22/06/2018
・・・
دور العالم و زيد دور، و لوج على جنة بلاش سور ، و ڤوم على صباحات النور اما صدقني.. تدور تدور و تجي ڤدانا.. و تطل على جربتنا المزيانة..
جربة أرض التسامح و السلام، جربة جزيرة الأحلام، جربة بلاد العشاق و الغرام.. بلاد اللحفة و المبسم بلارة، و يا للة على ضو صباياها اللي يضوي كي المنارة، و يا بابا لو كان تدور الحارة و تدهش في حيوطها و تعشڨ منظر شطوطها بين سيدي جمور و حجراتو و السوڨ العربي و زنڤاتو..
دور الدنيا و ما فيها و انا نشهدلك ما تلڤا في طيبة أهل جربة و اماليها، و يا عالي احميها و كثر مالزوار فيها.. هيا وينك درت ولا مازال؟ ولا حطيت كلامي في البال و بديت تحضر في زاد الرحال؟
هيا ايجو ڤدانا و شوفو جربتنا المزيانة 💙
#كتاباتي #بقلمي #ريمي #جربة
