Монгол Тэмээ-999

19/02/2021

"Нутгийн хишиг" хөтөлбөрийн хүрээнд Өмнөговь аймаг Тэмээний төрөлжсөн эмнэлэг байгуулна
Өмнөговь аймаг сүүлийн 17 жил тэмээн сүргээ тасралтгүй өсгөн, 2020 оны эцэст 166.8 мянган тэмээ тоолуулсан нь 2003 оноос хойш 96.6 мянган толгойгоор буюу 2.4 дахин өссөн байна.
Өмнөговь аймгийг 2021-2024 онд хөгжүүлэх "Нутгийн хишиг" хөтөлбөрт тэмээн сүргийн амьдын үнэлэмжийг нэмэгдүүлэх, эдийн засгийн үр ашгийг дээшлүүлэх зорилт тавин ажиллаж байна. Энэ хүрээнд хоёр бөхт тэмээний ашиг шим, физиологи, судлагдаагүй өвчнийг илрүүлэх, оношлох, эмнэл зүй эмчилгээний аргыг боловсруулан нэвтрүүлэх зорилгоор Тэмээний төрөлжсөн эмнэлэг байгуулахаар төлөвлөн ажиллаж байна. Мөн тэмээний ашиг шимийг нэмэгдүүлэх, ингэний сүү, тэмээний ноосоор брэнд бүтээгдэхүүн үйлдвэрлэх, бүтээгдэхүүний ашиг шим, чанарыг тодорхойлох шаардлагатай байгаа юм.
Тэмээн сүргийн үнэлэмжийг нэмэгдүүлэх ажлыг УИХ-ын гишүүн Д.Бат-Эрдэнэ санаачлан, аймагтай хамтран ажиллаж байна.
Тэмээн сүргээ өсгөн үржүүлэх зорилгоор Өмнөговь аймаг олон ажлыг санаачлан хийсэн билээ. Тухайлбал УИХ-ын гишүүн Д.Бат-Эрдэнийн санаачилгаар ингэ ботголох үеэр малчдад мөнгөн урамшуулал "Ботгоны мөнгө" олгосон нь тэмээ өсөхөд дэм болж, тэмээчдэд маш их урам өгч байв.
Мөн 2015 онд "Галбын говийн улаан", "Ханын хэцийн хүрэн" омгийн тэмээдийг үүлдрээр баталгаажуулсан түүхтэй.
2016 онд Өмнөговь аймагт "Монгол тэмээ-999" арга хэмжээг зохион байгуулсан билээ. Дэлхийн гиннесийн дээд амжилтыг шинэчлэн тогтоох уралдаанд газар газрын хурдан 1115 тэмээ бүртгүүлэн уралдсанаас 1108 тэмээ барианы зурхайд орж, гиннесийн амжилтыг шинэчлэн тогтоов.
2019 оны 12-р сарын 14, 15-ны өдрүүдэд Монгол улсын Ерөнхийлөгч Х.Баттулгын ивээл дор "Улсын аварга шалгаруулах хурдан тэмээний уралдаан" өмнийн цэнхэр говь нутагт анх удаа зохион байгуулагдав. Тэмээн соёл уралдааны холбооноос зохион байгуулсан тус уралдаанд тэмээгээрээ алдартай говийн аймгуудаас гадна алс баруун Завхан, тэртээх зүүн хязгаарын Дорнод зэрэг 8 аймгийн тэмээчид 400 орчим шилмэл тэмээтэйгээ ирж оролцсон билээ. Улсын аварга шалгаруулах уралдааны үеэр тэмээчдийн зөвлөгөөнийг зохион байгуулж, 120 гаруй тэмээчид туршлагаа солилцож байв.

31/12/2020

Төр засагтаа хөдөлмөрөө үнэлүүлсэн та бүгддээ баяр хүргэе

27/12/2020

Өмнөговь болох зорилго дор ажиллаж байна. 2020-12-27 буюу Ням гаригт аймгийн Онцгой комисс, сумдын Онцгой комисстой цаг үеийн асуудлаар цахим хурал хийлээ.

✅Мал аж ахуйтай холбоотой өвс тэжээлийг хямдруулах, мал мах бэлтгэх ажлыг үе шаттай зохион байгуулав.

✅500 тонн тэжээлийг үйлдвэрийн буюу хямд үнээр авч малчиддаа борлуулах, улсын нөөцийн аймгийн салбарт байгаа нөөцийн өвс тэжээлийг хямдруулж малчиддаа хүргэх асуудлаар холбогдох яаманд санал хүсэлтээ хүргүүлэв.

✅Эрүүл мэндийн байгууллагад шаардлагатай унаа машин, өр төлбөр ажилчдын илүү цаг зэрэг холбогдох төсөв санхүүг ч мөн шийдвэрлэв. Өөрөөр хэлбэл онцгой үед ажиллах орчин нөхцөлийг сайжруулсан юм.

✅Өвлийг өнтэй давахад холбогдох албаныхан, малчид иргэдийн дэмжлэг оролцоотой хамтран ажиллаж зохих ажлыг хэрэгжүүлж байгаа юм. Тодруулбал УИХ-ын гишүүн Д.Бат-Эрдэнийн санаачилгаар, орон нутгийн өмчит Тавантолгой компаний ТУЗ-ийн шийдвэрээр 60 дээш насны ахмадад 3 тонн нүүрс өгсөн. 800 гаруй сая төгрөгийн өртөг бүхий ажил болсон байна. Мөн аймгаас зохих ажлуудыг санаачлан хэрэгжүүлж байгаа юм.

✅Цаг агаарын сэрэмжлүүлэг мэдээллийг малчид иргэдэд хүртээмжтэй хүргэх, сумдын Онцгой комисс хариуцлагатай ажиллах

✅Өвс тэжээлийн нөөцөө сайн хангахыг сумдын удирдлагуудад анхааруулав.

✅Ковид-19, өвөлжилттэй холбоотой төр засгийн шийдвэрийг цаг алдалгүй хэрэгжүүлж хамтран ажиллах талаар сумдын Онцгой комисс болон холбогдох албаныханд чиглэл өглөө.
Эх сурвалж Өмнөговь аймгийн ОНХА

14/12/2020

Тэмээ-таван хошуу малын минь нэг

Тэмээ- таван амьд эрдэнийн минь нэг

Тэмээ- таван тивийн улсаас манайд олон бий

Тэмээ- тал, хангай, говь гурван нутагт минь бий

14/12/2020

ТҮҮХ СӨХЬЕ

14/12/2020

ЭРГЭН ДУРСАХУЙ.

06/12/2020

11/01/2019