سرافيس جبلة اللاذقية

20/09/2016

الله يستر انشالله مافي اصابات وانشالله تمر عخير
اشتعال النار بسرفيس جبلة الاذقية قبل جسر المزيرعة بقليل

18/07/2015

التصنيف الرئيسي للمعاونين قسمين :
* القسم الاول وهو اللي بيكون خايف من الشوفير
* القسم الثاني وهو اللي بيكون الشوفير خايف منو لانو غالبا بيكون ابنو لصاحب السيارة ..
طبعا لسا في تقسيمات مفصلة أكتر بس هي بشكل عام ..

07/02/2015

خبرونا شو اخبار الخط بعد زمان للناس المغتربة تعرف شو عم يصير بالبلد .. كم الأجرة. . وين اول الخط ووين اخرو .. من جبلة لمفرق الجوبة بقديش ؟ .. للكلية البحرية ؟ .. هاتو لنشوف. .

08/12/2014

مبارح عمو شوفير السرفيس حقق حلمو اللي كان بيحلمو من شهر انو حصل عركاب من درجة 3 ب1
1-دبرو حالكون شباب صبايا اربعات اربعات شايفيين الزحمة
2-من هلا اسمعوا ماواصل غير عالكراج الكراج الجديد
3-لمولنا هالاجار بالله خمساوسبعينات لو سمحتو
وهيك رجع عالبيت وحكا لاهلو انا الييوم انتصرت عالطلاب المساكيين

17/11/2014

مسا الخير جميعا عودة موفقة للصفحة
خبرونا شو عندكون حكي كتير وكتير عن ازمتكون مع السرافيس

18/04/2013

04/12/2011

مافي اسهل عند الشوفير بوقت الزحمة إنو يقول : دبرو حالكن دبرو حالكن لو أربعة أربعة واندحشو سوا شباب بنات ما فرق المهم شكلولي سرفيس مكدوس
لا والأنكا إنو قدام فاضي لإنو المستر شوفير ما بيحب يضايق حالو ويطلع أكتر من راكب قدام واحد وبس منشان ياخد رياحتو
ومع هاد : " حاسبونا ورا عن 16 راكب "
كم أنت كبير ياهالشوفير

04/12/2011

هل الختيار شخصية حقيقة ؟؟ أم اسطورة .؟ كل ما يعرف عنه أنو طاقيتو أديداس ...O.o

04/12/2011

من ورشة الحب،وكراج الوفاء أهديك
تابلو محبة، وأشطمان غرام
بحبك للصاجة
شوفير رومانسي يكتب قصيدة غزل ...^_^

03/12/2011

مباشر من قلب الحدث : إجى الراكب بدو يأفلم عالشوفير من الصبح طالع من دوار العلبي عالفروة وبدو يستغل خط سرافيس جبلة اللاذقية وعطاه ١٠٠٠ كرمال خمس ليرات ...قام نزل الشوفير من السرفيس وصرف ١٠٠٠ من البقالية وأخد الخمس ليرات :))))

09/11/2011

نبشر الركاب الأعزاء بأنه لن تروا هذه السرافيس إلا بالصور ولن تحلموا بها عل أرض الواقع فلنشكر الله على مكرمة مشاهدة الصور^^

09/11/2011

27/10/2011

مكاري جبلة اللادئية ..

13/10/2011

أول نوع ::::::::::::::::::: معاون قلبو قوي و شجاع ::::::::::::::::::::::
...................................
هوايته يحط سائق السرفيس بمشاكل لسبب بسيط جدا انو بدو مصلحتو للشوفير .. فهو قادر يقنعو للشوفير انو يطول بالو وما يتحرك حتى لو اشرلو الشرطي انو لازم يمشي .. ولما يجهز الشرطي المخالفة بتلاقيه نزل اول واحد بدو يعلق مع الشرطي .. طبعا على غير العادة بهيك حالات بيكون الشوفير مسالم وما بدو مشاكل .. وحتى لما يصير مشكلة ..اي مشكلة كانت بيقلو الشوفير طول بالك طول بالك وهدي أعصابك
بتلاقي المعاون التفت هيك عالشوفير ونظرلو نظرة استعطاف إنو والله انا بستاهل أكتر من يللي عم تعطيني ياه عأعمالي وبطولاتي..!
- لما يوقف الشوفير عند بياع القهوة عالاتستراد بتلاقيه فورا شال القنية الفاضية من الجيب ورا ضهر الشوفير ونط عالبراد بدلها بوحدة مليانة .
- مستعد يطلع نصو إذا ما تلت رباعو من الشباك فدا الراكب يللي بيقعد عأول مقعد جمب الباب في حال كان ذكر أو انثى ..
ملاحظة:ادفع فورا لهادا المعاون واول ماتطلع قلو وين بدك تنزل ...!!

13/10/2011

باعتبارنا ماشيين بقصة المعاونين .. شو رأيكم نبدا نفصل شوي بتصنيفاتهم وكيف ممكن يكونو مع احترامنا لكل معاون عالخط ..

04/10/2011

وهللللللللللللأ أحدث الصور الملتقطة للمعاون حمودة .. منشان يللي ما بيعرفو يتعرف عليه :>

01/10/2011

أتت إلي والدمع في عينيها .. عن الخروج منعاها أبويها .. أيخافون عليها من عيون الشباب .. أم يخافون على الشباب .. من سحر عينيهااا ...
عبارة حلوة مكتوبة بقلب السرفيس .. عفكرة هاد أحسن وأرتب سرفيس بشوفو عالخط .. صدفت حدا طلع فيه ؟؟

30/09/2011

التصنيف الرئيسي للمعاونين قسمين :
* القسم الاول وهو اللي بيكون خايف من الشوفير
* القسم الثاني وهو اللي بيكون الشوفير خايف منو لانو غالبا بيكون ابنو لصاحب السيارة ..
طبعا لسا في تقسيمات مفصلة أكتر بس هي بشكل عام ..

