ACE Australia Immigration 卓越澳洲移民

04/11/2024

”國家創新簽證 National Innovation Visa (NIV)”沒有公開諮詢一直只聞樓梯響, 內政部(Home Affairs)終於係上星期五Migration Institute of Australia 嘅周年會議公佈多項有關呢個新簽證嘅細節如下:
- 將會取代現有環球專才簽證Global Talent Visa, 並繼續沿用簽證類別Subclass 858 。
- 將會於2024年底前推行。
- 直接取得永久居民身份。
- 不設申請年齡上限。
- 必需收到邀請(invitation)才可申請簽證。

NIV旨在吸納以下各種範圍高質素人才:
* Global Researchers / Thought Leaders (國際研究學者/思想領袖)
* Innovative Investors (創新投資者)
* Entrepreneurs (企業家)
* Athletes / Creatives (運動員/創作者)

一直以來NIV都有提及將會吸納投資者, 相信當中會包含投資移民途徑。此外亦有提及企業家，當中會唔會包含營商移民途徑大家真係要拭目以待。至於專才類別方面, 表面睇申請門檻可能會比現時環球專才Global Talent為高, 我哋估計會比較接近以往”Distinguished Talent”嘅水平。

呢家已經係11月頭，NIV要如期係今年內推出相信澳洲政府最遲係12月頭就要為簽證要求詳細立法。我哋會係度同大家分享有關NIV嘅最新消息, 大家密切留意。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

10/10/2024

今日新州(New South Wales)終於開放技術移民190/491簽證州擔保申請。隨著新州開放申請，今個財政年度所有州份技術移民州擔保申請條件終於塵埃落定。

由於澳洲政府收緊移民政策，今個財政年度雖然技術移民州擔保配額比上年多，但係競爭比過往其實更為激烈。例如西澳(Western Australia) 過去兩輪邀請都只限當地居住申請人獲邀，而維州(Victoria)最新一輪邀請醫護界申請人已經無法輕易獲邀。

假如大家想透過技術移民呢個相對性價比高嘅方法移民澳洲，歡迎聯絡我哋查詢。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

04/09/2024

估唔到今個財政年度第一次獨立技術移民189 skill select round 咁快”派彩”，大家入咗EOI 快啲check 下email 睇下有無”中獎”。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

27/08/2024

琴日維州(Victoria)已經進行咗今個財政年度第一次輪技術移民州擔保申請遴選。我哋都有醫護界嘅客人收到190邀請，但係英文能力要去到superior程度，競爭真係愈來愈激烈。

另外一提就係昆州(Queensland)將會係9月開放技術移民州擔保申請。今個財政年度會引入類似維州Registration of Interest 嘅制度，而澳洲境外申請人最低要求要有5年經驗同埋Proficient English 先可以申請，佢哋目標係吸納能源/建築/醫護/教育呢幾個範疇嘅技術職業。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

14/08/2024

今日維州(Victoria)終於開放接受2024-2025財政年度嘅技術移民190/491州擔保申請。申請條件最低要求同往年相若，但係由於獨立技術移民189 配額今個財政年度大減，相信競爭會更激烈要拎到州擔保邀請會比以往更難。

呢家只凈返新州(New South Wales), 昆州(Queensland)同埋南澳(South Australia)未開放今個財政年度嘅技術移民州擔保申請，有心部署申請歡迎聯絡我哋。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

27/06/2024

重有幾日就踏入新一個澳洲財政年度，呢個月其實澳洲政府係移民政策方面密密有所動作有新法例更改推出以趕及於新財政年度首日7月1日實施，我哋為大家好簡單咁歸納如下:

1. 上個禮拜進行咗今個財政年度第二次(亦相信係最係一次)189獨立技術移民簽證嘅邀請甄選(Invitation Round)。今次甄選終於唔再只係邀請醫療和教育相關技術職業，各類技術職業(尤其係同建築工程相關)都有獲取189簽證申請邀請嘅機會。但係重點係非常大多數獲得邀請嘅技術職業最低技術分數(Skilled Points)都係85分或以上，醫療和教育類別技術職業達到最低要求65分就可以攞到邀請嘅日子已經不再。由於下個財政年度189獨立技術移民簽證嘅配額比今年度更加大幅減少，可以預期申請人之間嘅競爭將會更激烈而獲邀嘅最低技術分數將會更高。

