Lənkəran Regional Turizm İdarəsi

31/12/2024

29/12/2024

Bayram günlərində regiona gələn turistlərin sayının artmasını nəzərə alaraq Lənkəran RTİ-nin sifarişi ilə hazırlanan yeni çap məhsulları yerləşmə və turizm müəssisələrinə təqdim olundu.

28/12/2024

2025-ci il - “Konstitusiya və Suverenlik İli”

https://president.az/az/articles/view/67775

28/12/2024

Cənub bölgəsində termal-mineral, balneoloji və süfrə sularının təbii mənbələrinin monitorinqi üzrə işlər artıq başlamışdır. Bununla bağlı dekabr ayında Lənkəran RTİ-nin əməkdaşları Geoloji Kəşfiyyat Agentliyinin nümayəndələri ilə birgə Yardımlı, Lerik, Cəlilabad, Astara, Masallı rayonları və Lənkəran şəhərinə sahə səfərləri edərək termal su mənbələrində ilkin monitorinqlər aparmışlar.

28/12/2024

Artıq qış mövsümünün gəlməsinə baxmayaraq xarici turistlərin Cənub bölgəsinə marağı azalmır. Bu gün Almaniyadan olan turistlər Lənkəran RTİ-nin ofisində bölgənin turistik məkanları haqqında məlumatlar verildi, yerli bələdçilərlə əlaqələndirmədə dəstəy göstərildi. Göstərilən diqqətə və dəstəyə görə qonaqlar öz təşəkkürünü bildirdilər.

27/12/2024

Dekabr ayında qarşıda bayram günlərinin gəlməsi ilə əlaqədar turist sayında artım olacağını nəzərə alaraq, Lənkəran Regional Turizm İdarəsinin əməkdaşları tərəfindən bölgədə fəaliyyət göstərən yerləşmə müəssisələrinin monitorinqi davam etdirilmişdir.

24/12/2024

“Azərbaycan Respublikasında insan alverinə qarşı mübarizəyə dair 2020-2024-cü illər üçün Milli Fəaliyyət Planı”nın tələblərinin icrası ilə bağlı Lənkəran Regional Turizm İdarəsinin əməkdaşları tərəfindən yerləşmə müəssisələrinin maarifləndirilməsi məqsədilə Azərbaycan Respublikası Daxili İşlər Nazirliyinin İnsan Alverinə Qarşı Mübarizə Baş İdarəsinin çap materialları olan "İnsan alverini dayandıraq!" adlı broşürlər paylanıldı və yerində bir daha müvafiq təlimatlar verildi.

24/12/2024

Cənab Prezident, Müzəffər Ali Baş Komandan İlham Əliyevi doğum günü münasibətilə təbrik edir, qalib dövlətimizin tərəqqisi və xalqımızın firavanlığı yolunda yorulmaz fəaliyyətində yeni nailiyyətlər diləyirik!

23/12/2024

Lənkəran şəhərində “Gənc bələdçi” layihəsi keçirilib.

Layihə “İRƏLİ” İctimai birliyinin təşkilatçılığı, Lənkəran Regional Turizm İdarəsinin tərəfdaşlığı ilə keçirilib.

Lənkəran RTİ-nin əməkdaşı Yunus Nəcəfov tərəfindən layihə iştirakçılarına Lənkəran Regional Turizm İdarəsinin 2024-cü il ərzində gördüyü işlər, həyata keçirdiyi layihələr barədə məlumat verilib, sonda gənclərə idarə tərəfindən çap olunmuş "Lənkərana səyahət üçün 10 tövsiyə" broşürü və Lənkəran şəhər xəritəsi paylanılıb.

20/12/2024

Dövlət Turizm Agentliyinin əməkdaşlarının andiçmə mərasimi keçirilib

Dekabrın 20-də Dövlət Turizm Agentliyinin aparatında və tabeliyində olan regional turizm idarələrində ilk dəfə inzibati vəzifələr üzrə daimi dövlət qulluğuna qəbul olunmuş 23 əməkdaşının andiçmə mərasimi keçirilib.

