16/05/2018
Ինչպե՞ս ճիշտ կազմակերպել հանգիստը Սև ծովում
ՕԳՏԱԿԱՐ ԽՈՐՀՈՒՐԴՆԵՐ
Հայերի` դեպի Վրաստան հոսքի գլխավոր պատճառներից մեկը մատչելիությունն է ու ծովում լողալու գայթակղությունը: Աջարիա ոտք դնելուն պես ձեզ են մոտենում բրոքերներն ու առաջարկում հյուրատներ: Երբեք չհավատաք, որ այդ տարբերակն ավելի մատչելի և հուսալի է, քան Տուրիստական գործակալությունների միջոցով՝ նախապես ձեր բյուջեին և նախասիրություններին համապատասխան կացարան ամրագրելը:
Տրանսպորտի խնդիրը կարելի է հեշտությամբ լուծել. ուղևորությունը տևում է մոտ 11 ժամ: Երևանից Քոբուլեթի, Բաթումի և Ուռեկի ուղևորափոխադրման գինը ավտոբուսով ու միկրոավտոբուսով տատանվում է 7-12 հազար դրամի սահմաններում: Եթե տոմսը գնեք երկու ուղղությամբ, ավելի մատչելի կարժենա: Իսկ եթե հանգստանալու եք մեկնում Ձեր ընտանիքի անդամների կամ ընկերների հետ, ապա ավելի ձեռնտու է մեկնել սեփական մեքենայով: Այն կարժենա 2000-2500 դրամ:
Ծովում հանգստանալու պարագաները կարելի է գնել Հայաստանից Վրաստանում ավելորդ ժամանակ չվատնելու համար:
Դրամը Հայաստանում վերածեք դոլարի, իսկ Վրաստանում` լարիի, այդպես ավելի ձեռնտու է, քանի որ Հայաստանում լարիի կուրսն ավելի ցածր է:
Այժմ ներկայացնենք Վրաստանի հանգստյան տների գները:
Հանգստավայրի արժեքը կախված է ծովից ունեցած հեռավորությունից. ծովին մոտ գտնվողները շատ ավելի թանկ են: Նշենք նաև, որ հայերը հիմնականում հանգստանում են Վրաստանի երեք քաղաքներում՝ Բաթում, Ուռեկի և Քոբուլեթի: Հանգիստն առավել մատչելի է Քոբուլեթիում, փոքր-ինչ ավելի թանկ՝ Ուռեկիում (կապված բուժիչ ավազի հետ) և Բաթումում, որը վերջին տարիներին վերանորոգվել և բավականին գեղեցիկ քաղաք է դարձել: Բոլոր երեք վայրերում էլ հանգիստը կարելի է անցկացնել և՛ հյուրանոցներում, և՛ մասնավոր մարդկանց սեփական տները վարձակալելու միջոցով: Բնականաբար, երկրորդ տարբերակը շատ ավելի մատչելի է: Ծովին մոտ գտնվող այդպիսի տներում մեկ անձի համար մեկ օրվա արժեքը սկսվում է 3000-4000 դրամից, որը իր մեջ ներառում է միայն մնալու արժեքը: Ավելի լավ պայմաններով տների արժեքն ավելի թանկ է՝ սկսած 5000-6000 դրամից: Այստեղ կարող եք համտեսել ինչպես վրացական, այնպես էլ հայկական խոհանոցի ուտեստները: Օրական դրա համար կհատկացնեք մինչև 7000 դրամ մեկ անձի համար:
Շատերն են երազում գեղեցիկ արևայրուքի մասին, սակայն խորհուրդ չի տրվում ողջ օրն արևի տակ անցկացնել: Ավելի գեղեցիկ և երկարատև արևայրուք կստանաք, եթե դրա համար ընտրեք ճիշտ ժամեր : Արևայրուք կարող եք ստանալ առավոտյան ժամը 09-00 -12:00-ը և երեկոյան 17:00-19:00 ընկած ժամանակահատվածում: Երեկոյան կարելի է զվարճանալ ու լավ ժամանակ անցկացնել ծովափնյա քաղաքի ռեստորաններում: Այնտեղ հնչում է բարձր երաժշտություն ինչպես հայկական, այնպես էլ վրացական ռեպերտուարից: Եթե որոշել եք հանգսիտն անցկացնել Քոբուլեթիում կամ Ուռեկիում, ապա գոնե մեկ օր հատկացրեք Բաթումի այցելության վրա. այն գեղեցիկ քաղաք է` տեսարժան վայրերով: Իսկ սուր զգացողությունների ու զվարճանքների սիրահարները կարող են երեկոյան այցելել Քոբուլեթիից մի քանի կիլոմետր հեռավորության վրա գտնվող ատրակցիոնների այգին:
Բոլորս էլ սիրում ենք օտար երկրից նվերներ գնել: Ամեն քայլափոխի կարելի է հանդիպել փոքրիկ տաղավարների, որտեղ վաճառվում են տարբեր զարդեր և հուշանվերներ: Ի դեպ, դրանք ամենևին էլ թանկ չեն:
Հաճելի ու հիշարժան հանգիստ բոլորին..
Family&Friends travel
Հեռ․՝ 099(098) 33-09-10
Հասցե՝ ք․ Եղեգնաձոր, Բոնուսի 2-րդ հարկ
Ֆեյսբուք՝ https://web.facebook.com/Bonus.Family.Friends/
