MƏCNUN KƏRİM – 79(01.09.1945-02.10.2013)
MƏCNUN KƏRİM – 79 (01.09.1945-02.10.2013)
Bu gün Azərbaycan Respublikasının Xalq artisti, sənətşünaslıq elmləri doktoru, professor, Azərbaycan Musiqi Mədəniyyəti Dövlət Muzeyinin Qədim Musiqi Alətləri Ansamblının yaradıcısı , bədii rəhbəri (1996-2013) MƏCNUN KƏRİMİN anadan olmasının 79 illiyidir.Məcnun Təbriz oğlu Kərimov 1 sentyabr 1945-ci ildə Zəngəzur mahalının Şəki kəndində müəllim ailəsində anadan olub.1959-1963-cü illərdə Ağdam rayon orta ixtisas musiqi məktəbində təhsilini başa vurduqdan sonra, 1967-ci ilə kimi Zəngilan rayonu yeddi illik uşaq musiqi məktəbinin direktoru işləyib.1972-ci ildə Ü.Hacıbəyov adına Azərbaycan Dövlət Konservatoriyasının "Xalq çalğı alətləri" şöbəsini bitirərək pedaqoji fəaliyyətlə məşğul olub. Elə həmin ildən etibarən orta əsrlərdə Azərbaycanda istifadə edilmiş, dövrümüzə gəlib çatmamış, unudulmuş qədim musiqi alətlərini öyrənilməsi və bərpasi istiqamətində elmi-tədqiat işlərinə başlayıb.1975-ci ildə o, artıq ilk qədim musiqi alətinin nümunəsini hazırlamış, nəticədə neçə-neçə elm və mədəniyyət xadimlərinin böyük dəstəyini qazanmışdı.Məcnun Kərimov 1991-ci ildə Bakı Musiqi Akademiyasında “Qədim musiqi alətlərinin bərpası və təkmilləşdirilməsi” elmi laboratoriyasını yaratdı. Həmin ildən elmi laboratoriyanın müdiri vəzifəsində çalışıb. Burada musiqi xəzinəmizin unudulmuş 11 müxtəlif musiqi alətini (çəng, barbət, çəqanə, çoğur, tənbur, səntur, rübab, rud, qopuz, ney, nüshə) bərpa edib, onların müxtəlif surətlərini hazırlayıb.1995-ci ildə «Azərbaycanın qədim simli çalğı alətləri» (tarixi-nəzəri, bərpa və təkmilləşdirmə məsələləri) mövzusu üzrə dissertasiya müdafiə edib, sənətşünaslıq namizədidir.Azərbaycanın qədim musiqi alətləri haqqında tədqiqatların müəllifidir, 10-dan çox
SARA QƏDİMOVA - 102
SARA QƏDİMOVA - 102
Bu gün Azərbaycan muğam sənətinin görkəmli nümayəndəsi, xanəndə-müğənni, Xalq artisti Sara Qədimovanın (31.05.1922-12.05.2005) anadan olmasının 102 ili tamam olur.
Sara Qədimova əslən Ağdamın Abdal-Gülablı kəndindəndir. 1941-ci ildən M.Maqomayev adına Azərbaycan Dövlət Filarmoniyasının solisti olan Sara xanım 1957-62 illərdə M.F.Axundov adına Azərbaycan Dövlət Opera və Balet Teatrının da solisti olmuş, burada Leyli və Əsli (“Leyli və Məcnun”, “Əsli və Kərəm”, Ü.Hacıbəyli) partiyalarını ifa etmişdir.
Sara Qədimovanın repertuarına muğamlar (Şur, Bayatı-Şiraz, Şahnaz, Qatar və s.), Azərbaycan bəstəkarlarının əsərləri, Azərbaycan xalq mahnıları və şərq xalqlarının mahnıları daxildir. Onun müğənni kimi yetişməsində Hüseynqulu Sarabski, Seyid Şuşinski və Xan Şuşinskinin təsiri olmuşdur. O, dəfələrlə xarici ölkələrdə qastrol səfərlərində olmuş və Sara xanımın gözəl ifasının vurğunu olan Türkiyə Cümhuriyyətinin doqquzuncu Prezidenti Süleyman Dəmirəl müğənnini fəxri qonaq kimi bu ölkəyə dəvət etmişdir.
Muzeyin zəngin kolleksiyalarından görkəmli müğənniyə aid “Sara Qədimova-100” virtual sərgisini sizə təqdim edirik.
QARA QARAYEVİN ANIM GÜNÜ
Bu gün görkəmli bəstəkar, pedaqoq, akademik, SSRİ Xalq artisti, Sosialist Əməyi Qəhrəmanı Qara Qarayevin vəfatından 42 il ötür.
Allah rəhmət eləsin!
Azərbaycan Musiqi Mədəniyyəti Dövlət Muzeyinin zəngin kolleksiyaları əsasında hazırlanmış və Qara Qarayevin xatirəsinə həsr olunmuş videoçarxı təqdim edirik.
