五十步看百步 Travelsome【自遊記】

Home
五十步看百步 Travelsome【自遊記】

Adrian • 香港男生 • 上班低頭族
好動好運動、但怕熱又怕曬
年少讀萬卷書? 長大行萬里路
旅遊 • 一種態度、一種習慣、一種學習、一種堅持。

【古國歷險之旅: 緬甸篇】
• 千廟之地 Old Bagan (下): 找尋日出日落點
• 千廟之地 Old Bagan (上): 拜訪古廟
• 天籟人籟茵萊湖 Inle Lake: 真正的獨腳漁夫
• 第一站: 仰光

【中東沙漠冠國: 杜拜篇】
• 奢華的沙漠皇國 - 最華麗的白色宮殿
• 奢華的沙漠皇國 - 沙漠 “避暑” 一宿
• 奢華的沙漠皇國 - 淺談杜拜之到此一遊

【走到遙遠的南美: 巴西篇】
• 風沙裡的實況
• 異國奇景 - 巴西 "千湖沙漠"
• 勇闖大瀑布!
• 大瀑布探險之旅 (阿根廷篇)
• 大瀑布探險之旅 (巴西篇)
• 踏足新七大奇觀 - 巴西耶穌像
• 飛到 “耶穌” 身邊
• 情迷里約! 最美麗的城市

【炎熱之國: 印度篇】
• 告別印度: New Delhi
• 華麗之最: 泰姬陵 Taj Mahal
• 粉紅城市: Jaipur
• 沙漠之旅 O

sian
• 第一站 Jodhpur

• 回味愛沙

【荷比二國篇】
• 1歐元的比利時窩夫?
• Amsterdam 最愛運河在那裡
• 荷蘭風車村比較

【南韓春櫻篇】
• [無聊篇] 可愛的木乃伊
• "被消失" 的梨花洞壁畫
• 釜山的天涯海角
• 釜山賞櫻之旅

【北歐極光之旅篇】
• 極地的神秘光柱
• [無聊篇] 三張自拍
• 順便去埋滑雪先
• Abisko 登山歷險之旅
• 挪威一日遊
• 極光與雲霧大戰
• 星空攝影
• 遇上了天文達人
• 極光突然出現! 科技預報背後的真相...
• 難忘的一刻, 終於遇見北極光!

12/10/2017

西班牙: 南部精華遊 🇪🇸 Granada > Malaga > Mijas > Ronda

馬德里南下, 到一個與別不同的西班牙，處處各有特色，出走多日都保證不設悶場!

【堡壘據點 Granada 】
先到 Granada。由 1238 至 1492 年, 200多年來, 這裡是 Granada 古帝國的首都! 一定要參觀歷史悠久的重要城堡 Alhambra。由多座不同建築組成，佔地範圍大，但其中有非常精緻的 Palacios Nazarie, 是限定入場人數的 , 請要預先訂票啊。

【南岸風光 Malaga 】
再往南下，來到南部城市馬拉加。陽光與海灘的 Malaga，風土人情與西班牙內陸城市地方明顯不同! 以此為據點，可一日遊前往多個不同特色的小鎮~

【白色小鎮 Mijas 】
只要 30分鐘車程, 就可以體會愛琴海色彩的 Mijas，一個漂白了的旅遊小鎮。小山谷上，有著迂迴曲折道路，及手工藝品店舖。

【懸崖邊的 Ronda 】
距離 Granada 大約一小時車程的 Ronda，可以見識到獨特地貌, 那就是建築在崖壁上的小城鎮。神奇之處在此深谷上, 由18世紀開始兩旁已經有人居住。橫跨深谷兩旁的古橋, 造就了今日的旅遊景點。

---
西班牙多不勝數的南部地方，即使不如 Barcelona 般著名，卻令我腦海裡留下一個個深刻的畫面。

#西班牙

15/08/2017

西班牙: 小城與風車 - Toledo & Consuegra

由馬德里出發一日遊, 首先去遠少少既 Toledo, 但都只係講緊一個多小時車程。除左著名的 Toledo 古城, 哩日仲會去一個令人流連忘返的地方, 所以行程將會較緊迫!

【千年古鎮 Toledo 】
托雷多古城是一座"山", 山腳被城牆包圍, 山中有横街小巷, 又有多座教堂; 二千多年歷史, 富有濃郁宗教文化特色, 所以被列為世界文化遺產。作為一日遊之選, 行程已經非常豐富。

強烈建議坐小火車, 到 Rio Tajo 河對岸, 可一眼飽覽整座古城。

【山脈上的風車村】
乘坐巴士離開 Toledo, 50分鐘車程就到 Consuegra 小鎮。

走上山坡，就會看見一座又一座的藍白色風車。有400多年歷史, 但修補良好, 塗上愛琴海風情的藍白色, 迷人的陽光色彩! 加上座落山坡上, 景觀獨特; 逐家逐戶的拜訪風車, 必可找到不同角度, 拍攝出最動人的風車照!

