Lənkəran Regional Turizm İdarəsi

28/01/2025

Bu gün Peşə Təhsili üzrə Dövlət Agentliyinin təşkilatçılığı ilə Lənkəran şəhərində peşə təhsilində dövlət-özəl əməkdaşlığına dair konfrans təşkil olundu. Konfransda Lənkəran Regional Turizm İdarəsinin rəisi İlqar Əzimov, bölgədə fəaliyyət göstərən dövlət qurumları, həmçinin peşə təhsili və təlimi sahəsində aktiv fəaliyyət göstərən müxtəlif işəgötürən qurumların nümayəndələri iştirak etdilər. Konfransda dövlət qurumlarının, biznes sektorunun, təhsil müəssisələrinin və digər maraqlı tərəflərin iştirakı ilə peşə təhsilinin regionun iqtisadi inkişafındakı strateji əhəmiyyəti müzakirə olundu. Dövlət qurumlarının və sahibkarların mövzu ilə bağlı panel müzakirələri aparıldı.

24/01/2025

20/01/2025

Lənkəran Regional Turizm İdarəsinin kollektivi 20 Yanvar - Ümumxalq Hüzn Günündə Şəhidlər Xiyabanını ziyarət edərək şəhidlərin xatirəsini ehtiramla yad ediblər.

20/01/2025

Şəhidlərimizin əziz xatirəsini qürurla anırıq!

14/01/2025

Lənkəran RTİ əməkdaşları tərəfindən Neftçala rayonuna səfər edilərək, Neftçala RİH əməkdaşları ilə birgə rayonun Həsənabad qəsəbəsi yaxınlığında yerləşən dəniz sahili ərazilərin turizm baxımından istifadə imkanlarının ilkin araşdırılması aparılmışdır.

10/01/2025

Yerləşmə müəssisələrində turistlərə təqdim olunan xidmət səviyyəsinin normativ tələblərə uyğun olması ilə bağlı Lənkəran Regional Turizm İdarəsinin əməkdaşları tərəfindən monitorinqlər yanvar ayı ərzində də davam etdirilmişdir.

10/01/2025

Yanvar ayında Lənkəran Regional Turizm İdarəsinin əməkdaşları tərəfindən bölgədə fəaliyyət göstərən yerləşmə müəssisələrində qalan turistlərə bölgənin zəngin turizm potensialını təbliğ etmək üçün yeni çap materialları verilmişdir.

08/01/2025

Hörmətli Lənkəranlılar və şəhərimizin qonaqları!
Lənkəran şəhərinin turizm potensialı, eləcə də yerli və xarici turistlərin artmaqda olan marağını və məlumat əldə etmə ehtiyaclarını nəzərə alaraq Azərbaycan Respublikası Dövlət Turizm Agentliyinin təşkilatçılığı və Lənkəran Şəhər İcra Hakimiyyətinin dəstəyi ilə Lənkəran şəhəri, Qala xiyabanı ünvanında (Borani restoranın qarşısı) Lənkəran Turizm İnformasiya Məntəqəsi quraşdırılıb.
Turizm İnformasiya Məntəqəsi həftənin 5 günü saat 09:30-dan 17:30-a kimi fəaliyyət göstərəcək. Burada Lənkəran və Cənub bölgəsinə daxil olan turistik destinasiyaların müxtəlif çap materialları və bölgəmizin turizm potensialı haqqında geniş məlumat əldə edə bilərsiniz.

02/01/2025

Prezident İlham Əliyev Şahdağ Turizm Kompleksində yerləşən “Lakeside” hotelində aparılmış işlərlə və “Xizək klubu” binasının tikintisi ilə tanış olub.

Azərbaycan Respublikasının Prezidenti İlham Əliyev, birinci xanım Mehriban Əliyeva və ailə üzvləri yanvarın 2-də Şahdağ Turizm Kompleksinin ərazisində inşa edilən “Lakeside” hotelində aparılmış işlərlə tanış olublar.

01/01/2025

29/12/2024

Bayram günlərində regiona gələn turistlərin sayının artmasını nəzərə alaraq Lənkəran RTİ-nin sifarişi ilə hazırlanan yeni çap məhsulları yerləşmə və turizm müəssisələrinə təqdim olundu.

28/12/2024

2025-ci il - “Konstitusiya və Suverenlik İli”

https://president.az/az/articles/view/67775

28/12/2024

Cənub bölgəsində termal-mineral, balneoloji və süfrə sularının təbii mənbələrinin monitorinqi üzrə işlər artıq başlamışdır. Bununla bağlı dekabr ayında Lənkəran RTİ-nin əməkdaşları Geoloji Kəşfiyyat Agentliyinin nümayəndələri ilə birgə Yardımlı, Lerik, Cəlilabad, Astara, Masallı rayonları və Lənkəran şəhərinə sahə səfərləri edərək termal su mənbələrində ilkin monitorinqlər aparmışlar.

28/12/2024

Artıq qış mövsümünün gəlməsinə baxmayaraq xarici turistlərin Cənub bölgəsinə marağı azalmır. Bu gün Almaniyadan olan turistlər Lənkəran RTİ-nin ofisində bölgənin turistik məkanları haqqında məlumatlar verildi, yerli bələdçilərlə əlaqələndirmədə dəstəy göstərildi. Göstərilən diqqətə və dəstəyə görə qonaqlar öz təşəkkürünü bildirdilər.

27/12/2024

Dekabr ayında qarşıda bayram günlərinin gəlməsi ilə əlaqədar turist sayında artım olacağını nəzərə alaraq, Lənkəran Regional Turizm İdarəsinin əməkdaşları tərəfindən bölgədə fəaliyyət göstərən yerləşmə müəssisələrinin monitorinqi davam etdirilmişdir.