Travel Bel Masry

05/11/2020

صحابى تاهوا ف الجبل!!!

27/10/2020

تسلق الجبال ف كندا

22/10/2020

أول مرة تمطر ثلج هنا السنة ديه!

30/06/2019

الناس كلها بتتشمس على الشاطئ. شهر ٧ داخل والساعة ٧ ونص ( العصر لان الشمس بتغرب متاخر هنا) ولحد دلوقتى المحيط برد فمفيش غير مثلا ٣ فى المية ^_^

29/06/2019

بداية ال weekend ف كندا. وبما ان الصيف جيه ف كل اسبوع بيبقى فى events ببلاش او بفلوس بسيطة. دة من ضمن الحاجات اللى كانت ببلاش لاى حد عاوز يشترك. اول ساعة كانت دروس لتعليم الرقص.

19/06/2019

اول اما وصلت كندا كان فى حاجة بتضايقنى جدا ومفهمتهاش الا بعد فترة. الا وهى انك عشان تعمل اى حاجة تتخيلها انت محتاج رخصة وكورس مخصوص عشان تقدر تعمل الحاجة ديه. عايز تصطاد حيوانات لازم رخصة او لو عاوز تصطاد سمك لازم تطلع رخصة لكدة. حتى لو عاوز تصطاد عصافير برضه لازم رخصة. واى حاجة قبل ما تعملها لازم تقرا القوانين والقوانين صارمة جدا لدرجة انك لو مثلا اصطدت سمك معين لازم ترميه تانى ف المية ولو مثلا اصطدت حيوان ف مكان او وقت معين تاخد غرامة. دة غير بقى القوانين الخاصة بالحفاظ على البيئة اللى داخلة فى اى نشاط تفكر تعمله. كنت ف الاول بحس ان دى حاجات بتخنق على الواحد. بس مع الوقت اتعودت عليها وفهمت لما شوفت ازاى الحيوانات البرية هنا متعايشة مع الناس ومش خايفة مننا او مش بتهرب من تلوث المدينة. لما اكون قريب من البحر سهل جدا اشوف كلب بحر بيعوم جنبى وانا ماشى على كوبرى وفى مرة من المرات حوت مثلا. او لما اتمشى قريب من الغابات اشوف غزلان او دب شارد 😂. حتى المدينة نفسها مليانة طيور متعايشة وسط الناس عادى. دلوقتى انا نفسى قبل اما اعمل اى حاجة بحب اتاكد هل انا ماشى حسب القوانين ولا لا. مش عايز اكون سبب ان البلد ديه تفقد سحر الاندماج اللى موجود بين الطبيعة والمدينة ف نفس الوقت!

07/03/2018

لما تزهق من الهدوء اللى ف البلد وتقرر تعترض على الوضع الحالى!

06/03/2018

05/03/2018

Toronto ice festival

04/03/2018

شمس ودرجة حرارة ١ تحت الصفر ... احسن جو للخروج! #كندا

23/02/2018

Toronto lights festival
بما انى هاجرت كندا ف اللى حابب انزل فيديوهات من هنا الفترة الجاية يدوس لايك.

22/08/2017

رحلة لليونان 11 يوم/ 10 ليالى بالفيزا والاقامة وتذكرة الطيران ب 5325 جنيه

- تذكرة الطيران من القاهرة لاثينا على الخطوط اليونانية من يوم 5 مارس الى 13 مارس ب 3250 جنيه ( الصورة فى اول كومنت )

- لو مسافر لوحدك ممكن تقعد فى الهوستل دة ب 1500 جنيه ال 10 ليالى https://goo.gl/4KqPbx

لو مسافر مع واحد صاحبك ممكن تقعد فى الغرفة ديه ب 1750 جنيه لفردين يعنى الواحد ب 875 جنيه https://goo.gl/TxiM4h

- الفيزا ب 1200 جنيه

3250+875+1200=5325

- انا رحت اليونان قبل كدة والصراحة ان اثينا ميتقعدش فيها اكتر من 3 ايام وعشان كدة نصيحتى لو هتطلع اليونان يبقى تروح اثينا ومن هناك تتنقل للجزر باستخدام البواخر اللى موجودة فى piraeus الاسعار بتاعة الباخرة بتتروح من 14 يورو رايح جاى لحد 100 يورو "على حسب الجزيرة على بعد قد ايه وهتروح كذا جزيرة فى نفس الرحلة ولا هى جزيرة واحدة بس"