---
西班牙風車, 雖然算不上舉世聞名; 但獨特的藍白色彩, 令人留下意想不到的深刻印象。

#風車村 #托雷多

20/07/2017

西班牙色彩之旅 - Madrid近郊一日遊 (Segovia)

"熱情奔放, 色彩繽紛" 的西班牙，先由馬德利開始!

【行程規劃】
西班牙 "話大唔大, 話細唔細", 要走訪東西南北, 可能都要兩星期! 好在各個城市都有巴士/火車發達連接, 交通安排尚算方便簡單。

【先以馬德里為中心】
馬德里近郊, 分別有 Segovia 同 Toledo, 所以住馬德里作基地, 就可以省時輕便前往各處一日遊。

【 Segovia: "水道橋" 與 "城堡" 】
離馬德里只需1小時, 坐巴士就可到小鎮 Segovia (塞哥維亞)。面積不大, 可以輕鬆找到兩個主要景點: 古羅馬水道橋 (古代偉大水利工程的一部分) & Segovia 城堡 (Alcázar de Segovia, 據傳是迪士尼城堡的原始參照本)。行下食下, 晚間返回馬德里, 會是很寫意的一天! 😙

---
在馬德里的晚上, 去了觀賞鬥牛。這是大家都認識, 舉世聞名的傳統文化。但當親眼看到勇士一劍刺殺牛心，生命隨即消逝，沒想到是如此難過。

#西班牙 #馬德里 #塞哥維亞

12/06/2017

緬甸歷險之旅 - 千廟之地 Old Bagan (下)

緬甸之旅, 真正重點係蒲甘 Bagan。

【大廟與細廟】
蒲甘除有數座著名的大型佛廟外，Old Bagan 以南, 廣闊的平原上, 有著過百座中小型古老的佛寺。真正探險, 就在這裡。

【電單車自遊行歷險】
最好玩之處, 在於租 Ebike (迷你電單車) 四周圍走! 一日價錢hkd100內, 就可隨心所欲, 經過佛寺停下, 鐘意就爬上寺廟, 欣賞風景, 實現真正的“自由行”。

【找日出日落觀賞點】
日出日落係 Bagan 重點, 又豈能錯過。日出有熱氣球升空, 是攝影必選題材!

要睇日出日落, 先要找高處站立點, 又要選擇方向。最人氣 Shwesandaw Pagoda, 太多人, 未必能靜觀日出日落。較冷門的: Bulethi Pagoda, Low Ka Oushang, 及 South Guni , 反而會有意外收獲!!

---
電單車雖然好玩, 但要小心安全。注意:
1。日出前 / 日落後, 黑暗環境行車有難度
2。如駕駛出馬路, 就要非常注意私家車、貨車
3。沙上開車會可能 “跣軚”, 隨時失平衡

#緬甸 #蒲甘 #日出 #日落

09/06/2017

緬甸歷險之旅 - 千廟之地 Old Bagan (上)

緬甸之旅, 真正重點係蒲甘 Bagan。

【滿佈佛寺之平原】
蒲甘位於緬甸中部, 是古時蒲甘王國的首都。歷史悠久, 一望無際的平原上, 有過千座佛廟, 就是建築於蒲甘王朝的鼎盛時期。大小形狀不一, 世上獨一無二。

【地震後元氣大傷】
緬甸經常地震, 最近一次 2016年8月發生 6.8級地震, 蒲甘過百多座廟寺被破壞。😭 宜家好多建築都進行維修。可能有少許失色, 但都大致無阻旅遊。

【“逐家逐戶”參觀】
現在蒲甘為旅遊城鎮。通常可以包私家車、馬車、甚至自己租電單車, 去各座佛寺 “逐家逐戶” 拜訪。行到攰, 行到熱, 可以去餐廳、或者回到酒店抖下, 真正自由自在的旅行!

---
正午時份烈日當空, 赤腳走在高熱的佛寺地面。突然諗到, 可能對當地人黎講, 有舒適波鞋穿著, 已經係一種幸福

#蒲甘 #緬甸

01/06/2017

緬甸歷險之旅 - 天籟人籟茵萊湖 Inle Lake

前往位置中部茵萊湖, 體驗緬甸水上人家生活。
環境優美, 湖四周被山脈包圍, 與緬甸其他發展中鬧市有著對比。

【湖邊豪華酒店】
飛往 Heho 機場 (Yangon / Bagan 直飛大約USD90) 後, 坐左一程好唔抵 (USD40!? >

25/05/2017

緬甸歷險之旅 - 仰光

緬甸曾是文明古國, 到近代戰亂內訌, 幾乎成為世上最落後國家之一。近年國家開放, 經濟急速發展; 新舊交接, 令旅遊充滿價值又具歷險性!

