七出國際之穿越大埔 Hospitality Taipo (2024)

17/02/2017

香港既公廁向來予人污糟的感覺，但我地今日要介紹既竟然係公廁！🚽位於大埔林村的放馬莆公廁不但沒半點污糟，還散發一股清幽的蘭花香氣！負責打理這「香氣」公廁的男女「所長」出錢出力，自資買左三十盆蘭花放於廁所內，藉蘭花釋放的香氣令市民感到好舒服😌😌

公廁仲喺2006年獲得香港廁所協會與香港電台主辦的全港「最佳及急待改善」公廁選舉中，獲「最佳」公廁「市民首選大獎」的銅獎✌🏼

其實到林村遊玩又不止一定要拜天后或許願，下次去林村許願樹嗰時可以順便去埋「參觀」架😆

地址：大埔林村放馬莆

28/01/2017

香港青年大使第七組祝大家新年快樂身體健康！同大家拜個早年順便介紹下大埔嘅年宵市場！

今年新界大埔年宵市場將設在大埔天后宮風水廣場。該處位置適中，素來廣受販商及市民歡迎。大埔年宵花市一共有76個攤位，包括44個濕貨攤位、31個乾貨攤位和1個快餐攤位。每個攤位的面積為：濕貨-3米乘3米，乾貨-3米乘3米，快餐-5米乘4米。

「濕貨區」售賣年花（如水仙、年桔、桃花等等）。

「乾貨區」售賣的貨品大多是該年的生肖有關的物品，由經營者設計，如風車、氣球、玩具及售賣。有部分攤檔會售賣乾性食品和其他物品（熟食除外）。但亦有部份物品是直銷物品，如清潔用品等等。部份攤位的收益會捐贈給慈善機構架🤓

地點: 大埔天后宮風水廣場

地址: 新界大埔汀角路近汀雅苑
如何前往：港鐵太和站，經太和邨，沿汀角路北行；或港鐵大埔墟站，轉乘20A, 20B, 20C或20K小巴

20/01/2017

【退而不休‧歷史建築活化】
建於1899年嘅舊大埔警署雖然已經退役，但仍然以另一個身份服務市民。舊警署於2015年由嘉道理農場暨植物園活化為綠匯學苑，旨在推廣可持續生活理念。而呢個歷史建築，亦榮獲「聯合國教科文組織亞太區文化遺產保護獎」榮譽獎!

局長網誌：http://bit.ly/2jme0oX

The Old Tai Po Police Station has been transformed to the Green Hub in Tai Po. This revitalizing project was recognised with an Honourable Mention in the 2016 UNESCO Asia-Pacific Awards for Cultural Heritage Conservation. Let’s have a snapshot of the heritage!

#香港警察 #舊大埔警署 #綠匯學苑 #聯合國教科文組織亞太區文化遺產保護獎 #榮譽獎 #發展局 #陳茂波 #局長網誌 #活化 #歷史建築

29/12/2016

【 #隨2016而去的餐廳】2016 年，我們失去得太多了！
　
大埔區廣福邨冬菇亭嘅「嘉華咖啡小食」，宣佈做到今年 12 月 31 日就要同食客告別喇！嘉華嘅「無敵凍檸茶」，沙嗲牛麵、炸雞髀及鹽焗雞飯炒底都係小店名物，仲有兩日快啲去食返餐啦！
#30多年陣味無變過
　
【INFO】
嘉華咖啡小食
地址︰大埔廣福邨廣崇樓側熟食亭 5 號
電話︰2653 1380
營業時間︰6:30am-6:30pm

資料來源：umagazine

18/12/2016

唔知大家去大埔經過汀角路嘅時侯有冇發現有座超大嘅白色觀音像座落左係八仙嶺山腳下呢🤓？佢就係慈山寺啦✨

慈山寺係香港一座大型佛寺，位於新界大埔區汀角及船灣附近的洞梓，由李嘉誠捐資15億港元興建，於2014年竣工，2015年4月啟用。

慈山寺分三個區域，中間係寺殿，僧寮同觀音像則分別座落係兩旁。慈山寺採取了低調建築，顏色、材料及比例都配合自然環境，以求營造修行氣氛；當中大雄寶殿嘅建築比例乃依從唐朝佛寺，屋頂不高，尺度配合八仙嶺的高度。係大雄寶殿前，大庭院的青銅燈籠則參照了位於日本奈良的東大寺的作品。⛩⛩

當中有一座76米高（相當於約25層樓）嘅戶外青銅合金觀音像：為全球第二高，僅次於108米高的海南南山海上觀音聖像，坐北向南，與位於大嶼山的天壇大佛遙遙相對。

一座佔地約1,027平方米樓高18米的大雄寶殿：供奉有釋迦牟尼佛、藥師佛及阿彌陀佛，佛頂有金蓮花華蓋。佛像後的空間有大幅壁畫，取材自敦煌石窟，又擺放了國學大師饒宗頤手筆的《心經》。

但係，要入場係要預先登記架，大家可以上佢地既官網登記🌞

大家係大埔墟火車站出面既小巴站搭20b去洞梓或者搭75k巴士係散頭角站落車再行入去就係架喇😈

Picture by Google

28/11/2016

「美」、「尾」、「篤」、「督」？
成日見到「大尾篤」呢個地名有好多唔同既寫法🤔咁究竟邊個先係真既呢？💁🏼

原來最初佢個名「大尾篤」係因為佢位處大埔東部既邊陲，係八仙嶺龍脈既末端，因此有「大尾篤」之稱。但因為尾同篤喺粵語都係最後既意思，居住喺當地既人就會覺得意義不祥，繼而有雅化左既「大尾督」、「大美篤」同「大美督」。🙈🙈

2007年，地政總署因應當地村民既要求，將地名更名為「大美督」，但亦都有學者認為「大尾篤」名字有歷史意義，具有本土文化色彩。😊

13/11/2016

我地就介紹下大埔嘅必去景點大尾篤啦🙆🏼🙆🏼
大尾篤係一個動靜皆宜郊遊熱點，又名大美篤，位於香港新界大埔區船灣淡水湖旁（主壩北端），八仙嶺南麓，南望吐露港，遙望馬屎洲。環境優美，四周山巒蒼翠，海天一色，素來是市民燒烤、踏單車及玩水上活動的休閒勝地。🚴🏽🚴🏽🚴🏽

好靜的朋友可以邊享受寧靜優雅的燒烤場，邊仰望一望無際的萬里晴空，和三五知己聊聊天、放風箏、釣魚等等。🎣好動的朋友也可以來到水上活動中心，在碧海澄波的環境下，享受划獨木舟、滑浪風帆、划艇之樂，更可以踏着單車，盡情享受藍天碧海的醉人美景，確是老少咸宜、三五知己假日消閒同拍拖既好去處。😉

前往方法：

路線 - 巴士75k
起點: 大埔墟港鐵站
需時：25 分鐘

路線2 - 小巴20c
起點: 大埔墟港鐵站
需時：20 分鐘

23/10/2016

知唔知香港最大既公園喺邊一個區？冇錯啦就係大埔區既大埔海濱公園啦！

話明係介紹大埔，點少得呢個公園呀？公園除左有香港回歸紀念塔之外，公園內有亦都有長達1,200米的海濱長廊、有上蓋的觀景臺、露天劇場、草地滾球場、緩跑徑、昆蟲屋、自然生態花園、西式花園、模型船水池以及香港少有的風箏場等等，真係正到爆炸，超多野玩！

公園外亦都設有單車亭，提供單車作租用，遊客可踏單車前往沙田，沿途欣賞吐露港景色，或者北上踩去大尾督。所以大埔海濱公園可以話係新界嘅單車熱點之一黎架！你去到大埔海濱公園，可以散步，可以睇昆蟲，細佬阿妹可以去玩，總之就包你唔悶！小編都成日去架！

講多個秘密你知，大埔海濱公園係康文署特定六個可舉行婚禮的康樂場地之一，準新人可選擇婚禮在草坪或露天劇場舉行婚禮，唔一定要去到外國咁遠架，呢度風景一樣係咁好，西式花園一樣係咁靚，所以本地有唔少新人係度sweet舉行婚禮架！😏

住市區嘅大家，不妨週末過嚟呢度放鬆下，免費入場，真係一個唔錯嘅選擇嚟架！

16/09/2016

續--大埔林村許願樹
寶牒通常用紅繩連接一個生果（橙或柑），使寶牒容易向上拋。然後在誠心向樹許願後便將其拋上樹幹，不跌下來者代表願望可成真，「寶牒拋越高，願望越靈驗」。咁點樣可以拋得高呢？拋呢個寶碟有咩技巧呢？😀

其實係用力飛出去！屢敗屢試 🙆🏼我地組組爸已經做左一個好完美既示範😍

其實每逢年初二開始呢度都會有花車展覽架✌🏼到時就會有好多人嚟到林村呢度睇花車同埋拋寶碟⋯⋯ 亦都會有我地香港青年大使喺度做服務架

想知更多關於大埔嘅歷史同埋潮玩資料就記得留意住我地喇🌞

11/09/2016

上次講完好野食，今次就講下大埔有咩好玩啦！就等我地介紹下大埔林村！

大埔林村是由很多個村落組成，林村許願樹所在的確實位置是林村內的放馬莆村，坐巴士亦要留意於這個站下車唔好落錯站呀！😏

入到嚟林村大家都會即刻諗到拋寶碟上許願樹✌🏼️🍊
林村內原來有四棵許願樹：第一棵係樹齡過百的真正許願樹，求事業、學業、家宅、財運及健康，但而家已被禁止拋寶碟；第二棵係小榕樹，求子女及姻緣，都係禁止拋寶碟的；第三棵是後期林村鄉公所從廣州引入的細葉榕，又是禁止拋寶碟的😢

咁我地可以去邊度拋啊？原來最後一棵要介紹既係25尺高的塑膠樹，唯一准許拋寶碟的。其實拋上塑膠樹上嘅並唔係真正寶碟，而係一個繫上膠桔嘅許願卡，售價大約為$25一套。

真正嘅寶碟只可掛在木製的祈福架上；善信只要係寶碟上寫上自己的名字、出生日期及願望，然後係樹下誠心參拜，再將寶碟掛上祈福架上就得架啦。唔知你地又有咩願望呢？😉

05/09/2016

講完我地計劃嘅故事發展，我地係時候開始介紹大埔喇！首先出場當然係食！😋

講到大埔既美食，第一時間會諗起亞婆豆腐花😀喺炎炎夏日嚟番碗凍豆腐花（$8）簡直係人生一大享受，食起嚟口感豆花滑嫩綿香，淡淡既豆腐花加上黃糖配搭得天衣無縫，黃糖既味道唔會搶左豆腐花既味道，所以好受大埔嘅街坊歡迎，豆腐花好搶手架！👍🏼

其實佢舖仔細細，入面既座位唔多，但因為地方少，以前既人都要排隊去買外賣，然後聚喺舊墟休憩廣場慢慢享受碗中既豆腐花，人同人之間既距離都拉近左，成為大埔人一個美好既回憶☺️。

地址：大埔大光里2A號地鋪（大埔墟火車站A出口步行約7分鐘）

營業時間：星期一至日09:30-20:00

30/08/2016

話說大埔呢個名既由來都有一段故！而且仲要有唔同既講法🙆🏼
「大埔」名字出現早在公元九六三年﹐當年南漢後主在大埔置媚川都﹐在大埔海採集珍珠(現時的吐露港)及因採珠業發達﹐亦稱為「媚珠池」﹐ 直至明朝都仲有珍珠場。除左「媚珠池」之稱外﹐「大埔」原名稱之「大步」亦共有兩種說法﹐一是相傳古時大埔林木茂盛﹐並有野獸聚居﹐威脅居民既安全﹐所以稱為「大步」係取其趨吉避凶既意思﹐另一個講法是據當地土人所述大埔昔日為大森林﹐人煙罕見﹐行者均大大步咁行過﹐所以就有咁既名啦。直至光緒年間﹐先至改名做大埔。
圖片來源：大埔區廣福道街景
#大埔 #大埔歷史 #七出國際

28/08/2016

咁點算啊我地去左舊時既大埔，點樣先可以去番現代呢？🤔
原來我地要拎到記憶碎片先可以穿越番嚟。要拎到記憶碎片就要完成艱巨而有挑戰性嘅任務。通過任務後，我地就可以回去2016。

24/08/2016

有一個好靈異而奇怪嘅故事發生左係我身上......
是咁的話說我行行下大埔嘅時侯唔小心跌左20蚊我一執起呢張20蚊紙就見到天上有一度刺眼嘅光芒呢張平平無奇嘅20蚊竟然... 呀呀呀...我一抬頭就比嗰度光吸左入去我清醒起來嘅時侯已經發覺呢個唔係我熟悉嘅大埔周圍都變得好古舊咦？唔通我穿越左？🤔點算好呢？於是我發揮刨根問底嘅決心去搞清楚呢個地方。

23/08/2016

我地係hkyas 16/17 第七組 #七出國際，而家要做好客之道遍社區既活動🙆🏼我地既選區就係登登登登......就係大埔區啦！我地要七出國際之前就先要七出大埔😆😏想睇既話就要follow我地ig同埋like我地個fb fanpage✌🏼️

👉🏼Ig:hospitality_taipo
👉🏼Fb:七出國際之穿越大埔

七出國際之穿越大埔 Hospitality Taipo