Knock Around - "Backpack Your Travel Dreams"

25/01/2019

30/05/2018

30/05/2018

27/02/2018

ജീവിതത്തിൽ ഒരിക്കൽ എങ്കിലും ഒന്ന് പോയി കാണേണ്ട സ്ഥലം കബനി

By: Nigin Mohan‎

കേരളത്തില്‍ ഉറവപൊട്ടുന്ന നദിയാണ് കബനി. വയനാടന്‍ നിരകളെ തഴുകിയൊഴുകി, പിന്നെ കര്‍ണാടകയിലേക്ക് കടന്ന് കാവേരിയിലലിയുന്നു കബനി. കര്‍ണാടകയിലെ വലിയ വന്യജീവികേന്ദ്രങ്ങളിലൊന്നാണ് കബനി ഫോറസ്റ്റ് റിസര്‍വ്.

മൈസൂറില്‍ നിന്ന് 80 കിലോമീറ്ററും ബാംഗൂരില്‍ നിന്ന് 205 കിലോമീറ്ററും ദൂരമുണ്ട് കബനിയിലേക്ക്. പക്ഷേ, മലയാളിക്ക് ഇവിടെയെത്താന്‍ വളരെയെളുപ്പമാണ്. വയനാട്ടില്‍ നിന്ന് 27 കിലോമീറ്റര്‍. നാഗര്‍ഹോള ദേശീയപാര്‍ക്കിന്റെ ഭാഗമാണ് ഈ നിബിഡ വനം.
55 ഏക്കറില്‍ പരന്നു കിടക്കുന്ന കബനി റിസര്‍വ് മൈസൂര്‍ രാജാക്കന്മാരുടെ പ്രിയപ്പെട്ട വേട്ടനിലമായിരുന്നു. ശിക്കാറില്‍ തല്‍പരരായ എത്രയോ ബ്രിട്ടീഷ് വൈസ്രോയിമാര്‍ ഈ സുന്ദരവനത്തില്‍ കൂടാരമടിച്ച് പാര്‍ത്തിരിക്കുന്നു. കടുവയെ വേട്ടയാടി ഗര്‍വ് കാട്ടിയിരിക്കുന്നു.
വേട്ടക്കാരുടെ കാലം കഴിഞ്ഞു. മൃഗങ്ങളെയും പ്രകൃതിയേയും സ്നേഹിക്കുന്നവരാണ് ഇന്ന് കബനിയിലേക്ക് എത്തുന്നത്. സുഹൃത്തുക്കള്‍ക്കൊപ്പം കബനിയിലെ ജങ്കിള്‍ലോഡ്ജിലായിരുന്നു ഞാന്‍ രണ്ടു രാത്രികള്‍.

കാടിന്റെ വന്യനിശബ്ദതയ്ക്കു നടുവില്‍ രാത്രിയില്‍ കഴിച്ചുകൂട്ടുക വിചിത്രമായ ഒരനുഭവമാണ്. ഇത്രത്തോളം സാഹസികതയില്‍ താല്‍പര്യമില്ലാത്തവര്‍ക്കും കബനിയില്‍ ആസ്വദിക്കാന്‍ ഏറെയുണ്ട്. കബനിക്കു കുറുകേ 1974ല്‍ പണിത ബീച്ചനഹള്ളിയിലെ ഡാം നല്ല കാഴ്ചയാണ്. കുടുംബങ്ങള്‍ക്ക് സ്വസ്ഥമായി വാരാന്ത്യം ചെലവഴിക്കാനുള്ള ഒന്നാന്തരം റിസോര്‍ട്ടുകളും താമസയിടങ്ങളും കബനിയിലുണ്ട്. കാട്ടുപ്രദേശമെന്ന മുന്‍വിധി വേണ്ട, കബനി മനസിനെ കഴുകി വെടിപ്പാക്കുന്ന സുന്ദര അനുഭവമാകും, ഏതു സഞ്ചാരിക്കും ഉറപ്പ്!

വയനാട്ടിലെ മാനന്തവാടിയില്‍ നിന്ന് 27 കിലോമീറ്റര്‍ ദൂരമേയുള്ളൂ നാഗര്‍ഹോള ദേശീയപാര്‍ക്കിന്റെ ഭാഗമായ കബനിയിലേക്ക്. ലോകപൈതൃകപട്ടികയില്‍ ഉള്‍പ്പെടുത്താനായി യുനെസ്കോ പരിഗണിക്കുന്ന ഇടങ്ങളില്‍ ഒന്നാണ് നാഗര്‍ഹോള. സദാ വന്യജീവികളെ വളരെ അടുത്തുനിന്ന് കാണാവുന്ന നാഗര്‍ഹോളയില്‍ ഇതിനായി കര്‍ണാടക സര്‍ക്കാരിന്റെ ജങ്കിള്‍ലോഡ്ജുകള്‍ ഉണ്ട്. കബനി നദി, ബീച്ചിനഹള്ളിയിലെ കബനി അണക്കെട്ട്, എന്നിവയാണ് പ്രധാന ആകര്‍ഷണങ്ങള്‍.

മാനന്തവാടിയില്‍ നിന്ന് കബനിയിലേക്ക് പോകുന്നവര്‍ക്ക് വഴിയില്‍ തിരുനെല്ലി ക്ഷേത്രം, തോല്‍പ്പെട്ടി വന്യജീവിസങ്കേതം എന്നിവിടങ്ങളിലൊക്കെ ഇറങ്ങാം. കബനിനദിയുടെ കേരളത്തിലൂടെ ഒഴുകുന്ന ഭാഗത്തെ തുരുത്താണ് കുറുവദ്വീപ്. കേരള- കര്‍ണാടക അതിര്‍ത്തിയിലെ കുട്ട മറ്റൊരു വിനോദസഞ്ചാരകേന്ദ്രമാണ്. കര്‍ണാടക ടൂറിസം ജങ്കിള്‍ റിസോര്‍ട്ട് ഫോണ്‍: 080-40554055, 080 2558411 ഇന്‍ഫര്‍മേഷന്‍ സെന്റര്‍ 0821 2422096, 080 22352828.

The land of beauty 😍, Kabani

27/02/2018

സഞ്ചാരികളുടെ മനംനിറച്ച് മൂന്നാറിലെ ആറ്റുകാൽ വെള്ളച്ചാട്ടം. ♥

പശ്ചിമഘട്ട മലനിരകളിലെ സമുദ്രനിരപ്പില്‍ നിന്ന് 5200 അടി അല്ലെങ്കില്‍ 1600 മീറ്റര്‍ ഉയരത്തില്‍ സ്ഥിതി ചെയ്യുന്ന ആകര്‍ഷകമായ കൊച്ചു ഹില്‍ സ്റ്റേഷനാണ് മൂന്നാര്‍. മനോഹരമായ വെള്ളച്ചാട്ടങ്ങളാല്‍ ചുറ്റപ്പെട്ടു കിടക്കുന്ന മൂന്നാര്‍ തീര്‍ച്ചയായും സന്ദര്‍ശിക്കേണ്ടതാണ്.

മൂന്നാറില്‍ നിന്ന് പള്ളിവാസലിലേക്കുള്ള വഴിയില്‍ 9 കിലോമീറ്റര്‍ കഴിഞ്ഞാണ് ഈ വെള്ളച്ചാട്ടം. ചുറ്റിലുമുള്ള മലനിരകളും മലമുകളില്‍ നിന്ന് ഇരമ്പിയെത്തുന്ന വെള്ളച്ചാട്ടവും നിങ്ങളുടെ മനസില്‍ ഒളിമങ്ങാതെ കിടക്കും. സാഹസികരായ സഞ്ചാരികള്‍ക്ക് വെള്ളച്ചാട്ടത്തിനു സമീപം ട്രക്കിംഗും നടത്താം.

Attukad Waterfalls, Pallivasal, Kerala
Photo Courtesy (Instagram)

05/01/2018

04/01/2018

26/12/2017

ഒറ്റക്ക്_ഒരു_നേപ്പാൾ_ഊര്തെണ്ടൽ

By: Nithin Sathyan

ിലവ്9400രൂപ


*********
പൊട്ടിയ പ്രണയം, ഏഴു വർഷത്തെ മെഡിക്കൽ വിദ്യാഭ്യാസം, വിശ്രമമില്ലാത്ത ജോലി !! ഒരു കാരണം കണ്ടെത്തി എങ്ങോട്ടെങ്കിലും നാടുവിടുക !!! ഒരിക്കൽ ആശുപത്രി മുറിയിൽ പരിചയപെട്ട തലയ്ക്കു കീഴ്പ്പോട്ടു തളർന്ന 21 വയസുകാരൻ എന്നോട് പറഞ്ഞ അവന്റെ സ്വപ്നം ആണ് എന്നെ ഇവിടെ എത്തിച്ചത്.
"ചേട്ടാ എന്റെ ഒരു സ്വപ്നമാണ് KSRTC busന്റെ സൈഡ് സീറ്റിൽ ഇരുന്നു ഒന്ന് യാത്ര ചെയ്യാൻ "
•
എന്റെ കൈയുടെയും കാലിന്റെയും വില മനസിലാക്കിയ നിമിഷം !!!!!!!!!!
(പിന്നീട് അവൻ അത് സാധിച്ചു )
•
•
•
ഞാനും ഒരു സ്വപനം കണ്ടു , ഒറ്റക്ക് ഒരു യാത്ര, അത് അനിവാര്യം ആണ് !!!!!
* കണ്ടിട്ടില്ലാത്ത കേട്ടിട്ടില്ലാത്ത സ്ഥലത്തു പോകണം,
*എനിക്ക് അറിയാത്ത എന്നെ അറിയാത്ത മനുഷ്യരുടെ കൂടെ യാത്ര ചെയ്യണം
*അറിയാത്ത സംസ്കാരങ്ങളെ, ഭാഷകളെ,മുഖങ്ങളെ തേടി പോകണം
* #തെണ്ടിത്തിരിയണം (Main ഉദ്ദേശം )
പരീക്ഷ കഴിഞ്ഞ പിറ്റേ ദിവസം ഞാൻ വണ്ടി കയറി നേപ്പാളിലേക്ക് !!!!!!!
•
•

