15/12/2020
/Сургамжит өгүүллэг/
☀"Өөрийгөө бусадтай бүү зүйрлэ"☀
Ойд өөрийн амьдралдаа үнэхээр сэтгэл хангалуун байдаг нэгэн хэрээ амьдардаг байж гэнэ. Гэтэл нэгэн өдөр хэрээ хун шувууг олж хараад,
"Тэр хун ямар гоё цагаан өнгөтэй, харин би ямар муухай хар юм бэ, энэ хун ч дэлхий дээрх хамгийн аз жаргалтай шувуу байх байхдаа" хэмээн боджээ. Тэгээд хун шувуунд өөрийн бодлоо хэлтэл,
-Хун: "Үнэндээ би тоть шувууг харах хүртлээ өөрийгөө энэ дэлхийн хамгийн аз жаргалтай шувуу гэж боддог байлаа. Учир нь тоть хоёр өнгөтэй шүү дээ. Тиймээс би одоо тоть шувууг хамгийн аз жаргалтай гэж боддог болсон" гэжээ.
Ингээд хэрээ тоть шувуутай уулзахад,
-Тоть: "Би тогосыг харахаасаа өмнө өөртөө итгэлтэй, үнэхээр аз жаргалтай нэгэн байлаа, харин одоо бол үгүй. Учир нь би хоёрхон өнгөтэй харин тогос маш олон сайхан өнгөтэй шүү дээ" хэмээв.
Эцэст нь хэрээ тогостой уулзахаар амьтны хүрээлэнд очиход зуу зуун хүмүүс тогосыг харж, зургийг нь дарж байлаа. Ингээд орой болж хүмүүс амьтны хүрээлэнгээс явах үед хэрээнд тогостой уулзах боломж гарлаа.
Хэрээ: "Таныг харах гэж өдөр бүр зуу зуун хүмүүс ирэх юм. Харин тэд намайг хармагцаа шууд л хөөж туудаг. Миний бодлоор та энэ дэлхийн хамгийн аз жаргалтай шувуу байх аа".
Тогос: "Би үргэлж л өөрийгөө хамгийн үзэсгэлэнтэй бас хамгийн аз жаргалтай шувуу гэж боддог байлаа. Гэхдээ би өөрийн үзэсгэлэнтэй байдлаасаа болоод амьтны хүрээлэнд хоригдож байна шүү дээ. Яг үнэндээ чи л торонд хоригддоггүй эрх чөлөөтэй шувуу биш гэж үү? Би хэрвээ хэрээ байсан бол дураараа, хүссэн зүгтээ дүүлэн нисэх байсан. Тэгэхээр чи л хамгийн аз жаргалтай нь..."
СУРГАМЖ: Өөрийгөө бусад хүүхдүүдтэй бүү харьцуул. Учир нь чи бол дахин давтагдашгүй тэр гайхамшигтай хүүхэд. Энэ дэлхий дээр хэн ч яг чам шиг байж чаддаггүй юм шүү дээ.
