Pharaoh Travellers سافر مع يحيي

  • Home
  • Pharaoh Travellers سافر مع يحيي

Pharaoh Travellers سافر مع يحيي The Ultimate Travel Experience

امبارح علي انستجرام لقيت رحلة لواحة سيوة طيران سعرها ١٢ الف جنيه ومدتها اربع ايام بس.الحقيقة من الصدمة وبعد تفكير قررت إ...
04/11/2021

امبارح علي انستجرام لقيت رحلة لواحة سيوة طيران سعرها ١٢ الف جنيه ومدتها اربع ايام بس.

الحقيقة من الصدمة وبعد تفكير قررت إني اعمل لكم رحلة للمالديف يكون سعرها أرخص من رحلة سيوة😅😂

المالديف أسبوع ب ١١ ألف جنيه 😍

السفر هيكون علي طيران الاتحاد من أفخم شركات الطيران في العالم ترانزيت أبو ظبي

الاقامة في فنادق ٣ نجوم في جزيرة مافوشي واحدة من أشهر الجزر السياحية في المالديف 🥰

معاد الرحلة من ٢٣ نوفمبر ل ٣٠ نوفمبر الحجز بأسبقية الدفع علشان العدد محدود جدا. تقدر تحجز بمقدم ٧ الاف جنيه بس.

ياللا خلينا نصيف في الشتا 😍

بما اني بتكلم عن المالديف اليومين دول والعروض بتاعتها فافتكرت كده كام موقف حصل هناك هحكيهالكم😅مرة واقف بالليل ع البحر ...
03/11/2021

بما اني بتكلم عن المالديف اليومين دول والعروض بتاعتها فافتكرت كده كام موقف حصل هناك هحكيهالكم😅

مرة واقف بالليل ع البحر منسجم اوي مع الهدوء والجو الجميل سمعت صوت من ورايا حد بيتكلم في التليفون بيقوله اصبر عليا انا هطلع ميت**ين امه 😂
والله من الصدمة جالي ذهول اللي هو ايه اللي جاب القلعة جمب البحر بس الراجل طلع لطيف جدا قاللي احنا من الصعيد وبنشتغل هنا بنعمل مباني في المطار

بعدها بتمشي في جزيرة مافوشي بالليل الاقي صوت مسلسل الكبير اوي وواحد قاعد قدام المحل بيتفرج عليه بكل تلقائية قولتله سلام عليكم قاللي وعليكم السلام اتفضل

وهكذا يستمر الوضع واتضح الحقيقة ان المالديف مليانة مصريين كتير بيشتغلوا هناك ومستقرين من سنين 😍

ايه رأيكم نعمل رحلة للمالديف قريب ؟

لكل اللي نفسه يسافر المالديف فرصتك جت لغاية عندك 😍انا عارف ان المالديف بالنسبة لناس كتير بتاعة الناس الاغنياء بس الحقيقة...
02/11/2021

لكل اللي نفسه يسافر المالديف فرصتك جت لغاية عندك 😍
انا عارف ان المالديف بالنسبة لناس كتير بتاعة الناس الاغنياء بس الحقيقة ده مش صح

حاليا طيران الاتحاد عامل عرض خيالي علي الفترة من ١٦ نوفمبر والعودة ٢٣ نوفمبر تذكرة الطيارة ب ٤٤٥٠ جنيه بس هي في العادي ساعات سعرها بيعدي العشر الاف

تقدر تحجز اوضة في فندق لفردين في جزيرة مافوشي باسعار تبدأ من ١٩٠٠ جنيه في الاسبوع بالفطار

متوسط سعر الاكل في الغدا مثلا ١٠ دولار اكل حلو جدا جدا

الانشطة البحرية واحتجت حلوة كتير اقدر تعملها في الاسبوع ده بسعر ٣٠٠٠ جنيه
السفرية شاكب راكب بكل حاجة ممكن تكلفك ١٠ الاف جنيه وانت مستريح مش ضاغط نفسك ولا موفر في المصاريف

ياللا سافروا المالديف وادعولي 😍

سريلانكا يا جماعة فتحت جنتها تاني للسياح اللي واخدين لقاح كورونا 😍وبالمناسبة دي تعالوا اكلمكم عنها انا زورتها مرات كتير ...
18/09/2021