2. 一如之前公佈，485簽證嘅收緊申請要求改變將於7月1日生效。持有香港特區或BNO護照的申請人對於大部分收緊條件變更(例如年齡上限降低，英文成績提高要求)可獲豁免，但係要留意英文成績有效期將會減少至1年。

3. 482簽證條件將於7月1日變更，簽證持有人如離職將有180日嘅時間係澳洲境內去搵新嘅僱主擔保。

4. 簽證申請費用一如以往將於7月1日作年度上調，但係到呢一刻澳洲政府都重未公佈新費用詳情。

5. 學生簽證係澳洲境內嘅申請由7月1日開始將會受到限制，485畢業簽證以及訪客簽證類持有人(例如601 ETA)將不能在澳洲境內申請學生簽證。

6. 配偶簽證有關家庭暴力嘅定義而及受影響當事人嘅申請資格將會係7月1日有所變更。

如有任何問題，歡迎聯絡我哋。祝大家係新一個財政年度申請澳洲移民簽證過程一切順利！

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

16/05/2024

緊隨星期三晚公佈嘅2024-2025年度財政預算案，內政部(Home Affairs)亦都係星期四早上公佈咗下個財政年度嘅移民計劃配額(Migration Program Planning Level)，以下係當中幾項重點：

1. 188商業投資/營商簽證：最重要係釐清咗已遞交的188簽證申請將會按政府嘅整體移民優先次序同埋配額繼續處理，睇嚟唔會好似我哋之前估計嘅”cap and cease”。但係由於配額再減(由1900減到1000 當中重要計埋888永久居民嘅配額)，我哋估計對於已遞交嘅188簽證申請都有機會繼續拖，所以先有財政預算案嘅退款措施比唔想再無了期等落去嘅申請人作個了斷。

2. 189/190/491技術移民簽證：189獨立技術移民簽證嘅配額大幅減少接近一半，而190州提名技術移民簽證和491偏遠地區技術移民簽證嘅配額則有輕微增加。睇嚟下個財政年度要做技術移民都係要搵州擔保比較大機會。

3. 新簽證”National Innovation visa”：根據政府講法呢個新簽證將會”為最傑出的優秀移民提供永久居留身份嘅申請途徑，例如傑出企業家、主要投資者和全球研究人員”。新簽證暫定係2024年尾推出，將會取代現時858 GTI環球專才簽證並會共用下個財政年度嘅4000個配額。留意當中有提及吸引”主要投資者”，期望新簽證將會包含投資移民途徑。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

14/05/2024

澳洲政府今晚公佈咗關於2024-2025年度嘅財政預算案，當中關於移民政策嘅重點如下:

1. 188商業營商/投資簽證

- 188商業營商/投資簽證計劃（BIIP）將被中止(discontinued)。從2024年9月起，希望撤回188簽證申請嘅申請人將獲退款簽證申請費。

- 將推出新簽證”National Innovation visa”，以吸引具有卓越才能的移民，旨在推動澳洲重要領域嘅增長，呢個新簽證將會取代現時嘅環球專才GTI 858簽證。而根據之前Migration Strategy 嘅講法，成功企業家/主要投資者有機會合資格申請呢個新簽證。

2. 技術簽證類別

- 約70%的永久移民計劃將分配給技術簽證類別。

- 將會改革技術移民計分制度Point Test。

- 僱主擔保482簽證的工作經驗要求將從2年減至1年，於2024年尾生效。

3. 永久移民計劃

- 2024-2025財政年度永久移民計劃(Permanent Migration Program)的規劃水平(Planning Level)為185,000個名額，比2023-2024財政年度略為減少。正如之前提到，其中132,200個名額（約70%）將會分配比技術簽證類別。

- 從2025-2026財政年度起，政府將會把永久移民計劃的規劃期從現時1年延長到4年。

4. 其他

- 針對法院移民案件積壓問題進行重大改革，包括設立Administrative Review Tribunal取代現時嘅Administrative Appeals Tribunal。

—

以上種種消息，相信最震撼係188簽證將被中止。而由於有提及退款安排，當中似係暗示有可能會”cap and cease”，即係現時仍在排隊未有決定嘅申請一旦簽證數目達到政府所定嘅配額上限就會停止處理並安排退款。

