Egypt Tour Guide Mariam Ragab (2025)

14/06/2024

هي الحمدلله مش بس احنا لازم نقول مش ليا بس للفندق 🙆🏻‍♀️🤣
واقفة مع موظف الريسبشن بقوله معلش بس هو بجد حضرتك مديني غرفة رقم ٢٠٧ ؟؟! قالي اه يا فندم دي غرفة حلوة جدا وهتعجبك
قولتله المهم بس ميكونش فيها عفاريت انا مش عايزة اموت !
لقيت نزيل تاني واقف جنبي راح وشه جاب الوان وقال للموظف اييييه!! هو في عفاريت!! حد مات هنا في الفندق !

وانا روحت سيباهم وماشية ولا كأني بوظت سمعة الفندق وضربت السياحة في مصر 🙊🤣🤣🤣
متتفرجوش على افلام ومسلسلات تاني قبل ما تسافروا

13/06/2024

بما إن موسم الإجازات بدأ وناس كتير بتحب تروح الاهرامات في الأعياد والمناسبات
فا خلوني اقولكم إن المكان اللي قدام ابو الهول ده من الاااااااااف السنين كان فرع من فروع نهر النيل 😃
ومكان ما انا واقفة بالضبط كان موجود مرسى مراكب الملك -واللي لسة باقي جزء منها لحد دلوقتي- فا لو بصيتوا على الصورة اللي ماسكاها في أيدي هتشوفوا شكل تخيلي للمكان ده زمان وازاي كان النهر موجود قدام الهرم وفي مرسى واقف فيه المراكب و واضح كمان الطريق الصاعد اللي بيحصل لهرم الملك خفرع -ولسة باقي أجزاء منه وباين برضه ورايا اهو😄- وكمان ازاي كانت الاهرامات لونها ابيض وملساء من الجوانب لأنها كانت بتتكسي بطبقة خارجية من افضل انواع الحجر الجيري -الكسوة دي للأسف وقعت من كل الاهرامات ماعدا قمة هرم خفرع اللي ابو الهول على طول اهو-

وبمناسبة المراكب فا احنا كمان اكتشفنا مواقع كتير لدفن المراكب دي بجوار الاهرامات نظرا لاعتقادهم بإن الملك هيبحر بيهم بعد موته في العالم الآخر ، و وجدنا بعض المراكب بالفعل موجودة
اكبرهم مركب الملك خوفو اللي كانت مدفونة بجوار الضلع الجنوبي للهرم الكبير ومصنوعة من خشب الأرز وكانت مفككة إلى ١٢٢٤ قطعة وقعدنا حوالي عشر سنين بنرممها ونعيد تجميعها مرة أخرى ، وكانت معروضة في متحف تم إنشاءه في مكان اكتشافها لكن حاليا تم إزالة المتحف ونقل المركب للمتحف المصري الكبير

مين شاف المركب دي قبل كدة ؟ وكنتم تعرفوا إن ده مكان المرسى ولا لا؟!

12/06/2024

قبل ما اركب الطيارة قعدت اذاكر الاتجاهات واحاول اختار احسن كرسي اقدر منه اكون قاعدة في اتجاه شمال غرب عشان اشوف الاهرامات لاني نادرا ما بعرف اشوف اي اهرامات من فوق 🥹
وقولت هفضل صاحية وقاعدة بقى عشان اول ما نعدي عليهم اصورهم 🤩
بس نمت برضه كالعادة 🤣🤣🙆🏻‍♀️ وصحيت من النوم بقول لااااااا مش معقول كدة فاتتني الاهرامات 🤦🏻‍♀️ بس ببص من الشباك لقيت الهرم ده 😄 فرحت جدا وقولت هيييييه اخيراااا هصور الاهرامات من فووووق
بس المشكلة اني كنت لسة نايمة تقريبا ومش مجمعة هو ليه هرم واحد بس !! وفين الاتنين التانيين !! هو انا لسة نايمة وبحلم طيب ؟!! طيب هو ليه في الحلم جايلي هرم واحد بس !! وقعدت في فترة التساؤل دي لحد ما الحمدلله مخي اشتغل تاني الحمدلله واستوعبت أنه طالما ده هرم واحد لوحده يبقى احنا في دهشور مش في الجيزة !! وده الهرم الاحمر والمفروض اصور الهرم المنكسر كمان
بس للأسف كان خلاص مبقاش باين عشان اعرف اصوره 🥹

