ما اقصد اي جهة معينة او اي تسقيط على اي نوع من الانواع الخدمات
بالبداية اذا احب اوضح شنو معنا الكروب السياحي ذو الميزانية المنخفظة
وشنو الركائز الي يقدمها
اذا نحب نطرق مثال مصغر على الموضوع كروبات تركيا / اسطنبول بالبداية اسطنبول مدينة رهيبة الى ابعد الحدود وبيها هواية شغلات حلوه يعني انت اول ما توصل بمطار اسطنبول الجديد راح تدوخ من هلكد ما جبير
بصورة عامة اسطنبول بيها مطارين / اسطنبول الجديد - صبيحة
ما علينا نرجع للموضوع الكروبات
السؤال الي الكل يفكر بية من يشوف سعر البرنامج 300$ او 330 الخ لازم تعرف التالي
ان هذا السعر يشمل الشخص بالغرفة الدبل اوضح بصورة اكثر تبسيط يعني اذا انتوا شخصين كل واحد راح يدفع نفس المبلغ الي ذكرتة بصورة تقريبية او افتراصية ، اذا انت سنكل هل راح تدفع نفس المبلغ؟ لا عزيزي ما راح تدفع هذا المبلغ وانما زيادة سبب الزيادة هو مقدار الغرفة بدال سعر الغرفة وحدها تتقسم على اثنين بالدبل /هنا راح تتحمل تدفع سعر الغرفة كلها كشخص سنكل
قبل ما اطرق شنو نوع الخدمات المذكورة
شنو هو الوقت المناسب الي تسافر بيه لاسطنبول والسعر الامثل
هنا اني اعتذر عن الاجابة لسبب انه سعر ممكن ينزل بشكل قوي لو نلاحظ بشهر الواحد وبعدين نلاحظ سعر من صارت العطلة الربيعية شلون صعد السعر للنصف
هذا بالنسبة للسعر
بالنسبة للوقت تركيا بكل الاوقات شغالة ممكن شهر الثالث جو مناسب لا بارد ولا حار اشوفه مناسب بالنسبة الية طبعا
شنو يتضمن الكروب السياحي وشلون يتكون بصورة عامة
فيزا ، فندق ، طيران من والى ، نقل( مطار - فندق - مطار )
بالنسبة للجولات السياحية هنا نقطة مهمة لازم تعرفوها
كل الجولات الساحية بفلوس ماكو جولة بدون فلوس من ضمن كروب سياحي المخفظ وتجي الكلفة حسب نوعين
اما كلفة النقل من الفندق للمكان المراد بيه (توصيل) او اسعار الدخوليات للمناطق واسعار
من تشوف برنامج متوفرة بية جولات سياحية اذن خلي بالك شغلة وحده ان هذا مو جولة سياحية متكاملة وانما نقل من الفندق لمكان الجولة
بس علمود ما نظلم احد هي تعتبر جولة سياحية بس 50%
نجي للفنادق بصورة عامة كل كروبات العراقية تركز على فنادق بالفاتح او ممكن نكول اقصراي او تقسيم الخ من مناطق فنادق الخمس نجوم جيدة مثلا ايرسين توكابي اكثر الشغلات الي جذبتني بية القاعات على فكرة سعر الغرقة تقريبا بين 60 و 70 يورو شغلة مهمة لازم تتنبة على العملات لان كلش هواية تفرق بصورة عامة بالسياحة
الاسعار بصورة عامة والسعر المذكور هو اقل سعر ممكن تحصلة للفندق وممكن يتضاعف
ايضا راح اطرح شنو فرق حجز الشركة السياحية و مواقع الاونلاين بصورة عامة هذا موضوع مهم نحجي بية بعدين
لا تخلوني اطلع شطح وانسه شنو اريد احجي بيه
بالنسبة للطيران لمحبي طيران التركش ايرلاين دائما رحلاتهم الفجر يمكن اخر رحلة ب ١٠ الصبح هيجي او ونص الصراحة ما ديحظرني الوقت الصحيح 💯
هل نوع الطيران يفرق بسعر الكروب السياحي ؟
نعم يفرق بهواية شغلات اكو طيران تحس راكب كية مو طيارة هوسه اصوات المحرك ماكو وجبة طعام ولا حتى ضيافة وهذا شي مهم جدا
