Kholoudmoneim

21/01/2024

ازيكوا عاملين ايه وحشتوني ❤️✨

اظن بقي في الجو ده مش محتاجين غير طبق عدس وشويه جرجير وبصل اخضر يفتحوا النفس جنبه اكله جميله بتدفي في الشتاء وبتمد الجسم بكم كبير من الطاقه❤️ بس ياتري ايه حكايته 👀
العدس من اكتر الاكلات الشعبيه في مصر والمصريين موقفوش عند شوربه العدس اللي بدفينا في الشتا وبس لا ده طبخوا العدس الاصفر مع الرز (كشري اسكندراني) ، ده غير طبعا العدس الاسود من اهم المكونات الاساسيه في طبق الكشري وبرغم من رخص ثمنه وانه ناس كتير بتعتبره من الاكلات الفقيره الا انه محدش يقدر ينكر قيمته الغذائيه العاليه اللي بتساوي القيمه الغذائية الموجوده في اللحوم .
العدس من ققدم المحاصيل الزراعية اللي انزرعت في مصر من اكتر من ٦٠٠٠سنه ده خلي المؤرخ اليوناني هيرودوت يقول ان العدس كان من الوجبات الاساسية اللي كان بيتناولها بناة الاهرام. ده غير أنه من اول الوصفات المكتوبة في مصر وصفه (هريس العدس) وبيرجع تاريخها للقرن الثالث الميلادي ولقينها مكتوبة علي قطعة من ورق البردي باللغة اليونانية .
وفي العصور الوسطي اتذكر في كتاب (نهايه الرُتبة في طلب الحِسبة)مهنه طباخي العدس من ضمن المهن والحرف الموجوده في العصر ده ، وفي نفس الفتره كمان هنلاقي في كتاب (كنز الفوائد في تنويع الموائد) في القرن ال١٤ اتذكر طرق كتير لطبخ العدس .
كل ده واكتر كمان بيبين لنا قد ايه العدس كان وجبه اساسيه ومهمه في حياه المصريين علي مر العصور لحد انهارده

بس كده 🩵✨

اكتبولي في الكومنتات بتحبوا تاكلوا العدس ازاي❤️✨

27/10/2023

مدوا تغطية شبكات الاتصالات والإنترنت لغزة
Telecom Egypt Vodafone Egypt Etisalat Egypt
Orange Egy - Nile city
الناس بتموووووووو-ت

انسخوها عندكم
ومنشنوا المصرية للاتصالات

20/10/2023

كانت وستظل فلسطين 🇵🇸✨

15/10/2023

08/07/2023

ازيكوا عاملين ايه ❤️✨
وانت راجع من الشغل في الجو الحر ده بيبقي كل تفكيرك امتي هوصل البيت واقعد استمتع بهواء المروحة والتكيف وبتبقي المروحة والتكيف في الوقت ده اهم حاجه في حياتك ده يمكن كمان بتجري عليها اول ما توصل قبل ما تسلم علي اهل بيتك حتي 😅👀 ولكن هل سالت نفسك قبل كده ياتري مين صاحب اختراع المروحة ده 🧐وياتري لو مكنش اختراعها كنا عملنا ايه في الحر ده 🥵😳

الحكايه بتبدأ سنه ١٨٨٢ لما قرر مهندس امريكي عنده ٢٢سنة اسمه (سكايلر سكاتس ويلر ) انه يخترع مروحة كهربائية بتعتمد في استخدمها علي الكهرباء بدل من المرواح اللي بتحتاج جهد بشري وبالفعل اخترع مروحة سطح مكتب بتتكون من شفرتين بدون غطاء واقي وبتشتغل بمحرك كهربائي وتم تسويق المروحة من خلال شركه (Crocker and Curtis electric motor ) .
(ويلر )واصل عمله كمهندس كهرباء في شركة (LEEE) وفي سنه ١٩٠٧ بقي رئيس الشركة ✨وتم إسناد فكرة تطوير المروحة الكهربائية ل(فيليب ديهل ) ده كان مهاجر الماني خسر كل ممتلكاته في حريق شيكاغو سنه ١٨٧١ لكنه حصل علي حصص في الساحل الشرقي واشتغل في شركة (singer sewing machine) ، نرجع لموضوعنا طورها ازاي بقي ركب لها غطاء واقي وخلها ٤ شفرات لكن الموضوع موقفش عند هنا هو قرر انه ياخد محرك ماكينة خياطة وركبلها شفرات مروحة وعلقها في السقف وهنا كانت بداية اختراع مروحة السقف ويقال انه حصل فيها علي براءة اختراع .
الموضوع بدأ ينتشر ويتطور اكتر مع الوقت والسنين وبدأت شركه (Westing house )سنه١٩١٠ انها تروج لمروحة كهربائية للاستخدام المنزلي وكمان موفرة للطاقة ،وفي سنه ١٩٣٤بدأت شركة (Vent-Axia) البريطانيه انها تروج عن مرواح بنوافذ مستقلة مصنوعه من البلاستيك بدل المعدن ، وفي سنه ١٩٣٧تم تطوير صفح بلاستيكي جديد لطلاء شفرات المروحة عشان تكون اكثر هدوء واقل عرضه للتأكل والتلف .
بس كده دي كانت حكايتنا انهاردة 🩵✨