•
•
•
Experience
°°°°°°°°°°°°°
ബോർഡർ കടന്നു നേപ്പാളിലേക്ക് കയറിയ എന്റെ ആദ്യ അനുഭവം ഒരു ഭിക്ഷക്കാരി എന്റെ #ചെവിക്കല്ലുനോക്കിത്തന്നഅടി ആയിരുന്നു , ഭിക്ഷ കൊടുക്കാത്തതിന്. പക്ഷെ പിന്നീട് ഞാൻ പരിചയപെട്ടു അറിഞ്ഞ മനുഷ്യർ എന്നെ മത്സരിച്ചു സഹായിച്ച ആളുകൾ ആയിരുന്നു. നേപ്പാളിൽ ഞാൻ പോകുമ്പോൾ തിരഞ്ഞത് അധികം ആരും സഞ്ചരിക്കാത്ത, നാഗരികത തൊട്ടുതീണ്ടാത്ത കുഗ്രാമങ്ങൾ ആയിരുന്നു. അങ്ങനെ ആണ് എന്റെ മുന്നിൽ മർഫയും, കാഗ്‌ബെനിയും, ജോംസോം, മുക്തിനാഥും വരുന്നത്.
•
•
മാരകംമായ സ്ഥലത്തു എത്താൻ മാരകമായ യാത്രയും വേണ്ടി വന്നു. വല്ലപ്പോഴുംമുള്ള പഴഞ്ചൻ ബസ്, കുണ്ടും കുഴിയും പൊടിയും നിറഞ്ഞ വഴി, ചാക്കുകെട്ടുകളും കോഴികളുമായി മടങ്ങുന്ന സഹയാത്രികർ ! ആ യാത്ര ഒരു അനുഭവം ആണ് !!!! കാളിഗന്ധകി നദിയുടെ തീരത്തുകൂടെ, ഹിമാലയ ശിഖരത്തിന്റെ താഴ്വരകളിൽകൂടെ, സഹയാത്രികന്റെ മടിയിലെ ചാക്കിന്റെ മുകളിൽ തലവെച്ച് കിടന്നു ഉറങ്ങി , അവരിൽ ഒരാൾ ആയി ഒരു യാത്ര.
ബസ് അവസാനിച്ചത് Jomsom എന്ന ഗ്രാമത്തിൽ ആയിരുന്നു. ഒരു നട്ടപാതിരായ്ക്ക്. പ്രാണൻ പോകുന്ന തണുപ്പ് (-1°C) !! തപ്പി പിടിച്ചു ഒരു അമ്മച്ചി എനിക്ക് മുറി തന്നു. അവരുടെ വീട്ടിൽ തന്നെ.
ഉറക്കം കഴിഞ്ഞു മുറിക്കു പുറത്തോട്ടു ഇറങ്ങിയ ഞാൻ കണ്ട കാഴ്ച …………
""വെയിലേറ്റ് തിളങ്ങുന്ന സ്വർണത്തിന്റെ നിറമുള്ള ഹിമാലയം ""
മതി ! ! ഇനി തിരിച്ചു പോയാലും സാരമില്ല.
കണ്ണുതിരുമി നോക്കുമ്പോളാണ് എനിക്ക് മനസിലായത് തലേദിവസം പാതിരാക് ഞാൻ വണ്ടിയിറങ്ങിയത് ഒരു ''ആദംത്തിന്റെ എദന്‍തോട്ടതിൽ'' ആയിരുന്നു എന്ന്.
കടുംചായം നിറമുള്ള മഞ്ഞുമരങ്ങൾ, ഉരുളൻക്കല്ലു നിറഞ്ഞ തെളിനീർ അരുവികൾ, കൊടിപറക്കുന്ന തൂക്കുപാലങ്ങൾ, രോമാവൃതമായ ആട്ടിൻപറ്റങ്ങൾ, അവരെ പിന്തുടർന്ന് വരുന്ന ബുദ്ധസന്യാസിമാർ, വിറകുകൾകൊണ്ടും കല്ലുകൾകൊണ്ടും പണിത വീടുകൾ, പൂത്തുഉലഞ്ഞുനിൽകുന്ന ആപ്പിൾ തോട്ടങ്ങൾ, ഇതിന്ന്ല്ലാം അതിരുഇട്ടു നിൽക്കുന്ന മഞ്ഞുമലകൾ ........ !!
" ഹോ സ്വർഗം "
ആ സ്വർഗ്ഗത്തിലെ ഒരു അമ്മച്ചിടെ വീട്ടിൽ ആയിരുന്നു എന്റെ നാല് ദിവസതെ താമസവും ഭക്ഷണവും . തീരുമാനം വെച്ചുനീട്ടി തന്ന "സ്വർഗ"ത്തിൽ നടന്നും,കുമ്മനടിച്ചും ഞാൻ കണ്ടുതീർത്തു.
•
•
മിഴിനനയുന്ന ഓർമ്മകൾ ഉണ്ടെങ്കിൽ ഒറ്റക്ക് ഈ "സ്വർഗത്തിൽ" ഒന്നു വന്നാൽ മതി !!
എന്റെ ഉറപ്പ് !
പുതിയ ഒരു മനുഷ്യൻ ആയി തിരിച്ചു പോവാം !!!!!!!!!!
9400 രൂപ !!!!!!!!
ശരിയാണ് 9400 രൂപ ഒരു തുകയാണ് !!!!
പോക്കറ്റടിച്ചാൽ തീരാവുന്നതേ ഉള്ളൂ !!!!!
ഒരു രോഗം വന്നാൽ തീരാവുന്നതേ ഉള്ളൂ !!!!
വണ്ടിക്കു ഒരു പണി കിട്ടിയ തീരാവുന്നതേ ഉള്ളു !!!!
ഒരു വർഷം കള്ളുകുടിച്ചും പുകവലിച്ചും തീരാവുന്നതേ ഉള്ളൂ !!!!!
നാട്ടുകാര് പലതും പറയും O*KV
പക്ഷെ നീ യാത്രക്ക് ഇറങ്ങിയാൽ.......
ആ ഓർമ്മകൾ ഇന്ത്യൻ സ്വതന്ത്രസമരത്തിന്റെ black and white ചിത്രങ്ങൾ പോലെ തിളങ്ങിതന്നെ നില്കും !!
•
വച്ചു നീട്ടി മടുപ്പിക്കുന്നില്ല !!
ബാക്കി കഥ എന്റെ ക്യാമറ പറയും !!!!!!!
•
•
INFORMATIVE
°°°°°°°°°°°°°°°°°°
അറുകീസുകൾക്കു ഒരു പറുദിസ ആണ് നേപ്പാൾ.
ചിലവ് കുറവ് താമസത്തിനും കൂടുതൽ ഭക്ഷണത്തിനും. അതെ മനസോടു കുടിയും ആണ് ഞാനും പോയത്. ഇതിൽ കുറച്ചും പോയി വരാം. ഉറപ്പ് !!
•
•
IMPORTANT GEARS
(Non equipments )
-----------------------
>അച്ചടക്കം (സാമ്പത്തികം / പെരുമാറ്റം )
>ഭാഷ
>കരുതൽ
•
•
•

സാമ്പത്തിക അച്ചടക്കം
_$$$$$_
പട്ടയും പ്രതിമയും മുതൽ പെണ്ണ് വരെ കിട്ടുന്ന സ്ഥലമാണ് …പതറരുത് !! അവിടെ ഉള്ളവർക്കും നമ്മൾക്കും എന്തിനും ഏതിനും രണ്ടു വിലയാണ്. മാന്യമായും ന്യായമായും വിലപേശുക.
കറൻസി - Nepali rupees (NPR)
1 INR =1.6 NPR
•
•

താമസം
--------------
ചില ദിവസങ്ങൾ ഒഴികെ ബാക്കി ഉള്ള എന്റെ താമസവും ഉറക്കവും ഓടുന്ന busലും റെയിൽവേ സ്റ്റേഷനിലും ആയിരുന്നു. ബസ് നോക്കുമ്പോൾ അങ്ങനെ എടുക്കുക.
Jomsomle എന്റെ 4 ദിവസത്തെ താമസത്തിനും ഭക്ഷണത്തിനും ആകെ ആയതു 1750 രൂപ ആണ്.

Mangal Home stay 312 രൂപ (500 NPR)
( അടിപൊളി മുറി )

Amit Nursing Home -250 രൂപ (400NPR)
ഞാൻ പറഞ്ഞ അമ്മച്ചിടെ വീട്. തരക്കേടില്ല. അമ്മച്ചിടെ മകനെയും കൂട്ടുകാരെയും കൈയിൽ എടുക്കുക. താമസത്തിന്റെ കൂടെ ഭക്ഷണം കൂടെ പറയുക (2 നേരത്തെ ), പുറത്തു ഒടുക്കത്തെ കത്തി ആണ്. അവിടെ നിന്ന് തന്നെ മർഫയും, ടുംബയും മുക്തിനാഥും, കാഗ്‌ബെനിയും കണ്ടുതീർക്കുക.


Hotel Apple park -187 രൂപ (300NPR)
തരക്കേടില്ല.