【行程規劃: 內陸機遊緬甸】
1. 飛往 Yangon
2. Day 1-2: Yangon 及附近地區
3. Day 3-4: Bagon (內陸機飛 Nyuang)
4. Day 5: Inke Lake (內陸機飛 Heho)
5. Day 6: 經 Yangon 回程

緬甸之旅由於時間緊迫, 所以只坐內陸機。雖然巴士便宜, 但時間太長, 更有些擔心安全 (雖然緬甸搭飛機都唔會完全放心!!!)

【仰光的烏煙瘴氣】
緬甸仰光人煙稠密, 置身其中最能夠感受當地居民生活情況。只到 Chinatown 走一躺, 就會明白當地生活概況、居民飲食、衛生情況等... 市內參觀, 可以到皇宮餐廳 Karaweik Palace, 或者內環狀線火車, 觀賞居民日常生活。

【仰光必到: 大金寺】
市內有無數大大小小佛廟。其中, 大金寺 (Shwedagon Pagoda) 係必到之處。顧名思義: 又“大”又“金”。規模、裝飾都係最大最靚的。地方好大, 所以記得預留時間參觀。建議近黃昏時分, 日落天色下參觀更合適。

---
仰光其實不是去緬甸的重點, 所以都是匆匆到過。期待下次再來, 會發展得更吸引吧

#緬甸 #仰光

18/05/2017

奢華的沙漠皇國 - 最華麗的白色宮殿

大中東豪華氣派, 絕不只限杜拜。鄰近的阿布扎比, 一樣浮誇。精心打造的 Sheikh Zayed (謝赫扎耶德大清真寺), 將寺廟建築境界推至頂峰!

【行程規劃】
1. 飛往 Dubai
2. Day 1: 入住沙漠酒店1晚
3. Day 2: 番杜拜市內酒店及參觀
4. Day 3: Abu Dhabi 一日遊
5. Day 4: 杜拜主題公園等
6. 回程

【向阿布扎比出發】
阿布扎比離杜拜 140km, 適合一日遊。

前往一般有兩個方法: (i) 坐巴士 (單程~hkd50) or (ii) 的士 (單程~hkd450)。如果多人, 絕對應該坐的士。由杜拜開出的巴士, 有好多當地人搭, 最慘係 *高熱無蓋* 下等巴士, 未出發已經溶左!

【貴麗無比】
阿布扎比大清真寺, 為現今世界造價最貴的宗教建築。

外邊圓頂都有80多個, 而室內的地毯重35頓, 是一張過、無接駁的; 牆上刻有可蘭經; 白色外型, 加上各種寶石金銀裝飾, 特別顯得高貴脫俗。

入場免費! 對旅客黎講, 影相夠你玩大半日: 先外面水池、再到寺內有金花雕塑的柱和地板、中亭寺廟全景、寺內有被稱為全球最昂貴的水晶吊燈。

小tip: 如果想穿著免費白色中東披肩影相, 記得要著背心短褲 XD...

---
Sheikh Zayed 建造過程歷時 9 年, 花了55億美元、黃金用了46噸... 感覺有如 21世紀泰姬陵 Taj Mahal 。

#阿布扎比 #清真寺

15/05/2017

奢華的沙漠皇國 - 沙漠 “避暑” 一宿

老實講, 杜拜又熱又曬, 算係好辛苦既地方! 第一次去杜拜, 仲有參加當地團遊沙漠; 第二次去杜拜, 已經唔想走來走去, 但選擇住沙漠渡假酒店, 舒適一點去沙漠玩!

【首次踏足沙漠 - 報當地團】

當地任何旅行社都可以安排的。行程方面, 有一日團, 日落團, 騎駱駝團, 玩滑沙團.. 等。

日落團:
- 下午五時左右開始, 乘坐4x4四驅車 (應該比較舒適)。
- 先係沙丘間風馳電掣, 都幾刺激。
- 最後會到沙漠營地, 欣賞日落、食晚飯、睇舞蹈表演, 非常充實!

【再去沙漠 - 沙漠渡假之旅】

第二次去杜拜, 小弟選擇住宿位置沙漠中的 resort。舊時去 Resort 就係海邊。沙漠係一個新嘗試!

好 d 咩玩? 面對沙漠 Villa infinity Pool、隨便走出露台就出沙漠、房間看動物走過 (見到小鹿、駱駝、羚羊)、參加酒店既騎駱駝 / 騎馬 / 滑沙板 / 表演 / 生態講述.. (成身沙又成身汗) 玩完可以隨時番房沖涼休息。✌

-----
初次去一個地方, 往往會急忙參觀。
有時舊地重遊, 才會選擇以悠閒節奏去真正體驗。

#杜拜 #沙漠 #一日遊 #渡假

11/04/2017

奢華的沙漠皇國 - 淺談杜拜之到此一遊

【沙漠世界的人造綠州】
要感受奢華氣派, 來杜拜旅遊最合適。沙漠地帶, 但林立各浮誇建築... 去盡情吃喝玩樂, 先可感受真正箇中樂趣!

