台灣福隆國際沙雕藝術季2019
又去海灘玩啦，今次係睇沙雕，新北福隆沙灘開緊沙雕節，60多個各國同台灣嘅沙雕，巨神、巨城、人魚、女神、怪獸、機械鯨等等，宏偉又有，得意又有，造型巨大得嚟手工精細，要慢慢欣賞呀。
倫敦泰晤士河夜晚船河
飛咗去倫敦，係要遊下船河，泰晤士河夜晚平靜景靚，坐船慢慢欣賞 Tower Bridge、London Eye、Millennium Bridge 同埋 Clock Tower，一程只係29英鎊，即係HK$285，咁抵坐要遊成晚啦。
奧地利伊蔑士雪山過山車
想玩雪飛咗去奧地利伊蔑士(Imst)，呢處嘅雪山過山車全長3.5公里，下降高度500公尺，長程又高速，冰天雪地時候玩都好刺激，8歐元即係HK$71玩一程，連埋纜車飛都只係13.5歐元HK$120，咁抵玩要坐幾轉啦。
日本櫻花光雕表演 Flowers by Naked
想欣賞日本櫻花美態，而家就有得睇啦，光雕藝術團 NAKED 又推出新嘅花卉表演，今次以東京日本橋為主題，夢幻櫻花海虛幻迷人，比起真實櫻花仲靚架。
悉尼澳洲國慶海上表演
飛咗去澳洲悉尼，想睇下1月底澳洲國慶表演，環形碼頭有煙花匯演、演唱會、光船巡遊，由傍晚一直玩到夜晚，光耀搶眼，興奮好睇。
英國愛丁堡聖誕市場2018
飛咗去英國愛丁堡，聖誕市場由11月中開到1月初，幾十檔攤賣緊精品、燈飾、衣衫、糖果、美食、首飾，仲有機動遊戲玩，坐下摩天輪，食下棉花糖，買下禮物，好有聖誕氣氛啦。
Pattaya Kart Speedway
芭堤雅唔止陽光海灘，仲可以玩高卡車，Pattaya Kart Speedway 係玩汽油高卡車，最高時速去到100公里，咁飇車先至爽，10分鐘400泰銖即係HK$96，黃昏飇車堅暢快刺激。
德國慕尼黑 Oktoberfest 2018
十月初飛咗去德國慕尼黑，梗係要去 Oktoberfest 啤酒節玩，唔止飲啤酒食香腸嘅，仲有好大型嘅嘉年華會，20幾種機動遊戲同遊玩屋，刺激同輕鬆都有，仲要幾歐羅就玩得，抵玩到呢。
韓國平昌 Alpine coaster
喺俄羅斯玩完落山過山車 Rodelbahn 上咗癮，原來韓國平昌都有得玩，Alpine coaster 2分半鐘路程最高時速都係40公里，22000韓圜即係HK$155，快速好玩。
京都 teamLab 光の祭
飛咗去京都，係要睇下藝術表演，下鴨神社啱啱辦緊光の祭，由東京現代藝術團 teamLab 主理，現代光影加埋傳統神社，直情係新舊交融，奇幻迷離，好得意好開心。