當然我哋都係要等將來正式公佈嘅法例細節先可以知道澳洲政府係點樣安排”discontinue”188簽證。但係假如真係”cap and cease”嘅話，相信好多等緊188簽證處理嘅申請人將會大失所望。因為當中有部份已經等咗2至3年，雖然會有簽證申請費退款，但係就白白浪費預備申請嘅功夫同漫長嘅等候時間，而將來”National Innovation visa” 要求亦係未知數未必乎合資格再申請。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

25/04/2024

今日係ANZAC Day，但係估唔到Home Affairs 竟然揀澳洲公眾假期公佈關於485簽證嘅要求改革，如立法通過將會係今年7月1日實施。

一如之前Migration Strategy提到485簽證年齡上限會由50歲以下降低到35歲以下，但係香港人(香港護照/BNO 護照持有人)就會有特別豁免繼續保持50歲以下為年齡上限。相信睇到呢個官方公佈對於行緊或計劃行Hong Kong Stream 嘅朋友會更加放下心頭大石，但係呢個改變對其他國籍嘅留學生將會係震撼彈，可以預期澳洲留學生數目將會更加減少，貫徹呢家執政工黨想大幅減低身處澳洲嘅”permanently temporary”人口數目政策。

另外今次公佈嘅改變細節，當中令人覺得意外就係提到Graduate Work Stream(將會改名做Post-Vocational Education Work Stream)如申請人持有學士學位或以上資歷將不會乎合資格申請，只可以申請Post-Higher Education Work Stream (原文係”Applicants with a degree level qualification or higher will no longer be eligible for this stream. If an applicant holds one of these qualifications, they must apply through the Post-Higher Education Work stream.”) 。呢點之前Migration Strategy並無提及，要等有法例條文詳情先可以睇到確實嘅申請限制會係點執行，但係實際影響真係可大可小，大家要密切留意之後嘅立法細節。

我哋都有一段時間無為大家更新移民澳洲消息，因為係2023年尾澳洲政府出咗migration strategy 後其實就比較平靜並無重大消息公佈。但係除咗今日有呢個485簽證改革公佈，其實琴日4月24日都有份技術移民Point Test 改革咨詢文件公佈，當中或多或少睇到端倪澳洲政府想點樣改革技術移民計分制度，我哋嚟緊會係度同大家分享。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

19/02/2024

我地嘅澳洲註冊移民代理將會於3月初係香港同大家面對面評估移民澳洲資格, 名額有限先到先得, 報名從速!

https://forms.gle/CF53RorzBnFE5XSm6

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

我地嘅澳洲註冊移民代理將會於3月初係香港同大家面對面評估移民澳洲資格, 名額有限先到先得, 報名從速! 日期: 2024年3月1至7日 形式: 香港親身會面 地點: 金鐘 / 尖沙咀 (詳情於報名登記確認後有專人聯絡安排) 如有查詢可Whatsap...

09/01/2024

根據最新澳洲Home Affairs 嘅fact sheet，485 畢業簽證同500學生簽證嘅英文程度要求將會係2024年初提高，呢點其實係Migration Strategy 都已經講過大家應該唔會覺得意外。

但係原來重有另一個細節就係485畢業簽證承認嘅英文考試有效日期亦將會係2024年初由3年減到1年，即係代表係新政實行後基本上要申請485就要再考多次英文試，唔可以用申請500學生簽證時嘅”舊”英文試成績，大家要留意啦。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189 #190 #491 #485 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

24/12/2023

Merry Christmas! 墨爾本夜繽紛，祝大家聖誕快樂!

22/12/2023

【澳港聯收到澳洲內政部通知 畢業簽年齡上限不適用於香港學生】
自12月11日澳洲公佈最新移民策略，當中畢業簽證的年齡將由50歲降至35歲，令不少目前在澳洲就讀或計劃來澳洲讀書的香港學生，對不確定的未來感到憂慮及不安。連日來，許智峯、任建峯聯同澳港聯及多州港人組織一直與有關方面保持聯絡，將我們的關注和不安表達。今早澳港聯的代表收到內政部長Clare O'Neil辦公室來電通知，「485畢業簽的年齡上限變更不適用於香港學生，包括現時就讀或未來來澳洲升學的香港學生，詳情會在明年初公佈。」
深切理解近兩周來，香港學生感受到的焦慮及不安。未來我們收到更多詳情，會盡快向大家公佈。
希望大家冬至快樂及聖誕快樂。
*感謝任建峰先生不懈努力。
*希望大家繼續關注香港政治犯的狀況，黎智英、47人案、支聯會案以及眾多無名被捕手足的案件及處境。我們的平安，正是他們犧牲他們的自由來祝福我們。

17/12/2023

今個財政年度189技術移民邀請等到頸都長今日終於有第一輪，相信係好多人最好嘅聖誕禮物!

