Ferðamálasamtök Austurlands

16/05/2017

22/03/2017

Hjartanlega til hamingju með nýju heimasíðuna Austfirðingar, við erum rétt að byrja!
www.austurland.is

Það var óneitanlega stór áfangi sem náðist í dag þegar vefurinn www.austurland.is var opnaður.
Ferðamálasamtök Austurlands fóru af stað með þetta verkefni árið 2012 og í dag hafa yfir 200 manns komið að því undir stjórn Austurbrúar og áfangastaðahönnuðarins Daniels Byström.
Það verður spennandi að fylgjast með því í framtíðinni í sameign allra íbúa á Austurlandi.
ÁFRAM VIÐ, FYRIR OKKUR ÖLL OG ÞÁ SEM OKKUR HEIM SÆKJA.

22/03/2017

Það var óneitanlega stór áfangi sem náðist í dag þegar vefurinn www.austurland.is var opnaður.
Ferðamálasamtök Austurlands fóru af stað með þetta verkefni árið 2012 og í dag hafa yfir 200 manns komið að því undir stjórn Austurbrúar og áfangastaðahönnuðarins Daniels Byström.
Það verður spennandi að fylgjast með því í framtíðinni í sameign allra íbúa á Austurlandi.
ÁFRAM VIÐ, FYRIR OKKUR ÖLL OG ÞÁ SEM OKKUR HEIM SÆKJA.

15/11/2016

Þekkir þú þína mjólkurkú? Ekki missa af þessari flottu málstofu og stefnumóti við sérfræðingana!! Dreifið eins og vindurinn og ekki gleyma að skrá ykkur!

08/03/2016

Bendi á þennan fund á Egilsstöðum á morgun!
Munið að skrá ykkur!

Samtök ferðaþjónustunnar og Samtök atvinnulífsins efna til fræðslufundar um samkeppnismál miðvikudaginn 9. mars á Egilsstöðum.… Lesa meira →

07/03/2016

Ferðalag á Vopnafjörð, skoðunarferð, matur og skemmtun og góður fundur!

06/03/2016

Hæhæ,
þau ykkar sem getið ekki verið með okkur á Vopnafirði í dag og kvöld, ég hvet ykkur til að koma í fyrramálið (mánudag 7. mars) og vera með okkur á fundinum.

Gróf dagskrá á mánudag er svona, en við byrjum kl. 10:00 í Miklagarði.

Díana Mjöll opnar daginn
Halla Himintungl gestafyrirlesari, draumsýn á Austurland
Daníel Byström, Áfangastaðurinn Austurland, stöðumat
Hulda Guðnadóttir, menntun og leyfismál
Hákon Guðröðarson, umræður og samantekt.

Endilega takið þátt, gaman væri ef þið hefðuð samband ætlið þið að koma, það væri gott að samnýta bíla ef hægt er!!!

Sendið póstinn áfram á þá sem þið viljið hafa með ykkur þarna :-) Þetta er öllum opið,

Þetta verður megaskemmtilegt, ekki láta ykkur vanta.

Gaman saman - skráðu þig strax og endilega deildu myndinni :-)

03/03/2016

Gaman saman - skráðu þig strax og endilega deildu myndinni :-)

26/03/2015

Ekki missa af "Austurlandi að Glettingi", föstudaginn 27. mars kl. 14:00-17:00.
Ferðaþjónustuaðilar taka á móti þér :-)

11/03/2015

AÐALFUNDUR 2015
Fáskrúðsfjörður 30. mars.

25/02/2015

ALLIR AÐ DEILA OG TAKA ÞÁTT!
Fyrirhugað er að halda vinnustofu um gæðakerfið Vakann eins og kynnt er í meðfylgjandi auglýsingu. Vinnustofan verður í þremur hlutum og staðsetning valin út frá því hvar mest þátttaka er, áætlað er að vinnustofan sé kl. 13-17 .

Allir þeir sem eru í umsóknarferli um Vakann eða eru að íhuga að sækja um aðild eru hvattir til að taka þátt í vinnustofunni.
Skráning á vinnustofuna fer fram á heimasíðu Austurbrúar en einnig er hægt að hafa samband við Bergþóru ([email protected]) og í síma 4703804 til að fá nánari upplýsingar eða skrá sig.