Agentliyin sədrinin müşaviri Kənan Quluzadə çıxışında dövlət qulluqçusu olmağın həm məsuliyyətli, həm də şərəfli bir vəzifə olduğunu vurğulayaraq qeyd edib ki, hər bir əməkdaş xidməti fəaliyyəti ilə fərqlənməyə çalışmalı və davranışı ilə nümunə olmalıdır.

Kənan Quluzadə bildirib ki, dövlət başçısının "Hər bir şəxs bilməlidir ki, dövlət qulluğunda olmaq imtiyaz deyil, məsuliyyətdir, insanlara xidmət imkanıdır”, sözləri hər bir dövlət qulluqçusu üçün başlıca fəaliyyət prinsipi olmalıdır.
O, karyeralarındakı əlamətdar hadisə münasibətilə əməkdaşları təbrik edib, onlara gələcək fəaliyyətlərində uğurlar arzulayıb.

İnsan resurlarının idarə edilməsi və hüquq şöbəsinin müdiri Mehriban Hüseynova çıxışında vurğulayıb ki, Agentliyin fəaliyyətə başladığı 2018-ci ildən bu günədək 46 nəfər daimi dövlət qulluğuna qəbul edilib. Bunlardan 27 nəfər aparatın,19 nəfər isə regional turizm idarələrinin əməkdaşlarıdır.
Mehriban Hüseynova mövcud vakansiyaların müntəzəm olaraq Dövlət İmtahan Mərkəzinə təqdim edildiyini qeyd edib.

Daha sonra əməkdaşlar Azərbaycan Respublikasının Dövlət bayrağı altında Azərbaycan Respublikasının Konstitusiyasına əl basaraq and içiblər.

20/12/2024

Azərbaycan Turizm Bürosu “Trip.com Group”un sammitində mükafatlandırılıb

15/12/2024

Azərbaycanda qış turizm mövsümünə start verilib

14-15 dekabrda Azərbaycanda qış turizm mövsümünün başlanması ilə əlaqədar Dövlət Turizm Agentliyinin və Şahdağ Turizm Mərkəzinin birgə təşkilatçılığı ilə kütləvi informasiya vasitələrinin nümayəndələri üçün 2024-cü ilin turizm yekunlarına və qış mövsümünün açılışına dair mediatur təşkil edilib.

Ətraflı şərh bölməsindən oxuya bilərsiniz⤵️

12/12/2024

Bölgəyə səfər edən turistlərin əsas turistik məkanlar haqqında məlumatların əldə olunmasını əlçatan etmək məqsədilə Lənkəran RTİ-nin sifarişi əsasında çap olunan yeni formatda xəritələr və broşurlar hotellərə və turizm müəssisələrinə təqdim olunub.

12/12/2024

Ümummilli lider Heydər Əliyevin anım günü ilə əlaqədar Lənkəran Regional Turizm İdarəsinin kollektivi Heydər Əliyev xatirə parkında Ulu öndərin abidə komplesini ziyarət ediblər.

11/12/2024

11 Dekabr - Beynəlxalq Dağlar Günü

Dağlar Gününün keçirilməsində məqsəd dağ sistemlərinin qlobal miqyaslı əhəmiyyətini cəmiyyət qarşısında qaldırmaqdır.

Talış dağlarının ən hündür nöqtələri Kömürgöy (2493 m) və Qızyurdu (2433 m) zirvələridir. Lənkərançay (Bəşəru), Vazaru, Sadaşaru, Astaraçay, Təngərüd, Pensərçay, Ləkər, Veravulçay, Qumbaşıçay, Viləş, Mişarçay, Göytəpəçay, Bolqarçay və başqa çaylar öz başlanğıclarını Talış dağlarından götürürlər.

Qeyd edək ki, BMT-nin Baş Assambleyasının təşəbbüsünə əsasən 2003-cü ildən başlayaraq hər il 11 Dekabr - Beynəlxalq Dağlar Günü kimi qeyd olunur.