祐玩祐食歎世界

Home
祐玩祐食歎世界

愛玩、愛吃、愛旅遊的女生，閒時喜歡在家動手做料理。
部落格一向多圖? 主部落格www.yuyau.com瀏覧次數達1000萬。

25/12/2023

Merry Christmas 🎄

14/12/2023

帶茱比去咗壽司郎最新分店，佢拎到限量totebag超開心😊

話說有開幕限定「極上大吞拿魚腩壽司🐟」優惠價$12一件，我地當然把握機會食啦😋😋😋

食食吓聽到附近有個男人食完，店員過去數碟嘅時候嘅對話～

男：唔知點解有兩碟黑色碟送咗黎，我冇叫過

店員（睇佢點餐記錄）：先生係叫咗兩碟$27嘅「特選大吞拿魚腩壽司」

男：大吞拿魚腩唔係$12咩？

店員：$12係「極上大吞拿魚腩壽司」，而先生點嘅係「特選大吞拿魚腩壽司」，平板上面有顯示價錢．．．

男：總之我叫嘅係$12個隻，唔知點解用黑碟送過嚟。

店員：明白，先生如果對餐點有疑問，可以係送黎嘅時候同我地提出。

男：都係一樣嘅野，你地員工鍾意用黑碟紅碟裝都得格。我唔知點解佢用黑色碟喎！

最後個員工真係幫佢將個兩碟改做$12，仲要話「唔好意思令到先生你誤會」

我哋聽到O曬咀，真係咁都得😳😳😳😳

#壽司郎

11/12/2023

茱比農夫look👩‍🌾去睇花花、坐小火車

由博多車站坐20分鐘巴士🚌就到福岡市動植物園。園內分動物園同植物園，我地先睇完動物再去睇花花。由於之前喺動物園行得太多路，我地俾錢坐小火車遊園區，順便休息下，再喺植物園附近影吓相就走。

植物園好多地方都冇去到，下次再去要預多少少時間。

#福岡 #福岡子連れスポット

07/12/2023

為慶祝Hello Kitty 50周年，日本McDonald 推出50款Hello Kitty 毛絨公仔掛飾。除咗麥當勞制服同埋50週年特別設計在內的四款限定公仔外，仲有Hello Kitty 歴年嘅造型，好似婚紗、美人魚、士多啤梨等．．．

由12月15日起，買開心樂園餐就有一隻。

不過對於遊客黎講，要儲齊50隻都真係有難度呢！

（我努力同緊自己講唔好儲）
🫣🫣🫣🫣🫣😆😆😆😆

05/12/2023

上星期帶咗茱比去新開嘅遊樂場玩，完全低估左個區嘅小朋友數目😅勁多人呢😱😱

新公園佔地約6,400平方米，設有多種類鞦韆及不同高度嘅滑梯，其中高超過六米、長超過十三米嘅旋轉滑梯係目前康文署轄下遊樂場最高及最長滑梯呢！！

單睇個旋轉滑梯已經超刺激！仲有一系列攀爬架、繩網陣等。呢個公園嘅設施適合年紀較大嘅小朋友，雖然都有D設施岩幼童，但由於唔係獨立分開幼童區（共融遊樂場），人又多、小朋友玩起上嚟橫沖直撞在所難免，所以茱比玩左次滑梯（sir sir 下俾人撞😭）平𧗽木同韆鞦就走。

