Elevation Hiking

Name: Elevation Hiking
Address: Dilijan, AM
Telephone: +37493280356
Price range: $

Home
Armenia
Dilijan
Elevation Hiking

Elevation Hiking-ն արշավների ընթացքում պատմում է Դիլիջան ազգա?

Elevation Hiking-ը պարզապես արշավային ուղեկցորդ չէ։ Հիմնված Բնապահպանի տան ռենջերներից Գայանեի կողմից՝ Elevation Hiking-ն արշավների ընթացքում նաև պատմում է Դիլիջան ազգային պարկի, անտառի, համայնքի ու տարբեր խնդիրների մասին։

Արշավի ընթացքում դուք նաև կսովորեք տարբեր հմտություններ՝ ինչպես աշխատել քարտեզի հետ, կողմնորոշվել տեղանքում, ինչպես վարվել տարբեր ռիսկային իրավիճակներում և այլն։ Հնարավորության

դեպքում կշփվեք Բնապահպանի տան ռենջերների հետ և մասնակից կդառնաք նրանց առօրյա աշխատանքին։

Մեր արշավներն ընդգրկում են ինչպես հայտնի տուրիստական արահետներ, այնպես էլ Դիլիջան ազգային պարկի գաղտնի ու գողտրիկ անկյուններ, որոնք մենք բացահայտել ենք բազմամյա աշխատանքի ընթացքում։

19/04/2023

Այս կիրակի` ապրիլի 23-ին, «Տավուշի գագաթներ» ծրագրի շրջանակում բարձրանալու ենք Տավուշի ու Գեղարքունիքի սահմանին գտնվող Եղնասար գագաթ (2599մ), որտեղից բացվում են գեղեցիկ տեսարաններ դեպի Դիլիջան ազգային պարկ և տարբեր լեռնագագաթներ։

Այնուհետև կքայլենք լեռնաշղթայով՝ վայելելով տեսարաններ դեպի Սևանա լիճ և կիջնենք դեպի Կակաչի (Ծովագյուղի) լիճ։

Արշավի ընդհանուր երկարությունը` 16կմ, ընդհանուր հարաբերական վերելքը` 500մ, բարդությունը` 3/5: Արշավը հարմար է նաև սկսնակ, բայց դիմացկուն արշավականների համար։

Մասնակցության արժեքը՝ 8000 դրամ։ Արժեքը ներառում է տրանսպորտ և ուղեկցորդների ծառայություն։

Մասնակցելու համար խնդրում ենք գրել Elevation Hiking-ի ֆեյսբուքի կամ ինստագրամի էջին կամ զանգահարել 093280356 համարին։

#արշավ #գարուն #տավուշ #տավուշիգագաթներ #կակաչիլիճ

31/03/2023

Օգոստոսի 12-13-ին արշավում ենք դեպի Բովաքարի լեռներ գիշերակացով՝ դիտելու տարվա ամենապայծառ աստղաթափերից մեկը՝ Պերսեիդները, որոնք երևում են ամեն տարի հուլիսի 17-ից օգոստոսի 24-ը, իսկ պիկը օգոստոսի 9-13-ն է։

Օր առաջին, օգոստոսի 12․ շարժվում ենք Երևանից առավոտյան 7։30։ 8։30-ին նախաճաշ կանենք Ծովագյուղի ֆուդ կորտում, ժամը 10-ին կհասնենք Դիլիջան, որտեղից մեր ծանր իրերը մեքենաները կբարձրացնեն դեպի ճամբար, իսկ մենք կսկսենք քայլել դեպի Եղեգնասարի ստորոտ։ Ընդհանուր քայլելու ենք մոտ 6կմ, հավաքելու ենք մոտ 600մ հարաբերական բարձրություն։ Ընդմիջելու ենք և վրանները խփենք ֆերմայի տարածքում։ Կարճ հանգստից հետո քայլելու ենք դեպի մոտակայքում գտնվող Թևավոր խաչ սրբավայր։ Վերադարձից հետո ընթրիք կանենք։ Պերսեիդները կարող ենք դիտել երեկոյան 8-ից մինչ արևածագ՝ առավոտյան ժամը 6-ը։

Օր երկրորդ, օգոստոսի 13․ արևածագը դիմավորելուց հետո հանգստանում ենք մի քանի ժամ, նախաճաշ ենք անում, հավաքում ենք ճամբարը և սկսում վայրէջքը։ Երեկոյան 7-8-ին կլինենք Երևանում։

Մասնակցության արժեքը՝ 22,000 դրամ, որն իր մեջ ներառում է տրանսպորտ Երևանից և հակառակ, ուղեկցորդի ծառայություն, արտաճանապարհային մեքենաների ծառայություն, վրան, քնապարկ, կարիմատ։ Սեփական գույքը բերելու դեպքում արժեքը 18,000 դրամ է։

Գրանցվելու համար խնդրում ենք գրել Elevation Hiking-ի ֆեյսբուքի կամ ինստագրամի էջին կամ զանգահարել 093280356 համարին։

#արշավ #պերսեիդներ #աստղաթափ #գիշերակաց #հայաստան #տավուշ #դիլիջան

28/03/2023

Այս կիրակի` ապրիլի 2-ին, «Տավուշի գագաթներ» ծրագրի շրջանակում քայլելու ենք Իջևանի մոտ գտնվող պլատոյով և իրականացնելու ենք վերելք դեպի Սխտորուտ (2023մ), Աղվեսի Ուրթ և մեկ այլ անանուն գագաթ։ Արահետը կարճ է և հեշտ, հարմար է սկսնակների համար։