متنسوش تابعوني علي الانستجرام ✨
https://instagram.com/kholoudmoneim96?igshid=13vxxmeiae72z

08/06/2023

مصر بعيون المستشرقين🩵✨
سوق الحرير بحي الغورية بالقاهرة ل(ديڤيد روبرتس)

06/06/2023

ازيكوا عاملين ايه ❤️✨

لو لسه مقرأتش البوست اللي قبل ده روح بسرعه اقراه وتعالي اقراء ده بعديه عشان تفهم الاحداث ماشيه ازاي.
يلا بينا نبدأ✨
وقفنا المره اللي فاتت لما قامت الحرب الاهليه مابين بين انصار وخصوم قيصر نكمل بقي

كليوباترا قررت انها مش هيبقي لها اي موقف في النزاع ده وهتلتزم الحياد لحد ما تشوف الدنيا رايحه علي فين ، انتهت الحرب بانتصار انصار قيصر(أنطونيوس/أوكتافيوس/لبيدوس )سنه ٤٢ق.م وانتهي نظام الجمهورية وبدأ نظام جديد قرره أوكتافيوس يعتمد النظام علي شخص الامبراطور عرف بإسم (المواطن الاول )، وانطونيوس اتولي تنظيم الولايات الشرقية ، واول حاجه عملها انه استدعي كليوباترا عشان تجيله في طرسوس سنه ٤١ق.م عشان يحاسبها علي موقفها السلبي وقت الحرب لكن كليوباترا بررت موقفها بكل ذكاء واقنعته كمان انه يكون حليف لها وده كان سبب تقويه علاقتهم اللي استمرت اكتر من ١٢سنه ، طبعا العلاقه دي اثرت بالسلب علي شعبيته في روما وده خلي أوكتافيوس يستغل الوضع وسيطر علي الولايات الغربيه لنفسه ،وبدأت ترجع طموحات كليوباترا من تاني في السيطره علي العالم الروماني لدرجة انها شجعت انطونيوس انه يدخل حرب ضد أوكتافيوس .

واللي خلي الصراع مابينهم امر لابد منه هو لما انتصر انطونيوس في حملته في ارمينيا سنه ٣٤ق.م شجعته كليوباترا انه يحتفل في الاسكندرية بالانتصار اللي حققه بدل ما يحتفل في روما ودي كانت بمثابه رساله واضحه للشعب الروماني ان الاسكندرية هتحل محل روما قريب ،الموضوع موقفش هنا ده انطونيوس وهب لابناء كليوباترا سواء اولاده منها او ابنها من قيصر الولايات الرومانيه المعروفة باسم (الهبات السكندرية) وطبعا وجود انطونيس في الشرق بشكل دائم كان سبب في ضعف موقفه اكتر وهنا استغل أوكتافيوس الفرصه وقلب الراي العام ضد انطونيوس اكتر ، وسحب سلطه انطونيوس العليا وابطل انتخابه قنصل عام ٣١ق.م ، أوكتافيوس كان ذكي جدا خد طابع القومية لحربه ضد انطونيس وقال ان الحرب دي ضد الملكة الشرقيه اللي بتهدد اسقرار الشعب الروماني واقسم السناتو وسكان روما له بالولاء والطاعة.