【世界最高大的景點】
杜拜景點, 好似唔太多... 要影靚相或會有d失望呢。主要參觀地方有 Dubai downtown、Atlantis the Palm 棕櫚島、Deira 舊城區、Marina、Jumeirah Beach 等。

其中, Downtown 既 Dubai Mall 同 Burj Khalifa 係旅客必看的。有全球最高樓同最巨大 Shopping Mall。記得要欣賞 Dubai Fountain 每 30 分鐘一次既大型噴水池免費演出!

【到處是主題樂園】
另外, 有 d 主題樂園都好得意。例外, Wild Wadi 水上樂園 (帆船酒店旁)、Mall of Emirates 入面 Ski Dubai (世上最大室內滑雪場)、Aquaventure Waterpark (穿過水族館的滑水梯)。

---
杜拜, 令我感覺有太多奇妙的矛盾:
街頭神秘的蒙面阿拉伯女人、世界各地來的“外勞”、城市急速發展而建的浮誇建築...

21/02/2017

"震撼"的千湖沙漠!! 風沙裡的實況

15/02/2017

異國奇景 - 巴西 "千湖沙漠"

忙左一排, 終於可以寫埋巴西篇終章! 哩個地方唔分享唔得, 因為真係好特別: 千湖沙漠 Lencois Maranhenses。

【有湖的沙漠? 】
位處巴西中部海岸附近, 旱季時有如沙漠一樣; 但到雨季時, 雨水會被沙丘下既岩石層儲住, 而變成一個又一個藍綠色既湖泊。有湖有魚有沙, 屬罕見既地型環境, 因此被列為巴西其中一個國家公園。

【雞同鴨講之城市】
為左去千湖沙漠, 必先長途跋涉。最近有機場的城市 Sao Luiz, 一個高樓林立的海邊市鎮。但唔好expect 同 Miami / Gold Coast 一樣.. Sao Luiz 應該係住宅區, 如果唔識 Portguese, 要用英文去搵旅行社安排 Daytrip, 係極度困難! 走左好幾間旅行社, 雞同鴨講情況下靠 Google Translate, 先book到下一日既daytrip。

【行程好辛苦！】
由 Sao Luiz 晨早出發, 大約單程要 4hr 真正去到... 坐四驅車, 過河過橋, 最後行入沙丘。相片睇落係好靚, 但身處當地感到環境頗為惡劣... 風好大, 尤其逆風上沙丘時, 寸步難行。同團有個伯伯行到好似跪係沙咁。風吹起沙同水, 搞到成身沙塵, 拎相機出黎影相最好小心入晒沙！

-----

最後, 炎熱陽光下, 我跳入了晶透湖水裡。
心想, 作為一個遠道而來的旅客, 一生人, 可以多少次去巴西的 “世外桃源” 呢？
辛苦, 反而為圓滿的旅程添加滿足感。^^

#千湖沙漠 #巴西

15/12/2016

勇闖大瀑布!
眼都擘唔大, 睇番原來咁好笑~~

22/11/2016

大瀑布探險之旅 (阿根廷篇)

【跨境入瀑布】
要完整地參觀瀑布, 單係去巴西瀑布國家公園, 難免未夠深刻, 所以個人認為, 一定要安排一日去阿根廷瀑布國家公園。

注意 1. 出入境
Foz do Iguacu 方便地有過境巴士, 前往阿根廷接壤城市。當地人過關好方便, 但我地作為旅客要注意一下, 記得妥善辦理出入境手續, 唔係隨時會非法出入境架。

注意 2. 到埗交通
離開巴西邊境, 貨幣同 Data Simcard 都已經冇用! 感覺阿根廷當地交通比較混亂, 我只係急忙間同幾個當地旅客 Share 的士去國家公園, 唔太清楚發生咩事! 建議要先做足功課呢。

【惡魔之舌 Garganta del Diablo】
公園面積比巴西更大, 大致可分為 "上, 中, 下" 三段路線。中段建架於瀑布上游, 水平面距離, 睇住河水由瀑布面開始準備向下傾瀉。

最精彩係上段, 坐小火車到最入面既 “惡魔之舌”, 係一個人工平台, 建於瀑布最險要之處。被稱為魔鬼之瀑布, 水流非常急速, 水花四濺, 瀑布聲嘈到聽唔到其他野, 有一百萬個震撼!

【坐艇入瀑布】
落到下段路線, 可以去到底部角度繼續欣賞大瀑布。未玩夠的話, 建議坐小艇到瀑布底探險。(留到最後先坐艇仔會好d, 因為一定濕晒..)

