08/08/2021
FYI
ការធ្វើដំណើរឆ្លងកាត់ប្រទេសមួយទៅកាន់ប្រទេសមួយទៀតក្នុងគោលបំណងអ្វីក៏ដោយអ្នកដំណើរទាំងអស់ត្រូវតែគោរពទៅតាមច្បាប់ដែលបានចែងក្នុងប្រទេសនោះ។
យ៉ាងណាមិញអាកាសយានដ្ឋានគឺជាកន្លែងដែលអ្នកដំណើរត្រូវឆ្លងកាត់ពេលធ្វើដំណើរតាមផ្លូវអាកាស ក្នុងនោះពេលដែលដំណើរទាំងអស់បានបញ្ជាទិញសំបុត្រយន្តហោះរួចរាល់ហើយ អ្នកដំណើរទាំងអស់ត្រូវមានឯកសារមួយចំនួនទៀតក្នុងការធ្វើដំណើររួមមាន លិខិតឆ្លងដែន(Passport) ទិដ្ឋការ(Visa) ថវិកា (Funds) ដើម្បីអោយប្រាកដថាលោកអ្នកពិតជាអាចធ្វើដំណើរបាន។
ថ្ងៃនេះCambodia Aviation សូមលើកយកប្រធានបទមួយដែលទាក់ទងការធ្វើដំណើរឆ្លងប្រទេសតាមផ្លូវអាកាស ដើម្បីអោយអ្នកទាំងអស់បានយល់ច្បាស់ បើទោះជាក្នុងកាលៈទេសៈកូវីដ យើងមិនអាចចេញក្រៅបានតែវាអាចជាចំនេះដឹងសំរាប់អ្នករាល់គ្នាដែលមានបំណងចង់ធ្វើដំណើរទៅក្រៅប្រទេសក្រោយវិបត្តិកូវីដរលាយបាត់។
តោះយើងនាំគ្នាមកស្គាល់អំពីរបស់សំខាន់ៗហើយចាំបាច់ក្នុងធ្វើដំណើរដែលមិនអាចអត់បាន៖
១. លិខិតឆ្លងដែន ដែលភាសាអង់គ្លេសហៅថា Passport គឺជាឯកសារដ៏សំខាន់បំផុតដែលអាចអ្នកចេញទៅក្រៅប្រទេសបាន វាគឺជាលិខិតបញ្ជាក់អត្តសញ្ញាណអន្តរជាតិដែលទទួលស្គាល់ជាសកល។ សុពភាពរបស់លិខិតឆ្លងដែនមានអាយុកាលចន្លោះពី២ឆ្នាំដល់១០ឆ្នាំ អាស្រ័យលក្ខខ័
ណ្ឌរបស់ម្ចាស់លិខិតឆ្លងដែនក៏ដូចជាច្បាប់របស់ប្រទេសនិមួយៗ។ ឧ. កម្ពុជាសំរាប់លិខិតឆ្លងដែនប្រភេទចាស់មានសុពភាពត្រឹមតែ៣ឆ្នាំតែអាចពន្យាបាន៤ឆ្នាំបន្ថែម សរុប៧ឆ្នាំ។ សំរាប់ប្រភេទថ្មី លិខិតឆ្លងដែនទារកមានសុពភាព២ឆ្នាំ កុមារក្រោម១២ឆ្នាំមានសុពភាព៥ឆ្នាំ និងមនុស្សពេញវ័យមានសុពភាព១០ឆ្នាំ។ លិខិតឆ្លងដែនដែលគ្រប់ស្គាល់ជាទូទៅមាន៣ប្រភេទ ១. លិខិតឆ្លងដែនធម្មតា(Normal Passport) ២. លិខិតឆ្លងដែនផ្លូវការ(Official Passport or Service Passport) ៣. លិខិតឆ្លងដែនការទូត(Diplomatic Passport) លើសពីនេះក៏មានលិខិតឆ្លដែនបន្ទាន់ (Emergency Passport) លិខិតឆ្លងដែនបណ្តោះអាសន្ន(Temporary Passport) និងលិខិតបើកផ្លូវឬលិខិតធ្វើដំណើរ(Travel Document)។
សុពភាពរបស់លិខិតឆ្លងដែនមានសារៈសំខាន់ណាស់ក្នុងការធ្វើដំណើរហើយត្រូវបានចែងក្នុងប្រទេសនិមួយៗដែលអាចទទួលយកបាន។ លិខិតឆ្លងដែនដែលអាចធ្វើដំណើរបានត្រូវមានសុពភាពចាប់ពី៦ខែឡើងគិតពីថ្ងៃទៅដល់គោលដៅ តែមាមប្រទេសមួយចំនួនក៏ទទួលយកសុភាពភាពក្រោម៦ខែរហូតដល់១ថ្ងៃ។ ជាឧទាហរណ៍ ប្រទេសថៃឡង់ទទួលយកលិខិតឆ្លងដែនកម្ពុជាមានសុពភាពចាប់ពី៦ខែឡើង មានន័យថាបើលិខិតឆ្លងដែនរបស់អ្នកមានសុពភាពតិចជាង៦ខែនោះអ្នកមិនអាចធ្វើដំណើរបានទេ។
២. ទិដ្ឋការ ដែលភាសាអង់គ្លេសហៅថា Visa សំរាប់អ្នកធ្លាប់ធ្វើដំណើរប្រហែលស្គាល់រួចមកហើយ ដើម្បីអាចចូលក្នុងប្រទេសមួយបានអ្នកត្រូវដឹងពីច្បាប់របស់ប្រទេសគេបើមិនដូចច្នោះទេនោះអ្នកនឹងរងការចោទប្រកាន់ពីបទឆ្លងដែនខុសច្បាប់ក៏ដូចជាមិនអនុញ្ញាតអោយចូលហើយត្រូវបញ្ជូនត្រលប់មកប្រទេសដើមវិញ ជាពិសេសអ្នកអាចត្រូវជាប់ក្នុងបន្ទប់ឃុំឃាំងថែមទៀតផង។