وقامت معركه (اكتيوم )٣١ق.م وكليوباترا نزلت مع أنطونيوس ميدان المعركه لكن ده كان له تأثيره السلبي لان قوات أنطونيوس اضيقوا من حاجه زي كده وقالوا انها لازم ترجع مصر لكنها رفضت ، ،ده غير كمان سوء اختيار مكان المعركه وسوء توزيع الجنود كل ده خلي نتيجه المعركه تكون في صالح أوكتافيوس لانه قدر ببساطه انه يستغل حاله الضعف دي ومنع وصول الإمدادات عنهم ده غير تفوق قواته عليهم ، نزل أوكتافيوس في سوريا عشان يستعد انه يزحف لمصر وخلال الفتره دي حاول الطرفين انهم يوصلوا لأتفاق لكن ده محصلش ،ووصل أوكتافيوس للاسكندرية ولما راح عند مدينه الرمل خلد انتصاره في المعركه واطلق عليها اسم (مدينه النصر) مما ترتب عليه أنتحار أنطونيوس سنه ٣٠ق.م
ومكنش قدام كليوباترا غير حلين ملهمش تالت يأما تُساق ذليلة في موكب نصر أوكتافيوس في شوارع روما او الموت فاختارت انها تنتحر لكن حتي في موتها اختارت طريقه ذكية وفريدة من نوعها عشان تفضل في ذكري التاريخ واختارت لدغة الحيه واختارت الأفعي(الحية المقدسة في مصر السفلي) ولبست التاج المزدوج (العقاب رمز مصر العليا،والحيه رمز مصر السفلي )وده لوصفها فرعون لمصر وسيدة القطرين ولدغه الحيه بوصفها إله الشمس وماتت كليوباترا ١٠ اغسطس عم ٣٠ق.م

الحقيقة ان كليوباترا مكنتش مصريه الدم وكانت اصولها مقدونية يونانيه لكنها كانت مصريه الروح وبرغم ان الرومان وضعوا كليوباترا في صورة العاهرة الا انها مكنتش كده خالص بالعكس دي اساءة لها ولتاريخها فبرغم من عيوبها الا انها كانت امرأة ذكية واثبتت انها خصم قوي للرومان وكانوا خايفين منها فعلا وكانت كليوباترا في نظر الشرقيين روح المقاومة ضد الرومان فكان كل اهتمامها هو المحافظة علي استقلال مصر وضمان العرش لابنائها .
وبس كده خلصت حكايتنا ❤️✨

متنسوش تتبعوني علي الانستجرام ❤️
https://instagram.com/kholoudmoneim96?igshid=13vxxmeiae72z

03/06/2023

ازيكوا عاملين ايه✨❤️

(لم يخشي الرومان الا من شخصين أحداهما هانيبال والآخر إمراة)

جملة قالها واحد من اهم المؤرخين عن واحده من اهم واعظم الملكات اللي حكمت مصر وهي كليوباترا السابعة تفتكروا ليه قال عنها كده 🤔
حكايتنا بتبدأ في أواخر عصر البطالمه بالتحديد اثناء فترة من فترات التدخل المسلح الروماني لمصر اللي كانت في الوقت ده ضعيفه جدا بعد ماخسرت ممتلكاتها الخارجية لدرجة انه كان في جيش روماني موجود في الاسكندرية من كتر ما كانت الاحوال في مصر في أسوء حالاتها حرفيا ومفيش حد يدافع عنها والامور بايظة خالص،

هنا بدأت تظهر كليوباترا السابعه بنت عندها ١٨سنه لو هنتكلم علي ملامحها فهي مش بالجمال الصارخ ولكنها تحمل الملامح المقدونية والاغريقية فكانت بشرتها بيضاء مفيهاش جدال دي نهائي .