The Yellow House - 438 രൂപ (700 NPR)
**
Hostel world പോലെ ഉള്ള application pokhraലും കാഠ്മണ്ഡു ലും work ചെയ്യും. പക്ഷെ jomsomൽ പാടാണ്.
•
•

ഭക്ഷണം
-------------
താരതമ്യേന ഏറ്റവും cash വരുന്നത് food ന് ആണ്.
ചോറ് ആണ് അവിടുത്തെക്കർക്കും പ്രീയം.പക്ഷെ costly ആണ്.(ചോറ് കഴിക്കാൻ ആണെങ്കിൽ അങ്ങോട്ട്‌ പോകണ്ട കാര്യം ഇല്ലാലോ ).ഹോട്ടലുകളിലെ വെള്ളം അത്ര വിശ്വസിക്കരുത്. Incase ഭക്ഷണം ചതിച്ചാൽ "വയറ്റിളക്കത്തിനും ഛർദിക്കും " Loperamide, Avomine !!
Cheap ആയി ലഭിക്കുന്നത്.

*chicken mo mo, (37 INR:60 NPR)
*chow mein, (75 INR:120NPR)
*chicken thupka (56 INR:90NPR)
Try thakali meals (125 INR :200 NPR) and
Sokuti (143 INR:230 NPR)
nb:-ഹോട്ടലിൽ കയറുമ്പോൾ Company കൂടിയ നാട്ടുകാരന്റെ കൈയിൽ cash കൊടുക്കുക . അയാൾ ബാക്കി നോക്കിക്കോളും.
:- ബസ് യാത്രകൾക്ക് ഇടയിൽ നിർത്തുന്ന
ഹോട്ടലുകൾ കിഡ്നി പറിക്കും.ഡ്രൈവർകും വേണ്ടേ കമ്മിഷൻ. അതുകൊണ്ട് രാവിലെ ഭക്ഷണം കഴിക്കുന്ന ഹോട്ടലിൽ നിന്നും കൈയിൽ കരുതിയ ടിഫിനിൽ snackso, fruitso കരുതുക. (അവനെ വിറ്റ cash നമ്മുടെ കൈയിൽ ഉണ്ട് ).
:-കുപ്പിയിൽ വെള്ളം നിറച്ചു തന്നെ നിർത്തുക. Aquatabs water purification tablets ഉപകരിക്കും.നോക്കി ഉപയോഗിക്കുക..
•
•

യാത്ര
----------
എന്റെ യാത്ര മുഴുവനും local bus കളിൽ ആയിരുന്നു. ബസുകൾക്കു കൃത്യമായ സമയവുമില്ല Ticketingമില്ല. പുറത്തെ നാട്ടുകാരനാണ് എന്നു അറിഞ്ഞാൽ പിഴിയും. എപ്പോൾ വണ്ടി നിറയുന്നോ അപ്പോൾ വിടും. ആവേശം കൊണ്ട് പുറകിലത്തെ സീറ്റിൽ പോയി ഇരിക്കരുത്. ടാർ ഇട്ട റോഡ് വളരെ അപൂർവംമാണ്. നല്ല പൊടിയും!! എല്ലായിടത്തേക്കും Share Taxiയും ലഭിക്കും, പക്ഷെ ബസിന്റെ ഇരട്ടി ചാർജ് ആവും. യാത്രക്ക് ഇടയിൽ അമ്മച്ചിമാർക്കും അപ്പച്ചന്മാർക്കും വരെ മദ്യത്തിന്റെ മണം ഉണ്ടാകും ( esp.Jomsom ). അവരോട് മാറി ഇരിക്കാൻ ഒന്നും പറയരുത്.
•
•

Ernakulam south to gorakhpur -925 രൂപ
ഇന്ത്യൻ സമതലങ്ങളിലൂടെയും ഗ്രാമങ്ങളിലൂടെയും ഉള്ള ട്രെയിൻ യാത്ര മനോഹരം തന്നെ. യാത്രക്ക് ഇടയിൽ തന്നെ നേപ്പാളിലേക്ക് ഉള്ളവരെ തപ്പിപിടിക്കുക(മുഖം കണ്ടാൽ മനസിലാവും ).
Train എപ്പോഴും 5 മുതൽ 8 മണിക്കൂർ വരെ വൈകി എത്തുകയുള്ളൂ. Gorakhpur railway station കള്ളന്മാരുടെ സാമ്രാജ്യം ആണ് !!ശ്രെദ്ധിക്കുക
•
•

Gorakhpur to sonauli (98km)
Bus 112 രൂപ
First bus 4.30AM, Last Bus 8.30 PM
:-nb sonauli :: india-nepal border
•
Sonauli to pokhra (194km)
Bus -318രൂപ : 510 NPR
•
Pokhra to jomsom (158km)
Bus -718 രൂപ :1050 NPR
വഴി തീരെ മോശം. രാവിലെ 9.30 കഴിഞ്ഞാൽ പിന്നെ bus ഇല്ല. Athu കഴിഞ്ഞാൽ beni വരെ വണ്ടി ഉണ്ടവും. Beniയിൽ ഒരു ദിവസം തങ്ങി പിറ്റേ ദിവസം പോവാം.
•
Jomsom to mukthinath (25KM)
163- രൂപ :260-NPR
25Km നു 163 രൂപ costly ആണ്. പക്ഷെ വണ്ടിയുടെയും ഡ്രൈവറിന്റെയും strain അത്ര തന്നെ ഉണ്ട്. പക്ഷെ കാഴ്ചകൾ അതിമനോഹരം.
രാവിലെ കയറാൻ ശ്രെമിക്കുക !
തിരിച്ചു Kagbenil ഇറങ്ങി കാഴ്ചകൾ കണ്ടു , Kali Gandhaki നദിയുടെ തീരത്തുകൂടെ jomsom എത്താം.
•
Jomsom to kathmandu (360 km)
968 രൂപ : 1550 NPR
Last ബസ് 4.30pm.
ഏകദേശം 16 മണിക്കൂർ യാത്ര ആണ്.
•
Kathmandu to sonauli (264 KM)
525രൂപ :840NPR
വണ്ടി എടുക്കുമ്പോൾ deluxe ആണോ local ആണോ എന്നു ചോദിക്കുക. ഞാൻ കയറിയ വണ്ടിക്ക്‌ 318 രൂപയെ ഉണ്ടായിരുന്നുള്ളു. പക്ഷെ കാളവണ്ടി പോകുന്ന കണ്ടാൽ കൊതി വരും. അത്രേ ഉള്ളു.
:-nb , Local sightseeings ഒക്കെ നടന്ന് തന്നെ കാണുക.അല്ലെങ്കിൽ share taxi എടുക്കുക. TAXI നമ്മുടെ മുറിയുടെ കാശിനു അടുത്തോളം പിഴിയും. നടന്നു മടുത്തെങ്കിൽ കുമ്മനടിക്കുക. ചിലർ നിർത്തും.
:-Front സീറ്റിൽ ഇരിക്കാൻ ശ്രെമിക്കുക..ഡ്രൈവറിനും കിളിക്കും ഇടക്ക് സിഗരറ്റ് വാങ്ങി കൊടുക്കുക. മുറി എടുക്കാനും വണ്ടി നിർത്തി ഫോട്ടോ എടുക്കാനും ഉപകരിക്കും.
•
•

പെരുമാറ്റ അച്ചടക്കം
_¥¥__
ഒരു typical മലയാളിയുടെ അഹങ്കാരം ആയി ദയവു ചെയ്തു പോവരുത്. പലർക്കും പല രീതികൾ ആണ് പ്രേത്യേകിച്ചു Tibetans ന്. മറ്റൊരു രാജ്യം ആണ്. അടിക്കു ഒരു കുറവും ഇല്ലാത്ത നാട് .കാര്യം എടുത്തു ചാട്ടകാര് ആണെങ്കിലും സ്നേഹിച്ച ഇതിലും നല്ല ആളുകൾ വേറെ ഉണ്ടാവില്ല. തലകുനിച്ചു, കണ്ണുഅടച്ചു, കൈകൾ കൂപ്പി "നമസ്തേ" എന്നു പറഞ്ഞാൽ അവരുടെ വീട് നമുക്ക് എഴുതി തരും.(Taashi deleg - ടിബറ്റൻകാരുടെ നമസ്തേ )
ഈ പറഞ്ഞത് കച്ചവടക്കാരുടെ അടുക്കൽ ഏശത്തില്ല.
നിയമവിരുദ്ധം ആണെങ്കിലും കഞ്ചാവിനും, മദിരാശിക്കും, ചാരായതിനും ഒരു കുറവും ഇല്ലാത്ത സ്ഥലംമാണ്. കുട്ടത്തിൽ കള്ളന്മാരും.
•
•
ഭാഷ
--------
ഹിന്ദി ധാരാളം !! നേപ്പാളി ഭാഷയും ആയി ഹിന്ദിക്ക് നല്ല വിത്യാസം ഉണ്ട്. നേപ്പാളി ഹിന്ദുക്കൾക്കും, യുവാക്കൾക്കും ഹിന്ദി നന്നായി മനസിലാകും. ടിബറ്റൻ അമ്മച്ചിമാർക്കും അപ്പച്ചൻമാർക്കും ഹിന്ദി മനസിലാകില്ല. പക്ഷെ ഇംഗ്ലീഷ് നല്ല വശം ഉണ്ട്.
•
•
കരുതൽ
-------*------
രാഷ്ട്രീയം
-----------------
ഹർത്താലുകളുടെ നാടാണ് നേപ്പാൾ, അതുപോലെ കിംവദന്തികളും . ഏതു നിമിഷം എപ്പോൾ വേണം എങ്കിലും ഹർത്താൽ വരാം.സംഗതി രൂക്ഷം ആയാൽ border വരെ close ചെയും. തിരഞ്ഞെടുപ്പ് നടക്കുന്ന സമയത്തു ആണ് ഞാൻ അവിടെ എത്തിയത്ത്.അതിന്റെ ഒരുപാട് ബുദ്ധിമുട്ടുകൾ ഉണ്ടായിരുന്നു.അതുകൊണ്ട് വാർത്തകൾ എപ്പോളും ശ്രെദ്ധിക്കുക. കരുതിയിരിക്കുക.
•
•
കാലാവസ്ഥ
-------------------
നേപ്പാളിന്റെ വടക്കൻ മേഖലകളിൽ കൊടും തണുപ്പാണ് അനുഭവപ്പെടുന്നത്.മഞ്ഞുവീഴ്‌ച ഇല്ലായിരുന്നു എങ്കിലും Jomsom ലെ എന്റെ ഒരു രാത്രിൽ അനുഭവപ്പെട്ടത് - 7°C ആയിരുന്നു. അത് നേരിടാൻ ഉള്ള മനസുമായി പോവുക. കൂടെ gears um (sorry ഞാൻ എടുത്തില്ല ).
അതുപോലെ തന്നെയാണ് ഉരുൾപൊട്ടലും, മണ്ണിടിച്ചിലും, പേമാരിയും. യാത്ര മുടങ്ങാൻ ഇതിൽ ഏതേലും മതി. മണ്ണിടിച്ചിൽ മൂലം ഒരു ദിവസം മുഴുവൻ എനിക്ക് Beniയിൽ തങ്ങേണ്ടി വന്നു.
•
•
പലവക
-------------
Permit
Jomsom പോവാൻ എടുക്കുക.500രൂപ: 800NPR. Localബസ് ൽ ആണ് എങ്കിൽ ചോദിക്കത്തൊനും ഇല്ല.. എന്നാലും എടുക്കുക. പിടിച്ചാൽ fine അടയ്ക്കണ്ടി വരും.
Pokhra യിൽ ഉണ്ട് ഒരു ഓഫീസ് 10AM-5PM.
നേപ്പാളിൽ കയറാൻ voter id ധാരാളം.കയ്യിൽ കുറച്ചു അധികം passport size photo കരുതുക (8 എണ്ണം ).
•
•
Sim/Money exchange.