07/01/2015

Góð skýrsla til að rýna!

05/11/2014

Kæru ferðaþjónustuaðilar,
vegna fréttatilkynningar Austurbrúar sem send var út í gær um lokun Upplýsingamiðstöðvar Austurlands á Egilsstöðum, hefur stjórn Ferðamálasamtaka Austurlands ákveðið að boða til opins fundar um ferðamál í fjórðungnum Í DAG 5. nóvember KL. 17:00 á Hótel Héraði.

Við vonum að sem flestir mæti, þrátt fyrir stuttan fyrirvara og láti sig þetta mál varða.

Meðfylgjandi er fréttatilkynningin:
Fréttatilkynning 4.11.2014
Upplýsingamiðstöð Austurlands lokað

Vegna rekstrarerfiðleika hefur Upplýsingamiðstöð Austurlands verið lokað og óvíst í hvaða mynd hún opnar að nýju. Ljóst er að um mikla afturför í þjónustu við ferðamenn er að ræða.

Upplýsingamiðstöð Austurlands er staðsett á Egilsstöðum og er landshlutamiðstöð sem hefur verið rekin af Austurbrú. Hennar helsta verkefni er að veita ferðamönnum þjónustu og þannig auka öryggi þeirra. Í ljósi aukningar á ferðamönnum síðustu ár, fjölgun ferðamanna á eigin vegum og fjölgun þeirra að vetri, jarðhræringa norðan Vatnajökuls og veðráttu er ljóst að tilgangur, markmið og almannavarnarhlutverk upplýsingamiðstöðva í öllum landshlutum er gríðarlega mikilvægt.

Undanfarin ár hefur Upplýsingamiðstöð Austurlands verið opin allt árið en ljóst er að mikið fjármagn vantar til að halda heilsársstarfsemi úti. Reksturinn hefur verið mjög erfiður síðustu ár en fjármagn frá Ferðamálastofu Íslands hefur minnkað ár frá ári auk þess sem sveitarfélagið Fljótsdalshérað ákvað nýverið að endurskoða þátt sinn í rekstrinum. Af þessum ástæðum leitar Austurbrú ses. nú allra leiða til að finna rekstri landshlutamiðstöðvarinnar farveg en frá og með 1. nóvember 2014 er hún lokuð og óljóst hvenær og í hvaða mynd hún opnar að nýju.

Aðalfundur SSA setti fram ályktun um rekstur upplýsingamiðstöðva í september. Þar sagði:

„Upplýsingamiðstöðvar [eru] afar mikilvægur þáttur í að fjölga áfangastöðum ferðamanna, vísa þeim leið og tryggja góða umgengni um landið. Því skorar aðalfundur SSA á stjórnvöld að auka fjármagn til upplýsingamiðstöðva á Austurlandi þannig að þeir fjármunir dugi til að þjónusta ferðamenn og auka öryggi þeirra allt árið.“

Stjórn Austurbrúar ses. tekur heilshugar undir ályktun SSA og ítrekar hversu mikið öryggis- og hagsmunamál rekstur Upplýsingamiðstöðvarinnar sé fyrir ferðaþjónustu á svæðinu og þess vegna afar brýnt að henni sé tryggður rekstrargrundvöllur. Upplýsingamiðstöðin sinni grunnþjónustu sem þurfi að vera til staðar svo hægt sé að taka á móti ferðamönnum allt árið.

Nánari upplýsingar veitir Jóna Árný Þórðardóttir, framkvæmdastjóri Austurbrúar, í síma 869 9373.

18/09/2014

Ferðamálasamtök Austurlands hafa í samvinnu við Austurbrú tekið þá ákvörðun að ganga í verkefnið "Hönnun áfangastaðarins Austurland".
Fyrsta vinnustofan er þriðjudaginn 23. september skv. auglýsingu - EKKI LÁTA YKKUR VANTA!! Endilega deilið auglýsingunni :-)