المدية عاصمة جزائر

17/03/2020

.

11/06/2019

شوف شوف 😂😂

23/04/2019

إغرب حادث في العالم 😂😂
دخت علبالك 😂😂😂

17/07/2017

نحير في الشعب اللي يظل ينتقد في هواتف كوندور ، ودايرهم تحريشة و يقولك نوكيا و سامسونغ و ألجي خير ، هادي باينة مي يلزمك تعرف انو الشركات الأجنبية هادوك شركات عالمية كبرى ، عندهم شحال و هوما في ميدان الالكترونيات ، مي كوندور شركية فتية تستحق الاحترام طبعا ، كي تقارن الجودة بالسعر و التطور السريع لمنتوجاتهم ، تعرف انو الشركة في الطريق الصحيح ، والشيء اللي خانها هو الجنسية لوكان كانت غير اوروبية نضمنلكم انها راح تنافس حتى الشركات الكبار اللي حكيت عليهم ، المهم ماشي طيح خشين كي تشري تيليفون ب 8 ملاين و تستعملو غير باش تصور بيه و تفايسبوكي بيه و نتا اصلا مدهملك papak ، هكداك اشري كوندور و نقص على روحك و اخدم منتوج بلادك ، على الأقل تزيد تخدم ولاد بلادك ، وتساهم في تطور اقتصاد بلادك.

12/07/2017

في الجزائر فقط تشري حاجة سعرها محدد و مكتوب فيها السعر ب 95 دج تشريها ب 120 دج و 150 دج ، رانا في غابة وخلاص .

12/07/2017

كم سعر قاعات الحفلات في ولاياتكم ؟

11/07/2017

الباركينغ 400 دج الطابلة ب4 كراسى 800 دج الباراسول 1000 دج
ميتين و عشرين الف قبل متحط مؤخرتك و تقابل البحر
عن اي سياحة تتكلمون ؟؟

11/07/2017

قالك التوانسة راهم يقولو الدزيريين عبئ على السياحة التونسية ، كي نجيو للحق الدزاير هي اللي رافدة السياحة التونسية ماليا بشكل كبير وهدا امر متفق عليه حتى من عند التوانسة نفسهم ، لكن الامر اللي الشعب الجزائري يخبيه انو الاغلبية كي تروح لتونس يديرو التبهديل خاصة ، كي يروحو لي جان وحدهم ، برسكو معندناش ثقافة تع سياحة في الدزاير البعض اذا لم نقل الاغلبية يروحو ماشي باش يحوسو ، يروحو خصيصا للسهرات و للنساء والشراب ، و بالنسبة للتونسي يشوفك دينار هو صح الجزائري يفسدلو النوعية تع السياحة في بلادو لكن ميقدرش يقولو كاش حاجة ولا يحاوزو ، هنا لقرارات سياسية من الحكومة التونسية اللي تربطها علاقات ممتازة مع الحكومة الجزائرية ، على هاديك التوانسة يخليو للجزائريين فقط الحرية التامة ، لكن للاسف كيما قلت من قبل اغلب الجزائريين يديرو امور غير حضارية في بلاد الناس و يمدو صورة سلبية عن الجزائر و المواطن الجزائري ، هدا ما يعنيش انو كاين البعض اللي يحترمو بلاد الناس و راهم عارفين انو ماشي كي راني نخلص في الدراهم يلزم نولي شيكور و ندير واش نحب.

09/07/2017

قالك هدا العام الزواج ناقص في لالجيغي
قولولنا علاش ؟

15/03/2017

شكون راهو سامع بالانتخابات؟

02/03/2017

شكون راهو سامع بهادي الانتخابات ؟

27/01/2017

الثورة الجزائرية صنعها الأبطال من الرجال و النساء واستفاد منها الخونة .

11/01/2017

نهدرو شوية بالون
قالك تايدر تعرض لاصابة و راح يغيب على الكان
تتوقعوا يعاودو يستدعيو فيغولي و لا مجاني ؟
انا نقول ادا كانت صح يستدعيو مسلوب لاعب لوريان .

