08/12/2017
صباح الضحك😄
ما حد يدينا عنوان الفقاعة العازلة للصوت المضادة للرصاص اللي الراجل ده عايش فيها عشان نروح نعيش معاه، أطول فترة حكم في العالم العربي ومحدش زهق منه.. حتى مش باين عليه العجز، عمرنا ماسمعناله خطاب ولا تصريح ولا مقولة ولا عطسة ولا كحة، إغتيالات وحروب أهلية وإنقلابات مفيش حاجة طرطشت عليه، خرجت عليه مظاهرة ف ٢٠١١ مش عشان أي سبب إلا إنهم كانوا بيحاولوا يمشوا على الموضة.. ثورتهم إستمرت من الساعة ٢ ل ٢ ونص، مكنش في قتلى ولا جرحى ولا مصابين ولا إشتباكات ولا حتى مطالب، إتضربت قنبلة غاز واحدة بالعدد وتقريبا المتظاهرين اللي كانوا جايبينها معاهم وهما جايين عشان يعملوا أي أكشن يعني.. الراجل من كتر البرنسة وتكبير الدماغ اللي هو فيها مش متجوز ولا مخلف! يستحق نوبل والاوسكار والجولدن جلوب وكاس العالم.. عندنا ٢٢ دولة ف قارتين ملايين المواطنين كلهم بيتكلموا عربي محدش فيهم يعرف معنى إسمه و محدش عمره سأل..!
ezzat sabry
