14/05/2015
خروجه أتعمل علشان الناس اللي بتنزل كل يوم و مبتلاقيش حاجه تعملها و بينتهي بيهم الحال عالقهوه, حاجات كتير اتعملت بنفس فكرتنا و عندهم يمكن مهارات اكتر مننا بس فكرتنا بتتلخص بكل بساطه في اننا بنحاول ننظم الموضوع أكتر من اي حد تاني .
عانينا كتير زيكم و اكتر منكم كمان من الخروجات الفكسانه , و ياما اتخمينا في أماكن و طلعنا مشاوير طويله علشان نروح مكان و طلع فستك في الاخر, احنا بنحاول نجيب من الأخر في الموضوع علشان ماتدورش كتير و مايضيعش يومك, بنحاول نوظف كل حاجه في ايدينا و أيدين العملاء بتوعنا علشان نحقق أستفاده جماعيه لينا كلنا, علشان احنا عارفين ازاي كل واحد فينا طالع عينه و نفسه يتزبط في خروجه حلوه لما تطلب معاه.
احنا بنحاول نعمل أفضل ما عندنا علشان نخلي قاعده بياناتنا الاقوى في وسط كل الموجودين, بس اكيد هانحتاج مشاركه فعاله من العملاء بتوعنا علشان تقييمنا يبقى اكثر موضوعيه و اكثر افاده. كل اللي احنا عاوزينه نبقى موجودين في بدايه كل خروجه مع الناس , أو نفضل موجودين في بال كل واحد نفسه يخرج و مش لاقي حته يروحها.
