Egypt sphinx tour (2025)

14/09/2019

https://m.facebook.com/story.php?story_fbid=2150911301625375&id=165140866869105

14/09/2019

07/04/2016

حورس & ست: الفاهم والحافض
مش مصادفة إن الحضارة المصرية, إنحازت لشخصية حورس, من غير ما تمحي "ست" م الوجود.
كل ملك مصري ناجح بيعتبر نفسه إمتداد لـ "حورس", وأول لقب من ألقابه هو اللقب الحوري, وفـ نفس الوقت "ست" موجود والملك بيتقمص شخصيته لو إحتاجه فـ الحرب.
حكاية "حورس و ست" نفهمها من مصارعة التيران, منافسة بين المصارع اللي دارس حياة الحيوان وعارف نقط ضعفه, وبين كتلة كبيرة من العضلات والعضم مليانة أدرينالين وتيسترون.
مصارع التيران فاهم كل حاجة, وله ألف طريقة, والتور مش حافض غير طريقة واحدة.
الحكاية دي موجودة فـ تشريح عقل الإنسان, المخ فيه جزء بدائي ثابت مسئول عن الحفض, موجود فـ كل الأجيال, وجزء تاني نسبي بيجدد نفسه كل جيل, وبيواجه أي ظروف.
حورس الفاهم, بيحكم وبيعيش وبيحارب, فـ قلبه شباب حتحور وفـ دماغه علم تحوتي وفوق راسه ريشة الماعت.
أما ست الحافض, فـ معندوش غير دراعه وحربته وقرونه اللي بيغرزهم فـ أي حاجة بتتحرك.
الحكاية دي كلها بتلخصها لوحة توحيد الأرضين "سما-تاوي", ومشهورة بلوحة النيل "حابي", محتاجين نحطها فـ كل بيت, وفـ كل مدرسة, وفـ كل مصنع, وفـ كل مكتب, فوق راس كل مسئول.
اللوحة بترمز للأرضين بالجهاز التنفسي, قصبة هوائية ورئتين, محميين بالفاهم والحافض, "حورس" و"ست".
جدنا المصري قال رأيه فـ قضية سد النهضة من آلاف السنين, النيل محتاج كل قوتنا, العقل والعضلات, الفهم والحفض.