---
叫做到過阿根廷一遊, 下次一定要再去阿根廷其他地方 (唔知幾時先有南極之旅呢...) 。

#阿根廷 #瀑布

01/11/2016

大瀑布探險之旅 (巴西篇)
【世界級自然奇觀】

去巴西另一重點, 係南部伊瓜蘇瀑布 Iguacu 。佢係世上三大瀑布之一, 橫跨南美三個國家, 包括巴西、阿根廷和巴拉圭。要深入真正欣賞, 就要至少兩日, 巴西為遠觀，阿根廷則作近距離感受。

【 Foz do Iguacu 】
巴西段一般由小城鎮 Foz do Iguacu 出發。哩個鎮係巴西邊境 , 由 Rio 或 Sao Paulo 直航黎大約 2 小時。作為參觀瀑布基地, 車站有方便前往瀑布國家公園既巴士; 酒店亦有多款 Day Tour 可以選擇, 唔識 Portuguese 都唔使太擔心。

【大瀑布之 Day 1 】
國家公園似一個大型主題公樂園。裡面有多款遊玩園區。如果好似我咁唔夠時間 (朝早坐飛機到, 得下晝半日), 就可以直接去睇睇瀑布。

精彩之處在於瀑布下游, 沿參觀路線一直伸展至瀑布正中心。
觀光徑外, 又有觀景電梯同塔, 可以係唔同高度角度探索瀑布, 畫面非常震撼! 四面被瀑布包圍, 瀑布裡更會不時形成彩虹, 好似世外桃源咁, 或者覺得自己去左史前侏羅紀公園。

---
即使見過更多現代宏偉建築、七大建築, 但無一能媲美自然形成既偉大奇景。

03/10/2016

踏足新七大奇觀 - 巴西耶穌像

【真奇觀】
耶穌像位置險峻山上, 究竟點樣興建哩個咁有象徵性的神像呢...!? 被選為新世界七大奇觀, 我對佢"有幾奇"都無庸置疑吧。

【參觀請早】
與其他世界奇觀一樣, 耶穌像每日招待成千上萬的旅客。但有一點係需要特別注意: 與長城、泰姬陵、羅馬鬥獸場等明顯不同, 係耶穌像座落山上, 所以唔會有寛廣的地方, 而只有一個面積有限的平台。

所以, 強烈建議要一早登山, 如果唔係上山落山, 同耶穌合照都只會迫到嘔。

【講天氣】
另外, 天氣亦非常重要。即使山下天晴, 只會有一朵雲飄落在耶穌山, 耶穌都會隨時唔露真身! 所以, 買車票時站內會有天氣預報, 說明當日山上能見度, 記得好天先上山呀!

---
耶穌像約隱約現, 令我深感與佢相見, 係要一份緣。

06/09/2016

遠走高飛~
遙遠他郷衝上雲霄見耶穌 :-p

31/08/2016

飛到 “耶穌” 身邊

【心血來潮上直升機】

本身只計劃上里約麵包山行下。當日意外地天朗氣清, 去到山腰直升機場, 竟然突有一絲衝動, 要以最特別方式, 欣賞哩座城市美態。
就係咁, 我坐上了人生第一次直升機。

【飽覽 Rio 山水風光】

直升機遊提供多條路線, 我選擇左歷時13分鐘, 盛惠 R$560 既入門路線。

雖然只係13分鐘, 竟令我留下巴西之旅最深刻回憶! 濃縮在短短 13 分鐘裡, 飽覽各個著名海灘、城區奇妙地型。Ipanema、Copacabana、Ridrigo Lagoon, 山與海同城市緊密融合, 風光如畫。

【見到耶穌, 最感動一刻】

直升機飛近耶穌山 Corcovado, 圍繞盤旋。駝峰之巔, 里約市內最高點, 懸崖峭壁上矗立著傳說一樣的耶穌像 Christ the Redeemer, 張開雙臂, 默默守護里約及世人一樣。

當時係好有感動, 能夠用最美麗角度欣賞哩座 7大奇觀, 長途跋涉黎到南美洲, 已經此程無悔, 值回所有票價! 😂

---
旅行, 不要多想, 只去做;
未曾期待反而有意想不到收獲。

22/08/2016

情迷里約! 最美麗的城市

無論去參與奧運, 或者去旅行工作, 去過里約既人, 相信唔可能忘記 Rio 有幾靚。巴西當地人方言, 甚至話 "上帝七日創作世界, 第八日創造里約"!!

