25/08/2020
شلون الرحالة! اليوم راح احچيلكم عن رحلتي لبرشلونة 😍
طبعاً اني عايش بلجيكا وحجزت طيارة ذهاب وعودة كلفتني 250€ قبل رأس السنة بيومين وتعرفون بهذا الوقت بالذات تكون الحجوزات كلش غالية، يعني بالايام العادية تكون الحجوزات ارخص بهواي.. وتگدرون تحجزون باصات ايضاً للناس الي عايشة في اوربا، وبالنسبة لجو برشلونة برأس السنة كان جداً حلو رغم في بلجيكا كان الجو برد كلش، بس اسبانيا بالعموم جوها مشابهة لدولنا العربية وبالصيف تكون حارة جداً
وبالنسبة لحجوزات الفنادق اني دائماً احجز عن طريق Booking.comلان سهل وكل ما تحجز بي هواي كلما عضويتك تترقى اكثر .. الفندق چان 180€ باليلة وخمس نجوم ⭐️ وبالايام العادية يكون ارخص بهواي
واكيد اغلب الناس تروح برشلونة حتى تزور ملعب Camp Nou
دخولية الملعب والنزول للارضية ودخول غرف تبديل الملابس وقاعة المؤتمرات وكل هذا ب 37 يورو
برشلونة بيها هواي اماكن تگدرون تزوروها مثل كنيسة العائلة المقدسة (لا ساجاراد فاميليا)
شارع لا رامبلا (لاس رامبلاس)
تل مونتجويك والنافورة السحرية
حديقة جويل
متحف بيكاسو
جبل تيبيدابو
شاطئ برشلونيتا
هواي اماكن ثانية
اني سويت فيديو على اليوتيوب حتى اشوفكم جمالية هذي المدينة
هذا رابط الفيديو على قناتي
https://youtu.be/sg0e5kfyk6A