行返去南昌站嘅時候發現有個公園仔，正正係對面馬路，完全冇人可以包場玩，D滑梯更適合幼童，茱比玩得開心放電成功👍🏻

深水埗公園絕對推薦俾防禦力比較高嘅小朋友
好似茱比咁仲係拎緊新手包嘅話，遲少少先去挑戰或避開繁忙時間啦😆（朋友話朝早7點去冇乜人，未到9點已經好多人）

#深水埗公園 #深水埗公園共融遊樂場

04/12/2023

機場禁區限定cinnamoroll玉桂狗cafe

有賣一系列玉桂狗美食～有玉桂狗三文治、玉桂狗曲奇、棉花糖特飲、玉桂狗雪糕等，超可愛超想食😍

另外仲有多款玉桂狗限定產品（好想買行李牌）

有興趣嘅朋友記得預時間去睇下，位置近11號登機閘口呢～

#玉桂狗 #香港國際機場

03/12/2023

大家有冇覺得Kura壽司個中奬機率低咗？

唔知係咪同佢推出嘅每碟+10円，保證玩三中一有關？？

（呢個要一入座order 前揀定）

我連去兩次分別食咗20碟同15碟都唔中😭😭，不過食咁多都只係百零蚊港幣埋單真係好抵👍🏻

#福岡旅行

30/11/2023

《不是垃圾筒》

McDonald 嘅開心樂園餐玩具相信大家都玩過，原來日本McDonald 有專門回收玩具嘅垃圾桶～

回收嘅玩具會用嚟整托盤（圖中綠色嗰隻）

下次係日本McDonald 見到呢個箱，千祈唔好掉垃圾入去呀⚠️

27/11/2023

記得上年岩岩通關去日本嘅時候，只有東京先飲到7-11嘅smoothie, 大阪都仲未有得賣～

到今年去咗福岡三次，有賣smoothie 嘅分店多咗好多，幾乎日日都飲一杯😋

280円一杯真係好抵飲👍🏻👍🏻👍🏻

17/11/2023

去太牢府天滿宮求學問求合格

據說摸御神牛頭，頭腦會變得聰明。大個隻太多人排隊，摸下細嗰隻都一樣😊

求左個學業御守俾茱比，超鍾意❤️笑曬口拎住唔放！

去太牢府必食梅枝餅，好似香港懷舊小食嘅豆沙燒餅，新鮮出爐嘅話除咗入面口感煙韌外，餅皮係有少少脆架！

⚠️推bb車上唔到紅橋，要行左、右邊小徑去天滿宮，建議行右邊小徑，景色靚啲

17/11/2023

兩杯飲得嘅甜品~~

Pudding drink🍮同埋Komeda Coffee soft cream☕️🍦

兩杯都好好味😋

Pudding drink入面真係有布甸呢～

12/11/2023

記得好耐之前、岩岩新開嘅時候有入過去機場個免費淋浴設施睇吓，估唔到咁多年之後終於有機會用～

《爆片爆果汁救星》😂😂😂😂

係飛機上面因為氣壓問題，包果汁一開就噴到茱比成手成頸成腳都係，即使用濕紙巾抹完，都總係覺得立痴痴😅

加上臨落機佢整咗一篤，落機我就抱住佢九秒九衝去淋浴間換片沖身換衫，乾淨晒先去過關拎行李。

淋浴間熱水穩定，有沐浴露洗頭水，仲有風筒吹頭。另有自助售賣機買牙膏、牙刷毛巾等等．．．不過我嗰日去到部機壞咗😅

（好彩背囊入邊長期有毛巾仔同埋替換衫褲😉）

親子使用tips:
🚿淋浴間分開男女，帶住小朋友一打一沖涼可能會有難道（我都係因為有婆婆幫手先決定帶佢入去沖身）
🚿推BB車就去尾房嘅傷殘人士個格，大D
🚿只有傷殘人士格係活動花灑
🚿傷殘格冇活動風筒
🚿傷殘格唔係乾濕分明，去水有D慢，家長有機會濕腳

#親子旅行 #免費淋浴間

11/11/2023

上星期由布院已經有紅葉🍁，相信今個星期應該仲靚

本身完全冇諗過呢個trip可以見到紅葉，始終九州位置比較南～
行去金鱗湖個時遠遠見到黃葉已經好開心。行近少少，嘩！紅葉呀🍁！

闊別四年，再見到紅葉真係好感動🥹

11/11/2023

返到香港見到呢間playhouse 做到星期日，而家做緊半價，即刻約埋朋友仔同茱比一齊去玩～

有Hot Wheels、Barbie同Thomas 小火車，估唔到茱比鍾意車車多過Barbie😆😆

雖然佢地太細冇得自己揸車同埋坐小火車，但個場好多野玩，波波池、沙池、滑行車仔、彈床等．．．都夠佢地玩足100分鐘👍🏻

‼️80cm 以下小朋友免費入場‼️我買張成人票就入到去玩，半價左只係$59，好抵玩😁😁

08/11/2023

Blue Bottle 喺博多站開左Pop Up Store!