Սխտորուտի անվան հետքերով Elevation Hiking-ն իրականացրեց փոքրիկ որոնում և գտավ սխտորի սոխուկներ լեռան գագաթին՝ այսպիսով հաստատելով անվան ճշտությունը :)

Ճանապարհին կվայելենք գեղեցիկ տեսարաններ, կհանդիպենք ձիերի երամակների։

Արշավի ընդհանուր երկարությունը` 8կմ, ընդհանուր հարաբերական վերելքը` 300մ, բարդությունը` 2/5:

Մասնակցության արժեքը՝ 8000 դրամ։ Արժեքը ներառում է տրանսպորտ և ուղեկցորդների ծառայություն։

Մասնակցելու համար խնդրում ենք գրել Elevation Hiking-ի ֆեյսբուքի կամ ինստագրամի էջին կամ զանգահարել 093280356 համարին։

#արշավ #գարուն #սխտորուտ #աղվեսիուրթ #հայաստան #տավուշ #իջևան #տավուշիգագաթներ

24/03/2023

Բացի շաբաթ-կիրակիի արշավներից Elevation Hiking-ը շաբաթվա ընթացքում իրականացնում է էքսպեդիցիաներ: էքսպեդիցիոն արշավների ժամանակ փոքրիկ խմբով ճշտում ենք մեր դեռ չանցած արահետները, ստուգում ենք ճանապարհները սեզոնային վտանգների կամ դժվարանցանելիության համար, գտնում ենք արդեն կայացած արշավների այլընտրանքային, ավելի հետաքրքիր, բարդ, հեշտ, երկար, կարճ արահետներ, բացահայտում ենք նոր վայրեր, անտառային տարածքում նաև անում ենք պատռուլ։ Եթե ցանկանում եք միանալ մեր արկածներին, գրեք մեզ։ Մասնակցության արժեքը ստանդարտ 8000 դրամ է։

#էքսպեդիցիա #արշավ

20/03/2023

Փետրվար-մարտ ամիսներին Elevation Hiking-ը մասնակցեց -ի նախաձեռնած քարանձավախույզների պատրաստման դասընթացին։ Դաշտային աշխատանքների ժամանակ այցելեցինք Մագելանի քարանձավ, Ողջաբերդի, Կոշի, Ուջանի մարդակերտ քարանձավներ, Տավուշի Գմբեթ քարանձավ։ AST-ի կազմում շարունակելու ենք Հայաստանի քարանձավների մանրակրկիտ ուսումնասիրությունն ու նոր քարանձավային համալիրների բացահայտումը։

#քարանձավ

14/03/2023

Այս կիրակի` մարտի 19-ին, իրականացնելու ենք վերելք դեպի Դիլիջան ազգային պարկի տիեզերական ժայռեր։ Դիլիջան քաղաքից երևացող 2 ալիքի նմանվող բարձր ժայռերից մեկը տեղացիներն անվանում են Այրիքար կամ Թռչնաքար։ Այն իսկական Այրիքար գագաթը չէ․ Արևելյան և Արևմտյան Այրիքարերն ավելի հեռու են։ Սակայն այս գագաթը քարերի իսկական սիմֆոնիա է, իսկ դրանից բացվող տեսարանից շունչ է կտրվում։

Վերելքից հետո Այրիքարի ստորոտին կուսումնասիրենք հին դամբարանադաշտը և կքայլենք դեպի Աստղանաքար ժայռը։

Աստղանաքարը մի քանի հարկանի հսկա ժայռ է, որի անդունդից սկսվում է Դիլիջան ազգային պարկի խիտ անտառը։

Եթե եղանակը, ժամանակը, մասնակիցների հանդերձանքը և ուժերը թույլ տան, վերադարձին կբարձրանանք նաև Անձավաբացատ՝ 2-րդ ալիք-ժայռը, որը տեղացիներն անվանում ենք Շաքարի ուրթ։

Երթուղու երկարությունը՝ 18կմ, հարաբերական բարձրությունը՝ 1200մ, տևողությունը՝ 10 ժամ, բարդությունը՝ 4,5/5։

Մասնակցության արժեքը՝ 8000 դրամ։ Արժեքը ներառում է տրանսպորտ և ուղեկցողների ծառայություն:

Մասնակցելու համար խնդրում ենք գրել Elevation Hiking-ի ֆեյսբուքի կամ ինստագրամի էջին կամ զանգահարել 093280356 համարով:

03/03/2023

Ամփոփենք փետրվարը. «Տավուշի գագաթներ» ծրագրի շրջանակում բարձրացել ենք Ապակեքար (1651մ) և Անձավաբացատ (2420մ) լեռները։ Վիթասարի վերելքը կիսատ մնաց տարբեր պատճառներով, որոնց կարող եք ծանոթանալ մեր փետրվարի 10-ի հրապարակմամբ: Մարտի վերելքների մասին կտեղեկացնենք շատ շուտով 🤗

#արշավ #հայաստան #տավուշ #դիլիջան #իջևան #տավուշիգագաթներ #ձյուն #ձմեռ #ապակեքար #աբեղաքար #անձավաբացատ #վիթասար

