لو كنت عربي من اي دولة عربية من المحيط الي الخليج وعندك صور حلوة لبلدك شاركنا وابعتهلنا وعرفنا اكتر علي بلادك الجميلة ....
بلادنا العربية اجمل بلاد الكون ... بس محتاجة عيون تدور علي جمالها دة وتحس بيه ...
صفحتنا هاتحاول مجرد محاولة متواضعة لاظهار جمالها ولفت الانظار اليه ....
معانا ادمنز من مصر - الجزائر - لبنان
ونفسنا يكون في الصفحة ادمنز من كل البلاد العربية .. وأي حد شايف انه يقدر يكون ادمن معانا ويتميز بصوره الخاصه عن بلده ياريت يبعتلنا علي الرسايل
18/03/2020
#بسم الله الرحمن الرحيم
هنعمل أكبر حملة لدعم مصر🇪🇬 على كل السوشيال ميديا وفى البيوت لازم صوتنا يوصل ❤️
1️⃣هنقعد كلنا فى بيوتنا وهنولع موبيلاتنا من البلكونات الساعة 12 بالليل ننور كل مصر ويشوفنا كل العالم وهندعى ربنا بصوت واحد يخلصنا من الوباء ويرفع غضبه عنا 💯
2️⃣هندعو لحملة تبرعات من أثرياء مصر والفنانين ولاعيبة الكورة والمشاهير ويظهرو ف فيديوهات يدعمو مصر ويعلنوا تبرعاتهم اللى هتكون مبالغ مادية أو كمامات ومطهرات ومواد غذائية وتبرعات للمستشفيات لمواجهة الكورونا ويدعوا زمايلهم يعملوا زيهم ويدعو الناس للجلوس ف البيوت 💯
3️⃣هندعو أصحاب المصانع والشركات يعملوا عروض على المواد الغذائية والطبية والمستلزمات الاستراتيجية زى ماكانو بيعملوا عروض البلاك فريداى يعملولنا عروض دعم مصر ومحدش يستغلنا وقت المحنة ردو الجميل مصر خيرها عليكو 💯
4️⃣أخر حاجة هنوحد الهاشتاج دا كلنا
15/03/2020
15/03/2020
15/03/2020
كحول ايثيلي ٧٠٪ خليه معاك دايما عشان لو مسكت اي حاجة في الشارع او في المواصلات او اي حته فيها تجمعات ترش و تنضف ايدك
الازازة ب١٢ جنيه
15/03/2020
التغلب علي #الكورونا من دلوقتي كل واحد مسؤل عن نفسه وولاده واهله..لتر مياة عليه ٢٠سم كلور و حطهم فى بخاخة و رشى بهم الاسطح او اى حاجة تشتريها.
واعملي من الكلور ده بخاخه صغيره في شنطه ايدك ،، رشي بيها الاسانسير وباب العماره ، باب العربيه..
والعيش والفينو حطيهم في الميكرويف شوية قبل الاستخدام...غسيل الفاكهه والخضار بمية سخنه
بلاش سلام بالايد ولا بوس ولا احضان
غسيل الايد تلت مرات يومياً علي الأقل
وانت في الشغل خد فوطة معاك مبلولة مياه بكلور واول ما تروح امسح مكتبك واي ادوات عليه واوكر الباب لو انت اللي بتمسكها او تفتحها
غسيل الايد هتفتح الحنفيه بمنديل وترميه تغسل الايد بالصابون لمدة عشرين ثانية وتنشف ايدك وتقفل الحنفيه بمنديل مش بايدك وترميه
اول ما ترجع بيتك الجزمة برا البيت تدخل ع الحمام تغسل ايدك بنفس الطريقة المذكورة
تمسح بفوطة بكلور موبايلك نضارتك مفاتيحك اوكرة باب الشقه اي مفتاح نور لمسته وانت داخل لو لابس ساعه خواتم كله هيتمسح حتي المحفظة والاهم الموبايل ويفضل لو تاخد دش
اي طلبات بنشتريها بتتمسح لو مغلفه بفوطة بمياه وكلور
الخضار والفاكهة غسيلهم بمياه الحنفيه كويس كافي جدا
بلاش اكل مطاعم او من الشارع الفترة دي
الفراخ السمك الغسيل كافي بمياه وخل
اي طلبات لو سبتها ٢٤ ساعة قبل استخدامها كافيه جدا ان الفيروس يموت من عليها
قاعدة ثابتة طول ما انت برا البيت ايدك متلمسش وشك ابدا الا اذا كانت مغسولة كويس جدا قبلها
لو قدرت تشتري كحول ٧٠ في المية او جل مطهر تستخدمه في حالة عدم توفر مياه في المكان لكن الصابون كافي جدا
رغم ان الناس واخدة الموضوع بهزار بس بكل امانة ده اللي بيعملوه في كل الدول اللي ظهرت فيها الاصابة النظافة هي الحل
حاول تعلي المناعة بأكل طبق سلطة وخضار. فاكهة بشكل يومي وشرب مياه كتير وتحاول تتعرض للشمس
ياريت نعرف ان المعركة معركة وعي يعني
لو كل واحد نشر المعلومات دي وعلم اللي حواليه هنقلل نشر الفيروس
انك تعرف لوحدك ده مش هينقذك لازم تعلم اكبر عدد ممكن ولو الكل التزم بالاحتياطات نقدر باذن الله وحده نحتوي الازمة وربنا يرفع عنا البلاء
Be the first to know and let us send you an email when من كل بلد صورة Charm Of The Arab World posts news and promotions. Your email address will not be used for any other purpose, and you can unsubscribe at any time.
