Easy way to travel

09/12/2016

نقوم بتوفير منتجات أفون واوريفليم وتقديم افضل العروض,

10/11/2016

If someone traveled to 50 countries, we'd be impressed. If they traveled to 100 we'd be super impressed. But if they traveled to every single country in the world, and became the first documented female, youngest American, AND fastest traveler to visit all 196 countries on the planet....well, that w...

18/05/2016

23/04/2016

أنصح اى حد بيحب السفر ونفسه يشوف العالم, بس خايف انه يبقى لوحده او اهلها رافضين (بالذات البنات يعني) او حاسيين ان السفر مش امان ولازم شركة سياحة .. لو سمحت اقروا القصة ده :)
----------------------------
كتبتها لكم: دينا أشرف
انا حابه ابدأ كلامى بجملة "Limitation is just a word" لان الحقيقة انى ملقتش انسب منها لان فعلا هى مجرد كلمة مش اكتر مفيش حاجة تقدر تمنعك انك تعمل حاجة بتحبها او حاجة هتبسطك ..لكن انت اللى بتحط الحواجز والقيود لنفسك عشان خايف .. خايف تجرب اي جديد, فتفضل تلف فى نفس دايرة ال comfort zone بتاعتك اللى هتخليك كائن روتينى و تمنعك من اكتشاف قدراتك وهتصيبك بالملل فى الاخر لحد ما ايامك تبقى شبه بعضها .. لكن الحقيقة ان الحياه بتبتدي عند حدود الcomfort zone ده .. وان اي حاجة عايز تعملها مش اكتر من قرار .. قرار واصرار و هتلاقى الدنيا بتتفتح قدامك !!

القصة بدأت فى شهر 2 وكان بقالى فترة مش بعمل حاجة غير شغل فى شغل وكنت حاسة بملل فظيع .. قرار السفر كان دايما متأجل علشان الاسباب المعتادة بتاعة هسافر فين ومع مين وازاي .. بس فى الاخر لقيت انى لو فضلت مستنية عمرى ما هعمل اى حاجة !!

قررت اسافر يعني هسافر.. وكانت الخطة اني اروح ايطاليا عن طريق اليونان ودخلت الانترفيو بس للاسف خدت رفض علشان الفلوس اللى كنت حاطها فى الحساب كانت قليلة .. الموضوع ده مخلانيش افقد الامل, بالعكس كبر الموضوع اكتر فى دماغى :)
.. بلاش اوروبا وخلينا نشوف بديل .. تركيا كانت البديل فى اخر شهر 4 لاول 5 عشان فى اجازات كتير و ابتديت اجمع معلومات لحد ما قابلت بنت على جروب - مش فاكرين هو ايه بصراحة - اسمها نوران كانت هى كمان بتفكر تسافر فى نفس الشهر .. فاتكلمنا و قلنا ليه منطلعش مع بعض وبعدين هيا اقترحت عليا ماليزيا, فوافقت وعملت نوران جروب ع Whatsaap علشان نتفق فيه على تفاصيل رحلتنا لماليزيا .. بعد يومين الجروب ده بقى فيه 8 بنات مايعرفوش بعض كل واحده من مكان وكل واحده بتشتغل فى مجال ويمكن كل واحدة فينا ليها شخصية مختلفة عن التانية بس اللى جمعنا هدف واحد وهو حبنا للسفر واننا "هنسافر ماليزيا اسبوع" :D

بس وحجزنا التكيت على الخطوط الاردنية من Sky scanner ومكناش ساعتها لسه اتقابلنا .. بعدها اتفقنا اننا نتقابل نتعرف ونتفق ع الاوتيل وباقي بروجرام الرحلة .. كانوا مقابلتين بس عمرنا احنا ال 8 ما اتجمعنا كلنا فى المرتين دول لدرجة ان فى ناس شافت ناس اول مرة على باب الطيارة .. كان اللى بيتجمع ويتفق على حاجة يبلغ الباقى ع الجروب علشان لو حد مش عاجبة الاتفاق نعدل او لو حد حابب يقترح حاجة تانية و فى اسبوع كنا محضرين الشنط ... الحقيقة ان احنا ال8 كنا flexible بنظبط ونعدل لحد ما اتفقنا وسافرنا :D

عايزة اقول ان احنا اللي حجزنا كل حاجة .. روحنا كولالمبور, بينانج, كاميرون هايلاند ولنكاوي .. جربنا كل وسائل المواصلات من تاكسى, باص, مينى فان, عبارة, طياران داخلى ومترو .. قعدنا في فنادق وساعات في هوستيل .. والناس هناك كانت بتتبسط لما تعرف اننا جروب بنات طالع لوحدة و مسافرين اكتر من 10 ساعات علشان عايزين نشوف بلدهم و نتعرف على ثقافتهم.

