K.Ramzy - خالد رمزي (2024)

17/03/2024

فتحية (بالتركية: Fethiye)‏ (تلفظ في تركيا: فِتْ ياه)، مدينة الريفيرا التركية 😍
اكتر مدينة ممكن ترتاح فيها نفسيا في الساحل التركي الجنوبي 🇹🇷.
وبخلاف اجواء المدينة الجميلة فيها انشطة كتير حولها هجاوبك على كل شيء يخصها
- هل يمكن السفر لها من اسطنبول بالسيارة🚗؟ صعب جدا مسافة كبيرة
- كام المسافه بالطائرة✈️؟ ساعه واحدة فقط تنزل مطار دالمان بعدها تاخد باص 🚌 للمدينة مدته ٥٠ دقيقة
- هل يوجد بها فنادق جيدة 🏨؟ مستوى الفنادق فيها بسبب صغر حجم المدينة غير كبيرة ومساحات صغيره بس بسيطة
- كام يوم تنصح للاستمتاع بكل شي ؟ حوالي ٥ ايام
- ماهي الجولات التي ترشحها ؟
١- زيارةً شاطئ اولدونيز 🏖️والقيام تجربة البراشوت الشهيرة عالميا سعره حوالي ١٢٠$
٢- زيارة اخدود الساكليكنت والاستمتاع بتجربة التجديف 🚣tubing ودخول الاخدود وتناول الغذاء على نهر دالمان البارد
٣- انصح بزيارة نهر داليان 🚤والقيام برحلة بحرية فيه وزيارة حمام الطين ( الطمي ) والمياة الكبريتيه ايضا

٤- القيام برحلة بحرية ⛵️من ميناء فتيحة وزيارة الجزر المشتركة بين اليونان وتركيا والعوم والسباحة بها

اتمنى المقال يكون مفيد ليكم ولو حد محتاج يسال عن اي حاجة يكتب في التعليقات
Travel ✈️46 countries

16/03/2024

مدينة أنتويرب (بالهولندية: Antwerpen - بالفرنسية: Anvers - بالإنجليزية: Antwerp)
هي مدينة بلجيكية 🇧🇪 تبعد حوالي ساعه شمال بروكسل العاصمة
يقال ايضا أن اسم المدينة مشتق من Hand werpen و تعني إرمي اليد، حيث تقول الأسطورة أن عملاقا كان يقف على مدخل المدينة ويقطع أيادي البحارة الذين لا يريدون أن يدفعوا الضرائب إلى أن جاء بطل قطع يد العملاق و رماها في البحر.😲
مدينة حيوية وعدد سكانها كثيف حوالي نص مليون تقدروا تروحوها تقضوا يوم كامل في السنتر وحوليه وتاجروا سكوتر 🛴 تلفوا بيه شويه وترجعوا تاني بروكسل او تكملوا لهولندا

Travel ✈️ 46 countries

09/03/2024

تقدروا تتابعوا ستوريهات ويوميات السفر بتاعتي على الانستجرام واللينك في اول تعليق 🥰😍

08/03/2024

مدينة بولو تركيا 🇹🇷

07/03/2024

أما تسافر في اوروبا بين المدن أو الدول بالباص 🚎سواء bla bla او flixbus
اختار نوعه relax وادفع يورو او اتنين زيادة واختار الكرسي اللي في الدور التاني واجهة امامية واستمتع باحلى سفرية كانك الوليد بن طلال 😃وانسى انك كحيان بتسافر بباص 🚌

06/03/2024

العملات والأسعار حول العالم 🗺️(٤٦ دولة ) الجزء الأول :
كل شيء بالفلوس وأهم شيء في السفر الفلوس عشان كده هحاول في البوست ده اقولكم تجربتي في العملات والتسوق وشراء الإحتياجات المعتادة في كل دولة زورتها يلا بينا 🤓😍:
١- تركيا 🇹🇷:
- العملة سابقاً : الليرة التركية
- العملة الحالية : الليرة التركية
- سعر الصرف مقابل ١ دولار 💵٣١ ليرة
- التسوق ومتوسط الأسعار :
يلاحظ في الفترة الأخيرة زيادة الأسعار بشكل كبير خصوصا في كل ما يتعلق بالأماكن السياحية وبعض انواع الملابس
_ تقييم الأسعار في الدولة بشكل عام
كسائح ٨٠٪؜

٢- جورجيا 🇬🇪:

- العملة سابقاً : اللاري الجورجي
- العملة الحالية : اللاري الجورجي
- سعر الصرف مقابل ١ دولار 💵٢.٦ لاري
- التسوق ومتوسط الأسعار :
جميلة جدا في التسوق 🛍️ منتجات غذائية وملابس سواء مستورده من روسيا او تركيا المواصلات وبولت رخيصة
بالنسبة للطعام في المطاعم الحلال غالية نسبيا عن باقي المطاعم
_ تقييم الأسعار في الدولة بشكل عام
كسائح ٩٠٪؜

٣- المالديف🇲🇻
-
- العملة سابقاً : الروفية المالديفيه
- العملة الحالية : الروفية المالديفيه
- سعر الصرف مقابل ١ دولار 💵١٥.٤٠ 🇲🇻
- التسوق ومتوسط الأسعار :
بما إنها جزر منعزله بعيدة عن بعض وبعيدة عن الاماكن المصنعة للمنتجات وبتتنقل لها نقل بحري هتلاقي كل أسعار المنتجات الغذائية تلات او اربع اضعاف اادول حولها مثل عمان او اليمن مثلا
اما الفنادق واماكن الاقامة بتختلف حسب جودة الفندق والجزيرة نفسها
_ تقييم الأسعار في الدولة بشكل عام
كسائح ٥٥٪؜
ده الجزء لو عجبكم شاركوني برأيكم وتعليقاتكم في الدول اللي زورتوها 💜

Taravel ✈️ 46 countries

04/03/2024

كان نفسي يكون زيارتي للدولة الاربعين وقت دخولي الأربعين سنة تكون مميزة ولكن دولة اسمها على الخريطة بسبب شخص اسمو إسكندر المقدوني وهي رقم #٤٠ 🌏 مقدونيا 🇲🇰 الشمالية
هكتبلكم عنها بالتفصيل
بعض المعلومات هتكون من مصادر موثقة وكمان هقولكم تعليقي وانطباعاتي على ارض الواقع

الموقع الجغرافي 📍:
الخريطة في الصور 👇

المساحة 📏:
٢٥٠٠٠ كم
المسافات ببن المدن طويلة والطرق غير ممهدة بس كل بنزينة فيها عدة ماكينات سبريسو ده اللي ممكن يصبرك

الفيزا للمصريين🛂:
يمكن الحصول عليها من السفارة كملصق ولكن صعب جدا وهتحتاج دعوة
والافضل دخولها بفيزا شينجين سارية او فيزا امريكا سارية
ملحوظة:
مع دخولي للحدود البرية لكل دولة بيكون فيه انطباع وبالطبع انطباعي الاول
هو اندهاش الظباط من دخول مواطن مصري من الحدود الالبانية في موسم غير سياحي وهي اصلا دوله غير سياحية وطبعا عملوا شيك على كل حاجة خدوا وقتهم حوالي ١٠ دقايق وفتشوا العربية باحترام وبعدين وقلوا بتعرفوا عليه بشكل ودود جدا واحد فيهم بيتكلم الباني والتاني تركي
ومن هنا هشرحلكم ازاي بقى في الفقرة القادمة

التكوين السكاني 👨‍👨‍👦‍👦:
٢ مليون نسمه تقريبا
٦٤٪؜ مقدونيون,
25.2% ألبان,
3.9% الأتراك,
2.7% غجر,
1.8% صرب,
0.8% بوشناق,

اللغة :🗣️🗣️
اللغة الرسمية الألبانية- المقدونية
بتبقى ماشي في الشارع سامع صوتيات لغية خليطة بين التركي والالباني
بس التعليم العالي والجامعي مميزين جدا في اللغة الإنجليزية بتخرج الشباب كلهم بيتكلوا انجليزي بشكل فوق المتوسط افضل من دول البلقان كلها

العمله والاسعار💵💶💳:
-الدينار المقدوني ١$ = ٥٥ دينار مقدوني.
ملحوظة : حبيت اكون ناصح وقولت احسب الجنيه يساوي واحد دينار بعدين لقيت السلطة ٢٠٠ دينار قولت لا ياعم احسب باليورو السلطة ٤ يورو 😅
والرغم من كده الاسعار قليلة جدا وتقريبا نص سعر الاكل مثلا بالنسبة لجارتيها اليونان والبانيا
والشوبينج مميز لان البضائع التركيه والأوروبية بتيجي عن طريق البر بدون جمارك كمان بتكون اسواق شعبية
ولا ضرايب وقلة تكلفة العمالة ٤٠٠€ متوسط مرتب فرد البيع مثلا🫣
علشان كده الاسعار كويسة

الاماكن السياحية ✈️🚗:
صراحة كان نفسي اجاملهم عشان طيبين بس انزل العاصمة سكوبي تمشي في السوق القديم او بحيرة اوهيدو قضي وقت حلو في الصيف
هي دولة مش ساحلية

الاكل والطعام 🥗🍛🍽️:
العرق التركي والبوسني متواجد بكثرة لذلك وجود المطاعم الحلال كتير جدا
اكلهم قريب من المطبخ التركي التقليدي
وبعض القرى بتقدم اكل اقرب للمطبخ الالباني
اسعار الاكل حلوه
شاركوني برايكم وحابين تعرفوا ايه عن اي دول تانيه

-Travel ✈️46 countries))
‏🇧🇭🇦🇿🇪🇬🇱🇧🇱🇷🇦🇪🇲🇻🇰🇼🇹🇭🇻🇳🇱🇰🇮🇩🏴󠁧󠁢󠁥󠁮󠁧󠁿🇹🇷🇸🇦🇦🇲🇩🇪🇦🇹🇨🇿🇸🇰🇭🇺🇸🇮🇮🇹🇷🇴🇬🇷🇧🇾🇦🇱🇲🇪🇵🇱🇵🇹🇪🇸🇽🇰🇭🇷🇫🇷🇳🇱🇧🇪🇨🇭🇱🇺🇲🇰🇻🇦🇲🇦

01/03/2024

مدينة الأحلام ❤️💙🤍💜اسكيشهير ( Eskişehir ) هي مدينة في منطقة الأناضول في الشمال الغربي من تركيا ،ويتخلل المدينة نهر بورسك تشاي ( Porsuk Çayı)
فيها قلعة الحكايات وهي قلعة اشبه بالخيال من 💙جمالها
استمتعوا بالصور 📷📷
‏Travel ✈️(45)
‏🇧🇭🇦🇿🇪🇬🇱🇧🇱🇷🇦🇪🇲🇻🇰🇼🇹🇭🇻🇳🇱🇰🇮🇩🏴󠁧󠁢󠁥󠁮󠁧󠁿🇹🇷🇸🇦🇦🇲🇩🇪🇦🇹🇨🇿🇸🇰🇭🇺🇸🇮🇮🇹🇷🇴🇬🇷🇧🇾🇦🇱🇲🇪🇪🇸🇽🇰🇭🇷🇫🇷🇳🇱🇧🇪🇨🇭🇱🇺🇲🇰🇻🇦🇲🇦🇵🇹

26/02/2024

بعد زيارتي للبلد رقم ٤٠ 🌎البوست ده هكتب فيه ٤٠ انطباع او معلومه بعد سفر ٤٠ دولة✈️ وعشت في اكتر من ١٠ دول منهم لمدة اكتر من شهر هنقلكم تفاصيل من مسافر بيركز في حاجات ممكن متبقاش مهمه اوي بس بالنسبالي كل تفصيله بتفرق واتمني تعجبكم :

1️⃣ - تركيا 🇹🇷 : الاكل في تركياoverrated باستثناء لحمة جون والحلويات التركي

2️⃣فيتنام 🇻🇳: بلد بعيدة صحيح بس تستحق المشوار منظمة سياحيا ومنوعه

3️⃣- تايلاند 🇹🇭: متقولش اسم بوذا في اي مكان الناس هتبصلك بسرعه . وطبعا المساج التايلندي اكتر من محلات السوبر ماركت

4️⃣- ارمينيا 🇦🇲: بالرغم من طيبة شعبها بس تحسن الحزن في عنيهم وملامحهم دايما 😓

5️⃣- سويسرا 🇨🇭 احلى بلد في العالم طبيعة الواحد مش عارف الجنه هتبقى ازاي 😍

6️⃣- أذربيجان 🇦🇿: البنت اللي بتمشي في الشارع وتشرب سجاير ديه كده متحرره جدا عندهم والكل بيبوصولها باستغراب 😯

7️⃣- البانيا 🇦🇱: متحاولش تسال حد دينه ايه هم نفسهم بيستغربوا من السؤال😬

8️⃣ - النمسا 🇦🇹 : كانت امبراطورية في يوم من الأيام متبقاش منها سياسيا اي شيء غير شوية قصور ومتاحف 🙄

9️⃣- البحرين 🇧🇭: مساحتها مش كبيرة لدرجة انك ممكن تشغل اغنية لعبدالحليم وقيل متخلص هالفها كلها 😀

🔟- جورجيا 🇬🇪:البلد الوحبدةمن اللي زورتهم اللي تعتبر مهيأة للسياحة بنسبة اكتر من ٩٥٪؜ ( تنوع طبيعه - ناس لطيفين مرحبين - اكل مختلف - اسعار - طرق )

١١- بيلاروسيا 🇧🇾: تحسها مقاطعة من روسيا بس فيها اماكن طبيعية كتير اهلها نفسهم نبيزوروهاش لانهم بيحبوا الشمس والشواطئ ⛱️🏖️

١٢- كرواتيا 🇭🇷: لو ركنت العربية في مكانغير مسموح بيه للاجانب هتاخد مخالفة٢٥٠€ وهتتبعت لدولتك 🤓⛔️

١٣- إندونيسيا: 🇮🇩 احلى فاست فرد من المطاعم العالمية ببهارات من عندنم 😍

١٤ - سيرلانكا 🇱🇰: متثقش في اي مطعم او شيف يقولك الاكل ليتيل سبايسي 🌶️ افتكر قولتلك بلاش 🥵

١٥- المالديف 🇲🇻:
لازم تسرق بنك عشان تقعد في ريزورت زي اللي بيتصور فيها مو صلاح 🫣

١٦- لبنان 🇱🇧 :لو سالت حد عن سويسرا الشرق هيقولك لبنان اكتر بلد في العالم تقدر تتبسط بيها الصبح في المزارات وبليل في السعرات 🥁🥁

١٧-السعودية 🇸🇦:متحاولش تتفرج على الشباب وهم بيلعبوا بالسيارات نسبة انم تروح ضحيجة ٩٠٪؜

١٨- المجر 🇭🇺: هي بودابست واقفل على كده 🤓

١٩- اسبانيا 🇪🇸: تحس ان المغاربه فيها اكتر من الاسبان اصلا 🤓

٢٠ -فرنسا 🇫🇷: بلد جميله واسوا مافيها باريس

٢١- الامارات 🇦🇪: لو انت مدخن هتعاني عشان تشرّب سيجارةفي اي مكان 🤓😛

٢٢- بلغاريا 🇧🇬: ناس نحسهم مش عارفين هم رايحين فين ولا جايين منين
وانت اول متروح هناك تقول لنفسكالكلام على ايه 😅متعرفش برده 😮

٢٣- كوسوفو 🇽🇰: اكتر شعب شوفته في حياتي friendly ومركبين جدا بالغرباء ويساعدوك

٢٤- إيطاليا 🇮🇹 : اللي يقولك البيزا في ايطاليا مش خلوه قوله اه عندك حق 😅بس استمتع بماكينات القهوه في كل مكان🤓

٢٥-مونتنيجرو :🇲🇪تاني اطرل شعب في العالم واقصرهم طولة بال خلي بالك متختبرش صبرهم 😎

٢٦_ رومانيا 🇷🇴: دولة مطلومة جدا سياحيا تقدر تعمل فيها رحلة عشر ايام وكل يوم حاجة مختلفة

٢٤- قطر 🇶🇦:
ذهبت قطر ولكن لم أرى قطريين 🤷‍♂️

٢٥_ أوزبكستان :🇺🇿
تذكرتك للسفر ليها تساوي رحلتين عبر الزمن ترجع للدولة الخوارزمية والتيمورية في بخارى وسمرقند
الرحلة التانيه عصر الاتحاد السوفيتي في طشقند 🙅‍♂️

٢٦-ماليزيا 🇲🇾:
اكتر شعب اغلبيته بيتحلوا بفضائل الاخلاق

٢٨- سلوفيكا🇸🇮:
اول حاجة هتتلخبط بينها وبين سلوفينا

٢٩- سلوفينيا 🇸🇮:
اكتر حاجة فاكرها اني متلخبط بيها وبين سلوفيكيا🤦🏽

٣٠- الكويت 🇰🇼: لو مش هتشتغل هناك متروحهاش 🤓😅

٣١- المانيا 🇩🇪تعامل مع الناس هناك على اساس انها ماكينات متساناش تبادل مشاعر او ابتسامات 😅( اتفسح وانت ساكت 😅)

٣٢ - اليونان 🇬🇷: ابعد عن اثينا هتخسرنفسك في العجمي التسعينات بس فيها هنود كمان مش مصريين 😅
اطلع على الجزر ومتنساش الكريديت بتاعك 😎

٣٣- هولندا🇳🇱
اللي فيها فعلا همام في امستردام مش فيلم ده اسلوب حياة لكتير من العرب
عاوز تتبسط فيها متقعدش في العاصمه اكتر من يوم😼

٣٤- مقدونيا :🇲🇰 الدولار= ٥٥ دينار مقدوني يعني قريب من سعر الجنيه حاليا بس لو فكرت تحسبها كده هتلاقي طبق السلطة ٢٥٠ دينار🙀
فاحسبها باي عمله تانيه عشان تتبسط

٣٥_لوكسمبورغ 🇱🇺:
لو عاوز تهرب من الضرايب روح عيش هناك مفيهاش الا مطاعم وكافيهات وفنادق اغلى مما تتصور مساحتها كاي مدينة في فرنسا

٣٦_ بلجيكا 🇧🇪:
اطلع على بروح وجينت اهرب من بروكسيا يا يس اهرب 🏃‍♂️🏃‍♂️

٣٧_ التشيك 🇨🇿:
معظم عواصم أوروبا هي نرشيح للكوبلز اكتر من الشباب او الرحلات الفردية ولكن تظل براغ هي العاصمة الاكثر رومنسية بالعالم 🫶😍

٣٨- قبرص 🇨🇾:
قبرص التركية حمادة وقبرص الاوربية حمادة تاني خالص 😅

٣٩- كمبوديا 🇰🇭
بالرغم انها بين تايلاند وفيتنام بس تحسها قبلهم بستين سنة ضوئية

٤٠- واخيرا مصر 🇪🇬:
اعتقد سموها ام الدنيا عشان شعبها عنده رد لكل حاجة وحل لكل حاجة الشعب الاكتر ( فهلوه ) في العالم من كتر المشاكل اللي تعرضلها الجزء المخصص لابداع في 🧠عقله بقى متوهج 😅
بس كده 😍😍
هبقى اكتبلكم عن كل بلد بالتفاصيل باذن الله على قد مقدر 🫶😍

26/02/2024

(٢٠٢٣✈️)
‎ ‎بسم الله الرحمن الرحيم
‎(وَلَوْلَآ إِذْ دَخَلْتَ جَنَّتَكَ قُلْتَ مَا شَآءَ ٱللَّهُ لَا قُوَّةَ إِلَّا بِٱللَّهِ ۚ إِن تَرَنِ أَنَا۠ أَقَلَّ مِنكَ مَالًا وَوَلَدًا)
‎الحمدلله سنة ٢٠٢٣ اللي فاتت
‎ 🌍🌎🌏 سافرت ٢٠ دولة (١٦ منهم دول جديدة) 🌍🌏🌎

‎انا من الناس اللي مش مهتم كتير اني اعمل توثيق او تدوين سفر عالسوشيال ميديا بسافر عشان استكشف استمتع وبشتغل وانا مسافر وبطلع شغل من الاماكن اللي بسافرها بس حبيت اشاركم سنة ٢٠٢٣ اللي " من السفر لدول وبلاد جديدة اتعلمت فيها حاجات كتير
‎‏ قدرت افتكر تفاصيل كتير والله كانت واقعة مني السنة دي 😅

‎ 🔴 تعالوا اقولكم شهر شهر وبلد بلد، وايه كانت احلى لحظات مرت عليا في كل بلد .... تعالوا نمشي من الاحدث للاقدم:

‎ 1️⃣2️⃣ ديسمبر ٢٠٢٢
١-
‎اخر ديسمبر الحمدلله تركيا 🇹🇷
‎طرابزون

‎ 1️⃣1️⃣ نوفمبر ٢٠٢٣
‎٢- مصر 🇪🇬
‎ 1️⃣0️⃣ أكتوبر٠٢٣ ٢
‎٣- بلجيكا 🇧🇪 ( بروكسل - جينت - براغ )
‎ 9️⃣ سبتمبر ٢٠٢٣
‎٤- فرنسا 🇫🇷 ( باريس - ليون - ستراسبورج)
‎٥- هولندا 🇳🇱 ( أمستردام- ايندهوفن- زاندام )
‎٦- سويسرا 🇨🇭 ( انترلاكن - لويزان )
‎٧- لوكسمبورج 🇱🇺

‎8️⃣ اغسطس٢٠٢٣

‎قضيت معظم الصيف في البلقان عشان موسم رحلات الصيف
‎٩- البانيا 🇦🇱 (تيرانا - كرويا- شكودرا - فلورا - دوريس )
‎١٠- كوسوفو 🇽🇰 ( برزيرين - بريستينا - بيا )
‎١١- مونتنيجرو🇲🇪 ( بودفا - بودجريستا - كوتور - مايكوفيتس - جويياك )
‎ 7️⃣ يوليو ٢٠٢٣
‎١٢ - كرواتيا 🇭🇷 ( موكوشيا )
‎6️⃣يونيو٢٠٢٣
‎١٣- اسبانيا 🇪🇸 ( برشلونه - جيرونا )

‎5️⃣ مايو ٢٠٢٢
‎تركيا 🇹🇷
‎4️⃣ ابريل ٢٠٢٣
‎١٤- بيلاروسيا 🇧🇾 ( منسيك - فيتيكس - مولغا )
‎3️⃣ مارس ٢٠٢٣
‎١٥- اليونان 🇬🇷 ( اثينا )

‎2️⃣ فبراير ٢٠٢٣
‎١٦- بلغاريا 🇧🇬 ( صوفيا )٠
‎1️⃣ يناير ٢٠٢٣
‎١٧ - رومانيا 🇷🇴 ( بوخارست - بروفيش - سينان - توراك )
‎١٨- ايطاليا 🇮🇹 ( فيسنيسيا - فيرونا )
‎١٩- سلوفيكيا 🇸🇮( ماريبور -
‎‏٢٠ - 🇭🇺المجر ( بودابسست )
💞🌏🌎🌍🌏🌏🪐💫🌍🌍⭐️🌟
‎الحمدلله على نعمة السفر اللي بنحارب في شغلنا وبنتعب جدآ🥹 عشان نوصل لاحلامنا ونحقق شغفنا 😘

‎ويارب دعواتكم 🙏ب

26/02/2024

(✈️٢٠٢٢ )
بسم الله الرحمن الرحيم
(وَلَوْلَآ إِذْ دَخَلْتَ جَنَّتَكَ قُلْتَ مَا شَآءَ ٱللَّهُ لَا قُوَّةَ إِلَّا بِٱللَّهِ ۚ إِن تَرَنِ أَنَا۠ أَقَلَّ مِنكَ مَالًا وَوَلَدًا)

انا من الناس اللي مش مهتم كتير اني اعمل توثيق او تدوين سفر عالسوشيال ميديا بسافر عشان استكشف استمتع وبشتغل وانا مسافر وبطلع شغل من الاماكن اللي بسافرها بس حبيت اشاركم سنة ٢٠٢٢ اللي كانت شوية مثمرة الحمدلله من السفر لدول وبلاد جديدة اتعلمت فيها حاجات كتير
‏s قدرت افتكر تفاصيل كتير والله كانت واقعة مني السنة دي 😅

🔴 تعالوا اقولكم شهر شهر وبلد بلد، وايه كانت احلى لحظات مرت عليا في كل بلد .... تعالوا نمشي من الاحدث للاقدم:

1️⃣2️⃣ ديسمبر ٢٠٢٢

اخر ديسمبر الحمدلله نفذت رحلة اوروبا الشرقية مع جروب جميل جدا وقدرنا نلف ٥ دول في ١٠ ايام والي ان شاء الله نكررها كثيرا في المستقبل:

١-المانيا 🇩🇪 (ميونخ - دريزدن)
٢-النمسا 🇦🇹 (سالزبرج - فيينا)
٣-التشيك 🇨🇿 (براغ)
٤-سلوفاكيا 🇸🇰 ( براتسلافا)
٥-المجر 🇭🇺 (بودابيست)
٦- لبنان 🇱🇧 ( بيروت - الباترون )

1️⃣1️⃣ نوفمبر ٢٠٢٢
٧- ارمينيا🇦🇲(يريفان - جوريس - تاتيف - ديليجان - سيفان)
1️⃣0️⃣ اكتوبر ٢٠٢٢

٨ - تركيا 🇹🇷 ( اسطنبول- طرابزون)

9️⃣ سبتمبر ٢٠٢٢

ام الدنيا مصر 🇪🇬😂

8️⃣ اغسطس ٢٠٢٢

قضيت معظم الصيف في البانيا عشان موسم رحلات الصيف
٩- البانيا 🇦🇱 (تيرانا - كرويا- شكودرا - فلورا - دوريس )

7️⃣ يوليو ٢٠٢٢
١٠- البانيا 🇦🇱😚
6️⃣ يونيو ٢٠٢٢

١١- اوزبكستان 🇺🇿 (طشقند - سمرقند - بخارى )

5️⃣ مايو ٢٠٢٢

١٢-تركيا 🇹🇷 ( اسطنبول- طرابزون)

4️⃣ ابريل ٢٠٢٢

ام الدنيا مصر 🥹🇪🇬

3️⃣ مارس ٢٠٢٢

١٣ - جورجيا 🇬🇪 ( تيبليسي - باتومي - كوتايسي - ميسخيتتا - اوبليستيخي - جوري - جوداوري - بورجومي )

١٤-لبنان 🇱🇧 ( بيروت - فاريا )
2️⃣ فبراير ٢٠٢٢

ام الدنيا مصر 🇪🇬 بنخلص ورق الباسبور وكده 🥹

1️⃣ يناير ٢٠٢٢
ام الدنيا 😂🇪🇬

🌍🌎🌏 سافرت ١٤ دولة (٧ منهم دول جديدة) 🌍🌏🌎
الحمدلله على نعمة السفر اللي بنحارب في شغلنا وبنتعب جدآ🥹 عشان نوصل لاحلامنا ونحقق شغفنا 😘

ويارب دعواتكم 🙏

K.Ramzy - خالد رمزي

17/03/2024

16/03/2024

09/03/2024

08/03/2024

07/03/2024

06/03/2024

04/03/2024

01/03/2024

26/02/2024

26/02/2024

26/02/2024

Address

Website

Alerts

Videos

مدينة بولو تركيا 🇹🇷

Shortcuts

Share