【湖光山色之城】
Rio 係好特別既海岸城市。有長長沙灘海岸線, 內陸有湖, 仲有不同形狀既山脈, 形成世上最美既海灣。其實同香港有少少似。

【 Sugarloaf Mountain 】
要欣賞呢個城市嘅美態, 最適合登上著名的麵包山。登山時間有兩個建議: 1) 藍天白雲時 2) 日落西山。一見天晴, 我就立即選擇上山! 😂

【無敵大海景】
上山要坐纜車, 第一站係平台 / 直升機場 / 設施, 大部分時間會留係到活動; 第二站係麵包山山頂, 地方比較細, 但適合高處欣賞里約風光。只要天氣好, 無論耶穌像山、Copacabana 同 Ipanema 海灘、里約港口, 每一個角度都咁靚。

【戶外至愛】
當地人熱愛戶外活動, 山上可以玩攀岩, 遊繩等。參觀完, 除左可以沿纜車下山, 其實更加可以選擇行路落山! 似香港行山徑 (難度 2星), 唔太多風景欣賞, 但會係唔錯體驗。

---
值得一去, 又那怕坐 30 多小時飛機

16/08/2016

告別印度: New Delhi

終於去到印度最後一站: 新德里。

與之前參觀的城市與別不同, 因為番到黎城市。新德里更係一個大城市, 係印度最繁華之都會。感覺都算唔大差, 起碼行街同出外用膳有唔少選擇!

旅遊方面, 新德里係新舊交集。除左有歷史古蹟, 亦有新式建築, 非常多野睇。

【 Laxminarayan Temple 】
印度教神廟 - 令人印象深刻的紅黃主色, 由外到內都好得意。

【 Lotus Temple 】
世界大同教教堂 - 蓮花外型與眾不同, 出污泥而不染..?! 感覺和諧寧靜。

【 Jama Masjid 】
印度最大的清真寺 - 好多印度人去參拜, 雖然周邊社區環境一般般, 但個人覺得好有風貌。👍

【 Akshardham - Hindu Temple 】
全球最大印度教神廟 - 但又要入場費又要寄存行李!! 😠

【 Jantar Mantar 】
古天文台 - 比 Jaipur 細但十分精緻, 佈景都幾適合影人。

---
【歷歷在目的旅途】
不知不覺, 印度之旅就完左。本來對治安、飲食、交通等各種擔憂, 最後一掃而空, 無驚無險。
反而就見識左好多新事物, 令旅程各個片段都留下深刻印象。

02/08/2016

華麗之最: 泰姬陵 Taj Mahal

終於黎到印度之旅最期待的 Agra, 踏足新七大世界奇觀之一的所在地。

【急不及待晨早入場】
記住泰姬陵為印度最多人參觀的地方, 如果要舒服觀賞, 請務必愈早入場!!!

當日 6am 出發, 即場就會搵到 tour guide 帶領入場。一小時 Tour guide 只係 HKD100 左右, 但本人覺得非常值得, 因為有人帶領解說 (更重要係揸機影相, 因為三腳架 / 自拍杆都冇得入場!!)

【終身美麗】
被選為新七大奇觀, 泰姬陵當之無愧。由外面花園水池、入面巧奪天工的寶石雕刻、左右完美對稱的建築特色、加上純白色大理石的主建築, 泰姬陵每個角度都近乎完美。可能係我見過最靚既建築物。

【 Agra 一日遊】
由清晨逗留至正午左右, 人潮愈來愈擠擁, 就係時候離開。如去 Agra 係一日遊的話, 建議清晨泰姬陵, 之後因應時間參觀 Agra Fort 、皇宮 Musamman Burj 、“迷你”泰姬陵等。

黃昏建議去泰姬陵河對面的 Mehtab Bagh Garden 欣賞日落, 咁 Agra 之旅就完滿地結束。

---
不看泰姬陵，就不算到過印度

20/07/2016

炎熱之國: 印度 - 粉紅城市: Jaipur

下一站, 由 Jodhpur 坐火車前往 Jaipur。Jaipur 係一個人口密集既城市, 城市本身唔會有太大吸引力, 但佢既景點卻非常特別!

【風之宮殿 Hawa Mahal】
位於市中心, 別具特式。外面係平面紅色外牆, 但入面建築充滿立體結構。每個窗戶都好通風, 因此稱為風之宮殿, 係 Jaipur 必到景點。
👍 旅遊指數 ☆☆☆☆☆

【琥珀堡 Amer Fort 】
16 世紀山上皇宮, 都有唔小影相位, 但要花時間慢慢搵, 因為入面有如活迷宮一樣, 岩玩捉迷藏 😂 對我黎講, 參觀重點係騎大象上山 (但小心因影相被收小費)
👍 旅遊指數 ☆☆☆☆

【古天文臺 Jantar Mantar 】
展出多個古代觀測天象儀器, 有趣而具科學性, 適合安排與皇宮博物館一同參觀。
👍 旅遊指數 ☆☆☆

【梯級古井 Step Well 】
最意外係參觀印度古井! Jaipur 的古井並非出名, 但其中一個位於 Amer Fort 附近村莊, 搵左好耐先知叫 “Panna meena ka kund”, 非常值得去望望, 因為超得意, 上上落落, 高高低低 👍
👍 旅遊指數 ☆☆☆☆☆

Jaipur 係正, 但另一方面都唔能掉以輕心。例如, 坐車買野要講價、街上人山人海 / "牛象" 混雜、去古井途中更驚見野豬... 等等。
我深感真正置身於印度, 會令人又愛又恨....

