14/12/2023
യാത്രകൾ സംവദിക്കുന്നത് കാഴ്ചകളെ മാത്രമാവുമ്പോൾ അത് ഇന്ദ്രിയ തൃപ്തി മാത്രമാവുന്നു. വിനോദം എന്നതിലുപരി അത്തരം യാത്രകൾക്ക് ഒരുപക്ഷേ അന്തരിന്ദ്രിയങ്ങളോട് സംവേധിക്കാനാവില്ല
എന്നാലീ യാത്ര തികച്ചും ആത്മ നിഷ്ഠമാണ് ഓരോ കാഴ്ചകളും ആത്മാവിനെ തൊട്ട് അറിയും വിധത്തിൽ ഭക്തിയുടെ വിശ്വാസത്തിൻ്റെ അറിവിൻ്റെ നിറവിൽ ഭഗവത് സമക്ഷം സ്വയം സമർപ്പിച്ചു കൊണ്ടുള്ള യാത്ര.
മഹാകുംഭ മേളകളിൽ ആരും കാണാതെ അറിയാതെ ഗുപ്തമായി ഹിമാലയ ഗിരി നിരകളിൽ. നിരതിശയാനന്ദ സുഖസുഷുപ്തിയിലമർന്ന സാധുക്കൾ വരെ മഹാ സ്നാനത്തിന് എത്തുന്ന ത്രിവേണി സംഗമത്തിലെ പ്രയാഗ സ്നാനം . ഭാരത ഭൂവിൻ്റെ പരമ പുരുഷോത്തമനായ ശ്രീ രാമ ജന്മസ്ഥലി അയോദ്ധ്യ ക്ഷേത്രം , മഹാപ്രളയ കാലത്ത് പോലും ഒരിക്കലും നശിക്കാത്ത മരണ മുറങ്ങാത്ത മണി കർണ്ണികയുടെ അവിമുക്ത നഗരമായ വരാണസി എന്ന കാശി വിശ്വ മഹാ ക്ഷേത്രം . ഏതു ശ്രാദ്ധം ആണോ വിഹിതമല്ലാതെ മൃത്യു സ്വീക രിക്കപ്പെടേണ്ട പിതൃവിന് പോലും മോക്ഷം നൽകുന്നത് ഗയശ്രാദ്ധം വിഷ്ണു പാദദർശനം.
ഈ യാത്ര സംവദിക്കുന്നത് കാഴ്ചകളെ മാത്രമല്ല അതിൽ നിറഞ്ഞ അറിവിനെ കൂടിയാണ് ആ ഉൾക്കാഴ്ചയിൽ നിന്ന് കൊണ്ട് പരസ്പരം ഭഗവത് കഥകൾ പറഞ്ഞ് ജപിച്ചും ധ്യാനിച്ചും ഓരോ ആത്മാവിലും നിറഞ്ഞു നിൽക്കുന്ന ഈശ്വരീയ സാന്നിദ്ധ്യത്തെ അറിഞ്ഞു ഓരോ ഇടവും നമ്മിലൂടെ കടന്നു പോകുമ്പോൾ ഒരു പുതു ജന്മത്തിൻ്റെ നിറവുണ്ടാകും നിറമുണ്ടാകും അപ്പൊൾ കാഴ്ചകൾ ദർശനങ്ങൾ ആവും വെളിപാടുകൾ ആവും ഉണർവ്വ് ആവും ഉപരി ആത്മ പുണ്യത്തിൻ്റെ കേദാരമാകും ...
അപ്പൊൾ നമുക്കും ഒരുമിച്ചു ജപിക്കുവാനാകും
മാതാ ച പാർവതി ദേവീ പിതാ ദേവോ മഹേശ്വര:
ബാന്ധവ: ശിവഭക്താശ്ച, സ്വദേശോ ഭുവനത്രയം ॥