نرجع بقي لموضوعنا كليوباترا كانت شخصية طموحه وجمالها كان في ذكائها وحسن تصرفها في اصعب الامور ، كانت مثقفة ومطلعه علي مجالات كتير وكانت مقربه منها العلماء وكانت بتتكلم باكتر من٧لغات وكانت الوحيده في عائلتها اللي بتتكلم اللغة المصريه القديمة وده عشان تبقي قريبه من الشعب بالقدر الكافي وكل ده بقي كان عكس شخصية أخوها بطليموس ال١٣ وكان عمره ١٢سنه واللي كان له اوصياء في القصر بيتحكموا فيه ، هنا قررت كليوباترا ان الكلام ده مينفعش وانها لازم تكون المتصرف الاول في امور القصر وحكم مصر وده دخلها في صدام مع اخوها ورجال القصر انتهي بأنها هربت للحدود الشرقية وهناك حاولت تجمع جيش من الاعراب وتستعد انها تزحف للاسكندرية بجيشها ،اخوها كمان جهز جيشه وناوي يواجهها .
علي الجانب الاخر اي شئ كان بيحصل في روما مصر بتتأثر بيه خصوصا بعد موت بطليموس ال١٢(الزمار) اللي هو والد كليوباترا ، فكان في صراع بين أعظم القادة الرومان وقتها (بومبي/يوليوس قيصر)وكان مصير العالم الروماني كله معلق علي نتيجة الحرب الاهلية اللي دارت بينهم سنه٤٩ق.م، (السناتو )كمان اعلن ان قيصر عدو الشعب لكن الصراع انتهي بهزيمه بومبي في معركة (فرسالوس)٤٨ق. م ،وهرب لمصر علي امل انهم يساعدوه ويردوا الجميل وافضاله علي الزمار اللي المفروض اولاده عارفينها كويس لكن ده محصلش واول ما وصل منطقة (بلوزيوم )قائد جيش بطليموس١٣ قتله لان بطليموس خاف لو قدمله المساعده انه يدخل في مشاكل هو مش قدها مع قيصر ، علي عكس توقعات بطليموس ١٣ بقي قيصر لما وصل الاسكندرية سنه ٤٨ق.م اول ما عرف بموت بومبي زعل جدًا ،وعرف بالخلاف الواقع مابين الملك بطليموس ١٣ واخته الملكه كليوباترا السابعة فقرر انه يحكم ما بينهم فجيه بطليموس وجت كليوباترا لكن بطريقه مختلفه شويه دخلت عن طريق البحر ملفوفة في سجاده يحملها راجل وكان المقصود من الطريقه دي انها تلفت انتباه قيصر لها فيستمع لها وتقنعه برائيها ؛ كليوباترا كانت ذكية جدا فمبتعملش اي خطوه وخلاص الا وهي عارفه هي عايزه من وراها ايه وبالفعل ده اللي حصل انبهر قيصر بيها وبجمالها وبذكائها وثقافتها وبقي حليف لها وقال ان وصيه ابوهم تتنفذ ان بطليموس وكليوباترا يحكموا سوي ويتجوزوا واختهم ارسينوي لها قبرص. وبكده الامور تهدأ في مصر ، لكن اوصياء بطليموس معجبهمش الكلام خالص وقالوا زي ما خلصنا علي بومبي نخلص علي قيصر وقامت حرب الاسكندرية و كان من اعظم خسايرها حريق مكتبة الاسكندرية وانهزم الجيش البطلمي امام قيصر اللي استولي بشكل رسمي علي الإسكندرية وهرب بطليموس ال١٣ومات غريق و أرسينوي اتسجنت لمقاومتها للرومان وبكده كليوباترا اصبحت ملكة علي مصر مع اخوها الاصغر بطليموس ١٤ وساب قيصر معها قوات لحمايتها ودعمها قبل رجوعه لروما .
في سنه ٤٧ق. م وضعت كليوباترا طفلها من قيصر وفي سنه٤٦ق.م راحت كليوباترا مع ابنها لزيارة قيصر في روما قيصر استقبلها استقبال ملوش مثيل واقام لها تمثال ذهب في معبد الالهه(فينوس)،،وزي ما المصريين كانوا مش بيحبوا قيصر ، الرومان علي الناحية التانية كمان كانوا كارهين كليوباترا وده بسبب خوفهم انه يحول روما لمملكة شرقية وتكون كليوباترا ملكتها ، كليوباترا فعلا كانت بتطمح لده 👀
الرومان من خوفهم من الفكرة دي خلاهم يدبروا مؤامرة لقتل قيصر ٤٤ق.م وهنا عرفت كليوباترا ان روما مش المكان الامان لها فهربت من هناك ورجعت الإسكندرية.
وفي فجر يوم اغتيال قيصر قامت الحرب الاهليه مابين بين انصاره وخصومه