بالمناسبة ،، الهرم الاحمر هو أول هرم حقيقي تم بناءه في العالم (هرم حقيقي يعني مبنى بقاعدة مربعة وجوانب مثلثة بزاوية واحدة) واللي بناه هو الملك سنفرو ابو الملك خوفو صاحب الهرم الكبير ،، والهرم الاحمر ده بيعتبر تالت اكبر هرم بعد هرم خوفو وهرم خفرع ، واتسمى بالهرم الاحمر عشان مبني من الحجر الجيري اللي بيحتوي على أجزاء بتدي ضي احمر مع أشعة الشمس
والهرم المنكسر (أو المنحني) اللي انا ملحقتش اصوره 🙆🏻‍♀️ برضه اللي بناه الملك سنفرو وهو أقدم من الهرم الاحمر ، كان أول محاولة لبناء هرم حقيقي مش مدرج لكن تم تغيير درجة الزوايا ٣ مرات أثناء البناء وده اللي خلاه يبان كأنه مكسور أو منحني وعشان كدة متسمي بالاسم ده ،، واحيانا برضه بيتسمى الهرم الابيض عشان مبني من الحجر الجيري الابيض وكان مكسو بكساء خارجي أملس من الحجر الجيري الابيض برضه -ومازال اجزاء كتير اوي منه موجودة- ولكن حاليا بقى لونه اصفر مش ابيض 😅

لو مرحتوش اهرامات دهشور قبل كدة لازم تحطوها في خطة زياراتكم لأنهم حقيقي حلوين جدا جدا ويعتبروا من اجمل تجارب دخول الاهرامات من الداخل (واكتر اهرامات متعبة برضه 😅)

مين زارهم قبل كدة ؟؟! ومين كان الجيش بتاعه هناك وبيصبح على الاهرامات دي كل يوم ؟!! 😃

20/05/2024

منزلة ستوريهات من اسكندرية والأقصر والفيوم والغردقة في نفس الوقت ،، عشان لاللي عايز يعرف انا فين يبقى متشحطط 😃🤣🤣
وانا اساسا قاعدة على الكنبة مفرهدة من الحر مش طايقة اطلع البلكونة حتى 🥵
حسبي الله ونعم الوكيل في الصيف 🥹

17/05/2024

دبانة ولا نحلة ؟؟
#مصر #الاقصر

😍

09/04/2024

HAPPY WIFE, HAPPY LIFE 👩‍❤️‍👨❤️

#مصر #الغردقة

😍

04/02/2024

The Roman Emperor Hadrian from the Graeco-Roman Museum in Alexandria, Egypt.

His reign was from 117 to 138 AD, during which he visited Egypt, especially Alexandria, which was the capital at that time. He renovated its main temple, 'The Serapeum' and added to it a statue of Apis bull, You will find its pictures in upcoming posts.

STAY TUNED 🤩

تمثال جميل ل الامبراطور هادريان من المتحف اليوناني الروماني بالإسكندرية.
فترة حكمه كانت من ١١٧ ل ١٣٨ ميلاديا، زار خلالها مصر وخاصة الإسكندرية التي كانت العاصمة وقتها، وجدد المعبد الرئيسي بها 'السرابيوم' وأضاف إليه تمثال للعجل ابيس ، هتشوفوه في البوستات الجاية 😃

خليكم متابعين ومتحمسين 🤩

#مصر #الاسكندرية

😍

01/02/2024

كنت واقفة بصور قصر باسيلي باشا "متحف الإسكندرية القومي"
وطبعا تفاصيله المعمارية مع تفاصيل السماء. السحاب كانت تجنن ،، بس عجبتني اكتر الصور أثناء لحظات مرور عربيات تاكسي اسكندرية المميز 💛

#مصر #الاسكندرية

😍

01/02/2024

The Roman Emperor Hadrian from the Graeco-Roman Museum in Alexandria, Egypt.

