Ftesë nga Tajlanda

Home
Albania
Tirana
Ftesë nga Tajlanda

Faqe në gjuhën shqipe me të dhëna për turizmin në Mbretërinë e Tajlandës / Invitation from Thailand - page about tourism in Thailand - in Albanian Language.

30/11/2024

Luks dhe çlodhje në Phulay Bay, a Ritz-Carlton Reserve KRABI.

Foto: shutterstock/ Prayut Putthiporn

18/11/2024

Nëse vetë Parajsa do të duhej të bënte autoportretin, besojmë se do të zgjidhte t’i paraqitej botës profane si në këto pamje nga Phang Nga Bay-i. Vallë, mund të jetë diçka më e bukur, më magjepsëse dhe më emocionuese? Zor të përfytyrohet. Plot befasira të këndshme janë rrugët e Siamit.

Foto IG .anzimanni

08/11/2024

04/11/2024

Sikur të mos mjaftonte se sa WOW është vetë Tajlanda, ja një fushatë tejet tërheqëse, me privilegje ekskluzive për turistët nga e gjithë bota: “WOW! Privilegjet e pasaportës së Tajlandës!

1. Thjesht regjistrohuni në faqen e internetit të fushatës për të përfituar nga këto privilegje dhe ulje të veçanta çmimesh në produktet turistike nga institucionet më të mira, dhe udhëtimi juaj në Tajlandë do të bëhet edhe më i vlefshëm, jo vetëm i mbamendshëm.

2. WOW Thailand Must Do Souvenir: Merrni në shtëpi një vepër të punuar me dorë nga artizanët vendas. Oferta është e disponueshme në kioskat e posaçme, të shënuara me “WOW Thailand Passport Privileges” vetëm në aeroportet Suvarnabhumi, Don Mueang dhe Phuket.

3. Paketa WOW Thailand Must Do: Oferta speciale për 10,000 turistët e parë që regjistrohen në faqen e internetit të fushatës në seksionin e Ofertave WOW.

4. WOW Thailand Surpriza e Madhe: Regjistrohuni në sit për të pasur shansin të fitoni çmime në vlerë mbi 300,000 THB.

5. WOW Thailand Lucky Number: Çdo i 10,000-ti turist do të marrë një "Paketë me Numër Fatsjellës" me vlerë 35,000 THB.

Fushata zgjat nga 1 Nëntori deri më 10 Dhjetor 2024. Suksese!

Detaje në: www.tourismthailand.org/wowthailandpassportprivileges

30/10/2024

Një koleksion momentesh mahnitëse nga procesioni Royal Barge i mbajtur për ceremoninë e ofrimit mbretëror të Kathin në Wat Arun Ratchawararam më 27 tetor 2024.
Foto Amazing Thailand

25/10/2024

Këtu është fjala për konkurrencë, jo shaka. Qielli i përgjigjet me përflakje shprehjes së bukurisë tokësore të mega-metropolit Bangkok. Cili është më këmbëngulës? Ata debatojnë, teksa ne do të kënaqemi nga kjo garë ngjyrash.

Photo AmazingThailand

24/10/2024

Tajlanda është nderuar në Lonely Planet Best in Travel 2025!
Lexoni më shumë rreth tij këtu: https://www.tatnews.org/2024/10/thailand-celebrated-in-lonely-planets-2025-best-in-travel-with-chiang-mai-named-a-top-city/

16/10/2024

Të shohësh procesionin e mrekullueshëm Thai Royal Barge me sytë e tu mund të jetë një përvojë unike.
Ky spektakël i rrallë i udhëtimit mbretëror në Wat Arun, ku sillen dhurata dhe materialet e reja për mantele (një ceremoni e njohur në Tajlandë nën emërtimin Kratin-i) është planifikuar për datën 27 tetor, me dy prova të përgjithëshme më 15 dhe 22 tetor.
Proçesioni i mauneve mbretërore – një traditë unike tajlandeze e përcjellë nga epoka e Sukhothai-t – është një flotë ceremoniale maunesh për monarkun. Veprimtaria e këtij viti do të ketë 52 maune mbretërore, me 2.200 persona në bord, të cilat janë të organizuara në pesë formacione.
Anëtarët e publikut dhe turistët mund ta shikojnë procesionin nga të dy brigjet e lumit Chao Phraya, nga Ura Rama VIII deri në Wat Arun. Ju rekomandojmë gjashtë kalatat e mëposhtme: Tha Wang Lang, Tha Phra Chan, Tha Phra Chan Tai, Tha Trok Mahathat, Tha Rod Fai dhe Tha Maharaj, ku vendet mund të rezervohen si për provat, ashtu edhe për ceremoninë mbretërore.

Rezervimet mund të bëhen direkt tek operatorët nëpërmjet LINE: dhe .

#สุขทันทีที่เที่ยวไทย

07/10/2024

Nëse keni qenë në Tajlandë të paktën një herë në jetën tuaj, me siguri do të ktheheni një ditë. Vendi është me të vërtetë vendi më i mirë në botë për t'u vizituar!