可能個入口唔係好顯眼，每次經過都唔係好多人，隔離賣甜品仲多人。

期間限定店至到11月27日。

07/11/2023

《人氣長龍店 - 挽肉と米》

可謂一位難求，要提早上網搶位或者付出1000円買位。

今次去福岡店居然可以唔使預約、唔使等位，walk in 即刻有位，超lucky 🥳

加上茱比咁啱瞓着咗，唔使顧住佢，真係雙重lucky 呢🎉🎉

但親子遊諗住帶小朋友到店嘅話千萬要注意‼️‼️

⚠️B B車要放埋一邊，必要時要摺起
⚠️唔可以抱住BB係前面食，一定要用揹帶揹係後面（好彩有帶Kony+hip seat, 如果唔係我搞唔掂）
⚠️冇bb櫈提供
⚠️如果茱比冇瞓，佢要坐嘅話，就計一個位，要點一個餐。而且只可以坐係同大人一樣嘅高圓櫈上面，即係坐我隔離個位。

⭕️有提供兒童餐具，但我估我應該餵唔到佢食😅

所以真係咁岩佢瞓咗先有得入去食呢～

#福岡美食 #福岡親子遊 #挽肉と米 #挽肉與米 #親子旅遊 #親子旅行 #親子遊 #一歲旅行

06/11/2023

Lawson Spy family 非賣品，買指定產品就送，有8款folders 、5款襟章，最後今日。

係日本嘅朋友有興趣去睇下啦😊

05/11/2023

每次去日本見到便利店都會入去睇吓有咩新產品

每晚返酒店前會買好多返酒店食／飲，即使晚餐食到超飽

當你以為已經試晒新產品之後，又會發現有好多之前未見過嘅產品出現，好想試吓

仲有好多因為太好味而要一試再試．．．

#一日六七餐
#月巴月巴月巴

04/11/2023

食個Komeda 早餐先

茱比唔肯食多士，買咗M記粟米枝豆俾佢食，坐定定一粒一粒咁食👍🏻

為食B有（佢鍾意嘅）野食就得😆

01/11/2023

勁甜

冇番薯味

31/10/2023

萬聖節Kuromi macaron❤️

20/10/2023

記得一年前帶住佢去箱根，要同老公輪流留喺房度睇住佢，交替咁快快落去浸個溫泉或食消夜拉麵🍜

話咁快，呢隻茱比已經fing開我隻手自己sir滑梯，嗰剎那突然覺得佢已經唔再係bb lu(眼濕濕🥹)