ទិដ្ឋការត្រូវបានលើកលែងឬអត់អាស្រ័យប្រទេសទាំងពីរបានចុះកិច្ចព្រមព្រៀងក្នុងលក្ខខ័ណ្ឌមួយណា។ លក្ខខ័ណ្ឌរបស់ទិដ្ឋការអាចមានដូចជា ១. មិនត្រូវការ(Visa Not required) ២. ត្រូវការពេលដល់(Visa on arrival) ៣. ត្រូវការមុនពេលចេញដំណើរ (Visa required)។
សូមបញ្ជាក់លក្ខខ័ណ្ឌទាំង៣ខាងលើមិនមែនមានត្រឹមតែប៉ុណ្ណឹងនោះទេ ដើម្បីអោយលក្ខខ័ណ្ឌនិមួយៗមានសុពភាពអ្នកត្រូវមានឯកសារបន្ថែម មានដូចជា សំបុត្រត្រលប់ ថវិកាដើម្បីផ្គត់ផ្គង់ការចំនាយ និង គំរោងច្បាស់លាស់។
ដើម្បីយល់ច្បាស់អ្នកដំណើរទាំងអស់ត្រូវសួរនាំទៅកាន់បុគ្គលិកលក់សំបុត្រអោយបានច្បាស់មុនសម្រេចចិត្តទិញសំបុត្រយន្តហោះ ឬអ្នកទាំងអស់គ្នាអាចយកសង្សាជាបុគ្គលិកបំពេញបែបបទដែលគេហៅថាCheck in សូមPromote អ្នកCheck in តិចចុះ😆😆 ឬក៏យកបុគ្គលិកសេវាកម្មលើផ្ទៃដី ដែលគ្រប់គ្នាហៅថា Ground Staffនោះឯង មានទាំងជំនាញហើយចិត្តស្មោះទៀត។ 😆😆😆
៣. ថវិកាឬលុយ (Funds or Money) ការធ្វើដំណើរទោះជាក្នុងគោលបំណងអ្វីក៏ដោយដាច់ខាតថវិកាជារឿងសំខាន់។ តើមិនអាចស្មានដឹងទេថាយើងមិនយឺតឬខកជើងហោះហើរដែលនាំអោយយើងត្រូវចំនាយថវិកាថែមដើម្បីទិញសំបុត្រថ្មីនោះឡើយ ជាពិសេសសំរាប់អ្នកធ្វើដំណើរក្នុងគោលបំណងកំសាន្តថវិកាពិតជាសំខាន់ដែលមិនអាចខ្វះបាន។ការប្រើប្រាស់លុយសុទ្ធឬCashវាអាចប្រឈមមុខហានិភ័យណាស់ព្រោះក្នុងប្រទេសនិមួយៗមានច្បាប់គ្រប់គ្រងលើសាច់ប្រាក់ដែលហូរចូលប្រទេសគេ អ្នកដំណើរដែលកាន់លុយច្រើនចេញក្រៅប្រទេសអាចជួបហានិភ័យដូចជាត្រូវផាកពិន័យឬអាចប្រឈមមុខការចោទប្រកាន់ពីបទលាងលុយ ជាពិសេសអាចបាត់អំឡុងពេលធ្វើដំណើរ។ ជាការណែនាំអ្នកដំណើរគួរតែមានលុយល្មមបានហើយក្រៅពីនេះអាចប្រើជាVisa debit ឬ Credit card...ដើម្បីជៀងវាងការបាត់និងផាកពិន័យ។
ក្រៅពីនេះមានឯកសារបន្ទាប់បន្សំផ្សេងទៀតដូចជា លិខិតបញ្ជាក់កក់សណ្ឋាគារ លិខិតធានា កាតរស់នៅ ។ ល។
សូមបញ្ជាក់ថាការត្រួតពិនិត្យឯកសារត្រូវប្រាកដថាអ្នកដំណើរទាំងអស់បានចាកចេញពីទៅគោលដៅប្រកដដោយសុវត្ថិភាព ព្រោះថាបើអ្នកដំណើរមានបញ្ហាអ្នកCheck inស្មោះប៉ុណ្ណា😔😔ក៏ដោយក៏គេចមិនរួចពីការពិន័យរបស់ក្រុមហ៊ុនអាកាសចារណ៍ដែលបានដឹកភ្ញៀវនោះទៅដែរ តែក៏មិនភ្លេច😔😔Ground staff 😔😔ដែរទោះប្រាប់ថាមិនដែលក្បត់ក៏មិនរួចខ្លួនដែរ អាជ្ញាធររបស់ប្រទេសនោះនឹងផាកពិន័យដូចគ្នា ហើយទំហំទឹកប្រាប់អាចចាប់ពី២លានរៀលរហូតដល់៤០លាន ហើយក៏អាចលើសពីនេះដែរអាស្រ័យទៅតាមប្រទេសនិមួយ។ អេដមីនធ្លាប់ឆ្លងកាត់ហើយ បទពិសោធន៍ដ៏ជូចត់😆😆😆😆
សូមអរគុណចំពោះការចំនាយពេលអាន។ អេដមីននឹងព្យាយាមរកអត្ថបទល្អៗមកចែករំលែកទៀត។ បើមានចម្ងល់អីអាចសរសេរក្នុងCommentបាន។