11/01/2017

السلام عليكم
قالك وزارة التجارة راهي تقول : سجلنا أثرا ضعيفا لقانون المالية 2017 على الاسعار في الأسواق
بون هي صح راهي الأسعار الحالية تبان مبدئيا اسعار عادية و أسعار مافيهاش زيادات واضحة ، متنساوش انو رانا في بداية العام ، و الشعب الجزائري معروف أنو يخبي الدراهم من الشهرية في شهر جانفي و فيفري ، يعني الشعب مراهوش مقبل على شراء السلع و المواد الكمالية بقوة (يشري غير الأساسيات) ، اضافة الى عملية التهويل اللي ندارت بسبب قانون المالية 2017 اللي خلات الشعب ينقص في امور بزاف خوفا و حفاظا على حساب الميزانية ، بصح تقدر تقول من ماي و روح تبدى تبان الفجوة و ناس بزاف رايحة تدخل لخط الفقر ، لأنو الناس في الصيف النهار طويل بزاف و تزيد وحد المتطلبات ، اضافة الى رمضان و الاعياد و التحواس و الدخول المدرسي ، في هادي الفترة تزيد نسبة الطلب و نسبة العرض تنقص ، هنا تصرى عملية الزيادة في الاسعار ، و هنا كانت فئة من التجار رايحة تستغل الفرصة ، و تخلي هادي الاسعر في السوق لانو في الدزاير جامي حاجة كي نقصت في السوق العالمية نقص سعرها هنا في الدزاير ، بلا مننساو انخفاض سعر الدينار ، يعني هامش الربح رايح يزيد و من المرتقب قريبا الزيادة في النقل ، و ادا زاد النقل رايح يزيد كلش لانو النقل يدخل في جميع المجالات الإقتصادية التجارية و الخدماتية ، هنا كاين فئة رايحة تزيد من اسعارها و اللي هي هادوك اللي مستثمرين في المواد الاساسية ، اما كاين قطاعات اللي رايحين يفلسو و يديكلاريو ، كاين قطاعات و محلات اخرى تتحتم عليها تبدل نشاطاتها و الا هي ثاني تفلس ، محلات بزاف رايحة تخدم بالخسارة ، الحاجة الوحيدة اللي بامكانها انقاذ المواطن الدزيري البسيط هي عملية رفع الدولة دعم بعض المواد و تزيدهم للاجر تاع العمال اللي مثلا يكونو يخلصو قل من 40000 دج و الحاجة اللي يلزم تندار هي الزيادة في الاجر القاعدي ، برسكو جماعة 15000 دج و 18000 دج هادوك راهم تحت خط الفقر ، ويلزم على الشعب ينقص من عملية التبذير اللي تربى عليها تستحق 5 خبزات اشري 5 كي يخصك زيد اشري ، التجار ثاني يلزمهم يكونو مسؤولين و يحترمو اخلاقيات المهنة وميديروش زيادات من راسهم في البضائع ، الدولة و الحكومة رانا قلنا انها نرفع يدها على الدعم و تزيدو للفئة اللي تحتاجو ماشي الزوالي و المستوردو مول الشركة ياكلو الخبز و الحليب بنفس السومة .

30/12/2016

قبل يومين من نهاية سنة 2016
كيف كان عامك ؟

30/12/2016

السلام
يا جماعة المشكل في الدزاير راهو مشكل اجتماعي قبل ما يكون مشكل اقتصادي و عقائدي وسياسي او ثقافي ، ادا ما صلحناش المنظومة الاجتماعية منقدروش نطورو ولا نتقدمو ، ادا كان مجتمع جاهل و معدوم الاخلاق و بدون شخصية او هوية ، حتى و تكون فاريها في الدنيا متقدرش تتعايش مع الناس ، على هاديك حبيت نقول يلزم اعادة الاعتبار للجانب الاجتماعي في الدزاير .

30/12/2016

ما سبب عزوف الشاب الجزائري عن الزواج ؟

29/12/2016

في حصة تلفزيونية قال الوزير الأول أنه نزل إلى السوق ورأى أن الاسعار ليست مرتفعة و أنها أسعار عادية !!
الذين دخلهم أقل من 70000 دج (7 ملاين) غير معنيين بالتعليق
أصحاب الدخل الأعلى من 7 ملاين يقولون لنا هل الأسعار عادية و في المتناول ؟

29/12/2016

هل تعلم أنو كاين اللي مازال يكتب :
القدرة الشرائية للمواطن الجزائري في انهيار

28/12/2016

الرئيس يوقع على قانون المالية لسنة 2017
كلمة على قانون المالية 2017 و ماهي انعكاساته على المواطن الجزائري ؟

27/12/2016

27/12/2016

النقل في الجزائر ؟

27/12/2016

نظرتكم لعام 2017 !!

27/12/2016

المجتمع الجزائري مشكلته أخلاق أم هوية أم أشياء أخرى ؟

27/12/2016

المجتمع الجزائري في كلمة .