小朋友真係大得快

17/10/2023

福岡綿花糖甜品

彈彈綿花糖波波下面係雲尼拿雪糕，外型好可愛，打卡一流

呢個人氣甜品估唔到係出自伯伯出品，即叫即整，連D綿花糖都係即場打出黎。口感非常軟綿，唔會好甜，份量唔算多，一個人食岩岩好。

另外叫左杯夏雲，用咗唐津檸檬做成啫喱+檸檬汁，上面放上棉花糖，味道帶點甘苦，係大人嘅味道。

#福岡美食

11/10/2023

買咗適合一歲B B食嘅蝦條🦐
比平時食開嘅蝦條減40%鹽，同埋短一半，可以一啖一條，茱比勁鍾意食😋

我試過，口感同一般蝦條一樣，但就淡好多👍🏻就算唔係俾小朋友食都可以買黎自己食。

08/10/2023

注意⚠️

地鐵只維持有限度的隧道段鐵路服務

各位小心注意安全！

‼️西鐵綫屯門至錦上路已經暫停，我地好彩坐到尾班車離開大西北

06/10/2023

#福岡景點-Marine world 海之中道水族館，非常適合帶小朋友去玩，尤其係夏天嘅時候，外面三十幾度，水族館就有冷氣有瓦遮頭唔怕曬又唔怕落雨。

水族館有好多show，可以近距離見到海洋生物。千祈唔好錯過海瀨餵食show, 全日本得三隻，而呢度就有一隻。

👶🏻B B車🆗
⭕️育嬰室冷氣夠
⚠️海洋劇場冇冷氣，前排有機會濕身
😊可以買魚仔餵海獅
👍🏻免費迷你記念照

#親子活動 #親子 #香港媽媽 #水族館 #女の子ベビー #福岡旅行 #育兒日記 #成長日記 #親子好去處 #成長記錄 #海の中道海浜公園

05/10/2023

福岡必食明太子放題

叫個定食或丼定食就可以任食明太子、高菜、味噌湯同白飯👍🏻👍🏻👍🏻

Lunch 每人1890円，除咗有魚生、天婦羅外，大啖大啖食明太子飯真係超滿足！我地每人食左一兜明太子同兩碗飯，好飽啊～

最抵食係早餐時間，700円左右嘅定食都係可以任食明太子、白飯同味噌湯。不過就預咗要排隊～我地上次九點幾去已經截龍🥲🥲

👶🏻B B車可以入
❌B B櫈

#福岡美食 #明太子放題 #任食明太子 #魚生飯 #博多站美食 #喜水丸

04/10/2023

福岡之旅 Day 2

一歲B B睇海洋劇場，識睇又識俾反應！

#福岡 #日本親子遊 #水族館

03/10/2023

帶茱比去行下新商場

幾乎每間食肆門外都有好多人排隊（唔係間間有得拎定飛行住等位），food court更加人頭湧湧（推住bb車好難入去😅）。不過D舖頭大約未夠9點閂晒，餐廳就閂9:30-10:00pm。9點後最旺係m記，收11pm。

帶B B可以去SMILEY MOMENT Exhibition影相打卡，或空中花園行下。⚠️如果入mini copper pop up store就小心D，有啲大少少嘅小朋友當D車係遊樂設施，跑跑跳跳大力開門閂門，俾佢地撞到就唔好😅