---

小記:【印度坐火車】
首先, 唔可以太大期望吧!
建議1: 加錢選擇比較好的坐位;
建議2: 記得預早到火車站, 因為火車站混亂, 指示好唔清晰, 隨時搵唔到邊個月台/邊一卡上車...

06/07/2016

炎熱之國: 印度 - 沙漠之旅 Osian

去 Jodhpur 另一原因, 係想去沙漠玩。當地旅行社有多款 desert safari 或 daytrip 可供選擇。

【小綠洲 Osian Daytrip】
Local tour 安排私家車, 前往個多小時車程外的沙漠邊境。下車就有小孩帶著駱駝迎接我。原來今日導遊, 係 15 歲的小孩! 行程就係經沙漠去佢屋企。

【印度遍遠村莊體會】
去佢屋企騎駱駝要成一個鐘... 中途冇得休息。村莊非常簡陋, 電子設備欠奉。行程包括村莊享用午餐, 好似唔太岩食... 但係小孩熱情款待下, 我都有食到! 🙈

最後又坐番駱駝去坐車走。村莊小孩們每日番學出入回坐要2小時, 放假仲幫屋企人接送旅客。到最後, 小孩無主動問我攞 tips, 單純又生性, 實在感動 👍

---
反璞歸真的快樂

29/06/2016

炎熱之國: 印度 - 第一站 Jodhpur

近日香港熱浪迫人, 但都不及當時的印度金三角之旅。印度金三角, 就係北印三個地方: Dehli, Jaipur, Agra, 而我就加埋 Jodhpur。

【行程簡介】
雖然自己勇闖印度前, “臨時” 改左行程, 因為想最好天氣既一日去 Agra, 但計劃旅程並不太困難。全程主要坐火車/巴士/的士, 去到酒店先就當天環境, 再計劃參觀咩景點:

HKG > 直飛 > New Delhi > 內陸機 > Jodhpur > Jaipur > Aqua > New Delhi > HKG

【第一站: Jodhpur 藍色城市】
尤如摩洛哥風情的藍色城市! 位於印度西北的沙漠地帶。小弟主要想參觀 Mehrangrah Fort (沙漠堡壘) & Jaswant Thada (白色宮殿)。

山坡上的沙堡壘非常宏偉! 位於險要山堐上, 面積很廣。可先進內參觀, 再到戶外宮殿外圍欣賞風景。特別推薦到城牆上, 由高俯瞰藍色城市之全景。

【包車走盡景點】
至於白色宮殿 Jaswant Thada, 不如沙堡壘宏偉, 但由地板到外牆到內宮裝飾, 都非常精緻, 值得一去。

除外, Jodhpur 市內仲有多個景點, 高溫下包車一日係必需的。例如 Umaid Bhawan Palace (大皇宮), 市中心廣場公園, night markets 等, 不過觀賞價值見仁見智。XD

---
待續..

20/06/2016

回味愛沙
最近認識有人去了 Estonia, 令我突然回想起 Tallinn 之旅。

【方便前往 Estonia】
瑞典+ 芬蘭之旅, 加插愛沙尼亞之小插曲, 其實十分容易的。除左消費便宜, 交通亦算方便。由 Stockholm 到塔林, 可以坐一晚過夜船, 係郵輪級的, 可能仲舒服過訓酒店! 由 Helsinki 去 Tallinn, 就好似香港去澳門一樣咁快。

【舊城區】
基本上景點全部集中 Old Town。從紅頂城牆進入古城, 由最熱鬧的 Town Hall 為中心點出發。
除左參觀特色教堂, 例如必經過之 St. Nicholas Church & Alexander Cathedral, 又穿梭於舊城區的小街窄巷, 感受別有一番風味。

【登上觀景台】
最後, 一定要搵到 Toompea Hill 山坡上的Viewpoint, 個人認為係必到影相位, 鳥瞰舊城區風景。

---
就像回到古老童話裡一樣的塔林 - 低調而寧靜, 遠離繁囂。

07/06/2016

1歐元的比利時窩夫?

比利時布魯塞爾, 個人覺得係一個適合 "到此一遊" 的城市。唔係特別鍾意行博物館皇宮, 所以覺得唔大多野好睇.. 因為順路經過, 所以留左一夜, 漫步布魯塞爾~

【大廣場 Grand Place】
精緻而密集, 無論遠觀、近看, 都一樣美麗。
感覺有如 Munich 中央的廣場, 但更加金碧輝煌。

【撒尿小孩】
會唔會係歐洲最細小的景點嗎…?
不過佢已經4百幾歲, 又識得不停換唔同衣服, 黎 Brussels 無理由唔隨便睇下佢尿尿!