30/09/2024

Plazhi Sivalai, Koh Mook, Trang, Tajlandë.
Erëzat e përsosmërisë.

Photo: IG

20/09/2024

I pashtershem ky Krabi, apo jo? Këtu shohim Koh Lao Lading-un. Edhe nëse duket pak i ndihmuar nga IA, s’mund të ndalemi së ëndërruari për një pushim atje.

Photo: IG

10/09/2024

I gjendur vetëm 86 kilometra në veri të Bangkokut, qyteti Ayutthaya ishte një nga më të mëdhenjtë e më të begatët në Lindjen e Largët, duke zhvilluar tregti aktive me portugezët, holandezët, anglezët.
Sot qyteti është një faqe e veçantë e historisë së Tajlandës. Madhështia e tij pasqyrohet nga tempuj të shumtë dhe nga rrënojat magjepsëse që ndodhen kryesisht në qendër dhe rreth qytetit të vendosur në një "ishull" që rrethohet nga lumenjtë Chao Phraya, Pa Sak dhe Lopburi. Tërheqja kryesore është Parku Historik Ayutthaya, një sit që është përfshirë në Trashëgiminë Botërore të UNESCO-s.

03/09/2024

Ëndërrim me sy të hapur

03/09/2024

Në Tajlandë tuktukët, të njohur edhe si auto-rickshaws, janë mbretërit e vërtetë të rrugëve. Asnjë përvojë tajlandeze nuk është e plotë pa një udhëtim në një nga këto automjete me tre rrota.
📸Foto: Ryan Tang, Hanny Naibaho, Mos Sukjaroenkraisri

29/07/2024

Veç tom yum goong (supa pikante me karkaleca deti), tom kha g*i është një nga pjatat më të famshme tajlandeze. Erëzat mund të shtohen sipas dëshirës dhe, sapo ta provoni, do ta shihni nga një këndvështrim krejt tjetër idenë e supës së shijshme, aromatike dhe me një shije unike. Recetën po e lëmë këtu:
https://www.youtube.com/watch?v=i1U5pmVzJqA

Autoriteti për Turizëm i Tajlandës

*i

22/07/2024

Në Tajlandë, shprehja "Stina e Gjelbër" i referohet sezonit të shirave ose sezonit të musonit (qershor-tetor). Kjo do të thotë se reshjet janë të shpeshta dhe të bollshme, duke e bërë bimësinë kolosale të mbretërisë, orizoret dhe peizazhet me një të gjelbër mbresëlënëse të arrijnë kulmin e tyre; tani ka më pak njerëz, akomodimi është më i lirë. Dhe një shi veror (rrallë zgjat më shumë se dy orë) është vërtet i mirëseardhur kur ndërthuret me ditë me diell. Megjithatë, të dhënat e motit nuk janë receta; mund të bjerë shi i rrëmbyer në malet brenda ishullit, teksa dielli shkëlqen fort në bregdet...

Address

Tirana
<<NOT-APPLICABLE>>

Website

http://www.tourismthailand.org/

Alerts

Be the first to know and let us send you an email when Ftesë nga Tajlanda posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ftesë nga Tajlanda:

Videos

Frymëzimi i Tajlandës për eksploruesin në ju

Shortcuts

Ftesë nga Tajlanda

Nëse turizmi është shtylla kurrizore e ekonomisë tajlandeze, Tourism Authority of Thailand (TAT) është meakizmi që i garanton suksesin. Prej 50 vjetësh, të 17 zyrat ndërkombëtare – përfshi ajo e Frankfutit, që përgjigjet edhe për vendet e Evropës Lindore e rrjedhimisht edhe për Shqipërinë – kanë si synim promovimin e destinacionit më magjepsës në botë.

TAT ka synuar ta shndërrojë „Vendin e buzëqeshjes” në një brend, në një destinacion të çmuar për turistët dhe udhëtarët anembanë botës. Duke pasur disa nga hotelet më të mirë, me shërbime cilësore dhe pejsazhe pa të dytë, Tajlanda ze vendin e parë në botë në kapitullin Value for Money në klasifikimin e brendeve 2011-2012, hartuar nga „Future Brands”.

Statistikat janë optimiste; Tajlanda pati gjatë vitit 2011 një numur total prej 19,2 milionë turistësh, një rritje prej 20% më shumë se vitin e kaluar. Ndër këta, 5,2 milionë janë evropianë – përqindja e turistëve nga Evropa Lindore, përfshi Rumaninë, vlen të shënohet: 220.000 turiste, 14% më shumë se një vit më parë, me qëndrim mesatar prej 14 ditësh në Tajlandë dhe me shpenzime mesatare prej 150 Euro në ditë.

Arritja është edhe më e madhe po të kihet parasysh se vështirësitë nuk na kanë anashkaluar: shndërrimet e befta të shoqërisë, trysnia ekonomike botërore dhe e paparashikueshmja natyrë...