我哋呢個客做醫護界65分都有invitation，證明技術移民重係行得通，大家唔好放棄希望呀。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189 #190 #491 #485 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

16/12/2023

Migration Strategy 分析預測 (2) - 188營商/投資簽證 及 GTI環球專才簽證

大家可能覺得有啲奇怪我哋點解會將188營商/投資簽證同埋GTI 環球專才簽證拉埋一齊講，但係實際上呢兩種簽證都係屬於技術類別(Skill Stream)，而最主要原因係Migration Strategy 文件當中提到澳洲政府正在構思一種新嘅”Talent and Innovation”簽證去統一呢兩種簽證達到吸引”高端人才”包括成功企業家/主要投資者/環球研究專才到澳洲嘅效果。

—

188營商/投資簽證方面，睇嚟188A 呢類形式嘅營商移民簽證將會告一段落。因為文件中提到呢類簽證持有人為社會貢獻嘅經濟效益比一般技術移民低，而且8成以上都係營運一般零售服務業嘅生意並無為澳洲帶來創新以及生產力提升。

至於188C 呢類形式嘅投資移民簽證就被確認有為澳洲創新投資尤其係風險資本投資帶來實際貢獻，相信有一定機會作出調整後得以保留。

時間表上政府會係2024年頭到年中先會開始對於新”Talent and Innovation”簽證作出諮詢，睇嚟係2024年內完成整個諮詢立法程序推出新簽證嘅機會比較細。但係要留意文件中提到係呢個新簽證推出前政府唔會再發放新嘅188營商/投資移民配額，即係大家如果想做投資移民好有可能至少要等到2025年新簽證推出後先有得申請。。。不經不覺投資移民申請好大機會有成至少2年嘅真空期。

—

GTI 環球專才簽證方面，由於政府正在計劃推出其他新措施例如新嘅臨時技術”Skills in Demand”簽證會有”Specialist Skills Pathway”去吸引高技術人才到澳洲，所以佢哋會用現時嘅GTI 簽證去揀選更加”高端”可以為澳洲社會帶來莫大貢獻嘅專才。

其實今個財政年度雖然GTI簽證繼續有配額繼續有處理EOI，但係已經睇到Home Affairs 變得比以往”揀擇”得多，除非申請人係指定領域真係有非常傑出成就，呢家已經唔容易攞到invitation to apply。

未來新”Talent and Innovation”簽證由文件內容睇嚟會包含現有GTI 簽證嘅元素去吸引真正傑出人才到澳洲，亦可能會針對現有問題例如當中簽證處理程序透明度唔夠高作出調整。

澳洲政府對於GTI簽證同188營商/投資簽證嘅處理態度最大分別暫時係新簽證”Talent and Innovation”落實推出前，GTI 簽證會一直繼續處理EOI 繼續有得入新申請，而188 營商/投資簽證因為一直唔再派發任何新嘅州擔保配額，所以無辦法入到新嘅申請。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189 #190 #491 #485 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

12/12/2023

昨日出爐嘅Migration Strategy 入面提到485畢業簽證計劃2024年中將會降低年齡上限，由50歲以下減到35歲以下。呢點當然令大家討論非常熱烈，尤其已經攞咗學生簽證係澳洲讀緊書重未畢業嘅留學生，隨時變”苦主”忽然超齡畢業時申請唔到485行唔到Hong Kong Stream 去攞永久居民身份。

但係再一次提提大家，Migration Strategy 文件入面種種措施都係未有詳細法例條文/內容未確定/推行日子並未落實，一日未正式修例實施，一日都重有好多變數。

我哋留意到澳洲各大小香港人組織團體已經好快積極行動聯絡澳洲政府Home Affairs反映香港人尤其係現時在澳留學生對於呢個新措施嘅擔憂，希望澳洲政府假如真係會按照計劃推行呢個新措施，草擬法例時會吸取意見提供特別豁免或寬限期安排。