രണ്ടു കാര്യവും border ൽ നിന്ന് തന്നെ സാധിക്കുക.
Sim, Ncell എടുക്കുക. നല്ല coverage ഉണ്ട്. Data അടക്കം 375 രൂപ :600NPR

Indian സൈഡ് ലെ ATM നിന്നും ആവിശ്യത്തിന് cash എടുത്തു border അപ്പുറം Money Exchange ചെയുക .
INR മാറി NPR എടുക്കുമ്പോൾ commision ഇല്ല. Viceversa commision ഉണ്ട് . ഒരു നാട്ടുകാരൻ കൂടെ ഉണ്ടെങ്കിൽ കമ്മീഷൻ ഇല്ലാതെ കിട്ടും.
•••••••••••••••••••••••••••••
•
•

ഇത്രെയും basic ആയി അറിഞ്ഞാൽ സുഖമായി നേപ്പാൾ കണ്ടു തീർക്കാം. Kathmandu ഉം Pokhra യും മനോഹരം തന്നെ. ഇന്ത്യയിലെ മറ്റു ഏതു സ്ഥലങ്ങളിൽ പോകുന്ന പോലെ തന്നെ !! Bhutan ൽ കൂടെ പോകണം എന്നു ഉണ്ടായിരുന്നു. Technically നടന്നില്ല. പക്ഷെ നടത്തും !
°°°°°°°°°°°°°°°°°°°°°°°°°
•
•

Regards
.et.al

നന്ദി !!
Nithin Sathyan
+919946983347

26/12/2017

പുലിമുരുകൻ്റെ നാട്ടില്‍ ഒരു യാത്ര_മാമ്മലക്കണ്ടം

By: Gokul P Vijayakumar

അധികം ആരും കാണാത്ത.. എന്നാൽ കണ്ടിരിക്കേണ്ട ഒരു കൊച്ചു സ്വർഗ്ഗമാണ് മാമ്മലക്കണ്ടം. ഇന്ന് മാമ്മലക്കണ്ടത്തിന് മറ്റൊരു വിളിപ്പേരുകൂടി കിട്ടിയിരിക്കുന്നു... "പുലിമുരുകൻ്റെ നാട് ".അതെ പുലിമുരുകൻ എന്ന ചിത്രത്തിന് ദൃശ്വ മികവേകാൻ ഒരുപക്ഷെ ഇതിലും നല്ലൊരു Location ഉണ്ടാകില്ല.പുലിമുരുകൻ എന്ന ചിത്രത്തിൽ ഏവരുടേയും മനം കവരുന്ന കാടും,വെള്ളച്ചാട്ടവും,എല്ലാം മാമ്മലക്കണ്ടത്തിൻ്റെ ചെറിയൊരു ഭാഗം മാത്രം.

നാലു വശവും വനത്താൽ ചുറ്റപ്പെട്ട മാമ്മലക്കണ്ടം സ്ഥിതി ചെയ്യുന്നത് കോതമംഗലം താലൂക്കിലെ കുട്ടമ്പുഴക്കടുത്താണ്. മാമ്മലക്കണ്ടം വനാന്തരത്തിലൂടെ യാത്ര ചെയ്യുന്ന ഓരോ സഞ്ചാരിക്കും ലഭിക്കുന്ന അനുഭവങ്ങൾ വ്യത്യത്ഥമാണ്. ചിലർക്ക് പാറയിലൂടെ കുതിച്ചൊഴുക്കുന്ന കാട്ടരുവിയിൽ കുളിച്ച് വെള്ളച്ചാട്ടത്തെ സ്പർശിച്ചറിഞ്ഞ്, നോക്കെത്താ ദൂരം കോടമഞ്ഞിൽ പുതച്ചു കിടക്കുന്ന മലയോരങ്ങൾ കണ്ട്, കാട്ടിൽ ഉല്ലസിച്ച് കാട്ടു തേനും കാട്ടു വിഭവങ്ങളും രുചിച്ച് കാടിൻ്റെ മക്കളോട് സൗഹൃദം പങ്കുവച്ച കഥയാണു പറയാനുള്ളത് എങ്കിൽ മറ്റു ചിലർക്ക് ആനച്ചൂരിൻ്റെ ഗന്ദമറിഞ്ഞ് കാട്ടാനകളെ കണ്ട് നടത്തിയ സാഹസിക യാത്രയുടെ കഥയായിരിക്കും.

ശിക്കാർ ,ആടുപുലിയാട്ടംഎന്നീ ചിത്രങ്ങളിലും മാമ്മലക്കണ്ടത്തിൻ്റെ പ്രകൃതി ഭംഗി അരങ്ങൊരുക്കിയിട്ടുണ്ട്. OFF ROAD DRIVING ൻ്റെ സാഹസംഗൾ ഇഷ്ട്ടപ്പെടുന്നവർക്ക് മാമ്മലക്കണ്ടത്തെ കൊയ്നിപ്പാറ Hill station മറക്കാനാവാത്ത കാഴ്ച്ച വിസ്മയങ്ങളുടെ ഒരു കലവറ സമ്മാനിക്കും എന്നതിൽ സംശയമില്ല.

മൂന്നാർ കണ്ടു മടങ്ങുന്ന സഞ്ചാരികൾക്ക് കോതമംഗലത്ത് എത്തിച്ചേരാനുള്ള എളുപ്പവഴിയായും പലരും ഈ വനയാത്രയെ കാണുന്നു. പഴയ ആലുവ മൂന്നാർ ബ്രീട്ടീഷ് പാത കടന്നു പോകുന്നത് ഇത് വഴിയാണ് , എത്ര കണ്ടാലും മതി വരാത്ത പ്രകൃതിയുടെ വരദാനമാണ് ഇവിടത്തെ വനങ്ങളും കാഴ്ചകളും.

കോതമംഗലം -തട്ടേക്കാട് -കുട്ടമ്പുഴ - ഉരുളന്തണ്ണി- പന്തപ്ര - മാമലക്കണ്ടം

26/12/2017

മനം കുളിര്‍പ്പിക്കുന്ന വശ്യതയുമായി അതിരപ്പിള്ളി -മലക്കപ്പാറ

By: 📸👉 Lifas Rahman

എന്തൊരഴക്‌ എന്തൊരു ഭംഗി...
പ്രകൃതിയുടെ വശ്യ സൗന്ദര്യം വിളിച്ചോതി അതിരപ്പിള്ളി - മലക്കപ്പാറ റൂട്ട്‌....

തെക്കിന്‍റെ കാശ്മീര്‍ എന്നറിയപ്പെടുന്ന നമ്മുടെ മൂന്നാറിലെ തെയിലതോട്ടങ്ങളോട് സാമ്യം തോന്നിക്കുന്ന തേയിലത്തോട്ടങ്ങളും , നനവുള്ള കാറ്റും , കമിതാക്കളെ പോലെ ഒരുമിച്ചു ചേര്‍ന്ന് കടന്നുവരുന്ന മഞ്ഞും മഴയും , മല നിരകളും , കൊച്ചു കൊച്ചു വീടുകളും ,അങ്ങിങ്ങെ അലഞ്ഞു നടക്കുന്ന പശുക്കളും ഒക്കെ ആയി ഒരു സുന്ദര ഗ്രാമമാണ് മലക്കപ്പാറ . മാത്രമല്ല നമ്മുടെ കേരളം തമിഴ്നാടിനോട് അധിര്‍ത്തി പങ്കിടുന്ന സ്ഥലം കൂടിയാണ് മലക്കപ്പാറ .

