Schindler & Pfister Events

21/07/2017

Merci Braumeister Santschi!

03/12/2016

Dr Glüähwyy isch am plöderlä!! Hossa die Waldfee!!

02/08/2016

Ahoi Fründä!
Ds Turnier rückt nöcher, i hoffä dir heit au flissig trainiert u sit parat füre Samstig!
Es hetere gägewärtig no Platz für 2 Teams, we sech öber auso no churzfristig wott amäude, das isch d Glägeheit drzuä.

Für di scho Agmäudete, gäbet doch bitte no churz eui Teamname dürä, de chöi mir ä Spiuplan ersteuä.

U its no paar Infos zum Samstig: Besammlig wär am 12i ir Villa Wahnsinn wi immer, dert nähme mir euch i Empfang u heisse nech wiukomme!
Leider isch dä Gspass o i däm Jahr nid Gratis, für ds Qualitätsbier vor Brauerei Egger u ä loufende Grill und so chli Bilage und dr imäns organisatorisch Ufwand chostets pro Person 30.-, Chartezahlig isch leider nid müglech, aber ä Bankomat isch ganz ir nöchi.

Bis am Samstig und häbet ne dobä!

04/07/2016

Auso liäbi Lüt vo Stadt und Land, bimne churze Blick i eui Agenda wärdet dr sicher feschtsteue dass i scho knapp amne Monet di 4. Usgab vom traditionsriiche u sehnlechst erwartete Beer Pong Turnier isch! U fasch im gliiche momänt chunnt noch o no grad ds Sinn das dr no gar nid agmäudet sit!
Mir hei i däm Jahr ä Obergränze vo Teams wo sech chöi amäude, d Gfahr das me de ke Platz meh het isch durchus vorhande we me its nid reagiert, sech ä Teampartner suächt u sech amäudet u drufabe umgehend ds Training ufnimmt u di Läbere u dr Wurfarm i Schwung bringt.
Es het gägewärtig no 7 Startplätz u nähr isch verbi, auso nähmet ds Natel id FInger u schribet Schindler u Pfister Events u de sit dr o scho drbi!

Bis denn, guäts Training, chüäli Bier u häbet ne dobe!

Reto und Michu

16/05/2016

Fründe vom Beer Pong Sport!
Ds OK vom 4. BeerPong Turnier isch das Jahr es bitsli spät dran u mir si o scho etlechi mau gfragt worde wenn dass ds Turnier stattfingt u its hei mir ä Antwort für euch, es fingt statt am: 6 Ougust 2016, am gwohnte Ort wi immer!

Ufgrund vo Terminkolissione isch es diesmau nid am gliche Datum wi süsch, aber mir hoffe dir chöit glich zauhriich u trinkfreudig erschiine.

Es git o no ä organisatorischi Neuerig, mir hei üs drzuä entschiede ä Teilnähmer Obergränze vo 24 Teams festdslege.
Das heisst für euch mäudet nech früähziitig a, wiu wärs verpasst isch de haut nid im Turnier drbi, aber aus Zuungast uf jede Fau glich wiukomme. Amäude tüät dr nech glich wi letschts Jahr mitere PN a Schindler & Pfister Events.

Mir wünsche nech guäts u erfougriichs Training u hoffe u baudigi Amäudige!

Cheers u Kuss ufd Nuss

Reto & Michu

23/11/2015

Ahoi mini liäbä Fründe vom pflegte und massvouä trinkä!!
Dir heit nach ja sicher scho au dick i eurer Agenda iitreit wo de dir am 5. u 6. Dezämber sit, bi üs am glüähwyystang und oder näbädran bi Anthem & Arrows am T-Shirts choufe!

Its gits aber no ä angere Grund den uf das Worb ds reise, di einti häufti vor S&P Events Füährigsstaffle, Pfister's Michu, verabschiedet sech denn fürä Winter uf Zermatt, drum würde mir üs, u dr Michu im spezieue, sehr drüber freuä we dir verbichämtet u cho Tschüss säge bevor daser ids Exil geiht.

I däm Sinn erschienet zauhriich u durstig u nähr würdi säge: Es luäg wär wöu es cha nüt passiere!

Tschüss u ä schönä!