但係亦奉勸大家prepare for the worst 做少少預備最壞情況(一刀切降低年齡上限措施即時係2024年中生效)發生時可以點樣應對。實際可以做嘅準備例如：

- 睇下可唔可以加重study load盡早完成課程盡快畢業，係新措施推出前入到簽證申請。但係要留意現時485簽證申請條件Australian Study Requirement 對完成課程時間有一定最低要求，唔可以”太快”畢業。

- 雖然配額少咗競爭大咗比上個財政年度難咗好多，但係都要了解下自己嘅年齡/資歷/經驗重有無機會行到技術移民。

- 睇下做唔做到現時嘅482僱主擔保簽證，呢家482轉永久居民途徑比以往寬鬆，假如本身符合資格搵到合法(!)職位擔保，可能係一條可行更快捷嘅新途徑。但係同時亦要留意Migration Strategy計劃係2024年尾推出嘅新臨時技術”Skills in Demand”簽證應該會取代現時482簽證，到時真係推出呢個新簽證嘅話行僱主擔保呢條路會係點難咗定易咗就係未知之數。

- 逼不得已假如新措施推出畢業後真係無辦法繼續留係澳洲，考慮下”轉場”去其他國家重有無可能。記住千萬唔好諗難民簽證，唔係真難民申請咗就無回頭路。

繼續透過唔同渠道發聲希望澳洲政府聆聽當然非常重要，但係同時大家亦可能要做少少最壞打算準備，睇下有無其他移民途徑做後備方案。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189 #190 #491 #485 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

11/12/2023

Migration Strategy 分析預測 (1) - 485 畢業簽證

首先就同大家講下485 畢業簽證係Migration Strategy 提及到將會推行嘅措施，因為相信會對有意甚至係讀緊書想行Hong Kong Stream 嘅香港人有好大影響。

為咗加強以及簡化485畢業簽證，Migration Strategy 提到將會係2024年中推行以下主要措施:

- 縮短簽證有效期。但係假如Hong Kong Stream 政策不變，我哋估計香港/BNO簽證持有人嘅5年期應該暫時唔會受到影響。

- 申請年齡上限將由50歲降低到35歲以下。呢個措施如果係2024年中即時生效相信會大大影響到唔少人，尤其已經係澳洲讀緊書又忽然超齡嘅500學生簽證持有人，無485畢業簽證就無得行Hong Kong Stream， 亦都唔易繼續留低。當中政策會唔會對於現有學生簽證持有人有任何豁免/過渡期安排呢家真係言之尚早大家只可以靠估，但係假如大家快將/已經35歲有意想行讀書Hong Kong Stream 呢條路而又未開始申請程序嘅呢家真係要三思諗清楚。

- 英文要求將由IELTS 6.0 提高到6.5。到時唔知重用唔用到BNO exemption。

- 現時2個stream 將會改名希望減少申請人揀錯，而申請處理時間將會縮短。

另外為咗減少500學生簽證和485畢業簽證持有人透過不斷轉簽證延長時間留係澳洲，係2024年初到年中將會推出以下措施:

- 500學生簽證持有人再申請另一個500學生簽證時，處理簽證將會受到額外審核。

- 限制485畢業簽證持有人係澳洲境內(onshore)申請新一個500學生簽證。

但係要記住以上種種措施都係未有詳細法例條文/內容未確定/推行日子亦並未落實，一日未正式修例一日都重有機會變。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189 #190 #491 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

11/12/2023

今日嘅重磅消息，當然係Migration Strategy 呢份標誌着未來幾年澳洲移民政策方向嘅重要文件正式出爐，所以我哋都盡快睇完同大家分析一下當中重點。

呢份Migration Strategy 主要包含5大目標(Objective)，透過8個行動方針(Key Action)去達成目標，而再跟據呢8個行動方針去制定實實在在嘅法例改變措施(Measure)執行澳洲移民系統改革。當中有啲措施已經係呢半年推出咗，而其他嘅將會係未來幾年陸續進行諮詢/推行。

今日澳洲政府記者會重點講嘅主要係收緊學生簽證/畢業簽證同埋臨時技術移民簽證嘅改變，因為呢啲措施將會係2024年好快落實嘅重點。

大家要留意雖然文件當中披露咗唔少將會推行嘅措施方向甚至係細節，但係一日未修例一日都係未落實執行，而詳情重係未知之數。例如485畢業簽證係文件中提到係2024年中開始申請人年齡上限將會由50歲以下降低到35歲以下，但係當中對於現有學生簽證持有人會唔會有過渡期安排定係一刀切重係言之尚早。

