09/09/2021
رحلة 3 ليالى فى دهب , الرحلة شاملة الاقامة والانتقالات والوجبات
الاقامة هتكون فى كامب صن رايز فى قلب الممشى ودقيقة واحدة من سريرك للبحر
الباص بيتحرك من القاهرة يوم الاربعاء بليل , هنوصل دهب الخميس الصبح , هنسكن فى الكامب ( الغرف كلها مكيفة وبحمام خاص )
يوم الخميس :
هنتحرك بالعربيات على الثرى بولز هنعمل سنوركلينج هناك ( من احسن الاماكن للسنوركلينج فى العالم , هنعوم وسط 3 حمامات سباحة من الشعب المرجانية )
بعدها هنركب بيتش باجى وهنطلع وادى قنى
وبليل هنروح اللاجونة هنشوى ونتعشى هناك
يوم الجمعة :
هنفطر فى الكامب وهنتحرك بالعربيات على البلوهول ومن البلوهول هناخد زودياك على راس ابوجالوم هنعمل سنوركلينج فى راس ابوجالوم قبل مانتحرك على البلولاجون (من اهدى الاماكن اللى ممكن تزورها فى مصر) بعد قعدة البلو لاجون اللى مش هننساها هنرجع على الكامب هنعمل حفلة على قدنا ونتعشى و ننام على طول عشان هنبقى قضينا يوم طويل وعملنا نشاطات كتير وكمان عشان تانى يوم هنصحى بدرى
يوم السبت :
هنصحى بدرى وهنتحرك على الساعة 7 نركب يخت فى البحرهنفطر على اليخت و هنقضى عليه طول النهار , هيبقى معانا معدات الغطس وهننزل نغطس كلنا سوا وطبعا هيبقى معانا مدربين غطس ( كل اللى عليك انك تسيب نفسك للمدرب وتسمع كلامه ) هنطلع من الغطسة نتغدى على اليخت وقبل المغرب هنرجع تانى على الكامب , هنسهر فى الكامب مع بعض , وممكن ننزل نشترى شوية هدايا من الممشى
يوم الاحد :
هنفطر فى الكامب والساعة 11 هيجيلنا الباص اللى هيرجعنا للقاهرة
هندفع كام : الرحلة دى كلها ب 2850 جنيه للفرد
شاملة ايه : شاملة كل اللى قولنا فوق اللى هو : الانتفالات من القاهرة لدهب والرجوع للقاهرة + الاقامة فى كامب صن رايزبالفطار +العشا + كل الانتقالات الداخلية+الغطس + عدة السنوركلينج
العدد لا يقل عن 7افراد ولايزيد عن 30 فرد
للتواصل : 01223246629