سريلانكا يا جماعة فتحت جنتها تاني للسياح اللي واخدين لقاح كورونا 😍
وبالمناسبة دي تعالوا اكلمكم عنها انا زورتها مرات كتير علي مدار سنين وحقيقي من اجمل بلاد الله❤️

لما جم الانجليز يحتلوا سريلانكا ماكانوش مصدقين ان في بلد بالجمال ده وكانوا شايفين ان دي هتبقي من اعظم البلاد اللي ضموها لامبراطوريتهم.
سريلانكا تموج موج موج البحر بالسياح، السياح في كل مكان وفي كل مدينة٫مرحب بيهم جدا وكل الناس بتتكلم
انجليزي علشان تقدر تساعدهم.
سريلانكا عبارة عن جزيرة بس جزيرة كبيرة جدا يقال ان سيدنا ادم نزل من الجنه عليها وفي جبل هناك اسمه adam’s peak عليه اثر لقدم يقال انها قدم سيدنا ادم.
سريلانكا رخيصة جدا جدا لدرجة اني لمدة عشر ايام قررت ماكلش حاجه غير سي فوود من كتر ماهو رخيص.

ازاي تسافر سريلانكا بكل سهولة؟

سريلانكا الفيزا بتاعتها اون لاين٫سهلة جدا وسعرها ٣٥ دولار٫هتسجل بياناتك علي الموقع بتاعهم الفيزا هتجيلك بعد ٤٨ ساعة.
سريلانكا مش محتاجة تصريح سفر يعني مش هتروح المجمع ولا هتقف في طوابير.
تقدر تشوف اسعار تذاكر الطيران اونلاين برده لان الاسعار بتتغير علي حسب تاريخ السفر.

طيب نروح فين في سريلانكا ونعمل ايه هناك ومحتاجين مرشد سياحي ولا لا؟
اعظم حاجه هتعملها في سريلانكا وفي حياتك هتكلفك دولار واحد بس اه والله،هتركب القطر من العاصمه كولومبو لمدينة كاندي٫القطر بيكون كله سياح وبيمشي بين جبال خضراء لا تنتهي وبيعدي علي شلالات ومناظر عظيمة.
مدينة كاندي فيها بيت احمد عرابي باشا ممكن تقعد فيها يوم.

اليوم التاني تركب القطر برده لمدينة نوارا اليا،المدينة دي اللي فيها الصورة مدينة خرافية بين الجبال فيها ٩ شلالات احلي من بعض ومزارع شاي ليبتون وشركات تانية(الشاي هناك عظيم)

بعد كدة هتركب القطر برده لمدينة ايلا اللي فيها جبل سيدنا ادم وشلالات كتير.

اخيرا هتركب باص لمدينة ميريسا علي البحر مدينة رائعة تطلع فيها رحلة بحرية لمشاهدة الحيتان هتكلفك ٦٠ دولار

يبدوا يا صديقي ان الدنيا اكبر من حدود عينيك😍😍

علي جزيرة Gulhi في المالديفز تعبت بالليل اضطريت اروح المستشفي الوحيدة اللي ع الجزيرة.Doctor: Hi, How are you?Me:all good...
15/09/2021

علي جزيرة Gulhi في المالديفز تعبت بالليل اضطريت اروح المستشفي الوحيدة اللي ع الجزيرة.
Doctor: Hi, How are you?
Me:all good.
Doctor: Where are you from?
Me: Egypt.
Doctor: بلديات يعني، بتشتكي من ايه بقي 😅😂

واتاري دكتور الجزيرة مصري والدكاترة المصريين مسيطرين علي معظم الجزر ورافعين راسنا والله.