- كمان ممكن لو هتروح جزيرة هناك تبحث فى الموقع بتاع الطيران اليونانى على تذاكر رجوع لمصر من الجزيرة ديه لانها ساعات بتبقى ارخص من لو خدت الباخرة لاثينا وركبت الطيارة من هناك

22/08/2017

اجازة نص السنة فى بلجيكا بروكسل 5 ايام بالتذكرة والاقامة والفيزا ب 6700 جنيه

- وانا بدور فى النت اليومين اللى فاتوا لقيت التذكرة لبروكسل من القاهرة رايح جاى (26 يناير الى 30 يناير) على خطوط اليونان عاملة 4250 جنيه " Aegean Airline "

- ولو مسافر مع 4 صحابك مثلا ممكن تقعدوا فى الشقة ديه ب 5000 الاف جنيه يعنى كل واحد 1250 https://goo.gl/Kgnyod

او لو هتسافر لوحدك ممكن تقعد فى الهوستل دة ب 1500 جنيه https://goo.gl/XPFXPM

- والفيزا ب 1200 جنيه

4250+1250+1200= 6700

دة طبعا مش ارخص حاجة فى اوروبا بس بما انى مشغول شوية فى الشغل والوقت ضيق فلو حابيين انزل او ابحث عن عروض تانية يا ريت تعرفونى فى الكومنتات.

30/06/2017

اغرب طيارة ركبتها من مصر ... طيارة بمراوح 😱
حد ركبها قبل كدة؟ هنوصل ولا ايه ؟ 😂

17/01/2017

09/12/2016

دة بوست لقيته فى جروب فيه حاجات اتكلمنا عنها قبل كدة وحاجات تانية جديدة فجبته هنا عشان الكل يستفيد.

هابي نيو يير يا جماعة، دي اهم مواقع وادوات تساعدك في السفر
www.skyscanner.net
global.cheapflights.com
https://www.kayak.com/flights
دول مواقع بتساعدك تقارن بين اسعار شركات الطيران، خُدلك لفه واختار اللي يناسبك!
http://www.easyjet.com/en
ارخص طيران للي عاوز يسافر من مصر لأوروبا (الغردقة/ شرم الشيخ) دة غير انه بيديك عروض علي الطيران الداخلي في اوروبا يعني مثلاً ممكن تسافر من لندن لأمستردام ب ٢٠ يورو بس!
https://www.airbnb.com/
دة موقع ممكن تاخر منه شقة او اوضة في شقة في اي مكان واكيد اكيد في حاجات ارخص من الاوتيلات
http://www.hostelworld.com/
دة بقي فندق الشباب “الهوستلز” ارخص سكن ممكن تلاقية دة غير انك هاتتعرف علي ناس وثقافات جديدة
https://www.couchsurfing.com/
لو عاوز توفر فلوس الاقامة ومعندكش مشكلة تنام في اي مكان وفي نفس الوقت عاوز تتعرف علي ناس جديدة
http://www.booking.com/
لو مالكش في “الهوستيلز” وابو بلاش يبقي بوكينج هو الحل!
https://www.hoteltonight.com/
احياناً فيه عروض وتخفيضات بتنزل علي الفنادق في آخر لحظة، معظمها ها تلاقيها علي الابليكشن دة
https://www.blablacar.com/
لو عاوز توفر فلوس المواصلات وتشوف حد يوصلك في طريقة واهو تسلي طريقك وتتعرف علي حد من اهل البلد اللي انت فيها!
https://www.uber.com/
https://www.careem.com
هاتلاقيهم في معظم البلاد وفكك من التاكسي
https://loco2.com/
http://www.raileurope-gcc.com/
لو في اوروبا وعاوز تسافر بالقطر!
http://www.ryanair.com/
كبير الطيران الداخلي في اوروبا وملحقاتها
http://www.rome2rio.com/
البرنس دة بيشرحلك تسافر للمكان اللي انت عاوز تروحة ازاي وتركب اية وبكام وهتاخد وقت قد ايه! حاجة كدة مش طبيعية
https://www.routeperfect.com/
http://travel.tripcase.com/
https://www.hipmunk.com/
من افضل المواقع اللي ممكن تخطط عليها رحلتك قبل ما تسافر، وافتكر دايماً التخطيط اهم من الرحلة
http://www.evaneos-travel.com/
لو مافيش وقت ومش عارف تخطط رحلتك ممكن تكلم شركات سياحة من البلد اللي انت هاتزورها علي الموقع دة وهما ها يظبطولك كل حاجة!
https://flykt.com/
شوف انت بتحب تقضي وقتك ازاي في السفر وعاوز تسافر بكام وهو هيعمل الباقي
http://www.tripadvisor.com/
http://www.lonelyplanet.com/
لو بتحب تذاكر وعاوز تعرف اكتر عن المكان اللي هاتسافرله، هنا هاتلاقي المنهج كله!
https://www.hipcamp.com/
لو بتحب الكامبات والسفاري
http://www.cruisecritic.com/
لو بتحب البحر وعاوز تسافر وتعمل كروزينج في نفس الوقت
https://www.getyourguide.com/
هنا بقي ممكن تحجز تذاكر المتاحف والاماكن الترفيهية دة غير انه ممكن تحجز رحلات جوة البلد اللي انت رايحها
https://turo.com/
برضوا ممكن تأجر عربية وانت مسافر من هنا
http://eventseeker.com/
لو بتدور علي حفلة او عاوز تقضي وقت حلو وانت مسافر!
(دول مجرد نقطة في بحر من اللي موجود، واللي يدور مايتوهش
شكرا مينا وجيه علي التجميعه