我哋之後會揀選某幾個重點行動方針去分析預測嚟緊有可能會實行嘅措施，大家敬請留意。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189 #190 #491 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

08/12/2023

剛剛收到Migration Institute of Australia 消息，佢哋已經同Home Affairs 釐清於COVID Concession 期間2020年2月1日到2023年11月25日收讀嘅網上課程都可以計算入”Australian Study Requirement”要求。

相信會令唔少呢幾年努力讀書但係有部份課程於網上修讀，想申請485畢業簽證嘅學生放下心頭大石。

最新嘅政策修改原文如下，而Home Affairs 亦將快更新於佢哋嘅網頁。

“From 25 November 2023, online study requirements reverted to pre-COVID settings. However, online study undertaken during the COVID concession period (1 February 2020 to 25 November 2023) will continue to count towards the Australian Study Requirement.

As all students were required to return to in-person study in July 2023 by TEQSA, the tertiary education regulator, we anticipate that this position should not disadvantage any students, but also provide a clear end date to the announcement of the previous government made in November 2021. “

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189 #190 #491 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

28/11/2023

正如11月初宣佈，澳洲政府經已係上星期五通過有關僱主擔保簽證申請永久居民身份途徑改革措施嘅修例並於11月25日生效。

今次修例正如之前宣佈，主要改動就係任何482僱主擔保類別(Long-term; Short-term; Labour Agreement)於僱主擔保簽證期間於擔保工種工作2年就符合資格可以申請永久居民身份。

確實修例並無”驚喜”，傳聞中會被取消嘅labour market test 並無發生，而short-term 工種要證明genuine temporary entrant 呢個現在變得有啲矛盾嘅條件都係繼續保留。

雖然呢家僱主擔保簽證係相對容易嘅移民澳洲捷徑，但係再次提提大家唔好因為心急移民去付出大額金錢違法”買工買擔保”，好大機會最後會得不償失。

另外上星期五其實重有另一個宣佈，就係COVID-19 Concession Period 正式於11月25日完結，當中各簽證相關寬鬆措施亦會告一段落，最多人應該有機會受影響嘅就係485 畢業簽證主申請人唔再可以係境外申請，大家要留意作出安排。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189 #190 #491 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

03/11/2023

今日澳洲政府公佈將會大約係11月25日推出僱主擔保簽證申請永久居民身份途徑嘅改革措施。

當中改變重大，但係基本上係”還原”2018年3月被廢除嘅457僱主擔保簽證申請永居嘅資格，又變返非常寬鬆。

當中主要改變係:

- 任何482僱主擔保類別(Long-term; Short-term; Labour Agreement)都有途徑可以申請永久居民身份，現時改革前Short-term 係無任何直接途徑申請永居。

-只需於持有僱主擔保簽證期間於擔保工種工作2年就符合資格，現時改革前要3年。

今次改革再次令到僱主擔保簽證成為相對容易嘅移民澳洲捷徑，但係大家真係切記唔好因為心急魯莽去”買工買擔保”。

因為坊間陷阱處處，僱主擔保簽證絕對唔係有澳洲僱主肯聘請Home Affairs 就會批，佢哋重會睇個職位係唔係間公司真係有咁嘅需要，公司符合擔保人責任，同埋申請人個人條件符合職業資格等等要求。

最重要係澳洲移民法係有明確法例列明”買migration outcome”屬於違法，大家如果付出大額金錢去”買工買擔保"好大機會最後會得不償失。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189 #190 #491 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

29/09/2023

前日新州(New South Wales)和南澳(South Australia)終於開放技術移民州擔保申請。

由於今年各州政府收到嘅技術移民提名配額比上個財政年度大幅減少，所以今年各州份嘅申請程序基本上都轉為”被動式”要先入Expression of Interest (或另加Registration of Interest)收到州政府邀請先可以入申請。

僧多粥少嘅情況下，今個財政年度要拎到技術移民州擔保競爭可以預期係非常激烈。好似維州(Victoria)政府代表係琴日嘅information session 提到，佢哋今年只有2700個190州擔保配額，但係佢哋暫時收到嘅190簽證Registration of Interest 已經係數以萬計。另外一提係維州揀選Registration of Interest 唔係睇Expression of Interest 嘅分數而係睇佢哋自定嘅條件，所以唔好諗住高分一定會收到邀請。

大家如有關於移民澳洲嘅查詢，可以用WhatsApp/FB Messenger聯絡我哋。

最後祝大家中秋節快樂!