കാനനഭംഗിയും താഴ്വാരങ്ങളുടെ മനോഹാരിതയും വന്യമൃഗങ്ങളുടെ സൗന്ദര്യവും വേണ്ടുവോളം ആസ്വദിക്കാനും മലക്കപ്പാറയിലെത്തുന്നവര്‍ ധാരാളം.

ചാലക്കുടിയില്‍ നിന്ന് അതിരപ്പിള്ളി, വാഴച്ചാല്‍, ഷോളയാര്‍, തുടങ്ങിയ സ്ഥലങ്ങളിലൂടെയാണ് മലക്കപ്പാറയിലെത്തുന്നത്. മലമ്പാതയിലൂടെയുള്ള യാത്രയില്‍ ആന, മാന്‍, കുരങ്ങ്, തുടങ്ങിയ വിവിധ വന്യജീവികളെയും അടുത്ത് കാണാന്‍ കഴിയുമെന്നതിനാല്‍ സഞ്ചാരികള്‍ക്ക് മലക്കപ്പാറയിലേക്കുള്ള യാത്ര വളരെ പ്രിയപ്പെട്ടതാണ്.

മൂന്നാറിലെ അതേ കാലാവസ്ഥയുള്ള മലക്കപ്പാറയിലെത്തുന്നവര്‍ക്ക് പ്രകൃതിസൗന്ദര്യം ഏറെ ആസ്വദിക്കാം....

എത്ര തവണ പോയാലും മതിവരാത്ത സ്ഥലം ആണ് മലക്കപ്പാറ...

മഴക്കാലം ആണ് ഏറ്റവും നല്ലത് ..... എനിക്ക് ഏറ്റവും നന്നായി തോന്നിയ സമയം ഏപ്രിൽ അവസാനത്തിൽ വൈകുന്നേരങ്ങളിൽ മഴയുള്ളപ്പോൾ 2 മണിക്ക് ചാലക്കുടിയിൽ നിന്നും പുറപ്പെട്ടാൽ വൈകുന്നേരം മലക്കപ്പാറയിൽ കോടമഞ്ഞ്‌ കാണാം .... എല്ലാം ഭാഗ്യം പോലെ ..... താമസത്തിനാണെങ്കിൽ കോട്ടേജുകളും ഉണ്ട് .....
മദ്യ സേവകർ പ്രത്യേകം ശ്രദ്ധിക്കുക ..... വാഴച്ചാൽ ചെക്ക്‌പോസ്റ്റിൽ വാഹനങ്ങൾ ചെക്ക്‌ ചെയ്തെ വിടു .... പ്രവേശനം രാവിലെ 6 മുതൽ വൈകീട്ട് 6 വരെ ....... മലക്കപ്പാറയിൽ നിന്നും പൊള്ളാച്ചി വഴി തിരിച്ചു പോരുവാനും സാദിക്കും ....

അതിരപ്പിള്ളി മലക്കപ്പാറ റൂട്ടിലെ കണ്ണിന് കുളിർമ്മയേകുന്ന കുറച്ച്‌ കാഴ്ച്ചകൾ..... 👇👇👇

ഈ ചിത്രങ്ങൾ കാണുമ്പോഴേ ഒരു കുളിരാണ്. അപ്പൊ ഇതിലൂടെയൊരു യാത്ര പോയാലോ.. ❤️️💚
അതിരപ്പിള്ളി >> മലക്കപ്പാറ 😍😍

26/12/2017

ഒരുനൂറു ജന്മം ജീവിച്ചാലും കൊതിതീരാത്ത ഇടുക്കി 😍❤️👍

By: Nikhil Ramesh

എല്ലാവരും വരൂ ഇടുക്കിയിലേക്ക്‌
ഇടുക്കി എന്ന മിടുക്കി

നിങ്ങളുടെ ഒരു ഷെയർ അല്ലെങ്കിൽ ലൈക്‌
ഇടുക്കിയെ ലോകടൂറിസം മാപ്പിൽ ഇടപിടിപ്പിക്കുക മാത്രമല്ല , ഒരുപാട്‌ ആളുകൾക്കു തൊഴിൽകൂടി ആകും

നമ്മുടെ നാടിന്റെ ഭംഗ്ഗി എല്ലാവരിലും എത്തിക്കൂ ..

കാഴ്ചകളുടെ പൂരമാണ് ഇടുക്കിയിൽ. പ്രകൃതിയുടെ സൗന്ദര്യത്തിന് ഇത്രയും വശ്യതയുണ്ടോ എന്നു തോന്നുന്ന സുന്ദരക്കാഴ്‌ചകളാണ് ഇവിടെ. ഇടുക്കി, തേക്കടി, മൂന്നാർ, വാഗമൺ... പ്രകൃതിദൃശ്യങ്ങൾകൊണ്ടും കാലാവസ്‌ഥകൊണ്ടും അനുഗ്രഹിക്കപ്പെട്ടതാണ് ഇടുക്കിയുടെ സൗന്ദര്യം. ...

അവധി ദിവസങ്ങൾ വരവായി; എടുക്ക് പെട്ടി, ഇടുക്കിക്ക് പോകാം

കേരളത്തില്‍ ഏറ്റവും കൂടുതല്‍ ടൂറിസ്റ്റ് കേന്ദ്രങ്ങളുള്ള ജില്ലയേതെന്ന് ചോദിച്ചാല്‍ ഒരു പക്ഷെ ഇടുക്കി എന്നായിരിക്കും ഉത്തരം.

ഇന്ന് ഭുമിയില്‍ഒരുസ്വര്‍ഗ്ഗമുണ്ടങ്കില്‍ അത് ഇടുക്കിയാണ് ഇതു പൊങ്ങച്ചത്തിനുവേണ്ടിപറയുന്നതല്ല..
സുഹൃത്തുക്കളെ ഇത്ര സുന്ദരമായ നാട് ലോകത്ത് എവിടെയാണുള്ളത് ഇന്ന് ലോകരാജ്യങ്ങളില്‍ തിരഞ്ഞെടുക്കപ്പെട്ട ടൂറിസം മേഘലകളില്‍ നല്ലൊരു സ്ഥാനം നമ്മുടെ ഇടുക്കിക്കുണ്ട് അതൊരു ചെറിയ കാരൃമായി തോന്നുന്നില്ല..
മഞ്ഞു കൊണ്ടു മൂടപ്പെട്ട് പച്ചപുതച്ചു കിടക്കുന്ന മാമലകള്‍ അതിനെ തട്ടി ഉണര്‍ത്തി ക്കൊണ്ടിരിക്കുന്ന പൊന്‍ കിരണങ്ങളും വന്യ ജീവികളുടെ വിഹാര കേന്ദ്രമായഘോരവനങ്ങളും അപൂര്‍വ്വ സസ്യലതാതികളും ഒൗഷധ ചെടികളും മാമലകള്‍ക്കു മേലെ കരിങ്കല്‍പാറകള്‍ തുരന്നുണ്ടാക്കിയ ഗുഹകളും അതിനേക്കാളുപരി സ്നേഹവും വിനയവും എളിമയും അദ്ധ്വാനശീലവും കൈമുതലാക്കിയ ഒരു കൂട്ടം ജനതയും..

അണക്കെട്ടുകളും മലനിരകളും തേയിലത്തോട്ടങ്ങളും തടാകങ്ങളുമൊക്കെയാണ് ഇടുക്കിയെ സഞ്ചാരികളുടെ പറുദീസയാക്കുന്നത്. ദക്ഷിണേന്ത്യയിലെ ഏറ്റവും വലിയ കൊടുമുടിയായ ആനമുടി. വലിപ്പത്തിന്റെ കാര്യത്തില്‍ ലോകത്ത് തന്നെ രണ്ടാം സ്ഥാനമുള്ള ആര്‍ച്ച് ഡാമായ ഇടുക്കി അണക്കെട്ടും ഇടുക്കിയിലെ കൗതുകങ്ങളില്‍ ചിലതുമാത്രമാണ്.

ഹണിമൂണ്‍ ആഘോഷിക്കുന്നവര്‍ക്കും സാഹസികപ്രിയര്‍ക്കും ഉല്ലാസയാത്രയ്ക്ക് വരുന്നവര്‍ക്കുമൊക്കെ ഇടുക്കി ഒരു പോലെ പ്രിയപ്പെട്ട സ്ഥലമാണ്. മൂന്നാര്‍ ആണ് ഇടുക്കി ജില്ലയിലെ ഏറ്റവും പ്രധാനപ്പെട്ട ടൂറിസ്റ്റ് കേന്ദ്രം. മൂന്നാര്‍ കൂടാതെ വാഗമണ്‍, പീരുമേട്, രാമക്കല്‍മേട് തുടങ്ങിയ സ്ഥലങ്ങളും പ്രധാനപ്പെട്ട ടൂറിസ്റ്റ് കേന്ദ്രമാണ്. ഇതുകൂടാതെ മറ്റു പല സ്ഥലങ്ങളും ഇടുക്കിയിലുണ്ട്..

Photos: Courtesy

26/12/2017

*വട്ടം കറങ്ങി വട്ടവടയിൽ....*

By: Muhsin Chekanur

എല്ലാ യാത്രകളിലും മുമ്പേ പോയവരെ പിന്തുടരണമെന്നില്ല,
പുതിയ വഴികളിൽ പുതിയ കാഴ്ചകളുണ്ട്, പുതിയ അനുഭവങ്ങളുണ്ട്... അപകടങ്ങളും..,

വഴി തെറ്റിയവരാണല്ലോ പുതിയ വഴികൾ കണ്ടു പിടിച്ചത്...