28/02/2023

Գարնան առաջին կիրակին՝ մարտի 5-ին, Elevation Hiking-ն իրականացնելու է պատռուլ Դիլիջան ազգային պարկի ամենազգայուն հատվածներից մեկում։ Փնտրելու ենք արդեն տեղի ունեցած մեծ ծառահատման հետքեր, իրականացնելու ենք հսկողություն։ Եթե պատռուլն անցնի հանգիստ, կայցելենք տուրիստիներին, արշավականներին դեռ անհայտ հետաքրքիր վայրեր տվյալ տարածքում։ Պատռուլի կոնկրետ տեղամասը և կիրառվող տեխնիկան նախօրոք հանրորեն, բնականաբար, չեն հայտնվի։

Մասնակիցները պետք է ունենան շերտերով, հարմարավետ ձմեռային հանդերձանք, պատրաստ լինեն երկար քայլել արահետներից դուրս ու բարդ լանդշաֆտում, ուշադիր հետևեն ռենջերների ինստրուկտաժին, առաջադրանքներին ու կանոններին։

Կսովորեք ռենջերական աշխատանքի սկզբունքները և ապագայում արշավների ժամանակ կարող եք կիրառել ձեռք բերած գիտելիքը, ճիշտ կողմնորոշվել ռիսկային իրավիճակներում:

Գեղեցիկ տեսարաններից էնդորֆիններն ու ռիսկային իրավիճակներից ադրենալինը երաշխավորված են ;)

Մասնակցության արժեքը՝ 8000 դրամ։ Արժեքը ներառում է տրանսպորտ և ուղեկցորդների ծառայություն։

Մասնակցելու համար խնդրում ենք գրել Elevation Hiking-ի ֆեյսբուքի կամ ինստագրամի էջին կամ զանգահարել 093280356 համարին։

#արշավ #պատռուլ #ձյուն #ձմեռ #հայաստան #տավուշ #լոռի #դիլիջան #դիլիջանազգայինպարկ

23/02/2023

Վաչո ձյաձը մեր անփոխարինելի ուղեկցորդ, լեգենդների, հետաքրքիր վայրերի շտեմարանն է Դիլիջան ազգային պարկում: Քայլում է բոլորիցս լավ ու աշխույժ 😅 Բա որ ծխելն էլ թարգեր 🚬

Նկարներն անցած տարվա մեր ամենաերկար արշավից է դեպի Փափախ քար` 30կմ-ից ավել, որից 12կմ-ը Վաչոն է մեզ տարել մեքենայով ու պատմել տարբեր հետաքրքիր պատմություններ:

📷

#արշավ #ամառ #վաչոձյաձ #հայաստան #տավուշ #դիլիջան #դիլիջանազգայինպարկ #փափախքար

21/02/2023

Այս կիրակի` փետրվարի 26-ին, «Տավուշի գագաթներ» ծրագրի շրջանակում իրականացնելու ենք վերելք դեպի Տավուշի ու Լոռվա սահմանին (փաստացի Լոռվա մարզում) գտնվող Ոսկեսար լեռը (2173մ), իսկ եթե եղանակն ու ժամանակը, մասնակիցների հանդերձանքը թույլ տան, նաև Ոսկեսարի հարևանությամբ գտնվող Կաղնուտ լեռը (2238մ), որը տեղացիներն անվանում են Պնդուկ սար:

Վերելքը կսկսենք Մարգահովիտ գյուղից, սոճուտներով, սարերով կհասնենք 2100մ բարձրություն, որտեղից էլ կսկսենք վերելքը:

Վերելքից հետո արշավը կշարունակենք դեպի Մաթոսավանք, Ջուխտակվանք, կավարտենք Դիլիջանում:

Արշավին մասնակցելու համար ձմեռային հանդերձանքը` մասնավորապես ձմեռային ջրակայուն արշավական կոշիկները, զանգապանները, քամուց պաշտպանող բաճկոնը, պարտադիր են: Անհրաժեշտ մնացած հանդերձանքի մասին կարող եք հարցնել անձնական նամակով:

Արշավի ընդհանուր երկարությունը` 17-18կմ, ընդհանուր հարաբերական վերելքը` 800-900մ, բարդությունը` 4/5:

Մասնակցության արժեքը՝ 8000 դրամ։ Արժեքը ներառում է տրանսպորտ և ուղեկցորդների ծառայություն։

Մասնակցելու համար խնդրում ենք գրել Elevation Hiking-ի ֆեյսբուքի կամ ինստագրամի էջին կամ զանգահարել 093280356 համարին։

#արշավ #ձյուն #ձմեռ #ոսկեսար #կաղնուտ #հայաստան #տավուշ #լոռի #դիլիջան #տավուշիգագաթներ #դիլիջանազգայինպարկ

20/02/2023

Անձավաբացատը, Աստղանաքարն ու Այրիդաշտն անցած կիրակի: Չորացած ու ջարդվող ձյան, ուժեղ, սառը քամու պատճառով դժվար, բայց սիրուն ու հավես արշավ ստացվեց: Առանց ձմեռային լավ հանդերձանքի հնարավոր չէր լինի բարձրանալ:

#արշավ #ձյուն #ձմեռ #հայաստան #տավուշ #տավուշիգագաթներ #դիլիջան #դիլիջանազգայինպարկ #անձավաբացատ #այրիդաշտ #աստղանաքար

15/02/2023

Այս կիրակի` փետրվարի 19-ին, իրականացնելու ենք կիսաէքսպեդիցիոն արշավ դեպի Անձավաբացատ, որը տեղացիներն անվանում են Շաքարի ուրթ քար: Էքսպեդիցիոն մասը միայն մինչև գագաթ կես կիլոմետրն է: Դեպի գագաթ 2 արահետներից կընտրենք կարճն ու տուրիստականը: Եթե ժամանակը, եղանակը, մասնակիցների հանդերձանքը թույլ տան, մայրամուտը կդիմավորենք Այրիդաշտում: Իսկ մայրամուտն Այրիդաշտում ֆանտաստիկ է:

Երթուղու երկարությունը՝ 12կմ, հարաբերական բարձրությունը՝ 900մ, տևողությունը՝ 8 ժամ, բարդությունը՝ 4/5։

Մասնակցության արժեքը՝ 8000 դրամ։ Արժեքը ներառում է տրանսպորտ և ուղեկցորդների ծառայություն։

Մասնակցելու համար խնդրում ենք գրել Elevation Hiking-ի ֆեյսբուքի կամ ինստագրամի էջին կամ զանգահարել 093280356 համարին։

#արշավ #ձյուն #ձմեռ #անձավաբացատ #շաքարիուրթ #այրիդաշտ #հայաստան #տավուշ #դիլիջան #տավուշիգագաթներ #դիլիջանազգայինպարկ

10/02/2023

Երեկ Վիթասարի էքսպեդիցիան էր, բայց չհասանք գագաթ: Պատճառները մի քանիսն էին.

1. Մեր ընտրած ճանապարհն էքսպերիմենտալ էր, բայց -ի հետ զրուցելուց հետո եկանք այն եզրակացության, որ այդ ճանապարհով պետք էր իջնել, այլ ոչ թե բարձրանալ:

2. Առատ ձյունը դանդաղեցնում էր մեր ընթացքը, ու չնայած նախօրոք լավ պլանավորման` գագաթին հասնելու դեպքում վայրէջքի մոտ 8-9կմ-ը լինելու էր մթով ու առատ ձյան տակ, որոշեցինք ռիսկի չդիմել:

3. Անտառում ընթանում էր ապօրինի գործունեություն մեծ ծավալների, ու պարտավոր էինք ներգրավել համապատասխան մարմինների, ում պետք էր բացատրել տեղանքն ու ուղեկցել:

Վերելքը կկրկնենք մի քանի շաբաթից ✊

📷

#արշավ #ձյուն #ձմեռ #հայաստան #տավուշ #իջևան #տավուշիգագաթներ #վիթասար #պատռուլ

08/02/2023

Այս կիրակի՝ փետրվարի 12-ին, քայլելու ենք Դիլիջանից մինչև Հաղարծին վանք (համ էլ ձյունոտ նկարներ ունենանք այս արահետից ❄️🤗)

Երթուղին սկսվում է Դիլիջանի Շամախյան թաղամասից։ Անցնելով անտառմիջյան տարածքով և մի քանի ֆերմաներով՝ արահետը հսկա ու գեղեցիկ Անձավաբացատ, Այրիքար, Աստղանաքար ժայռերի տակով բարձրանում է դեպի «կեղծ» Փափախ քար, որտեղից բացվում է աննկարագրելի տեսարան դեպի անտառներ ու դաշտեր, Դիլիջան, դեպի Իջևան՝ Սառցապատի շղթա, Ապակեքար լեռ և Աղստևի հովիտ։ Այդտեղից արահետը դաշտերի և անտառի միջով իջնում է դեպի միջնադարյան Հաղարծին վանք։

Ճանապարհին հիանալի տեսարանների պակաս չի լինի․ կկանգնենք մի քանի դիտակետերում, որտեղից կարող եք ստանալ ձմեռային բնության գեղեցիկ լուսանկարներ։

Արշավի ընթացքում կծանոթանաք Դիլիջան ազգային պարկին, կստանաք տեղեկություններ անտառի, դրա պահպանությանը տարվող աշխատանքների մասին, և կսովորեք, թե ինչպես ձեզ դրսևորեք ռիսկային իրավիճակներում։

Երթուղու երկարությունը՝ 14կմ, հարաբերական բարձրությունը՝ 900մ, բարդությունը՝ 4/5։

Մասնակցության արժեքը՝ 8000 դրամ։ Արժեքը ներառում է տրանսպորտ և ուղեկցորդների ծառայություն։

Մասնակցելու համար խնդրում ենք գրել Elevation Hiking-ի ֆեյսբուքի կամ ինստագրամի էջին կամ զանգահարել 093280356 համարին։

#արշավ #ձյուն #ձմեռ #հայաստան #տավուշ #դիլիջան #դիլիջանազգայինպարկ #հաղարծին

06/02/2023

Երեկ Ապակեքարի ճանապարհին:

#արշավ #սարեր #սար #ձյուն #ձմեռ #տավուշիգագաթներ #հայաստան #տավուշ #հովք #հաղարծին #դիլիջան #իջևան

03/02/2023

Ամփոփենք հունվարը. «Տավուշի գագաթներ» ծրագրի շրջանակում բարձրացել ենք Հաղարծին (2093մ), Տեսիլք (1372մ), Ագռավագլուխ (1934մ) և Իսավոնց թումբ (1928մ) լեռներն ու բարձրությունները: Փետրվարին էլ ունենք հետաքրքիր ուղղություններ, փորձությունները դեռ առջևում են 🤗

#արշավ #հայաստան #տավուշ #դիլիջան #իջևան #տավուշիգագաթներ

31/01/2023

Անցած կիրակի Ագռավագլխի և Իսավոնց թմբի ճանապարհին ❄️☀️☁️

#արշավ #հայաստան #տավուշ #դիլիջան #տավուշիգագաթներ #սարեր

30/01/2023

«Տավուշի գագաթներ» ծրագրի շրջանակում այս կիրակի օրը՝ փետրվարի 5-ին, բարձրանալու ենք Դիլիջան ազգային պարկի սահմանին գտնվող Ապակեքար լեռը (1651մ)։ Համ էլ ձմեռային նկարներ կունենանք Ապակեքարից ❄️

Չնայած մայրուղուց երևացող ժայռապատ լանջերին՝ Ապակեքարը (տեղացիների համար՝ Աբեղաքարը) շատ հեշտ է բարձրանալ հակառակ կողմից՝ անտառի միջով գալարաձև ճանապարհով։ Բարենպաստ եղանակի դեպքում գեղեցիկ տեսարան է բացվում դեպի Աղստևի հովիտ, Իջևանի լեռներ և այլ բարձունքներ։

Արշավը հարմար է սկսնակների համար։

Երթուղու երկարությունը՝ 11կմ, հարաբերական բարձրությունը՝ 600մ, տևողությունը՝ 6 ժամ, բարդությունը՝ 3/5։

Մասնակցության արժեքը՝ 8000 դրամ։ Արժեքը ներառում է տրանսպորտ և ուղեկցորդների ծառայություն։

Մասնակցելու համար խնդրում ենք գրել Elevation Hiking-ի ֆեյսբուքի կամ ինստագրամի էջին կամ զանգահարել 093280356 համարին։

#արշավ #ձյուն #ձմեռ #ապակեքար #աբեղաքար #հայաստան #տավուշ #դիլիջան #տավուշիգագաթներ #դիլիջանազգայինպարկ

23/01/2023

«Տավուշի գագաթներ» ծրագրի շրջանակում այս կիրակի օրը՝ հունվարի 29-ին, բարձրանալու ենք Դիլիջան ազգային պարկի տարածքում թաքնված Ագռավագլուխ (1934մ) և Իսավոնց թումբ (1928մ):

Ագռավագլուխն անտառածածկ բարձրություն է Դիլիջան քաղաքի վերևում գտնվող խոտհարքերի մեջ։ Այս սեզոնին դեպի գագաթ տանող ճանապարհը հատկապես գեղեցիկ է ձյունով և եղյամով պատված անտառով, սոճուտներով, դաշտերով և նեղլիկ կիրճերով։ Չնայած Ագլավագլխի գագաթը ծածկված է անտառով, ծառերի արանքից երևում են ծանոթ տեսարաններ ինչպես դեպի այլ լեռներ, այնպես էլ Դիլիջան քաղաքի որոշ հատվածներ։

Ագռավագլխից ճանապարհը խորն անտառով տանում է դեպի Իսավոնց թումբ, որն իրենից ներկայացնում է երկար ձգված բլուր։ Չնայած Իսավոնց թումբը մի փոքր ավելի ցածր է Ագռավագլխից՝ ծառերի բացակայության շնորհիվ այստեղից ավելի լավ տեսադաշտ ունենք․ երևում է Լոռվա Ֆիոլետովոյից մինչև Գեղարքունիքի Սեմյոնովկա, շրջատող լեռները, խիտ անտառներն ու սոճուտները։

Ճանապարհին կվայելենք հրաշալի ձմեռային տեսարաններ տարբեր դիտակետերից, խորը ձորակների լռությունը, կենդանական աշխարհի ներկայությունն ու թռչունների երգերը։

Արշավը հարմար է սկսնակների համար։

Երթուղու երկարությունը՝ 15կմ, հարաբերական բարձրությունը՝ 800մ, տևողությունը՝ 8 ժամ, բարդությունը՝ 3,5/5։

Մասնակցության արժեքը՝ 8000 դրամ։ Արժեքը ներառում է տրանսպորտ և ուղեկցորդների ծառայություն։

Մասնակցելու համար խնդրում ենք գրել Elevation Hiking-ի ֆեյսբուքի կամ ինստագրամի էջին կամ զանգահարել 093280356 համարին։

#արշավ #ձյուն #ձմեռ #ագռավագլուխ #իսավոնցթումբ #հայաստան #տավուշ #դիլիջան #տավուշիգագաթներ #դիլիջանազգայինպարկ

16/01/2023

«Տավուշի գագաթներ» ծրագրի շրջանակում այս շաբաթ օրը՝ հունվարի 21-ին, բարձրանալու ենք Տեսիլք լեռ (1372մ) և քարանձավ։

Արշավը սկսելու ենք Գանձաքար գյուղից, որտեղից լավ արտահայտված երևում է Տեսիլքը։ Քայլելու ենք գյուղամիջյան ճանապարհով, անտառով։ Մինչև գագաթ հասնելը տեսնելու ենք հին ամրոցի ավերակներ։ Սարի գագաթից բացվում է հիանալի տեսարան դեպի Գանձաքար գյուղ և Տավուշի լեռներ։ Կանենք ընդմիջում, և տեղում մատնացույց կանենք այն լեռները, որոնք նախատեսում ենք բարձրանալ «Տավուշի գագաթներ» ծրագրի շրջանակում։

Դժվար նշմարվող արահետով կքայլենք դեպի Տեսիլք քարանձավ։ Այստեղից դիմացի ժայռին երևում է մեկ այլ քարանձավ, որի մասին լեգենդներին նույնպես կծանոթացնենք։

Քարանձավից հետո հետ կքայլենք դեպի գագաթին մոտ, կանենք ևս մի ընդմիջում և հետ կիջնենք Գանձաքար։

Արշավը հարմար է սկսնակների համար։

Երթուղու երկարությունը՝ 7կմ, հարաբերական բարձրությունը՝ 550մ, տևողությունը՝ 5 ժամ, բարդությունը՝ 3/5։

Մասնակցության արժեքը՝ 8000 դրամ։ Արժեքը ներառում է տրանսպորտ և ուղեկցորդների ծառայություն։

Մասնակցելու համար խնդրում ենք գրել Elevation Hiking-ի ֆեյսբուքի կամ ինստագրամի էջին կամ զանգահարել 093280356 համարին։

#տավուշիգագաթներ #հայաստան #տավուշ #իջևան #գանձաքար #տեսիլք #տեսիլքլեռ

14/01/2023

Elevation Hiking-ն այս տարի իրականացնում է «Տավուշի գագաթներ» նախագիծը, որի շրջանակում նախատեսվում են 30-ից ավել վերելքներ Տավուշի հայտնի ու քիչ հայտնի սարեր, ժայռեր, ներառելով նաև մի քանի գագաթ, որոնք երևում են Դիլիջանից, բայց փաստացի Լոռվա, Գեղարքունիքի մարզերում են։

Գագաթները 1000-3000մ բարձրության են։ Սկսելու ենք ցածր լեռներից և տարվա երկրորդ կեսին աստիճանաբար հասնենք ավելի բարձր գագաթների, ավելի երկար երթուղիներով։

«Տավուշի գագաթներ» նախագիծը հարմար է և՛ սկսնակների, և՛ փորձառուների համար։ Սկսնակ լեռնագնացները հնարավորություն կունենան աստիճանաբար կոփվել և գրավել իրենց առաջին 3000մ+ բարձրությունները, ծանոթանալ Տավուշի գեղեցիկ բնությանը և քարտեզին։ Փորձառու լեռնագնացները հնարավորություն կունենան բացահայտել նոր, թաքնված վայրեր ու անհայտ, անանուն գագաթներ։

Ինչպես Elevation Hiking-ի բոլոր արշավների ժամանակ, այնպես էլ «Տավուշի գագաթների» շրջանակում կբացայտենք հուշարձաններ, բնակավայրեր, լեգենդներ, անտառային երթուղիների ժամանակ կծանոթացնենք անտառի պահպանությանն ուղղված ռենջերական աշխատանքի մասին։

Ծրագրի մասին մանրամասների և նորություններն առաջինն իմանալու գրեք մեզ կամ զանգահարեք 093280356 հեռախոսահամարով։

#արշավ #լեռներ #սարեր #հայաստան #տավուշիգագաթներ #տավուշ #դիլիջան #լոռի #գեղարքունիք

08/01/2023

Եթե վերջին 1,5 ամսվա ընթացքում եղել եք Դիլիջանում, հավանաբար տեսել եք «վառված սարը»` Հաղարծինը: Վառված տեսքի պատճառը 2022 թվականի նոյեմբերի 20-ի մեծ հրդեհն է:

Այս շաբաթ Հաղարծին սարի գագաթին էինք (2093մ): Ճանապարհն արևի, ձյան, քամու միջով էր ու հետաքրքիր տեսարաններով: Իսկ շունոն մեզ հետ քայլեց ողջ 15 կիլոմետրը 🐕

#հայաստան #տավուշ #դիլիջան #հաղարծին #արշավ #շուն #սարեր

04/01/2023

Այս շաբաթ օրը` հունվարի 7-ին, բարձրանալու ենք Հաղարծին լեռը (2093մ), որում գտնվում է Դիլիջան քաղաքի հարևանությամբ: Վերելքն իրականացնելու ենք այլ կողմից առաջին անգամ, այնպես որ երթուղին, կարելի է ասել, էքսպեդիցիոն է: Քայլարշավը սկսելու ենք Դիլիջան քաղաքից, ճանապարհին ուսումնասիրելու ենք անտառի խորքում գտնվող ավերակներ, ավարտելու ենք Հաղարծին վանքում: Ընթացքում անելու ենք նաև մինի պատռուլ-ստուգում անտառում, ծանոթանալու եք ռենջերական աշխատանքի սկզբունքներին:

Մասնակցության արժեքը` 8000 դրամ, որն իր մեջ ներառում է նաև տրանսպորտ Երևանից վերադարձով և արշավական ուղեկցորդի ծառայություն:

Գրանցվելու համար գրեք մեզ կամ զանգահարեք 093280356:

#հայաստան #տավուշ #դիլիջան #հաղարծին #արշավ #պատռուլ

04/01/2023

Տարին սկսենք օգտակար գործով: Այս կիրակի` հունվարի 8-ին, միացեք Դիլիջան ազգային պարկի ռենջերներին` իրականացնելու պատռուլ: Կծանոթանաք անտառի պահպանության հիմունքներին, ծառագողության ու որսագողության վիճակին, կսովորեք` ինչպես ձեզ դրսևորել ռիսկային իրավիճակներում և ինչ անել, եթե անտառում ականատես եք լինում ապօրինի գործողությունների: Ռենջերները կոնկրետ դեպքերի հիման կբացատրեն, թե որն է հաջող, իսկ որն է անհաջող «օպերացիա», ծառագողության «հիերարխիան» և այլն: Ընթացքում նաև կսովորեք կողմնորոշվել տեղանքում, քարտեզագրություն, կծանոթանաք ռենջերների մինիմալ «էպիկիրովկային» և անվտանգության ապահովմանը:

Տեղերը խիստ սահմանափակ են: Գրանցվելու համար գրեք մեզ կամ զանգահարեք 093280356 համարով:

Մասնակցության արժեքը` 8000 դրամ է, որն իր մեջ բացի վերը նշվածից ներառում է նաև տեղափոխում Երևանից ու հակառակը, ուղեկցորդի ծառայություն:

#պատռուլ #արշավ #դիլիջան

22/12/2022

Այս տարվա վերջին արշավի ուղղությունն ընտրում եք դուք: Այս կիրակի օրը` դեկտեմբերի 25-ին, Դիլիջան ազգային պարկի սարերում, թե անտառներում, ձյուների մեջ, թե արևի տակ, դժվար ուղղություն, թե հեշտ, կընտրենք միասին:

Գրանցվեք մինչև ուրբաթ օրվա վերջ` գրելով մեզ նամակ կամ զանգելով 093280356 համարով:

#հայաստան #տավուշ #դիլիջան #արշավ

20/12/2022

Այս շաբաթ օրը` դեկտեմբերի 24-ին, քայլում ենք դեպի Թևավոր խաչ` արահետներ ուսումնասիրելու: Թևավոր խաչը Տավուշի ու Լոռվա սահմանին սրբավայր է, ուր տանող արահետներն անցնում են գեղեցիկ անտառներով և հսկա ժայռերի տակով: Ունենք ընդամենը 3 տեղ: Մեզ միանալու համար գրեք մեր էջին կամ զանգեք 093280356:

#հայաստան #տավուշ #լոռի #դիլիջան #թևավորխաչ #արշավ

19/12/2022

Երեկ անմարդկային գեղեցիկ մայրամուտ էր Այրիդաշտում:

#արշավ #մայրամուտ #այրիդաշտ #այրիքար #հայաստան #տավուշ #դիլիջան

07/12/2022

Այս շաբաթ օրը` դեկտեմբերին 10-ին, բարձրանալու ենք Աղջկա բերդ, բայց քայլելու ենք երկար ու ավելի բարդ ճանապարհով։

Արշավը կսկսենք Հովք գյուղից։ Անցնելու ենք Ապակեքար լեռան ստորոտով, Պատվար, Հովք, Վիթասար ժայռերի տակով, Տավուշի անտառներով։ Երկար վերելքից ու վայրէջքից հետո մեզ սպասում է արշավի ամենադժվար հատվածը․ Աղջկա բերդի ժայռի գագաթ տանող վերջին կես կիլոմետրը կտրուկ վերելք է և դժվար նշմարվող արահետ։ Բարձունքը հաղթահարելուց հետո տեսարանները վայելելու ժամանակն է։

Երթուղու երկարությունը՝ 17կմ, հարաբերական բարձրությունը՝ 810մ, բարդությունը՝ 4/5:

Մասնակցության արժեքն 9000 դրամ է, որը ներառում է տրանսպորտ և ուղեկցորդների ծառայություն:

Մասնակցության համար գրեք dm կամ զանգահարեք 093280356 համարով:

#աղջկաբերդ

Address

Dilijan

Telephone

+37493280356

Website

http://elevationhiking.am/

Alerts

Be the first to know and let us send you an email when Elevation Hiking posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Elevation Hiking:

Videos

Երբ պատռուլի ես անտառում, ու արդեն 4 ժամ անձրև է գալիս, ու էլ ոչ մի պաշտպանիչ հագուստ չի օգնում 😂💀 ․ ․ ․ ․ ․ ․ ․ ․ ․ ․ #explorearmenia #exploretavush #exploredilijan #elevationhiking #armenia #tavush #dilijan #hikingarmenia #travelarmenia #discoverarmenia #traveltavush #traveldilijan #discovertavush #discoverdilijan #hikingtavush #hikingdilijan #traveltoarmenia #հայաստան #դիլիջան #տավուշ #արշավ #արշավական #armenia #հայաստան #dilijannationalpark #դիլիջանազգայինպարկ #dnp #դապ #անձրև

Դիլիջան ազգային պարկը՝ բռի մեջ։ Փափախ քարից երևում է Դիլիջան քաղաքը, Ապեկեքարը, Դիմացն ու Սառցապատը, Հաղարծին վանքը շրջապատող անտառները։ . . . . . . . #explorearmenia #exploretavush #exploredilijan #elevationhiking #armenia #tavush #dilijan #hikingarmenia #travelarmenia #discoverarmenia #traveltavush #traveldilijan #discovertavush #discoverdilijan #hikingtavush #hikingdilijan #traveltoarmenia #հայաստան #դիլիջան #տավուշ #արշավ #արշավական #armenia #հայաստան #dilijannationalpark #դիլիջանազգայինպարկ #dnp #դապ #փափախքար #apakekar #dimats

Տեղացիներն ասում են․ «արջն անտառի ամենաուժեղ, բայց ամենավախկոտ կենդանին է»։ Դիլիջան ազգային պարկում արջերը հիմնականում սնվում են պտուղներով և ամեն կերպ խուսափում են մարդկանցից։ Եթե անտառ եք մտել և չեք ուզում արջին հանկարծակի հանդիպել, աղմուկով քայլեք արահետով։ Եթե խմբով եք, աղմուկ հանելը շատ հեշտ է։ Եթե մենակ եք արշավում, պարբերաբար գոռացեք :D Համ կլիցքաթափվեք, համ վայրի կենդանիները կխուսափեն աղմուկի աղբյուրից։ Միշտ հիշեք․ անտառը մարդու տունը չէ, այլ վայրի կենդանիներինը, մենք միայն հյուր ենք, պետք է մեզ պատշաճ կերպով պահենք ուրիշի տանը, չաղտոտենք և տանտերերին չվիրավորենք։ Մի՛ փորձեք գտնել կենդանիների բները, մի՛ կերակրեք վայրի կենդանիներին, մի՛ վարժեցրեք ձեզ և ընդհանրապես մարդկանց։ Բացառություն են կազմում վիրավոր կենդանիները, որոնց հարկավոր է օգնություն ցուցաբերել։ Տեսանյութը՝ Dilijan National Park / Դիլիջան Ազգային Պարկ, ՀՀ շրջակա միջավայրի նախարարություն Ministry of Environment of Armenia, CNF - Caucasus Nature Fund: #explorearmenia #exploretavush #exploredilijan #elevationhiking #armenia #tavush #dilijan #hikingarmenia #travelarmenia #discoverarmenia #traveltavush #traveldilijan #discovertavush #discoverdilijan #hikingtavush #hikingdilijan #traveltoarmenia #հայաստան #դիլիջան #տավուշ #արշավ #արշավական #armenia #հայաստա

Դեռ կարող եք գրանցվել այս կիրակիի արշավին․ Պուճուր Դիլի - Պարզ լիճ - Կովկասյան ազնվացեղ եղջերուների բազմացման կենտրոն։ Երթուղին սկսվում է Պուճուր Դիլիից, որը Դիլիջանի ամենահին բնակավայրերից մեկն է։ Արահետն անցնում է ծաղկած մարգագետիններով և անտառմիջյան տարածքներով, այնուհետև մտնում Դիլիջան ազգային պարկի անտառ և իջնում Պարզ լիճ։ Ճանապարհին կտեսնենք նաև միջնադարյան բնակավայրի ավերակներ։ Պարզ լճից մեքենան մեզ կտանի կովկասյան ազնվացեղ եղջերուների բազմացման կենտրոն, որտեղ կտեսնենք ու կկերակրենք եղջերուներին, ձագուկներին։ Արշավի ընթացքում կծանոթանաք Դիլիջան ազգային պարկին, կստանաք տեղեկություններ անտառի, դրա պահպանությանը տարվող աշխատանքների մասին, և կսովորեք, թե ինչպես ձեզ դրսևորեք ռիսկային իրավիճակներում։ Երթուղու երկարությունը՝ 11կմ, հարաբերական բարձրությունը՝ 550մ, բարդությունը՝ 3,5/5։ Մանրամասների և գրանցվելու համար․ https://docs.google.com/forms/d/e/1FAIpQLSc8ts1m4hC21O8GSdK29-dObiVhjWdZpIBfTY6YlnMAOU-6Lg/viewform #explorearmenia #exploretavush #exploredilijan #elevationhiking #armenia #tavush #dilijan #hikingarmenia #travelarmenia #discoverarmenia #traveltavush #traveldilijan #discovertavush #discoverdilijan #hikingtavush #hikingdilijan #traveltoarmenia #հայաստան #դիլիջան #տավուշ #արշավ #արշավական #armenia #հայաստան #dilijann

Գոռալու թերապիա

Գոռալու թերապիան շատ կազդուրիչ է 👨‍⚕️

🇦🇲 🇷🇺 🇺🇸 ⬇️ Այս կիրակի իրականացնելու ենք վերելք Ապակեքար լեռ (բարձրությունը՝ 1651մ), որը գտնվում է Դիլիջան ազգային պարկի սահմանին և աչքի է ընկնում իր յուրահատուկ բրգաձև տեսքով։ Քայլարշավը սկսելու ենք բարձրադիր ու գեղատեսիլ Հովք գյուղից։ Քայլելու ենք անտառամերձ տարածքով, գեղեցիկ, ծաղկած մարգագետիններով ու բացատներով դեպի Ապակեքարի ստորոտ։ Դեպի գագաթ վերելքը լինելու է խիտ ու զով անտառի միջով, գեղեցիկ, նեղ արահետով։ Տուրիստական արահետը ոլորաններով է, ինչի հաշվին շատ հեշտանում է վերելքը։ Չեք էլ զգա, թե ինչպես է միանգամից երկինքը բացվում, ու հանկարծ հայտնվում եք Աղստև գետի հովտի ողջ գեղեցկության առջև։ Ապակեքարի գագաթից բացվում է հրաշալի տեսարան Իջևանի լեռներից մինչև Դիլիջան։ Առջևում երևում են Դիլիջան ազգային պարկի լեռներն ու խիտ անտառները։ Տեղանքին ծանոթ մարդիկ կարող են նույնիսկ մատնանշել Պարզ ու Գոշ լճերի տեղերը։ Հետադարձը Հաղարծին գյուղով է։ Վայելելու ենք գեղեցիկ մարգագետինները, զմայլվելու ենք Սառցապատի ժայռերով, Ապակեքարով, Աղստևի հովտի անտառապատ լեռների տեսարաններով։ Արշավի ընթացքում կծանոթանաք Դիլիջան ազգային պարկին, կստանաք տեղեկություններ անտառի, դրա պահպան

Արշավական կոշիկների իմ փորձը

Չնայած արշավելու համար արշավական պրոֆեսիոնալ կոշիկը պարտադիր չի, բայց ձեր հագածը մեծ նշանակություն ունի։ Այս վիդեոյում խոսում եմ վերջին 2 տարիների ընթացքում իմ արշավական ու ոչ արշավական կոշիկների մասին։ Լեռնեցի հայկական արշավական կոշիկներին էլ կարող եք ծանոթանալ նրանց էջում - https://www.facebook.com/lernetsee #արշավ #արշավականկոշիկ