شيئ اخر سبب رخص طيران الكروب السياحي عن تذكرة العادية بصورة هي شي اسمه جارتر الي راح اخلصه بشكل سريع بدون تفاصيل دقيقة واعطيها مثال التاجر يبيع البضاعة الجملة او هواية ارخص من المفرد او قطعة واحدة
شيئ اخر اكو نوع طيران يكون فقط جارتر يعني ما ياخذ رحلات مفردة
بالمناسبة
الصورة الي راح تشوفوها هاي وجبة طعام على الخطوط الجوية الاماراتية مبنية وجبة فاخرة وايضا طيبة بالاضافة لشغلات هواية اضافية كرسي مريح مسافة للشوية مكرش مثلي (مو شوية) يمدد رجلة براحه الخ من مستلزمات
اكو نوع اخر من الكروبات السياحية وهاي تصير خاصة
وسعرها يختلف تماما عن سعر الكروب لان الخدمة متكاملة شروط الاساسية فوك ثقوا انه اسعار الفنادق بتركيا كلش غالية واذا بس تستاهل الى ابعد الحدود لان صدك تحس نفسك عايش بغير عالم من خدمة واكل وهواية شغلات
وها مو شرط خمس نجوم اكو فنادق اربعة وحتى ثالث احسن من فنادق التقليدية وهذا راي فقط بس مو معناها سعرها رخيص وهنا راح نعرف شنو فرق الهوستل وفرق الفندق هم راح نذكرها بالمعلومات السريعة
الحقيقة المرة انه صحيح هي فنادق خمس نجوم بس من التصنيف الثالث او الرابع وحتى الخامس
نجي على اخر تكوين
الفيزا بما انه احنا مستمرين بمثال تركيا فخلي نكمل على فيزتهم ونحجي بعدين بفيز بصورة عامة
شنو متطلبات الفيزا مال تركيا قبل الكرونا الخ تقرييا هذا الكلام متبع بشهر الثاني
صورة للجواز ، صورة شخصية ، ورقم تليفون
سعرها متراوح من ٦٠ الى ٧٠ دولار اقل اكثر لان خاصتا من طلع قانون جديد مال فيزا الي مو تصير عن طريق اونلاين
لهذا السبب صعد سعرها على فكرة الفيزا دخول مرة واحدة فقط
اما نوع الثاني الي هو فيزا الستكير او الي تحتاج جواز حقيقي وليس صورة طبعة على الجواز هاي سعرها غالي يتراوح من 250 الى 300 دولار واكرر الاسعار كلها متغيرة وكل سعر انطي هو عبارة عن تقريبي فقط ممكن ارخص ممكن اغلى لان اني ما اروج على اي سلعة بتاتا
الفكرة بهاي انه دخول متعدد اكثر من مرة خاصتا للاشخاص الي زياراتهم لتركيا كثيرة
هنا وصلنا لاخر شي اتمنى استفاديتوا وتاكدوا هواية معلومات جاية بعد وبعد وترتيبات واكيد تكون الصفحة بيكم وشنو تحتاجون اكتبوا بالتعليقات اني مستعد اجاوبة حسب المعلومات الي عندي
20/04/2020
سلام 👋
اليوم راح نحجي بفقرة جديدة اسمها
الرياضة المائية او water sport
بصورة عامة الفعاليات المائية متوفرة بكثرة بالمناطق الساحلية مو مال اعدد كل الوجهات بس خلي اختصرها بمنطقة او اثنين
انطاليا / تركيا راح احجيلكم عليها قريبا لان راح اضيف بيها منتجعات اني انصح بيها وبعض المشاكل الي ممكن تواجة الشاب السنكل هناك لان ثقوا مشكلة السنكل مشكلة مو سهله
بالي / اندنوسيا شخصيا اني مجرب الرياضة المائية هناك مو يعني رياضة رياضة مثل الطوبة والتنس الخ
وانما ممكن اكول انه فعاليات مثل غوص او قارب سريع
والاكثر انتشار جيت سكي
هناك الجيت سكي لازم مدرب يركب وراك يله تاخذ تصريح تركبها لان على مرور السنوات الي فاتت انه هواية حوادث صارت أدت بموت اشخاص كانوا راكبين جيت سكي وحدهم فصار هذا القانون هذا الشي ممكن شوية المتزوجين ما يفكرون بيه او يتضايقون حتى لو يعرف يسوق