മൂന്നാറിലെ പതിവു സന്ദർശന കേന്ദ്രങ്ങളിൽ നിന്നും ഒരു മാറ്റത്തിനു വേണ്ടിയാണ് ഗൂഗിൾ മാപിന്റെ കണ്ണുപൊത്തി വട്ടവടയിലേക്ക് പുറപ്പെട്ടത്.

നല്ലൊരു തമിഴ് കാർഷിക ഗ്രാമമാണ് വട്ടവട.
പണം പിരിച്ച് ടിക്കറ്റ് കൊടുത്തു കാണിക്കുന്ന tourist Place കളേക്കാൾ മനോഹരമാണ് പ്രകൃതി സ്വയം സംരക്ഷിച്ച് പോരുന്ന ഈ പൊന്നുവിളയുന്ന കറുത്ത മണ്ണ്.
ഫോട്ടോഗ്രഫി ഇഷ്ടപെടുന്നവർക്ക് കിടിലോൽ കിടിലം ഫ്രെയിമുകളുടെ പറുദീസയാണിവിടം. അത്തരക്കാർക്ക് Two wheeler ആണ് ഉത്തമം.
യാത്രയുടെ മധുരം മുഴുവനായ് നുകരണമെങ്കിൽ നമ്മളീ കുന്നിറങ്ങി ചെല്ലണം - ക്യാരറ്റും കിഴങ്ങും സ്ട്രോബറിയും വിളയുന്ന കൃഷിയിടങ്ങളിലേക്ക്..
അറിയാത്ത വഴികളിലെല്ലാം ഒരെത്തിനോട്ടം നടത്തണം.
യാത്ര പൂർണ്ണമാവാൻ കയറി ചെല്ലണം ഏതെങ്കിലുമൊരു മലമുകളിലേക്ക്...
ആവലാതികളെല്ലാം ആകാശത്തേക്ക് പറത്തിയിട്ട് വേണം ആ കുന്നിറങ്ങാൻ....

26/12/2017

കൊല്ലി ഹില്‍സ്; 70 ഹെയര്‍പിന്‍ വളവുകളുമായി ഒരു ചുരം; ‘മരണത്തിന്റെ മല’ മുകളില്‍ കാത്തിരിക്കുന്നത് മനോഹരമായ ആകാശഗംഗ.

പശ്ചിമഘട്ട മലനിരയിലെ വന്യമനോഹര മലയാണ് തമിഴ്‌നാട്ടിലെ കൊല്ലി മല. മരണത്തിന്റെ മലയെന്ന് പേര് ധ്വനിപ്പിക്കുന്ന ഒന്ന്. 70 കൊടിയ വളവുകളുള്ള ചുരം താണ്ടി മുകളിലെത്തിയാല്‍ മനോഹരമായ വെള്ളച്ചാട്ടം ആകാശ ഗംഗ. തമിഴ്‌നാടിന്റെ മധ്യഭാഗത്ത് നാമക്കലില്‍ നിന്ന് 55 കിലോമീറ്റര്‍ അകലെയാണ് കൊല്ലി ഹില്‍സ്. മനോഹരമായ വനമേഖലയ്ക്ക് നടുവിലാണ് പ്രദേശം. സമുദ്രനിരപ്പില്‍ നിന്ന് 1300 മീറ്റര്‍ ഉയരത്തില്‍ സഹ്യന്റെ തലയെടുപ്പായി ഉയര്‍ന്നു നില്‍ക്കുന്നു.

ബൈക്ക് യാത്രികരുടേയും ട്രക്കേഴ്‌സിന്റെയും ഇഷ്ടകേന്ദ്രത്തിലേക്ക് എത്തിപ്പെടാന്‍ കുറച്ചൊന്നുമല്ല കഷ്ടപ്പെടേണ്ടത്. സെന്തമംഗലത്ത് നിന്ന് 30 കിലോമീറ്റര്‍ യാത്ര ചെയ്താല്‍ കൊല്ലി മലയുടെ മുകളിലെത്താം. ഈ മുപ്പത് കിലോമീറ്റര്‍ യാത്രയില്‍ 70 ഹെയര്‍പിന്‍ വളവ്. എല്ലാ 200 മീറ്ററിലും മിക്കവാറും കൊടും വളവുകള്‍.

കാലാവസ്ഥ യാത്രക്കിടയില്‍ മാറികൊണ്ടേയിരിക്കും. കാഴ്ചകളും. യാത്രക്കിടയില്‍ സെമ്മടുവിലെത്തും. അവിടെ ഒരു വാച്ച്ടവര്‍ ഉണ്ട്. ആകാശ കാഴ്ചകള്‍ കാണാം. ചെറിയ വെള്ളച്ചാട്ടത്തിലേക്ക് നീങ്ങും മുമ്പ് അരപ്പാലീശ്വര്‍ ക്ഷേത്രം കാണാം. പിന്നീട് യാത്ര തുടരുമ്പോള്‍ കൊല്ലിപ്പാവെ അമ്മന്‍ ക്ഷേത്രം, മുരുകന്റെ ക്ഷേത്രം തുടങ്ങിയവയും കടന്നു പോകണം. തമിഴ് പഴയകാലകൃതികളായ ചിലപ്പതികാരത്തിലും മണിമേഖലയിലുമെല്ലാം കൊല്ലിമലയെ കുറിച്ച് പ്രതിപാദിച്ചിട്ടുണ്ട്.

രണ്ട് മണിക്കൂര്‍ വേണം ചുരം താണ്ടി ഏറ്റവും മുകളിലെത്താന്‍. കൊല്ലിമലയുടെ മുകളില്‍ ആകാശ ഗംഗ കാത്തിരിക്കുന്നു. രണ്ട് മലകള്‍ക്ക് ഇടയിലൂടെ ആകാശഗംഗ വെള്ളച്ചാട്ടം താഴേക്ക് പതിക്കുന്നു. ചെങ്കുത്തായ ഈ ചെരുവിലെ വെള്ളച്ചാട്ടവും വിശ്വാസവുമായി ബന്ധപ്പെട്ടിരിക്കുന്നു. അറപ്പാലീശ്വരന്‍ ക്ഷേത്രത്തിലെ ശിവന്റെ കാരുണ്യത്താല്‍ ഔഷധഗുണമുള്ള വെള്ളമാണ് താഴേക്ക് വരുന്നതെന്ന് പ്രദേശവാസികള്‍ വിശ്വസിക്കുന്നു.

കാഴ്ചയുടെ കാര്യത്തില്‍ വര്‍ണനാതീതമാണ് ആകാശ ഗംഗയും കൊല്ലിമലയും. അധികം സഞ്ചാരികള്‍ വന്നെത്താത്ത പ്രദേശം. യാത്ര ഇഷ്ടപ്പെടുന്നവര്‍ക്ക് മറക്കാനാവാത്ത അനുഭവങ്ങള്‍ ഒരുക്കി കൊല്ലിമല ഉയരത്തില്‍ കാത്തിരിക്കുന്നു.

ആകാശ ഗംഗ വെള്ളച്ചാട്ടത്തേക്കുറിച്ച്

എല്ലാ വശവും മലകളാല്‍ ചുറ്റപ്പെട്ട അതിമനോഹരമായ വെള്ളചാട്ടമാണ്‌ ആകാശഗംഗ. വിവിധ തട്ടുകളിയുള്ള ഈ വെള്ളച്ചാട്ടത്തില്‍ അയരു നദിയില്‍ നിന്നുള്ള വെള്ളം 300 അടി മുകളില്‍ നിന്നുമാണ്‌ താഴേക്ക്‌ പതിക്കുന്നത്‌. അറപ്പാലീശ്വരര്‍ ക്ഷേത്രത്തിന്‌ സമീപത്തായാണ്‌ ആഗാശ ഗംഗ വെള്ളച്ചാട്ടം. ക്ഷേത്രത്തില്‍ നിന്നും വെള്ളച്ചാട്ടത്തിന്റെ അടിയിലേയ്‌ക്കെത്താന്‍ ആയിരത്തിലേറെ പടികളാണുള്ളത്‌.

കൊല്ലിമലയിലെ വ്യൂ പോയിന്റുകളെക്കുറിച്ച്

കൊല്ലി മലനിരകളിലെ വിനോദസഞ്ചാരം പ്രോത്സാഹിപ്പിക്കുന്നതിനായി സര്‍ക്കാര്‍ വികസിപ്പിച്ചെടുത്ത രണ്ട്‌ വ്യൂ പോയിന്റുകളാണ്‌ സീകുപാറയും സേലര്‍ നാടും. അധികം അറിയപ്പെട്ടു തുടങ്ങിയിട്ടില്ലാത്തതിനാല്‍ ഈ രണ്ട്‌ സ്ഥലങ്ങളും സ്വകാര്യത എറെയുള്ളതും മലീനകരണം വളരെ കുറഞ്ഞതുമായ സ്ഥലങ്ങളാണ്‌.

വേനല്‍ക്കാലത്ത് പോകാന്‍ പറ്റിയ സ്ഥലം

കൊല്ലി മല ഏത്‌ സീസണിലും സന്ദര്‍ശന യോഗ്യമാണ്‌. വര്‍ഷകാലത്ത്‌ സന്ദര്‍ശനം ഒഴിവാക്കുന്നതായിരിക്കും ഉചിതം. മഴ ചിലപ്പോള്‍ പ്രകൃതി ഭംഗി ആസ്വദിക്കുന്നത്‌ തടസ്സപ്പെടുത്തിയേക്കും. എല്ലാ ഘടകങ്ങളും പരിഗണിക്കുകയാണെങ്കില്‍ വേനല്‍ക്കാലമാണ്‌ കൊല്ലി മല സന്ദര്‍ശിക്കാന്‍ ഏറ്റവും അനുയോജ്യമായ സമയം.