13/09/2011

انتو ملاحظين معي شغلة ... !! انو كل العبارات اللي بيحطوا السرافيس بتتركز عموضوع واحد ألا وهو غدر الزمن والعالم يللي فيه الشوفير يعني عاساس لو كان عايش بمحل تاني كان ما حدا رح يغدر فيه أو كانت رح تظهر إبداعاتو يللي ما ظهرت بهالزمن وبين هالبشر !! ...شي بيكتبلك انو صادوني غدر... !! ليش ولك حبيبي عصفور دوري انت حتى يصيدوك ولا كناري وما عارفين !!... وبعدين الصيد بشكل عام بيكون غير غدر يعني مثلاً ؟ولا مرة شفت صياد عم بيقول للفريسة تبعو انو بدو يصيدا...شو بيعرفني خلوا ع الله ...

10/09/2011

الأدمن نايم صرلو يومين مسافر عامل استجمام .. طيب الركاب ليش نايمين ؟؟ لك لاتكونو محسبين الأدمن هو الشوفير !؟؟ هههه معلش المفتاح بالسرفيس أي حدا يدور ويمشي ^_^ .. صباحكم ورد ...

09/09/2011

أهلا وسهلا بكل الاعضاء الجداد معنا عالخط وهي صرنا 33 راكب يعني في سرفيسين وفي خمس ركاب ناطرين السرفيس الجاية ... نورتو وخليونا نشوف ابداعاتكم بما يتعلق بالسرافيس وخصوصاً سرافيس أهم خط بالوطن .. جبلة اللاذقية .. *_*

08/09/2011

شايف اليوم ما في حركة كتير عالخط وين العالم وين .. يعني إذا الطريق مراقب بالرادار منبطل نروح ونرجع ... ما عاد حدا سأل ..

07/09/2011

فينو حدا يقلي ليش فنجان القهوة ما بينكب مع الشوفير ومستعد يحطو بأي محل انشالله عالمراية .. بيمنا إي راكب بمجرد يمسك فنجان القهوة وينطلق السرفيس .. يعتبر حالو تسبح بالقهوة هاد إذا ما سبح الجيران معو كمان ......!!!!!!!!

07/09/2011

سبق وحكينا إنو في كام سؤال لازم نعرف الجواب عليهم لنعرف نبدا بداية موفقة ( طبعا واحد من أهم أهداف الصفحة هو التسلاية وتغيير الجو لهيك بالإضافة للنقاشات والموضوعات رح يكون الطابع الفكاهي هو الطاغي ) منرجع للأسئلة .. رح ارجع ذكر بالسؤالين الماضيين وضفلهم لسا سؤالين :
(( 1 )) : ليش الشوفيريه بسمو السرفيس سياره ؟؟
(( 2 )) : ليش المعاون حموده (تبع الرميله) بيشتغل مع كل السرافيس ؟؟
(( 3 )) : هلا في أعرف ليش كل شوفيرية السرافيس بنجدو المقاعدبـ((( ورشة صافيتا للتنجيد)))) هلا معقولة بكل اللاذقية ما في ورشة تنجيد ..؟؟
(( 4 )) : بأي منطق بيسألك المعاون لما تعطيه 25 ليرة .. واحد ؟؟؟

06/09/2011

ومن هلأ صار عنوان الصفحة
https://www.facebook.com/jableh.lattakia.microbus
وصار فينا نوصللها بسرعة كمان .. اهلا وسهلا فيكم كمان مرة :) ..

06/09/2011

الله حيووو الشباااب قربنا نطبق تاني سرفيس .. يلا شدو الهمة ورجعولنا عالبوستات يللي تحت وخدو بخاطرن :) ..

06/09/2011

أهم شي بسرافيس جبلة اللادقية وأهم نقطة هيي المرايا اللي بحطا الشوفير من جوا مشان تبين ملامح وشو وعيونو من كل الجهات مشان المعجبات ما يتعذبو بالتطليع....
وفي أسلوب تاني كمان حلو أنو يكتب رقم تلفونو فوق إحدى هالمرايات وبخلي المعاون ينكت لينتبهو النسوان عالرقم ... :D

05/09/2011

هلأ أول شي في كام سؤال ببالي .. لازم نعرف نجاوب عليهم ونتفق عإجابة وحدة لنعرف نكمل .. هنن أكتر من سؤال بس رح اطرهم شوي شوي وكل يومين سؤال ..
(( 1 )) : ليش الشوفيريه بسمو السرفيس سياره ؟؟
(( 2 )) : ليش المعاون حموده (تبع الرميله) بيشتغل مع كل السرافيس ؟؟
تفضلو بالإجابة بدون استرسال .. وبس نخلص منجيب باقي الأسئلة :)

05/09/2011

وأخيرا اكتمل اول سرفيس .. هلأ صار فينا نمشي مشوار وناخد ونعطي شوي بالموضوع .. اهلا وسهلا فيكم بميكرو جبلة اللاذقية .. منورين ويلا تشبثوووا ..

05/09/2011

وهي صرتا 12 راكب .. لسا راكبين منطبق أول سرفيس ومنمشي :) شدو الهمة يا شباب ..