商場有得借B B車，又有育嬰室、免費水機等baby friendly 配套。

搵日平日去睇吓D餐廳會唔會易啲入座先～

#啟德

30/09/2023

福岡之旅day 2

去水族館睇魚魚

四個月嘅時候去沖繩嘅水族館成舊飯仲未識睇，而家一歲大識得睇魚魚喇

#福岡旅行 #日本親子遊 #福岡親子遊 #

30/09/2023

Baskin-Robbins（BR）嘅Mario 雪糕～

Mario 雪糕有兩款，紅色係黑牛味，綠色係蜜瓜梳打味，而雪糕入面仲有爆炸糖呢！

記得要買兩球先有特別版杯裝～

24/09/2023

日本餐廳好貼心，有提供自家製baby food 比BB👍🏻

而且係免費架！

重點係足料又好味😋茱比超快食完😊

#日本旅行 #福岡旅行

14/09/2023

一家三口一早起身去睇Spy x Family 展😍

大概睇左一個鐘頭多啲，可以重溫返個故事，又可以影下相買下限定商品（不過好貴😅😅）～入場費每人1600 円，我哋覺得好值呢👍

九月24號或之前喺博多嘅話唔好錯過呀😊

#博多駅

13/09/2023

發唔發光就唔知，淨係知普通百事，不過冇汽lor😅😅😅😅

13/09/2023

到福岡必食明太子！

唔想一早起身到中洲排隊食元祖博多明太子飯？有辦法，去博多站就可以。

餐廳食2618円連湯，便當盒只要1814円，少咗個湯，但平左800円～

最緊要係慳咗等位嘅時間😎不過就要搵地方食，我地就當鐵路便當拎上JR食。

#福岡 #福岡美食 #福岡明太子 #博多站 #明太子飯

01/09/2023

曼谷BTS Thong Lo站，除左有必食嘅芒果糯米飯Mae Varee Sweet Sticky Rice with Mang，仲有泰國蠔餅（蚵仔煎）食。

店名叫Hoi Tod Chaw Lae ，不過唔使抬高頭搵招牌，見到門口個蠔仔山同埋個大鐵板就係👍🏻

店面唔大，繁忙時間要等位，不過上菜速度快，D人又會快快手食完就走，所以都唔使等好耐。
店員見到我推B B仲特登俾張四人枱我哋坐，當然要同人搭枱啦。

蠔餅分為脆或軟皮，配料除咗蠔仔外，亦都有青口、蝦、魷魚等．．．再根據大小份收費。想飽肚少少可以叫埋Pad Thai。Menu有英文，唔使擔心睇唔明。

最受歡迎嘅係脆皮蠔餅，泰國style煎到酥脆，似冰花煎餃個層脆皮。蠔仔🦪肥嘟嘟好creamy，配上脆皮口感非常有層次，加埋啲醬點黎食感覺會冇咁熱氣。

叫左支龍眼汁，跟埋杯冰，開頭諗住叫店員收返杯冰直接飲。好彩冇咁做～支龍眼汁好甜，真係要用杯冰溝淡啲先入到口呢～

#曼谷蠔餅 #蠔餅

29/08/2023

長沙灣西班牙菜

餐廳裝潢幾有格調，座位唔多，星期六日好易滿座。

叫左蟹同魷魚可樂餅（croquettes)各一，細細粒幾乎可以一啖一粒😆不過我同老公share, 切半食嘅～兩款都炸到外面脆卜卜，入面塞滿饀料。個人鍾意蟹肉多啲，魷魚嗰粒軟綿綿口感夾雜住煙靭魷魚，有啲似食緊章魚燒。

香辣炸馬鈴薯，唔係普通炸薯波個種，而係一層層正方形嘅薯片叠起黎炸。

Paella 比較深色，賣相普通。份量唔多，兩個人share可以話係剛剛好。不過個飯吸晒啲湯好入味，海鮮都幾新鮮，唔係用雜錦雪藏海鮮黎煮，味道比賣相好。

食西班牙菜點少得Churros，外層滿滿砂糖同肉桂粉，外脆內軟綿。雖然配有雲尼拿雪糕同朱古力醬，但就咁食都好好味，係少數我接受到配肉桂粉食嘅嘢😆

兩個人lunch 食咗四百零，呢餐重質不重量，用黎慶祝下紀念日啦❤️

#長沙灣美食 #西班牙菜

25/08/2023

之前去曼谷旅行，一玩就玩兩三個星期，最鍾意就係周圍搵嘢食。

而家帶住茱比，食嘢都係去商場為主lu。

呢間船麵店，我之前覺得貴好少去食，今次就連食兩次。雖然比一般船麵貴，但麵底配料比外面嘅多，用料亦都好D，而且感覺乾淨衛生，放心帶bb去食。

佢無論豬或牛湯船麵都係有少少辣，不妨叫杯菊花茶沙冰，消暑解辣又無咁熱氣～

#泰國船麵

21/08/2023

之前同茱比去咗Bangkok玩～

原來帶住茱比嘅話，入境嘅時候可以行Fast Track! 我仲以為只係first class, business class或上網買fast track 先得呢😆

除咗我哋兩個之外，冇人排隊，完全唔洗等，直接過關，全程唔使三分鐘。

我哋雖然冇寄艙行李，但有喺香港閘口托運嘅B B車。所以即使咁快過到關都要等BB車送去大型行李領取處。（唔好係行李帶嗰度等BB車）

但總括嚟講仍然係快好多就出到去坐車👍🏻👍🏻

#泰國親子遊 #泰國旅行

17/08/2023

松山纜車～全球最短䌫車，只需80秒就上到山。來回票只係$3！！！

不過無冷氣或風扇，乾蒸80秒都幾辛苦（好焗），好彩山頂有販賣機可以買冰凍嘢飲消消暑。

#週末遊 #感受澳門樂無限 #澳門 #澳門景點

Address

Website

http://www.yuyau.com/

Alerts

Be the first to know and let us send you an email when 祐玩祐食歎世界 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 祐玩祐食歎世界:

Videos

福岡之旅 Day 2 一歲B B睇海洋劇場，識睇又識俾反應！ #福岡 #日本親子遊 #水族館

日本餐廳好貼心，有提供自家製baby food 比BB👍🏻 而且係免費架！重點係足料又好味😋茱比超快食完😊 #日本旅行 #福岡旅行

好誇張！送黎個下呆左😱😱😱 只係$28.5咋！

日清為慶祝ラ王30周年推出售價500円的松露碗麵，內裡有三包“特製醬油”、“特製松露油”及“特製松露醬”。特製醬油湯裡加入了杉樽的湯淺醬油和名古屋雞，而特製松露油和特製松露醬中加入了真松露(0.2%)，很豪華的感覺！！湯底有層次，不油膩，帶有好香松露味，不過賣$30都沒有叉燒片😅要扣分！ #日本旅行 #travelblogger #travelfood #traveljapan #cupnoodle #japanfood #日本便利店 #日本拉麵

日本7-11必試～如果不是日本友人提起我都不知道有這個產品，是即埸現打smoothie😋😋先到雪櫃選擇自己喜歡的口味，結帳後拿到專用機器，按指示操作，1至2分鐘就有一杯新鮮即製smoothie! 共有五款口味，只要300円一杯，便宜、好玩又好味！要注意並非所有分店度有得賣～東京比較容易見到、大阪完全未見過 #711限定 #日本便利店 #東京美食 #smoothie #japantravel #japan #tokyofood #日本親子遊 #東京親子遊 #hkbaby #hkbabygirl #旅行記錄

萬聖節🎃 變身！ #萬聖節 #halloween #disneybaby #disney

搞掂！開返喇！

成千人等過security!!!! 原來關西機場個security system down 咗！連機組人員都唔入得去，入咗去嗰啲人都要出返嚟！ 😱😱😱😱😱😱😱😱😱😱😱😱😱😱

東京發現超巨大軟雪糕🍦 足足有八層、六種口味 😱😱😱😱😱 大家估下幾多錢一杯？

好耐冇出尖沙咀喇！假期未到8點既廣東道，感覺好似夜晚十一點幾咁，冷冷清清～～

開業三日嘅日本抹茶店🍵 抹茶飲品$42起，熱飲8oz、凍飲12oz（即係short同tall size)。如果點100% 有機抹茶既話，現場有專人沏茶，好有儀式感。我叫左Matcha Latte Float，$52，即係抹茶+牛奶+北海道牛奶雪糕。有時飲抹茶latte會有少少苦澀味，呢間就冇，抹茶味唔算濃。而北海道牛奶雪糕冇想像中咁濃奶味，由於凍飲本身冰粒都幾多，除非想再溝淡啲抹茶味，如果唔係可以慳返$10叫Matcha Latte😆。老公叫左熱Matcha Soy Latte$42, 同行友人叫左熱日本Premium抹茶$38，兩位男士係我仲影緊相嘅時候已經飲晒8oz🤣🤣我就冇問佢哋評價，快快脆飲完就走。

成功！賣相不錯吧😎 #麵包

之前住酒店拎咗支冇用過嘅剃刀返屋企，擺喺屋企又唔會用，本來諗住拎去回收，不如順便試吓拆刀片來做𠝹刀，玩下麵包𠝹花。結果(我覺得)大成功！🎊😂😂 ❗️刀片好鋒利，想試嘅話記住小心！ *如果平日有用一次性剃刀，可以先拆去金屬刀片，塑膠部份就可以拿去回收喔～ #麵包 #diy #麵包𠝹花

簡單快捷去鳳梨釘👍 那個聲音好治愈喔~

Shortcuts

Address
Alerts
Contact The Business
Videos
Claim ownership or report listing
Want your business to be the top-listed Travel Agency?

Country:

City:

25/12/2023

14/12/2023

11/12/2023

07/12/2023

05/12/2023

04/12/2023

03/12/2023

30/11/2023

27/11/2023

17/11/2023

17/11/2023

12/11/2023

11/11/2023

11/11/2023

08/11/2023

07/11/2023

06/11/2023

05/11/2023

04/11/2023

01/11/2023

31/10/2023

20/10/2023

17/10/2023

11/10/2023

08/10/2023

06/10/2023

05/10/2023

04/10/2023

03/10/2023

30/09/2023

30/09/2023

24/09/2023

14/09/2023

13/09/2023

13/09/2023

01/09/2023

29/08/2023

25/08/2023

21/08/2023

17/08/2023

Address

Website

Alerts

Contact The Business

Videos

Shortcuts

Share