السفر هيخليك تكتشف نفسك من جديد هتتعلم و هتشوف ثقافات جديدة و فوق ده كله هتطلع بصحبه حلوه يمكن تدوم العمر كله :)

الجروب الخاص بالصفحة للتعرف على صديقات ممكن تسافروا معاهم
https://www.facebook.com/groups/1615576882058454/

01/01/2016

انا سافرت ١٥ دولة في ٢٠١٥ .. وكل الأجازات اللي أخدتها لا تتخطي أسبوعين «لسه ليا أجازات».

"قطر، البرتغال، المجر، التشيك، ألمانيا، النمسا، بلجيكا، ايطاليا، اسبانيا، سلوفينيا، هولندا، ماليزيا، فيتنام، كمبوديا، الإمارات".

ناس كتير بتحس السفر شئ صعب جداً .. وعندهم حجج كتير ( السفر غالي .. مفيش حد يسافر معايا .. الفيزا صعبة .. مفيش وقت .. مش عارف ألاقي شركة سياحة كويسة).

نبدأ بأول عذر .. السفر غالي .. التنقل بين الدول في أماكن كتير رخيص جداً .. انا سافرت من البرتغال لأسبانيا بحوالي ٢٩٠ جنيه .. ومن ماليزيا لكمبوديا بحوالي ٤٥٠ جنيه .. وقعدت في سلوفينيا خمس أيام في هوستيل بـ٤٠٠ جنيه .. وطلعت أحد أعلي قمم جبال الألب بعشرين يورو .. وفيه دول زي تركيا ممكن في أوقات في السنة تلاقي تذاكر السفر رايح جي متعديش ١٣٠٠ جنيه.

تاني عذر .. مفيش حد يسافر معايا .. إنت مش محتاج حد أساساً .. لأنك وأنت مسافر هتقابل ناس كتيييير مسافرة زيك من كل حتة في العالم وعايزين يتعرفوا علي حد.

تالت عذر .. الفيزا صعبة .. معاك حق .. بس ده لو ورقك مش جاهز .. أنت بالنسبة للسفارة اللي مقدم فيها عبارة عن مجموعة أوراق .. كل ما تزبطها كل ما يكون فرصتك في الحصول علي الفيزا أكتر بكتير .. وناس كتير بتقول أن لازم يكون عندك مبلغ ضخم في الحساب البنكي .. ده مش صحيح .. أهم حاجة يكون الحساب عليه حركة دائمة (سحب وأيداع) .. وأصلاً ده لو أنت قافش علي دولة من الدول اللي فيزتها صعبة زي دول أوروبا .. إنما فيه دول من غير فيزا أصلاً زي ماليزيا .. أو فيزتها سهلة زي تركيا.

رابع عذر .. مش لاقي شركة سياحة .. أهم حاجة لازم تعرفها إنك مش محتاج شركة سياحة .. فيه مدن في أوروبا إنت لو قاصد تتوه فيها مش هتعرف .. وفي الواقع الشركة مش هتعملك أي حاجة غير إنها هتحجزلك الحاجات .. عيب أوي تجيب حد يعملك الكلام ده في ٢٠١٦ ده ساعة علي الانترنت يخلصولك كل حاجة!

خامس عذر .. مفيش وقت .. الـ١٥ دولة اللي زرتهم منهم ٥ شغل و١٠ لوحدي .. العشرة اللي لوحدي كان كلهم bridge مع أجازة طويلة .. يعني ازود علي اجازة كل عيد ٣ ولا ٤ ايام يبقي عندي ١٠ ايام .. صدفة في وسط السنة الخميس أجازة .. أزود عليه حد واتنين وتلات يبقي عندي أسبوع أجازة .. وهكذا .. لو مسكت النتيجة وقعدت تخطط هتسافر امتي ممكن تلاقي شهر سفر بسهولة جداً من غير ما تعدي عدد أجاازاتك اللي هي ٢١ يوم في السنة.

أي حد بيقدر يسافر شرم الشيخ أو يأجر في الساحل في العيد يقدر بسهولة يحوش شوية ويسافر ٣ أو ٤ دول كل سنة .. ده اللي عايز يسافر طبعاً.

كل اللي أنت محتاجه خريطة (أو GPS عالموبايل) .. شوية تخطيط وتحويش .. ودماغ عارفة أنك هتعيش مرة واحدة.