കൊല്ലിമലയില്‍ എത്തിച്ചേരാന്‍

റോഡ്‌ മാര്‍ഗം വളരെ എളുപ്പത്തില്‍ കൊല്ലി മലയില്‍ എത്തിച്ചേരാം. ചെന്നൈയില്‍ നിന്നും സേലത്തു നിന്നും ബസുകള്‍ എപ്പോഴും ലഭിക്കും. സേലത്തു നിന്നും ചെന്നൈ, മധുരെ ,ട്രിച്ചി എന്നിവടങ്ങളിലേയ്‌ക്ക്‌ സര്‍ക്കാര്‍ ബസുകളും സ്വകാര്യ ബസുകളും ലഭിക്കും. കൊല്ലി മലയ്‌ക്ക്‌ ഏറ്റവും അടുത്തുള്ള റെയില്‍വെ സ്‌റ്റേഷന്‍ സേലം ആണ്‌.

26/12/2017

കരുവാരകുണ്ട് എന്ന ഗ്രാമത്തിലെ അതിമനോഹരമായ വെള്ളച്ചാട്ടമാണ് കേരളാകുണ്ട്

By: Praveen Babu

നിങ്ങൾ സ്വർഗ്ഗത്തിലെ നീരുറവ കണ്ടിട്ടുണ്ടോ.? അന്നൊരു ഞായറാഴ്ച ആയിരുന്നു ഞാനും എന്റെ സുഹൃത്ത് മിഥുനും കൂടി വൺഡേ ട്രിപ്പ് പ്ലാൻ ചെയ്യാൻ ഗൂഗിൾ ചെയ്തു നോക്കിയപ്പോൾ കിട്ടിയതാണ് മലപ്പുറം ജില്ലയുടെ വടക്കുകിഴക്കേ അതിർത്തിയിൽ സൈലന്റ് വാലി നാഷണൽ പാർക്കിനോടു തൊട്ടുരുമ്മി കിടക്കുന്ന കരുവാരകുണ്ട് -കൽകുണ്ട് -കേരളാ കുണ്ട് താഴ്വര. പശ്ചിമഘട്ട പർവ്വതനിരയുടെ നിഴലിൽ ആകാശം മുട്ടി നിൽക്കുന്നു ഈ കൂമ്പൻമലയുടെ താഴ്വര. അവിടെ ഒരു അതിമനോഹരമായ വെള്ളച്ചാട്ടമാണ് കേരളാകുണ്ട്. ഭൂമിയിലെ ഒരു സൽസബീൽ (സ്വർഗ്ഗത്തിലെ നീരുറവ ) എന്നാണ് ഇത് വിശേഷിപ്പിക്കപ്പെടുന്നത്. ഈ അടുത്ത കാലത്താണ് ടൂറിസം ഭൂപടങ്ങളിൽ ഇടംപിടിച്ചത് ശേഷം ഒരുപാട് ടൂറിസ്റ്റുകൾ (വിദേശികൾ ഉൾപ്പെടെ ) ഈ പ്രകൃതിഭംഗി ആസ്വദിക്കുവാനും ജലാശയത്തിന്റെ അടിഭാഗം വരെ സ്പടികം പോലെ തെളിഞ്ഞ് കാണുന്ന വെള്ളത്തിൽ മുങ്ങിക്കുളിക്കുവാനും ദിവസേന എത്തിച്ചേരാറുണ്ട്. വെള്ളച്ചാട്ടതിനടുത്ത് എത്തണമെങ്കിൽ താഴ്ഭാഗത്തു നിന്നും 2 കിലോമീറ്റർ മുകളിലേക്ക് മല കേറണം ഇപ്പോൾ ഗതാഗത സൗകര്യം വെള്ളച്ചാട്ടതിനടുത്ത് വരെ ഉണ്ട്. പ്രകൃതി സൗന്ദര്യം നിറഞ്ഞ മലമടക്കുകളിൽ തൂങ്ങി നിൽക്കുന്ന കൂറ്റൻ പാറക്കെട്ടുകൾ ഉണ്ട്, മലയുടെ നെറുകയിൽ കൂമ്പൻമല - ഹിമാലയത്തിനു മുകളിൽ എവറസ്റ്റ് എന്നപോലെ മാനംമുട്ടി നിൽക്കുന്നു. വെറും മലകളും വെള്ളച്ചാട്ടങ്ങളും ആണെന്നു കരുതിയാൽ തെറ്റി നീർച്ചോലകൾക്കിടയിൽ കൊക്കോയും ജാതിയും കാപ്പിയും സമൃദ്ധമായി വളരുന്ന തോട്ടങ്ങളും ഇവിടെ കാണാം ഒരു നൂറ്റാണ്ടു മുമ്പ് ബ്രിട്ടീഷുകാർ സ്ഥാപിച്ച കേരള എസ്റ്റേറ്റ് ഉണ്ട് പിന്നെ ഒട്ടനവധി കുരങ്ങുകളേയും കാണാം നല്ല ഒന്നാന്തരം വഴി വഴിയിൽ പലയിടത്തും പണ്ട് കാലത്ത് അതി മനോഹമായി രൂപകൽപന ചെയ്ത വീടുകൾ , കാലം വഴിമാറിക്കൊടുത്തതുപോലെ പഴമയിൽ പുതഞ്ഞു കിടക്കുന്ന നാട് - അതു തന്നെയാണ് ആ മേഖയുടെ സൗന്ദര്യവും. ദൂരെ നിന്ന് വരുന്നവർക്ക് തങ്ങാൻ വേണ്ടി വയലിൻ ലോഡ്ജ് ഉണ്ട് ഒരു രാത്രി തങ്ങുകയാണെങ്കിൽ സൈലന്റ് വാലി വനമേഖലയിൽ നിന്ന് ഇറങ്ങി വരുന്ന കാട്ടുമൃഗങ്ങളെയും കാണാം. ഇതിലൂടെ ഒഴുകുന്ന ഒലിപ്പുഴയാണ് പിന്നീട് കടലുണ്ടിപ്പുഴയായി മാറുന്നത്.പ്രശസ്ത എഴുത്തുകാരായ എം.ടി വാസുദേവൻ നായരും എൻ.പി മുഹമ്മദും ചേർന്നെഴുതിയ നോവലായ അറബിപ്പൊന്ന് എഴുതപ്പെടുന്നത് കരുവാരകുണ്ട് വെച്ചാണ്. പിന്നെ മലപ്പുറത്തിന് അഭിമാനമായി ഒരു ഒളിമ്പ്യൻ കൂടിയുണ്ട് കരുവാരക്കുണ്ടുകാർ മാലയിട്ടു നെഞ്ചിലേറ്റിയ ഇർഫാൻ. ഇനി നമുക്ക് യാത്ര തുടങ്ങാം ഞങ്ങൾ ഇപ്പോൾ നിൽക്കുന്നത് കരുവാരക്കുണ്ട് കഴിഞ്ഞ് കൽകുണ്ട് താഴ്വരയിലാണ് സൈലന്റ് വാലിയിൽ നിന്നുവരുന്ന നല്ല കുളിർകാറ്റുണ്ട് ആർത്തിരമ്പുന്ന വെള്ളച്ചാട്ടത്തിന്റെ നേരിയ ശബ്ദവും കേൾക്കാം ഞായറാഴ്ച്ചയായിട്ടും കരുവാരക്കുണ്ടിലെ മിക്ക കടകളും തുറന്നു കിടക്കുന്നു അല്ലറ ചില്ലറ ഷോപ്പിംഗ് കഴിഞ്ഞ് ചായയും കുടിച്ചോണ്ടിരിക്കുമ്പോൾ അവിടെ ഇരിക്കുന്ന ചേട്ടൻമാരോട് ഇനി എത്ര പോകണം എന്ന് ചോദിച്ചപ്പോൾ ചൂണ്ടി കാണിച്ചു തന്നത് ഒരു മല ആയിരുന്നു ഞങ്ങൾ ഇരുവരും ബൈക്കിൽ കേറി സെൽഫിൽ വിരൽ അമർത്തി കേരളാഎസ്റ്റേറ്റും കാടും പിന്നിട്ട് നീങ്ങിക്കൊണ്ടിരുന്നു കുറച്ചു കൂടി മുന്നോട്ടു പോയപ്പോൾ ഒരു കുരങ്ങനെ കണ്ടു കയ്യിൽ കരുതിയ ഭക്ഷണത്തിൽ നിന്ന് ഒരു പഴം കുരങ്ങന് കൊടുത്തു അപ്പോൾ അതാ വരുന്നു കൂട്ടമായി കുറേ കുരങ്ങന്മാർ ശ്രദ്ധ അൽപം മാറിയതുകൊണ്ടാവാം അതിലെ ഒരു കുരങ്ങൻ ഞങ്ങളുടെ ഭക്ഷണപ്പൊതി എടുത്ത് മരത്തിൽ കയറി എന്നെ പില്ലിളിച്ച് കാണിച്ചു അപ്പോൾ എന്റെ മനസിൽ തെളിഞ്ഞത് എന്തോ പോയ ഏതോ ഒരു അണ്ണയുടെ അവസ്ഥയാണ് അങ്ങനെ കുരങ്ങന്മാരെയും കണ്ട് ആസ്വദിച്ച് മുന്നോട്ട് പോയി. മുന്നോട്ട് പോകുംതോറും ആർത്തിരമ്പുന്ന വെള്ളച്ചാട്ടത്തിന്റെ ഗാഭീര്യ ശബ്ദം കൂടി കൊണ്ടിരുന്നു, കോടമഞ്ഞുകൊണ്ട് കുളിപ്പിച്ച് കാട് ഞങ്ങളെ സ്വീകരിച്ചു ചില ഭാഗങ്ങളിൽ കുത്തനെയുള്ള കയറ്റം ഉണ്ടെങ്കിലും തടസ്സങ്ങൾ ഒന്നും ഇല്ലാതെ ഞങ്ങൾ അവിടെ എത്തി. കവാടത്തിന്റെ മുന്നിൽ ഒരു ലേഡി സെക്യൂരിറ്റിഗാർഡ് ഞങ്ങളെ സ്വീകരിച്ചു ഇവിടെ പ്രവേശനം തികച്ചും സൗജന്യമാണ് കവാടത്തിലൂടെ മുന്നോട്ടു പോയപ്പോൾ ഒലിപ്പുഴയുടെ ഓരത്ത് പാറക്കെട്ടിനു മുകളിൽ അതിമനോഹരമായി രൂപകൽപന ചെയ്ത തട്ടുകട അവിടെ ഉള്ളതോ നാവിൽ കൊതിയൂറുന്ന വിഭവങ്ങൾ ചൂട് കപ്പ, മീൻ കറി, ബീഫ് ഉലത്തിയത്, കരിമീൻ പൊള്ളിച്ചത്, തനി നാടൻ ചെമ്മീൻ ഫ്രൈ, ഓം ലൈറ്റ് ഇത് കേട്ടപ്പോൾ ഞങ്ങളുടെ വിശപ്പ് ഇരട്ടിയായി ഒലിപുഴയുടെ ഭംഗിയും സൈലന്റ് വാലിയിലെ കുളിർ കാറ്റും ആർത്തിരമ്പുന്ന വെള്ളച്ചാട്ടത്തിന്റെ ശബ്ദവും ആസ്വാദിച്ച് മതിവരുവോളം ഭക്ഷണം കഴിച്ച് വെള്ളച്ചാട്ടം ലക്ഷ്യമാക്കി നടന്നു വെള്ളച്ചാട്ടത്തിന്റെ മുകളിലൂടെ കീറി മുറിച്ച് പോകുന്ന ഇരുമ്പ് പാലവും കഴിഞ്ഞ് വെള്ളം വീഴുന്ന അടിത്തട്ടിലേക്ക് പോയപ്പോൾ കണ്ടത് ഇതുവരെ കണ്ടിട്ടില്ലാത്ത വെള്ളച്ചാട്ടത്തിന്റെ വിസ്മയിപ്പിക്കുന്ന വിശ്വരൂപമായിരുന്നു അതി മനോഹരമായിരുന്നു ആ കാഴ്ച സ്വർഗ്ഗത്തിലെ നീരുറവ എന്ന വിശേഷണം വെറുതെ അല്ല വൃത്താകൃതിയിൽ പരന്നു കിടക്കുന്ന വലിയ ജലാശയത്തിലേക്കാണ് വെള്ളച്ചാട്ടം വന്ന് പതിക്കുന്നത് ഏകദേശം 150 അടിയോളം താഴ്ചയിലേക്ക് പതിക്കുന്നു സമുദ്രനിരപ്പിൽ നിന്ന് 1500 അടി ഉയരത്തിലാണ് വെള്ളച്ചാട്ടം സ്ഥിതി ചെയ്യുന്നത് ഊട്ടിയോട് സമാനമായ കാലാവസ്ഥയാണ്, ഞങ്ങൾ കയറിൽ പിടിച്ച് അടിത്തട്ടിലേക്ക് ഇറങ്ങി ഒരാൾ പോക്കത്തിൽ മാത്രമേ ആഴം ഉള്ളൂ യാതൊരു വിധ അപകട സാധ്യതയും കാണുന്നില്ല ശുദ്ധമായ ജലാശയത്തിൽ ഞങ്ങൾ വളരെ നേരം മുങ്ങി കുളിച്ചു , സൈലന്റ് വാലി ബഫർസോണിലെ കാട്ടരുവികളിൽ നിന്നും വരുന്ന ഔഷധ ഗുണമുള്ള ജലം ആയതിനാലാവും കുളി കഴിഞ്ഞപ്പോൾ മനസിനും ശരീരത്തിനും വല്ലാത്ത സുഖം തോന്നി, നേരും ഇരുട്ടി സഞ്ചാരികൾ ഒരോരുത്തരായി മടങ്ങാൻ തുടങ്ങി തണുപ്പ് മാറ്റാൻ ഞങ്ങൾ അവിടെയുള്ള തട്ടുകടയിൽ നിന്ന് ചൂട് കട്ടനും കുടിച്ച് ഇനിയും ഞങ്ങൾ വരുമെന്ന് പറഞ്ഞ് ഈ മനോഹരമായ വെള്ളച്ചാട്ടതിനോടും കാടിനോടും യാത്ര പറഞ്ഞു. നിങ്ങൾ മനസും ശരീരവും റീഫ്രഷ് ചെയ്യാൻ ഉദ്ദേശിക്കുന്നുണ്ടെങ്കിൽ സൈലന്റ് വാലിയുടെ ഈ മടിത്തട്ട് തിരഞ്ഞെടുക്കൂ നിങ്ങളുടെ തീരുമാനം ഉചിതമായിരിക്കും നാവിൽ കൊതിയൂറുന്ന തട്ടുകടവിഭവങ്ങളുമായി ഈ കാടും കാട്ടരുവിയും വെള്ളച്ചാട്ടവും നിങ്ങളെ കാത്തിരിക്കുകയാണ്!!