Compare millions of flights, as well as car hire and hotels worldwide - for free! Skyscanner is the travel search site for savvy travellers.

14/11/2016

مبروك لكل ال travellers ...
مصر للطيران عملت فئة جديدة للتذاكر رخيصة وهتبقى مسموح فيها شنطة واحدة بس بدل شنطتين

يا رب توفر كتير من تمن التذكرة

11/11/2016

لكل حد خايف يسافر لوحده اوالبنات بالذات اللى نفسهم يسافروا وقلقانين ... القصة ديه ليكوا :)
----------------------------
دينا أشرف:
انا حابه ابدأ كلامى بجملة "Limitation is just a word" لان الحقيقة انى ملقتش انسب منها لان فعلا هى مجرد كلمة مش اكتر مفيش حاجة تقدر تمنعك انك تعمل حاجة بتحبها او حاجة هتبسطك ..لكن انت اللى بتحط الحواجز والقيود لنفسك عشان خايف .. خايف تجرب اي جديد, فتفضل تلف فى نفس دايرة ال comfort zone بتاعتك اللى هتخليك كائن روتينى و تمنعك من اكتشاف قدراتك وهتصيبك بالملل فى الاخر لحد ما ايامك تبقى شبه بعضها .. لكن الحقيقة ان الحياه بتبتدي عند حدود الcomfort zone ده .. وان اي حاجة عايز تعملها مش اكتر من قرار .. قرار واصرار و هتلاقى الدنيا بتتفتح قدامك !!
القصة بدأت فى شهر 2 وكان بقالى فترة مش بعمل حاجة غير شغل فى شغل وكنت حاسة بملل فظيع .. قرار السفر كان دايما متأجل علشان الاسباب المعتادة بتاعة هسافر فين ومع مين وازاي .. بس فى الاخر لقيت انى لو فضلت مستنية عمرى ما هعمل اى حاجة !!
قررت اسافر يعني هسافر.. وكانت الخطة اني اروح ايطاليا عن طريق اليونان ودخلت الانترفيو بس للاسف خدت رفض علشان الفلوس اللى كنت حاطها فى الحساب كانت قليلة .. الموضوع ده مخلانيش افقد الامل, بالعكس كبر الموضوع اكتر فى دماغى :D.. بلاش اوروبا وخلينا نشوف بديل .. تركيا كانت البديل فى اخر شهر 4 لاول 5 عشان فى اجازات كتير و ابتديت اجمع معلومات لحد ما قابلت بنت على جروب - مش فاكرين هو ايه بصراحة - اسمها نوران كانت هى كمان بتفكر تسافر فى نفس الشهر .. فاتكلمنا و قلنا ليه منطلعش مع بعض وبعدين هيا اقترحت عليا ماليزيا, فوافقت وعملت نوران جروب ع Whatsaap علشان نتفق فيه على تفاصيل رحلتنا لماليزيا .. بعد يومين الجروب ده بقى فيه 8 بنات مايعرفوش بعض كل واحده من مكان وكل واحده بتشتغل فى مجال ويمكن كل واحدة فينا ليها شخصية مختلفة عن التانية بس اللى جمعنا هدف واحد وهو حبنا للسفر واننا "هنسافر ماليزيا اسبوع" :D
بس وحجزنا التكيت على الخطوط الاردنية من Sky scanner ومكناش ساعتها لسه اتقابلنا .. بعدها اتفقنا اننا نتقابل نتعرف ونتفق ع الاوتيل وباقي بروجرام الرحلة .. كانوا مقابلتين بس عمرنا احنا ال 8 ما اتجمعنا كلنا فى المرتين دول لدرجة ان فى ناس شافت ناس اول مرة على باب الطيارة .. كان اللى بيتجمع ويتفق على حاجة يبلغ الباقى ع الجروب علشان لو حد مش عاجبة الاتفاق نعدل او لو حد حابب يقترح حاجة تانية و فى اسبوع كنا محضرين الشنط ... الحقيقة ان احنا ال8 كنا flexible بنظبط ونعدل لحد ما اتفقنا وسافرنا :)
عايزة اقول ان احنا اللي حجزنا كل حاجة .. روحنا كولالمبور, بينانج, كاميرون هايلاند ولنكاوي .. جربنا كل وسائل المواصلات من تاكسى, باص, مينى فان, عبارة, طياران داخلى ومترو .. قعدنا في فنادق وساعات في هوستيل .. والناس هناك كانت بتتبسط لما تعرف اننا جروب بنات طالع لوحدة و مسافرين اكتر من 10 ساعات علشان عايزين نشوف بلدهم و نتعرف على ثقافتهم.
السفر هيخليك تكتشف نفسك من جديد هتتعلم و هتشوف ثقافات جديدة و فوق ده كله هتطلع بصحبه حلوه يمكن تدوم العمر كله :)
#سافر