اكو شواطئ تقبل تركب جيت سكي وحدك وهذا شي مخالف واذا الحكومة لكفت الشاطئ راح تنسحب الرخصة
حاولوا لا تروحون لمكانات مخالفه
انصح للمتزوجين يركبون sea walker حلوه تعتبر جزء مصغر من الغوص
بالنهاية انصح من تروحون هناك عدكم شواطئ نوسا دوا
يكلك اسال محرب ولا تسال حكيم
بس الاسعار ارخص شي يمكن جزيرة السلحفاة تقريبا ب ٢٥ دولار وتوصل اعلى الاسعار ل ١٠٠ دولار
مثل ما كلت هاي الاسعار مو ثابتة لكن تقريبية
اي استفسار مستعد اجاوب عليه شكرا لدعمكم
19/04/2020
سلام 👋
اول موضوع راح نحجي بيه هو شيئ مبسط عن
#سفرات شهر العسل الجزء الاول
عدنا بالعراقي من اسبوع الى ١٠ ايام عسل
اني من راي تضمن فلوس القاعة وكل الاحتفالات وتسويلك سفرة حلوه او تسوي الي يعحبك بالاول والاخير القرار قرارك
الاختيارات المحلية
شمال العراق اسبوع او ١٠ ايام
وجهات تقليدية او محتملة الحدوث
تركيا او مصر / بسبب اكو كروبات سياحية تكلفة قليلة خدمات متواضعة ( الوجهتين كلش حلوات 💯 )
الوجهات الطاشة بدون سبب
المالديف / اكبر خدعة ممكن اي شخص يورطك بيها
لهواية اسباب راح اذكرها بمنشورات جاية بعدنا بالبداية هواية معلومات راح تعرفون
الوجهات الحقيقية بالنسبة اليه لقضاء شهر عسل جميل
بالي اندنوسيا
كوالالمبور ماليزيا
هاي الوجهتين مرتبطة بعض بصورة او باخرى ايضا راح نذكر كل تفاصيل هاي الوجهتين بمنشور بالمستقبل
الوجهات الي تبتعد عنها بشهر العسل
الامارات السبب الحقيقي مو بسبب انه الامارات مو حلوه
بالعكس الامارات كلش حلوه بس شتوية الموسم مالتها يبدا من شهر 10 لغاية منتصف او نهاية شهر 4 الحو يكون اقل رطوبة مع العلم شهر الثاني والثالث هم حارة وبيها ركوبة بس اشوه تكدر تعيشها
هذا سبب جدا بسيط السبب الحقيقي هو الاسعار الغالية كلش هناك تبدا من الفنادق الي تريد موقع مناسب واسواق وشغلات مهمة تلكاها بالداون تاون وسعرها مو رخيص ابدا صدك بس بعض الاحيان معقول لهذا السبب لازم تعتمد على travel agency بمعلومات مهمة او تعتمد على الصفحة هاي الي راح تساعدك شلون تنظم امورك وسفرتك بالاضافة للاسعار النقل التكسي كل نقلة تاخذ منك اقل شي 10 لو 15 دولار اذا حالفك الحظ يعني بين قوسين راح تنقط تنقط على شغلات ابدا ما تسوه مثل النقل هاي بحالة تكون هاي اول سفرة فتحتاج تكسي اما اذا رايح سابقا وشكو بيه تفتر بالمترو وتصنع ذكريات سعيدة بالازدحام وتطلع السفرة من خشمك
ملاحظة :انصح بدبي وبشدة لكن سفرة مو سهر عسل لان ما تعطيك شعور بالرومانسية / بدبي تحتاح من ٥ ايام لاسبوع علمود تفتر اغلب الشغلات المهمة بيها وبعدين من تريد تشتري هدية لاصدقائك بغداد راح تطلع كسر بس عدهم بسوق الحرة المشروبات والعطور كلش عليه عروض وانما مقصد كلامي السوق الحرة بمطار دبي بيه هواية شغلات حلوه راح نطرق عليها بعدين 😁
الوجهات الي اريد اسافرها اذا اريد اتزوج
اليابان لان احب الانمي
كوريا الجنوبية اخاف تطلع تحب kpop