പ്രവീൺ ബാബു
Mob:9645162752

26/12/2017

കാന്തല്ലൂർ സഞ്ചാരികളുടെ സ്വപ്‌നഭൂമി

By: Sabari Varkala

കാന്തല്ലൂരിലേയ്ക്കുള്ള ഒരൊ യാത്രയും പുതിയ പുതിയ കാഴ്ച്ചകൾ സമ്മാനിച്ചു കൊണ്ടെയിരിക്കും .. കേരളത്തിന്റെ കാശ്മീർ എന്ന അറിയപ്പെടുന്ന ഈ ഗ്രാമത്തിൽ ആപ്പിളും ക്യാരറ്റും സ്ട്രാബെറിയും കൊണ്ട് സമൃദ്ധമാണ്. മൂന്നാറിലെയ്ക്കു പോകുന്ന സഞ്ചാരികളിൽ അധികവും ഈ മനോഹാരിത ആസ്വദിക്കാതെ മടങ്ങുന്നു

കേരളത്തില്‍ ആപ്പിള്‍ കൃഷിയുള്ളത് പലര്ക്കും അറിയാത്ത ഒരു കാര്യമാണ്. വിളഞ്ഞു നില്‍കുന്ന ആപ്പിള്‍ തോട്ടം കാണാനും ഫ്രഷ്‌ ആപ്പിള്‍ കൈയെത്തിച്ചു പൊട്ടിക്കാനും ആഗ്രഹികുന്നവര്‍ നേരെ കാന്തല്ലൂര്‍ക്ക് യാത്രയാവാന്‍ തയ്യാറായികൊള്ളൂ. ജൂലൈ ആഗസ്റ്റ്‌ മാസങ്ങളിലാണ് കന്തലൂരിലെ ആപ്പിള്‍ സീസണ്‍. എന്നാല്‍ തണുപ്പിന് അങ്ങനെ സീസണ്‍ ഒന്നും ഇല്ലെത്രെ എപ്പോഴും ഉണ്ടാകും കൊടും വേനലില്‍ പോലും എന്നാണ് പറയുന്നത്.

മൂന്നാറില്‍ നിന്നും മറയൂര്‍ ദിശയില്‍ 50km സഞ്ചരിച്ചാല്‍ കാന്തല്ലൂര്‍ എന്നാ മനോഹരമായ ഗ്രാമത്തില്‍ എത്താം. ആപ്പിള്‍ മാത്രമല്ല.. പ്ലം, സ്ട്രോബെറി, ബ്ലാക്ക്‌ ബെറി, ഓറഞ്ച്, മുസംബി, ലിച്ചി, അവകാടോ, രസ്ബെരി, പീച്ച് തുടങ്ങി പലതരത്തിലുള്ള പഴവര്‍ഗങ്ങളും പച്ചകറികളും സുലഭമായി കൃഷിചെയ്യുന്ന മനോഹരമായ ഗ്രാമം. കുടാതെ പ്രശസ്തമായ മറയൂര്‍ ശര്‍ക്കരയുടെ നാടുകൂടിയാണ് കാന്തല്ലൂര്‍. കരിബിന്‍ ജൂസ് എടുത്ത് ഉരുക്കി ശര്‍ക്കര ഉണ്ടാകുന്നത് കാണാം കൈയോടെ ഫ്രഷ്‌ ശര്‍ക്കരയും ശര്‍ക്കരപാനിയും വാങ്ങാം. മറ്റൊരു സവിശേഷത മുനിയറകളെ സംരക്ഷിക്കുന്ന ആനക്കൊട്ടപാറ പാര്‍ക്ക്‌ ആണ്. ഒരുപാട് ചരിത്രങ്ങള്‍ ഉറങ്ങികിടകുന്ന ഒരിടം.

മുന്നാർ മറയൂര് റോഡ്‌ ,40 km മറയൂര് , മറയൂരിൽ നിന്നും 17 km കാന്തളൂർ , പൊള്ളാച്ചി -ആനമല ,ചിന്നാർ വഴിയും പോകാം

Route :Thrissur Anamalai chinnar marayur kanthallur