#سافر

25/12/2015

صدق او لا تصدق .. في سنة ١٩٨٧ ، واحد اسمه ستيف ورثستين .. اشترى تذكرة ذهبية من شركة الخطوط الجوية الأمريكية سعرها ٢٥٠ الف دولار و بتسمح ليه بالسفر علي الدرجة الاولي بيزنيس كلاس على متن الخطوط الجوية الأمريكية مدى الحياة مجانا بالاضافة الى تذكرة مرافق ليه سعرها ١٥٠ الف دولار، المهم ستيف ده حجز في اكثر من ١٠ الاف رحلة، وفي بعض الاحيان كان بيسافر عشان ياكل سندوتش في مطعم معين او عشان يتفرج علي ماتش 😄 .. وكان احيانا بيسافر مع مشردين عشان يرجعهم لبلدهم او لو كان مضايق بيحجز مقعد المرافق لشخص غير حقيقي عشان المكان جنبه يكون فاضي في الرحلة ، و لو كان زهقان بيحجز و مش بيسافر 😂

و كان بيخلي ابنه يروح كل الايفينتات الرياضية في كل مكان في العالم ⚽️ .. و كان ساعات بيسافر لكندا 🇨🇦 الصبح عشان يشتري من كندا أكله مراته بتحبها تمنها ٥٠ دولار بس 🍜 و يجبهلها و يرجع قبل الغدا و يقولها انا عديت الصبح كده بسرعة علي كندا و جيت😁

و في شهر يوليو بس سنه ٢٠٠٤ سافر ل ١٨ بلد .. و كان دايما بيقول انا اقدر اروح لاي مكان في اي وقت كل اللي عليا اعمله بس اني احضر الشنطة و اروح المطار ✈️.

لغاية ٢٠٠٨ بس (حوالي ٢٠ سنة):

* ستيف كان سافر ١٠،٠٠٠ مرة.
* سافر فيها ١٠ مليون ميل.
* حصل علي ٤٠ مليون نقطة طيران.
* سافر ٥٠٠ مرة لإنجلترا 🇬🇧
* سافر ٧٠ مرة لأستراليا 🇦🇺
* سافر ١٢٠ مرة لطوكيو 🇯🇵
* كلف الخطوط الجوية الأمريكية ٢١ مليون دولار خسائر.

فكان رد فعل الشركة انها قالت انها لازم توقفله تذكرته الدهبية بأي طريقة.. ف و هو جاي يسافر مع صاحبة يوم ١٣ ديسمبر ٢٠٠٨ 🛫 .. لقي البوليس بيوقفه في المطار👮 و بيقوله تذكرتك اصبحت غير سارية .. و ديه كانت الصدمة الكبيرة ل ستيف .. و اللي بسببها رجع البيت مصدوم و منامش لعدة ايام 😐 .. و لكنه صمم انه يرفع قضية علي الخطوط الجوية الأمريكية و كانت شكوته ان امريكا بلد الحرية و العدالة و الديموقراطية و ان الخطوط الجوية الأمريكية دمرت حياته بانها بعدته عن هوايته المفضلة في السفر 😏.

و بالفعل بعد رفعه الدعوة القضائية ضد الشركة بسبب قيامها بالاخلال بوعودها و مصداقيتها ، وطلبه تعويض من الشركة عن حالة الحزن اللي تسببت فيها ليه ، كسب القضية ، وحصل على تعويض كمان ٣ مليون دولار بالاضافه الي اعاده تذكرته المجانية اللي هي فعالة لمدى الحياة !!

لو انت مكان ستيف ايه اول حاجة حتعملها في حياتك و ايه اول مكان حتسافرله 😁؟

Ahmed Haggagovic - أحمد حجاجوفيتش

أدمن

16/12/2015

Hurry up, Get a chance for a Christmas vacation in Lebanon

14/12/2015

Hurry up, Get a chance for a Christmas vacation in Lebanon

08/11/2015

next destination?

30/10/2015

9000 L.E for Couples
PRAGUE &VIENNA, 8 Days / 7 Nights
Catch your dream and BOOk BEFORE 3 /11/2015
Package includes: International Airline TKTS, 4* & 3* Hotel Accommodation, Transfer between Cities, and Tailor your trip according your needs
رحلة 7ليالي /8 ايام براج و فيينا ب 9000 جنيه لفردين
حلم العمر لزيارة أوروبا بأقل من 5000 جنيه للفرد دة بجد ؟؟
اه بجد مش هزار , تصدق أن ممكن رحلة لأوروبا متكلفش أكتر من 5000 جنيه للفرد, شامله طيرانك و سكنك. احجز قبل 3 نوفمبر