23/07/2015

So liäbi fründe, das turnier isch its auso scho übermorn!!
mi hei veiechli ä schwetti teams binang uds wätter schiint o mitdsmache!!
hiä si no paar letschti infos:
dr biitrag pro person isch i däm jahr 35.-. dr ä chli höcher biitrag isch am bessere bier usem zapfhahne gschuudet, drfür müässt dr ke anker meh mitschleipfe und suufe u mir hei viu weniger ghüder zum entsorge!!
inbegriffe isch natürlech o i däm jahr wieder d biilage zum grille und usreichend nier für wenn me nid am spiele isch!
starte würde mir gärn so gägä di eis mit besammle und amäude u fang es apero. ds ziu wär das me so 14:30 chönnt afah spiile!!
d regle si di gliche wi immer u dr turnier modus gäh mir am samstig bekannt!!
trainieret no chli u bis denn!!
cheerio

16/06/2015

Ahoi liäbi Fründe vom ehrevouä Sport vo dä Gentlemen ur höchere Gseuschaft!

Es isch sowiit, mir nähme vo its a d Amäudige fürds #3 Beer Pong Tournament a!!
Mir würde nech bitte das dr euch d Müäh machet und dir euch mitere Nachricht a S&P Events mitem Teamname und dä Mitglieder würdet iischribe!
Es wär guät we das au so würde mache, de hugti me chli meh ä Übersicht wiuviu Teams das si und wi mir müässe plane!

Es wird uf das Jahr ä chlini Änderig gäh i däm das mir its das Bier usem Zapfhahne nähme, us däm Grund würd me de ke Anker meh müässe mitbringe u de gits de chli ä Pouschau Biitrag pro Team u de isch für aues gsorget!

I däm Sinn, schribet üs und trainieret was dr chöit!!

Cheerio Schindler & Pfister Events

05/02/2015

Ahoi!!
Dr Winter isch da aber dr Summer chunnt de o irgendwenn wieder u aus treui Ahänger vo Schindler&Pfister Events wüsset dir aui was das bedütet, ds 3. BeerPong Turnier rückt ume nöcher!!

U für das dir aui chöit ä Teamkamerad chöit suäche und/oder eui Ferie so chöit plane das dr denn sicher im Land sit u chöit teilnäh u natürlech ds Training chöit starte wei mir scho its mau ds Datum bekannt gäh we dä ehrevou Alass wird stattfinge!

Wie letschts Jahr wirds o das Jahr am Samsti nachem Gurte si, dr 25. Juli 2015!! Strichet dä Tag dick a i eurer Agenda, näht nech frei u chömmet o das Jahr wieder verbi!!

Bis denn guäts trainiere u machets guät!! Cheerio!

07/12/2014

Dr glüähwyy isch ume heiss u d shirt liege bereit zum verchouf!! Chömmet u nähmet no eis... Oder siibe!

06/12/2014

29/11/2014

Mi heig de fang ä schluck wyy kouft

05/11/2014

Ahoi liäbi lüt!
D tage wärde chürzer u ds wätter chäuter u wüäster, das heisst dr winter steiht vor dr tür u mitem winter chunnt dr wiehnachtsmärit.
Säubstverständlech hei mir o das jahr umä mit dä jungs vo anthem and arrows am 6 & 7 DEZEMBER ä stang am wiehnachtsmärit worb, verchoufe glüähwii u mache nech au betrunke ;)
Hoffe mi gseht sech u bis baud!

01/08/2014

Und da no dr räst! Danke für d fotos Tini!

01/08/2014

Schööön isch es gsi!!

23/07/2014

Ahoi BierPong Genossinnen und Genossen

Am Samsti wird natürlich wieder grilliert. Drum bringet öppis für uf dä grill mit. Beilage wärde vo üs bereitgstellt (auso dr 5 Sterne Koch Pfister und dr Kuchigehilfe Schindler).

mir freue üs!!

23/07/2014

aloah auersiits!!
so ds turnier chunnt i grosse schritte nöcher u es isch zit euch no paar infos nach ds reiche.

mi trifft sech auso a däm samstig um di 12:00 bi pfisters im garte, de mache mir d gruppe iteilig u de cha me o scho afah spiile.
d regle si di gliche wi im letschte jahr mit ganz chline apassige aber das wird am turnier bekannt gäh:

u de chunnt no dr unagnähmer teil, o das jahr müässe mir öich ds bier wieder säuber la mitbringe u es chlises startgäud müässä mir o erhäbä das mir nid druflege, im detail heisst das: pro team isches 24er gascho anker und es 20er nötli mitdsbringe:

wiiterhin guäts trainiere u bis denn!!