ƏSRİN ƏN BÖYÜK FƏLAKƏTİNDƏN 1 İL ÖTDÜ
6 fevral 2023-cü il tarixində mərkəzi Kahramanmaraş olmaqla qardaş Türkiyənin 11 əyalətini əhatə edən 7,8 və 7,6 gücündə baş vermiş zəlzələdən bir il ötdü. Dağıdıcı zəlzələdə 53537 nəfər həyatını itirib, 107213 nəfər müxtəlif bədən xəsarətləri alıb, 38901 bina dağılmışdır.
Belə bir acının Türkiyədə və bütün dünyada bir daha yaşanmamasını diləyir, zəlzələdə həlak olan insanlara rəhmət, yaxınlarına səbr diləyirik.
Acınız acımızdır, qardaş Türkiyə!
Azərbaycan dirijoru, bəstəkarı və pianoçu, Əməkdar artist Turan Manafzadənin müəllifi olduğu və zəlzələ qurbanlarına həsr etdiyi “Deprem” (Zəlzələ) əsərinin videoyazısını sizə təqdim edirik.
Çəkilişlər Azərbaycan Musiqi Mədəniyyəti Dövlət Muzeyində aparılmışdır.
Bu gün görkəmli Azərbaycan bəstəkarı, pedaqoq, Azərbaycan EA-nın akademiki, SSRİ Xalq artisti, Dövlət mükafatları laureatı, Sosialist Əməyi Qəhrəmanı QARA ƏBÜLFƏZ oğlu QARAYEVİN (05.02.1918 - 13.05.1982) anadan olmasının 106-cı ildönümüdür.
Bu münasibətlə Azərbaycan Musiqi Mədəniyyəti Dövlət Muzeyinin zəngin kolleksiyalarından bəstəkarın həyat və yaradıcılıq yolunu əks etdirən slayd-şounu sizə təqdim edirik.
Qazaxıstanın "Turan"Etno-Folklor ansamblının muzeydəki konsertindən bir nömrəni sizə təqdim edirik.
Şuşa şəhərində Vaqif Poeziya Günləri çərçivəsində Azərbaycan Musiqi Mədəniyyəti Dövlət Muzeyinin Qədim Musiqi Alətləri Ansamblının çıxışı
28 MAY – MÜSTƏQİLLİK GÜNÜ
28 May - Müstəqillik Günü tariximizin ən şanlı və parlaq səhifələrindəndir. Yüz beş il bundan əvvəl - 1918-ci il mayın 28-də Azərbaycan Xalq Cümhuriyyətinin yaradılması ölkəmizin həyatına böyük tarixi hadisə kimi daxil oldu. Müstəqil, azad, demokratik respublika qurmaq məqsədini qarşıya qoyan Azərbaycan Xalq Cümhuriyyəti cəmi 23 aylıq fəaliyyəti dövründə xalqın milli mənlik şüurunu özünə qaytardı, onun öz müqəddəratını təyin etməyə qadir olduğunu nümayiş etdirdi.
XX əsrin sonlarında yenidən müstəqilliyinə qovuşan Azərbaycan öz suverenliyini qoruyub saxlamağı bacardı. Yenidən hakimiyyətə qayıdan ümummilli lider Heydər Əliyev Azərbaycan dövlətçiliyinin qorunması üçün qətiyyətli tədbirlər gördü, ölkədə davamlı ictimai-siyasi sabitliyi bərqərar etdi. Beləliklə, Heydər Əliyevin şah əsəri olan müasir müstəqil Azərbaycan dövləti quruldu və sürətli inkişaf yoluna qədəm qoydu.
Müstəqil daxili və xarici siyasət həyata keçirən Azərbaycanın yalnız regionda deyil, beynəlxalq miqyasda söz sahibi olan bir ölkə kimi tanınması, Azərbaycan Prezidentinin rəhbərliyi ilə müəyyənləşdirilən və həyata keçirilən hərtərəfli düşünülmüş, müdrik çoxşaxəli siyasət, qazanılmış uğurlar əminliklə söyləməyə əsas verir ki, Azərbaycan dövlət müstəqilliyini bir də heç vaxt əldən verməyəcək, müstəqillik əbədi olacaq.
Vaqif Mustafazadə adına 2 № li Uşaq İncəsənət Məktəbinin şagirdlərinin Azərbaycan Musiqi Mədəniyyəti Dövlət Muzeyinin filialı olan Qara Qarayevin Ev Muzeyində ifa etdikləri “Bir çərşənbə axşamı” adlı konsert proqramından bəzi video görüntüləri sizə təqdim edirik.
Vaqif Mustafazadə adına 2 № li Uşaq İncəsənət Məktəbinin şagirdlərinin Azərbaycan Musiqi Mədəniyyəti Dövlət Muzeyinin filialı olan Qara Qarayevin Ev Muzeyində ifa etdikləri “Bir çərşənbə axşamı” adlı konsert proqramından bəzi video görüntüləri sizə təqdim edirik.