【食 Waffles】
最後豈能錯過食窩夫。整條街都寫住 1 Euro Waffles... 係伏 😂
1 Euro 只係餅底... 仲要加錢加 toppings 架 😂 所以建議搵間出名好食既仲好!

31/05/2016

Amsterdam 最愛運河在那裡

阿姆斯特丹係運河之城, 整個城市都比運河覆蓋, 非常複雜! 仲記得當時浪費左好多時間, 亂咁走又迷路...

之後先發覺, 其實只要留係最內面的三環, 已經可以又快又簡單欣賞靚河風景~

【Singel (最內環)】
最 Signature 的市中心運河, 是旅客的必經之處。花市場附近景觀特別美。

【Herengracht (第二內環)】
名為 Golden Bend 一段, 近 shopping 區, 影相亦可以去 Leidsegracht 交界。

【Keizersgracht (第三內環)】
與 Reguliersgracht 交界, 有精緻的小屋, 夾雜在狹窄河道的兩旁。

---
雖然迷路, 但旅遊時尋尋覓覓, 別有一番樂趣

24/05/2016

荷蘭風車村比較

荷蘭風車無數, 最出名可以諗起兩個: 小孩堤防及 Zaanse 風車村。究竟去邊個好呢？

【Zaanse Schans 風車村】
如果住 Amsterdam, 去 Zaanse 係好選擇, 主要因為貪方便! 坐火車一個小時左右直到 ✌

沿河邊一路走, 會見到一座座風車。全部保養得好好, 有少少似新一樣, 但因此個人認為缺少左自然和諧感。

環境優美, 配合歐陸洋房花園, 仿如渡假村。若果想輕鬆的一日遊、散步、漫遊, 風車村不會令人失望的。

方便舒適: ☆☆☆☆☆
休閒環境: ☆☆☆☆
觀賞價值: ☆☆☆

【Kinderdijk 小孩堤防】
被列為世界文化遺產, 但要去絕非容易。如果住 Ams, 就要先坐火車去 Rotterdam, 再搭個多小時巴士去, 非常費時又昂貴。

遠看是廣闊的大地, 上面每一段距離就座落風車。相比下, 風車好似好細小 😅, 但我竟沒有一刻覺得風車平凡... 反而身處一望無際既大地之中, 原始的風車與自然和諧共存。亦會令我開始思考水利工程的奧秘。

雖然無 Zaanse 的修飾, 但小孩堤防毫不俗氣、不商業化, 令我非常難忘。😚

方便舒適: ☆☆☆
休閒環境: ☆☆☆☆
觀賞價值: ☆☆☆☆☆

---
小孩堤防??
原來因為 15 世紀的一場大洪水, 有個小孩被安全地沖到這裡

18/05/2016

[無聊篇] 可愛的木乃伊

食完飛機餐, 空姐拎住兩杯茶, 迷茫地問我:

“你知唔知邊個叫左茶?” 😅

12/05/2016

【"被消失" 的梨花洞壁畫】

早前有報道話花樓梯被清洗了.. 覺得好可惜。
估唔到, 壁畫村都會發生 "被消失" 事件。

當日參觀時, 我仲心諗韓國人都幾重視藝術, 以壁畫活化社區。
點知未幾, 梨花村居民因不滿旅客滋擾, 將壁畫都清除!

所以唯有珍惜眼前景物, 去多 D 旅行開眼界, 先係旅行既意義。😎

---

其實仲有幾多壁畫仍然被保留下來呢?

Address

旅遊小分享 :) 所到之處的點滴, 決不輕易忘記

Website

facebook.com

Alerts

Be the first to know and let us send you an email when 五十步看百步 Travelsome【自遊記】 posts news and promotions. Your email address will not be used for any other purpose, and you can unsubscribe at any time.

Videos

千湖沙漠 Lencois Maranhenses

"震撼"的千湖沙漠!! 風沙裡的實況

彩虹大瀑布 - Iguazu Waterfall

勇闖大瀑布! 眼都擘唔大, 睇番原來咁好笑~~

Rio Helicopter Ride

遠走高飛~ 遙遠他郷衝上雲霄見耶穌 :-p #rio #brazil #travel #christoredentor #helicopter

make a wish if you see meteor

星空攝影受天文達人興趣感染下, 我都小牛試刀, 學下影星軌影左2x分鐘, 3x張相, 先整到幾秒長既短片... 有機會要係香港再玩下 (如果香港有咁多星星的話 )

Shortcuts

Address
Alerts
Videos
Claim ownership or report listing
Want your business to be the top-listed Travel Agency?

Country:

City: