Out'n About

29/10/2023

https://www.scandarnews.com/2023/10/blog-post_225.html

الكاتب: اللواء/ "ممدوح النمر" ما كان من مروان ( أب فسطينى ) إلا وجمع زوجته خديجة وأبناءه الثلاثة محمد وعيسى وموسى عقب انتهاء هجمات كتائب ا...

22/05/2023

20/10/2022

اعدام فرخة

المشهد الاول
وسط هرج ومرج وصراخ وعويل وهرولة فى اتجاهات مختلفة .
ماجى : هو فيه ايه ؟ ايه اللى بيحصل ؟
توتى : بيقولوا كوكو بتموت كتاكيتها بتفطسهم.
ماجى : ايه ازاى دى بتحبهم موت .
- [ ] ليكون جالها جنون الفراخ .
توتى : بيقولوا علشان مش لاقيه تاكلهم وعملين يكتكتوا ( الكتكتة صوت الكتكوت) من الجوع .
ماجى : حرام عليها ده ربنا اللى بيرزق .
توتى : انا سامعه انهم قبضوا عليها وغالبا حيودوها مصحة للتاكد من سلامتها العقلية قبل المحاكمة .
ماجى : ربنا يستر على كتاكيتنا.

المشهد الثانى
اعلام الطيور كله مشغول بقصة قتل كوكو لكتاكيتها لكن طبعا اهمها برنامجنا اليومى الديك بيدن على قناة الفجر .
المذيع : صباح الحلويات والقشطات فجر جديد ويوم سعيد ومعانا كل جديد
النهاردة قصة والا فى الخيال كوكو قتلت ولادها الكتاكيت ومعانا ضيوفنا الفرخة الشهيرة رئيس مجلس حقوق الفراخ (كوكى ) ومعانا الديك المحامى الشهير ونصير الديك (رومى )بنرحب بيهم حنبداء طبعا بكوكى هانم .
كوكى ؛ صباح الخير على كل المستمعين .
طبعا اللى حصل ده انا متوقعاه من زمان وحيتكرر لاننا فى مجتمع ديوكى بحت ظالم للفرخة .
احنا مالناش اى حق .
ده حتى برنامج حضرتك اسمه الديك بيدن والقناة اسمها الفجر ( ميعاد ادان الديك )
والبرنامج التانى اسمه الرابعة فجرا ايه ذنبنا ان الديك بيصحى بدرى .
وبعدين ليه ميقومش بواجباته نحو اولاده الاكل ده مسئوليته .
رومى (مقاطعا ) : والله بجد ده ظلم
الديك يا استاذنا بيقوم بواجبه تالت ومتلت ده لوحده فى عشه فيها اكثر من ٢٢ فرخة والحمد لله متكفل بيهم وكلهم ماشاء الله جايبين بيض وكتاكيت حيعمل ايه تانى .
- [ ] الدور والباقى على اللى كل دورها ترقد .
كوكى : بس اكلهم مسئولية الديك .
رومى : والله يا كوكى هانم احنا زهقنا وتعبنا .
احنا علمائنا فى المعامل دلوقتى بتحاول تستنسخ فراخ بترضع علشان ما يبقاش ليكم حجة .
كوكى : بس هى مش ملزمة ترضع ولو رضعت يبقى الديك مسئول يديها دولارات بدل رضاعة ( تمن العلف).
رومى : انا حاسس والله ان عاطفة الفرخنة انتهت احنا وصلنا لكده .
كوكى : هو ده الشرع، انما العرف 🙈🙈اللى انتم حطينه ده لازم يتغير لانه ذكورى . وبعدين ما فيش حاجة ببلاش شوف الكيلو بقة بكام .
وبعدين بصراحة فى حلول بديلة بس ضد حقوق الطيور .
المذيع : ايه الحلول دى 🤔🤔🤔 ؟
كوكى : بص حضرتك فى عالم النحل بيموتوا الذكور 😈وبيفضل الاناث . وانا بقول اننا لو موتنا الذكور اللى مالهاش لزمة وسينا الفراخ البياضة حتوفر علف ومجهود . ده غير انه حيبقى حافز للذكر انه يجتهد علشان ما يموتش .
رومى : اولا النحل حاجة والفراخ حاجة 😡😡
النحلة بتشقى على اكلها وبتجيب عسل ، الفرخة اخرها بترقد . ده غير ان سيادتك عايزة تغيرى فى ناموس الكون .
والحقيقة انا عندى معلومة مؤكدة ان كوكو اتجننت مش علشان مفيش علف لا علشان هى فشلت فى الدايت اكتر من مرة وبطرخت وحاسة ان نهايتها قربت وده اثر فى مخها .
كوكى : حرام عليكم الاشاعات . حتى وهى فى المصيبة دى فعلا عالم ديوك بدل ما تطلعوا اشاعات قوموا بواجبكم .
رومى : واجبنا … اومال الكتاكيت دى مين اللى جابها
اظن واجب سعادتك ترقدى .
انا شايف ان لازم يحكموا عليها بالذبح وتتعمل بانيه علشان تبقى عبرة لكل الفراخ .

المشهد الثالث
ووسط صراع رومى وكوكى وفرحة المذيع بالنجاح الساحق .
يصل الحاج حامد صاحب المزرعة .
الحاج حامد : ايه الدوشة دى يا مرسى .
مرسى : عادى يا حج الفراخ ما شاء الله كترت ربنا يزيد .
حامد : طيب شوف اللى عدت ٣ كيلو وادبحهم.
مرسى : من غير ما تقول يا حاج 👍.
حامد : والكتاكيت اخبارها ايه ؟؟؟.
مرسى : والله يا حاج زى كل سنة …. ربنا يسامحنا بنموت نصهم احسن لو كترت الفراخ حترطرت والسعر حينزل الارض يعنى مش حتجيب تمنها .
حامد : فال الله والا فالك . كده السعر عالى والمكسب تمام والمجهود اقل …. لو سبيناهم حنبيع ببلاش .
بقولك ايه هاتلى الفرخة والديكين دول عندى عزومة 🤪🤪🤪🤪🤪🤪🤪🤪🤪🤪🤪🤪🤪🤪
ودى كانت النهاية الماساوية لبرنامج الديك بيدن
وبداية برنامج ديك وخمس فرخات على قناة العشة اليوم 😂😂😂😂

09/10/2022

والمايسترو

ويشارك بالفاصل الاول كل من:
#كنزي
الموسيقار

20 اكتوبر 2022
اسعار التذاكر
360--660--1010 ج

متاح الحجز
((لينك الحجز الالكتروني في اول كومنت))

ال 31

❤️🇪🇬