His reign was from 117 to 138 AD, during which he visited Egypt, especially Alexandria, which was the capital at that time. He renovated its main temple, 'The Serapeum' and added to it a statue of Apis bull, You will find its pictures in upcoming posts.

STAY TUNED 🤩

تمثال جميل ل الامبراطور هادريان من المتحف اليوناني الروماني بالإسكندرية.
فترة حكمه كانت من ١١٧ ل ١٣٨ ميلاديا، زار خلالها مصر وخاصة الإسكندرية التي كانت العاصمة وقتها، وجدد المعبد الرئيسي بها 'السرابيوم' وأضاف إليه تمثال للعجل ابيس ، هتشوفوه في البوستات الجاية 😃

خليكم متابعين ومتحمسين 🤩

#مصر #الاسكندرية

😍
#مصر

14/01/2024

في سنة 1858 وافق سعيد باشا على إنشاء "مصلحة الآثار" لحماية الآثار المصرية والمحافظة عليها، وكمان عشان تكون الجهة المسؤولة عن الحفائر والتنقيب عن الآثار.
وتم اختيار عالم الآثار الفرنسي أوجست مارييت باشا عشان يكون أول شخص يتولى منصب مدير "مصلحة الآثار".
وفضل منصب مدير "مصلحة الآثار" حكر على علماء الآثار الأجانب فقط -الفرنسيين- ولم يتم تعيين اي مدير مصري.
لحد يوم 14 يناير 1953 م لما تم تعيين عالم الآثار المصري مصطفى عامر في منصب مدير "مصلحة الآثار" كأول مصري يتولى هذا المنصب بعد أكثر من مائة عام سيطر فيها الأجانب على رئاسة المصلحة.
يعني أخيراً بعد كل السنين دي أرض مصر بكل كنوزها بقت في ايد أبناءها الآثاريين 💪
ولأن اليوم ده مناسبة هامة جدا تم اختياره في عام 2006 عشان يكون (عيد الآثاريين المصريين) 🇪🇬👌

انهاردة كل الآثاريين المصريين بيحتفلوا بعيدهم الثامن عشر 🎉 وعشان كدة لازم كلنا نحتفل بيهم ونشكرهم على كل مجهوداتهم العظيمة اللي بذلوها لإكتشاف والحفاظ على آثارنا ❤️🏛️

شكرا لكل آثري ،، شكرا لكل مرمم ،،
شكرا لكل أساتذة الآثار اللي بيعلمونا ويدرسولنا آثارنا في كل الجامعات ،، شكرا لكل وزير تولى ملف هذه الوزارة الهامة.

شكرا للعالم سليم حسن مؤلف «موسوعة مصر القديمة»
شكرا للعالم الجليل الدكتور عبد الحليم نور الدين أول أمين عام للمجلس الأعلى للآثار بعد تطويره من مصلحة إلى مجلس أعلى تابع لوزارة الثقافة.
شكرا لأشهر عالم آثار مصري في العالم الدكتور زاهي حواس أول وزير لوزارة الدولة لشئون الآثار بعد انفراد الآثار بوزارة في الحكومة المصرية.
شكراً للأستاذ الدكتور ممدوح الدماطي وزير الآثار الأسبق اللي كرمني واهداني شهادة تقدير بفخر وبعتز بيها 🎖️
شكرا للأستاذ الدكتور خالد العناني الوزير السابق وأول وزير يتولى ملف (وزارة السياحة والآثار) بعد دمجهم في وزارة واحدة.

كل سنة وانتم طيبين 🎆🎀
واتمنى العيد الجاي ليكم نكون بنحتفل معاكم مش بس بالعيد ولكن كمان بتأسيس نقابة الآثاريين 💪🎉

#مصر #الآثار #السياحة

Egypt Tour Guide Mariam Ragab

14/06/2024

13/06/2024

12/06/2024

20/05/2024

17/05/2024

09/04/2024

04/02/2024

01/02/2024

01/02/2024

14/01/2024

Address

Website

Alerts

Videos

Shortcuts

Share