09/07/2022
تفاصيل فيزا بريطانيا🇬🇧
١- الفيزا بيتقدم عليها من خلال موقع للخارجية البريطانية "
https://visas-immigration.service.gov.uk/alt-language-selection-skip-visa?fbclid=IwAR19IBDEv21LR2ntBuS17_11JMMVMnwu-VjdLGMrfEctwZzV3oE0jFgVur0
" فى أسأله كتيره أختلفت عن الموقع القديم visa4uk وفى اسأله كتيره زادت
٢- بعد ما بتخلص ال Application بتختار محتاج الفيزا كام شهر ( ٦ شهور - سنتين - ٥ سنين - ١٠ سنين )
٣- بتدفع قيمة الفيزا بالدولار
من أول شهر ديسمبر ٢٠١٨ , مكتب التأشيرات ف عمان مبقاش ياخد أى أوراق أصلية للعملاء ( كانت الأوراق بتسافر لمكتب التأشيرات ف عمان وقت دراسة ملف العميل ) , مكتب TLS بعد تعليمات الخارجية البريطانية بقي بيعمل Scan للأوراق بتاعتك ويبعتها لمكتب التأشيرات وأنت بتقدم ورقك فى ساعتها.
وأنت ماشى بتاخد كل ورقك الأصلي , وبتسيب جواز سفرك .. طيب بيحصل ايه ف جواز السفر؟ بيفضل ف TLS لحين صدور قرار مكتب التأشيرات ف عمان , لو هتاخد الفيزا بيبعتو ال فيزا DHL وبتتلزق على باسبورك هنا وبيجيلك رسالة يطلبو منك تيجي تستلم باسبورك
أيه الجديد؟ الجديد أنه من يوم الخميس الى فات ١١-أبريل , الخارجية البريطانية أصدرت تعليماتها لمكاتب التأشيرات على مستوى العالم ومنهم TLS بأن العميل لازم هوا بنفسه الى يعمل Scan للأوراق بتاعته قبل ميعاد التقديم بحد أقصى ٢٤ ساعه غرامة انك تروح بورقك من غير سكان = ٥٠٠ جنيه
كده بقي فى عمليتين منفصلتين , الأولى بتاعة ال Application والدفع وتحديد المعاد ودى بتتم على موقع الخارجية البريطانية و التانية وهي Scan للأوراق بتاعتك ودا بيحصل عن طريق موبايلك IOS- Andorid عن طريق برنامج " eDossierSolo "
البرنامج سهل وإستخدامة بسيط جدا , ودى أول صفحه ف البرنامج .. بتعمل Log in عن طريق TLS Reference الى بيبقي معاك وكمان ال Pin Code ودول الأتنين بيبقو معاك لما بتبدأ ال Application بتاعك
ال TLS Reference بتبدأ دايما بGWF والPin Code دا بيجيلك على الأيميل أول ما تعمل الأبكليشن بتاعتك . وبعدين من هنا تقدر ترفع الأوراق بتاعتك: ١- بتقدر ترفع الاوراق لحد ٢٤ ساعه قبل معاد السفر
٢- بتقدر ترفع أوراقك سواء PDF او JPG سواء موجودين على موبايلك او تصورهم وترفعهم ف ساعتها
All words used in any translation are there to help. The English version of the questions will be used to assess your application.