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189 #190 #491 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

21/09/2023

雖然今個財政年度嘅州擔保名額減少咗，但係由於各州政府已經收到配額，所以都陸陸續續開放接受州擔保申請。

首先要重申今個財政年度188營商/投資移民係暫時”封盤”並無任何州擔保配額，所以各個州份都無法接受申請。

至於技術移民190/491州擔保方面，各州份嘅申請情況如下:

- 維州(Victoria) 現已開放接受申請。同往年一樣並無任何特定嘅職業名單，但係可以預期都係會偏向特定行業例如醫護和教育。

- 昆州(Queensland)現已開放接受申請。申請資格同往年大同小異，澳洲境外(offshore)申請人需要乎合州政府嘅特定職業名單同工作經驗以及英文要求先有機會申請。

- 首都領土(Australian Capital Territory)現已開放接受申請。佢哋今年繼續沿用獨有嘅Canberra Matrix 去計分甄選申請人。

- 塔州(Tasmania)現已開放接受申請。申請途徑同往年大同小異，澳洲境外(offshore)申請人要有當地job offer 先會比較有機會成功申請。

- 新州(New South Wales), 北領土(Northern Territory), 南澳(South Australia)暫時並未接受新嘅州擔保申請，但係相信不久將來會開放。

大家如有任何關於移民澳洲嘅查詢，可以Facebook Messenger / WhatsApp聯絡我哋。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189 #190 #491 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

24/08/2023

好快咁同大家講一講今日公佈嘅2023-2024財政年度州擔保配額，暫時睇嚟今個財政年度要移民澳洲會比上年困難得多。

首先，188營商/投資移民簽證嘅州擔保配額係0。我哋無打錯，真係0即係完全無配額。由於188簽證申請程序係一定要有州擔保，除非聯邦政府係今個財政年度計劃好點改革188後派出配額，否則今個財政年度呢類商業簽證好大可能又再繼續”封盤”無辦法入新嘅申請。

技術移民州擔保配額，總數由上個財政年度嘅190簽證: 38133; 491簽證: 24283 大幅減少到今個財政年度嘅190: 10300; 491簽證: 6400。由於配額大幅減少，相信各州份都會提高申請要求，申請人之間嘅競爭會比往年激烈得多。呢家要睇聯邦政府會唔會回應訴求之後再加多啲配額比州政府，例如西澳州長都已經公開出聲爭取多啲技術移民州擔保配額。

雖然聯邦政府並未公佈獨立技術移民189簽證今個財政年度嘅預算邀請數目，但係由佢哋大幅減少州擔保配額，可以估計到情況並唔算樂觀，相信會有一定程度嘅減幅，意味著邀請分數將會提高。

此一時彼一時，上個財政年度澳州政府對於技術移民非常鬆手，但係今個財政預年度暫時睇嚟就唔係咁樂觀，方向似係想收緊返。至於188商業簽證，更加係繼續”封盤”，可能要留待有實制改革措施落實後先會重開接受新嘅申請。

所以如果大家合資格有機會去申請澳州移民，有心嘅話真係唔好拖唔好遲，同一個執政黨嘅移民政策都可以瞬息萬變。大家如有查詢，歡迎Facebook Messenger / WhatsApp 聯絡我哋。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189 #190 #491 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

07/08/2023

都有一段時間無係度為大家更新移民澳洲消息，因為現屆聯邦政府竟然到8月都未就新一個財政年度(2023年7月1日至2024年6月30日)發放任何技術移民和投資/營商移民嘅邀請配額，亦無公佈任何重大消息。據了解由於州政府未收到州擔保配額，所以亦都暫時未有公佈新一個財政年度嘅申請條件要求。

雖然暫時重未有呢個新財政年度嘅澳洲移民消息同大家分享，但係我哋公司嘅澳洲註冊移民代理會係聽日8月8日開始到22日係香港，可以安排親身見面進行澳洲移民初步評估，大家有關於移民澳洲嘅查詢歡迎聯絡我哋。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189 #190 #491 #香港免費講座 #卓越澳洲移民 #註冊澳洲移民代理