ليه الاجابة دايما زانزيبار ؟طول الوقت واحنا في دوامة الشغل بتكون في فكرة واحدة مسيطرة علينا "عايز أسافر مكان أفصل فيه من...
12/09/2021

ليه الاجابة دايما زانزيبار ؟

طول الوقت واحنا في دوامة الشغل بتكون في فكرة واحدة مسيطرة علينا
"عايز أسافر مكان أفصل فيه من كل ضغوطات الحياة"

في جزيرة زانزيبار انت مش بس هتفصل من ضغوطات الحياة ، انت هتكتشف ان الحياة ليها استخدامات مختلفة أصلا 😂

هتلاقي الناس مش شايلة هم حاجة حرفيا ولا بيفكروا لا في كارير ولا في مستقبل. كل واحد وجوزة الهند بتاعته وقاعد رايق ع البحر 😂❤️

بلد جوها طول السنة حلو جدا ماعدا شهر ٤ و ٥ بيكون في مطر 🌞

اللغة بتاعتهم سواحيلي متأثرة جدا بالعربي فهتبقي فاهم كلام كتير اوي ، غير ان لغتهم كلها دلع يعني بيقولوا علي الفرخة (كوكو) وعلي الاخت (دادا) وعلي الصاحب (كاكا) ولا عايز تبدأ مع حد كلام بتقول (صاصا)

البلد كلها مسلمين والمساجد في كل مكان والاكل كله حلال غير ان السي فود هنا تحفة 😍

الشراطئ بتاعتها خيالية وفيها كمان مناطق أثرية وغابات والأهم من كل ده انها بلد بتأشيرة عند الوصول ومن غير تصريح امني وحالات الكورونا فيها زيرو يعني سهل جدا تروحها

دي سادس مرة ليا في زانزيبار وكل مرة يبقي مش عايز اروح ❤️😍

خمن اسم الشاطئ واكسب خصم ١٠٪؜ علي رحلتك الجايه 😍
25/08/2021

خمن اسم الشاطئ واكسب خصم ١٠٪؜ علي رحلتك الجايه 😍

09/08/2021

‎فرحك قريب وعايز تقضي شهر العسل بتاعك في جزيرة إستوائية رائعة ، واجراءات السفر ليها سهلة؟

‎الاجابة زانزيبار 😍

عندنا packages مختلفة بتبتدي من 14 الف جنيه للفرد

‎ابعتلنا علي رسائل الصفحة لتفاصيل اكتر 🌺

استنوني بفيديو جديد النهاردة من جزيرة زانزيبار ومكان خرافي لشهر العسل 😍😍
09/08/2021

استنوني بفيديو جديد النهاردة من جزيرة زانزيبار ومكان خرافي لشهر العسل 😍😍

حلم الهجرة 😍🥰😍لو انت بتحلم أو بتخطط تهاجر وتبتدي حياة جديدة فالبوست ده مخصوص علشانك.-كندا من فترة مش قصيرة أعلنت إنها مح...
05/07/2021

حلم الهجرة 😍🥰😍
لو انت بتحلم أو بتخطط تهاجر وتبتدي حياة جديدة فالبوست ده مخصوص علشانك.
-كندا من فترة مش قصيرة أعلنت إنها محتاجة عدد كبير جدا من المهاجرين يتخطي المليون وأعلنوا عن نظام للهجرة بيتميز بسرعته وسهولته اسمه Express entry او الدخول السريع،
فكرته انك لو مؤهل هتقدر اخلص اجراءات الهجرة في 6 شهور.
طيب ايه النظام ده وأقدر أقدم فيه ازاي؟
بص يا سيدي،
النظام ده قائم علي فكرة النقاط يعني انت علي حسب مؤهلاتك بتجمع عدد نقاط معين.طب ازاي؟
في أكتر من حاجة بتاخد عليها نقاط، مثلا:
-السن: لو سنك من 25 ل 30 سنة فانت كده ممتاز وهتاخد الحد الأقصي للنقط الخاص بالسن.
-التعليم:كل مايكون معاك شهادة أعلي كل ماتاخد نقط أكتر زي بكالوريوس او ماجستير أو دكتوراة.
خبرة الشغل:لو انت معاك 3 سنين خبرة في الوظائف المطلوبة يبقي أنت كده برنس وجمعت أعلي رقم في نقط الخبرة.
أخيرا وليس اخرا اللغة:
بالنسبة للغة فإنت بتدخل امتحان ايلتس ودة امتحان لتحديد المستوي في الانجليزي كل ماتجيب فيه درجات أعلي كل ماتاخد نقط أكتر وطبعا لو معاك فرنساوي هتزود نقطك كتير.