06/09/2016

Positano 😍✨

29/08/2016

دة بوست مجمع لكل حاجة كتبتها من اول ما ابتديت الصفحة

53 بلد مش محتاجين فيزا للمصريين
http://goo.gl/jCZ62a

ازاى تطلع فيزا لاوروبا بنفسك ب 600 جنيه ( ممكن تكون زادت شوية عشان العملة)
http://goo.gl/bA3tUf

ازاى تجيب تذاكر سفر رخيصة
http://goo.gl/ZX3T9H

ازاى تحجز مكان تقعد فيه باقل التكاليف
http://goo.gl/N8b2br

ازاى تستغنى عن المرشد السياحى وتلف من غير ما تتهوه فى اى بلد
http://goo.gl/IM0jTJ

ازاى تعرف تكلفة المعيشة فى اى بلد من قبل ما تسافر وتجهز ميزانيتك ليها
http://goo.gl/dwaKih

ازاى تجهز شنطة تكون صغيرة وتوفر وقت وفلوس ملهاش لازمة
http://goo.gl/Xj28jJ

طرق مختلفة للسفر والاقامة ببلاش
http://goo.gl/m2vye7
http://goo.gl/fYywFg

السفر لتركيا 6 شهور ب 500 جنيه
http://goo.gl/OLv8XV
http://goo.gl/WdlHEc
http://goo.gl/sb0mqZ

ازاى تتفسح ببلاش مع مرشد سياحى فى اوروبا
https://www.facebook.com/TravelBelMasry/photos/a.531108240381226.1073741828.530997553725628/531590423666341/?type=3

29/08/2016

26/08/2016

15/08/2016

21/07/2016

بعد الاحداث بتاعة اوروبا الناس هنا بقت بتدقق اوى مع العرب فى التفتيش وفى الجوازات ويسالوا كتير عن كل حاجة

07/07/2016

Camping at the top of active Volcano in Westman Islands, Iceland.

04/07/2016

لو سافرت تركيا انهاردة ف بعد الفجر هتروح تصلى العيد ولو رجعت مصر بالليل هترجع تصلى صلاة العيد تانى ف مصر 😁

30/06/2016

من سنة تقريبا ...
*تعديل : بولندا من الاماكن السياحية المشهورة ... بس المدينة ديه هى اللى مش مشهورة
وعلى فكرة بولندا من الاماكن الرخيصة جدا فى اوروبا ... انا فاكر انى قعدت فى هوستل فى المدينة ديه الليلة ب 70 جنيه.

29/06/2016

ال salt desert فى بوليفيا ... الارض بتعكس صورة السماء.