بالي او ماليزيا بسبب هواية شغلات حلوه ما لحكت اسوية باخر مرة رحت لهناك
على فكرة كوريا و لليابان تنطي فيز للعراقين بس يحتاج نحجي بيها بموضوع #كيف تحصل فيزا اذا جوازك عراقي
اتمنى تكونون عرفتوا اساسيات وجهات شهر العسل
لا تنسون
19/04/2020
سلام 👋
كيف الحال / ان شاء الله تكونون بخير
هاي الصفحة صارت بسبب بسيط جدا الي هو نصائح بالسفر للعراقين من جميع تفاصيلة و معلومات عامة ومهمة بالسياحة قررت اسوي هاي الصفحة علمود الفائدة وهمين اصير مرجع للناس الي يحبون يسافرون بغض النظر عن ظروف كورونا والوباء العالمي
الشغلات الي راح تقروها اغلبها صحيحة او ممكن اكول عن تجربة شخصية بسبب انه اني بالفعل اشتغل بشركة للسفريات بس ما راح اذكر اسمي الحقيقي ولا اسم شركتي بسبب الصفحة ليست لاغراض ربحية وانما اساعد الجميع يعرفون السياحة ويعرفون ايضا شنو الاجراءات الي تصير بصورة عامة
اذا يعجبكم اسلوبي خير على خير واذا ما يعجبك احاول اغير منه للاحسن
بما انه خلصت من شنو هو هدف الصفحة الاساسي
المنشورات الجاية تصير بفترات متقطعة او تصير ايضا بنسق معين ان شاء الله تعجبكم وتستفادون
وبالاخير كلشي راح يكون بتفاصيل دقيقة بس بالماضي خاصتا انه قطاع السياحة مغلق بسبب covid-19
Address
Website
Alerts
Be the first to know and let us send you an email when Iraqi Tourism Store - ITS posts news and promotions. Your email address will not be used for any other purpose, and you can unsubscribe at any time.
Videos
سانوي لاكون 💯
سلام 👋 اليوم راح نسولف بفقرة #تجربة_ممتعة راح ننطلق برحلتنا لكوالالمبور عاصمة ماليزيا وبالتحديد سانوي لاكون الي تعتبر اهم معلم ترفيهي بكوالالمبور و اكبر مدينة اللعاب مائية بالمنطقة يعني الي يحب يطرطش بالمي هذا المكان المناسب اله هواية اسباب خلتني احجي عليها اهمها راح تتونس بيها اذا جنت وية العائلة او ويه جماعتك او حتى سنكل لان صدك ما بية المكان عيوب هواية بخلاف انت راح تنقط بالاكل بنهاية المنشور راح تعرفون وين تاكلون والشغلات الي تشتريها بصوؤة عامة حاله حال اي مكان سياحي مهم الشغلات المهمة الي المفروض تعرفها قبل ما تروح ، اكو ٣ انواع بطاقات برونزي و فضي وذهبي اخذ الفضي كل اللعبات تكدر تلعبها يمكن بس ٣ لو ٤ لعبات ما تكدر تلعبها الي اعتقد من ضمنها سيارات المصادمة ما علينا نجي للمهم اخذ متعلقات السباحة وياك اهم شي الجسوه لان راح تحتاجة انت رايح بمدينة مائية يا فندم على فكرة هي مدينة الالعاب عادية وايضا مدينة مائية يعني اثنين بواحد ست البيت مصغرة معلومة مهمة التذكرة عبارة عن حلقة تنلبس بالايد بس تسوي scan للبطاقة وتدخل مدينة الالعاب بعد ما تكدر تطلع منها وتدخل الا بطاقة ثانية اخذ وياك فلوس او بمعنى اخر صرف قبل ما تروح او اذا نسيت تصرف قبل لا تدخل اكو محل للصرافة بس هيحي صاير بختله اذ
Shortcuts
- Address
- Alerts
- Videos
- Claim ownership or report listing
-
Want your business to be the top-listed Travel Agency?
Share