طيب آخر حاجة في الموضوع ده وهي مهمة جدا الاثبات المالي.لو انت جمعت النقط المطلوبة.هيكون مطلوب منك اثبات مقدرتك المالية علي الانتقال لكندا فلازم يكون موجود في حسابك البنكي حوالي 12 الف دولار كندي.

*أكتر جنسية مستغلة البرنامج ده لحد دلوقتي هما الهنود وهاجروا بأعداد رهيبة.

ده مختصر كده علي نظام الهجرة ده بالتحديد وان شاء الله هنزل عنه تفاصيل أكتر.
تقدر تعرف النقاط بتاعتك وتحسبها عن طريق الموقع ده
http://www.cic.gc.ca/english/immigrate/skilled/crs-tool.asp

‎عمرك ركبت طيارة وحسيت بالوحدة؟ ‎ركبت طيارة لتنزانيا وطلعت أكتر طيارة فاضية في التاريخ تقريبا 😂 افتحوا الصور علشان تشوفو...
03/07/2021

‎عمرك ركبت طيارة وحسيت بالوحدة؟
‎ركبت طيارة لتنزانيا وطلعت أكتر طيارة فاضية في التاريخ تقريبا 😂 افتحوا الصور علشان تشوفوا ايه اللي حصل

شلال Cambugahay في جزيرة سيكيهور في الفلبين.أول ماوصلت للشلال ماكانش في بالي غير حاجة واحدة. لما في حاجات كده علي الأرض...
01/07/2021

شلال Cambugahay في جزيرة سيكيهور في الفلبين.

أول ماوصلت للشلال ماكانش في بالي غير حاجة واحدة. لما في حاجات كده علي الأرض أومال الجنة عاملة ازاي 😍

بص يا سيدي. هتركب طيارة من القاهرة لدبي 4 ساعات⁦✈️⁩ ومن دبي لمانيلا عاصمة الفلبين 10 ساعات.😴 من مانيلا بقي هتركب طيارة ت...
29/06/2021

بص يا سيدي. هتركب طيارة من القاهرة لدبي 4 ساعات⁦✈️⁩

ومن دبي لمانيلا عاصمة الفلبين 10 ساعات.😴

من مانيلا بقي هتركب طيارة تانية لجزيرة Cebu حوالي ساعة😂

اوعي تفكر نفسك وصلت لا

هتركب اتوبيس🚌 3 ساعات لاخر الجزيرة ومن هناك هتركب مركب⛵ توصل بيها المكان الساحر ده 😍

جزيرة سيكيهور

من أروق الجزر ع الكوكب. أول ماتوصل هتلاقي يافطة مكتوب عليها
Eat, Swim, Have a massage, Repeat

من ساعتها استقلت من شغلي وسمعت كلامهم علي طول😍😂

الأكل هناك الفطار بيض بالجمبري والغدا والعشا كمان سي فود ورخيص جدا 😍

لدرجة لو في سمكة أنت عايزها ومش موجودة يقولك استني دقايق وينزل المايه بال spear gun يصطادها😂😅

27/06/2021

Travel goals 😍

Tag someone who will take you here 😉☺️

أفريقيا أرض الخير 😍أعتقد جه الوقت يا شباب اللي نغير فيه نظرتنا السلبية عن إفريقيا وانها بلاد مجاعات. الحقيقة مختلفة خالص...
23/06/2021

أفريقيا أرض الخير 😍
أعتقد جه الوقت يا شباب اللي نغير فيه نظرتنا السلبية عن إفريقيا وانها بلاد مجاعات. الحقيقة مختلفة خالص. الحقيقة ان إفريقيا جنه ❤️

الصور من فندق Gran melia فندق موقعه خرافي قدام جبل ميرو ( اسمه أميرة وبيدلعوه يقولوله يا ميرو 🤫)

في مدينة أروشا بتنزانيا

17/06/2021

Hello From Zanzibar island ❤️

لو بتحب السفر وحكاياته أعمل Follow هتلاقي حكايات عن السفر وأماكن ولا في الخيال 💞

https://www.facebook.com/yahiammelghoneimy

27/05/2021

‎عايز تقضي شهر العسل بتاعك في جزيرة إستوائية رائعة ، واجراءات السفر ليها سهلة؟

‎الاجابة زانزيبار 😍

‎ابعتلنا علي رسائل الصفحة لتفاصيل اكتر 🌺

فرح ولا شهر عسل؟تجيب محمد حماقي ولا تسافر جزيرة استوائيةالنهاردة هنكمل سلسلة جزر واماكن نقدر نسافرها بسهولة مش محتاجة في...
27/05/2021

فرح ولا شهر عسل؟تجيب محمد حماقي ولا تسافر جزيرة استوائية

النهاردة هنكمل سلسلة جزر واماكن نقدر نسافرها بسهولة مش محتاجة فيزا او تصريح امني

بعد ماتكلمنا عن المالديفزالنهاردة هنتكلم عن لؤلؤة افريقيا والمحيط الهندي جزيرة زانزيبار
أول ماوصلت زانزيبار اكتر حاجة لفتت انتباهي الروقان اللي في الشارع٫المزيكا في كل مكان والوقت هناك مالوش معني لو سألت الساعة كام الناس هتستغربك ولو اضايقت ان حد اتأخر علي معاده الناس هتستغربك
هيقولوك مستعجل علي ايه هاكونا ماتاتا(يعني مفيش مشكلة بالسواحيلي)😂
البلد غالبيتها مسلمين فالأكل كله حلال ولغتهم السواحيلي نصها عربي فمعظم الكلام هتكون فاهمه
زانزيبار من غير فيزا ومن غير تصريح امني يعني برده طيارتك واخلع
زانزيبار غير شواطئها الخلابة والمناظر الطبيعية المبهرة فهي مجهزة للسياح ومتقدمة كتير عن تنزانيا اللي هي تابعة ليها😍

لو عاوز تعرف اكنر عن برامج شهر العسل لزانزيبار ابعتلنا علي رسايل الصفحه وهنقولك تفاصيل اكتر

Address


Telephone

+201019123467

Website

Alerts

Be the first to know and let us send you an email when Pharaoh Travellers سافر مع يحيي posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Pharaoh Travellers سافر مع يحيي:

Videos

‎فرحك قريب وعايز تقضي شهر العسل بتاعك في جزيرة إستوائية رائعة ، واجراءات السفر ليها سهلة؟ ‎الاجابة زانزيبار 😍 عندنا packages مختلفة بتبتدي من 14 الف جنيه للفرد ‎ابعتلنا علي رسائل الصفحة لتفاصيل اكتر 🌺

Travel goals 😍
Travel goals 😍

Travel goals 😍 Tag someone who will take you here 😉☺️

Hello From Zanzibar island ❤️
Hello From Zanzibar island ❤️

Hello From Zanzibar island ❤️ لو بتحب السفر وحكاياته أعمل Follow هتلاقي حكايات عن السفر وأماكن ولا في الخيال 💞 https://www.facebook.com/yahiammelghoneimy

‎عايز تقضي شهر العسل بتاعك في جزيرة إستوائية رائعة ، واجراءات السفر ليها سهلة؟ ‎الاجابة زانزيبار 😍 ‎ابعتلنا علي رسائل الصفحة لتفاصيل اكتر 🌺

Shortcuts

  • Address
  • Telephone
  • Alerts
  • Contact The Business
  • Videos
  • Claim ownership or report listing

  • Want your business to be the top-listed Travel Agency?

Share

our story

أنا يحيي الغنيمي. معظمكم يعرفوني من علي جروبات السفر وفيديوهات الجزر. كنت بشتغل في شركة مالتي ناشونال في دبي وباخد اجازة كل 3 شهور اسافر بلد جديدة. يمكن ده كان شغل اي حد يحلم بيه بس انا كان عندي حلم تاني. حلم اني ابني اكبر community للسفر في الميدل ايست واخلي السفر حاجه سهله ومتاحه لكل الناس علشان كده استقلت من شغلي وابتديت حلم Pharaoh Travellers

مع تيم من احسن ال trip organizers عملنا رحلات لجورجيا وعمان والمالديف وسريلانكا وغيرها كمان بننظم رحلات في مصر لدهب ومرسي علم وسيوة وغيرها كتير

لما تسافر معانا هتعرف اننا مختلفين علشان السفر بالنسبالنا مش بيزنس لا ده اسلوب حياة