حكايتنا لسه مخلصتش هنقف كده لحد انهارده عشان البوست بقي طويل جدا وهنكمله كمان يومين وهنعرف ياتري ايه كانت نتيجه الحرب دي وموقف كليوباترا منها وباقي تفاصيل الحكايه ✨👀

متنسوش تتابعوني علي الانستجرام ❤️
https://instagram.com/kholoudmoneim96?igshid=13vxxmeiae72z

27/05/2023

مساءكم جميل ❤️✨

كلنا عارفين الجامع الأزهر لكن كنت تعرف قبل كده ان الجامع الأزهر كان اسمه (جامع القاهرة) لكنه في عهد (العزيز بالله )اتسمي(بالجامع الأزهر )وده نسبةً الي القصور الزاهرة اللي أنشأها ، واتقال كمان انه اتسمي بالأزهر لما سيكون له من شأن كبير في إزدهار العلوم ونسبة كمان لفاطمة الزهراء ✨
بس كده❤️

متنسوش تتابعوني علي الانستجرام🌸
https://instagram.com/kholoudmoneim96?igshid=13vxxmeiae72z

25/05/2023

تعالو نعرف حكايه تمثال نهضة مصر سوي ❤️✨

ومتنسوش تتابعوني علي الانستجرام ❤️
https://instagram.com/kholoudmoneim96?igshid=13vxxmeiae72z

22/05/2023

مصر بعيون المُستشرقين❤️✨
بعض لوحات الرسام ( ديفيد روبرتس)

متنسوش تابعوني علي الانستجرام ❤️
https://instagram.com/kholoudmoneim96?igshid=13vxxmeiae72z

20/05/2023

ازيكوا عاملين ايه✨❤️

ايه رأيكم انهارده نتكلم عن كنز جديد من كنوز شارع المعز هنستخدم انهارده آله الزمن بتاعتنا وهنرجع لسنه ٧٤٠هـ

شارع المعز اتفقنا قبل كده انه مليان بالكنوز التاريخية اللي بتخطف العين اول ما بتقع عليها. وواحد من الكنوز دي هي قصر الامير بشتاك ياتري ايه حكايته 🤔👀

الحكايه بتبدأ لما قرر الامير سيف الدين بشتاك الناصري واللي كان زوج احدي بنات السلطان المملوكي الناصر محمد بن قلاوون و كان واحد من اهم امراءه انه يبني قصر سنه ٧٤٠هـ /١٣٣٩م، وحرص في بناء القصر انه المواد المستخدمه في الانشاء تكون ملائمة لمناخ القاهرة الحار فبني قصر من الاحجار اللي بتوفر عزل للحراره وتم استخدام الرخام في الارضيات وكساء الجدارن به ،،اما المشربيات وفرت الخصوصية وكسرت حدة ضوء الشمس علي القصر وده ساعد علي تلطيف درجه الحراره داخل القصر بجانب االفسقيه الموجوده في القاعه الرئيسيه ، وعلي الرغم من مرور الزمن الا انه القصر محتفظ ببعض اجزاءه اللي بتبين قد ايه كان القصر فخم ومميز زي مثلا (الواجهه الغربية )اللي بتطل علي شارع المعز ،و(الواجهه الشمالية )ودي بتطل علي درب قرمز وفيها المدخل الرئيسي حاليا اما المدخل الاصلي مسدود حاليا ،
وكان القصر بيتكون من ٣طوابق اسفلها (حوانيت)محلات ،
(الطابق الثاني ) فيه القاعه الرئيسية اللي كانت مزينه بتصاميم هندسية فريدة وجميلة زي السقف الخشبي المزخرف والفسقيه المصنوعه من الرخام الملون واللي كان الهدف الاساسي منها تلطيف من درجة الحرارة في القاعة.
(الطابق الثالث ) وده كان فيه الغرف والحجرات يعني تقدر تقول انه كان بمثابة الحرملك الخاص لاقامه النساء ، وكانت الحجرات دي بتطل علي القاعه الرئيسيه عن طريق شرفه مزخرفه داخلها مشربيات من الخشب وبتتخللها شبابيك صغيره وكانت معروفه باسم (الاغاني) وكانت نساء القصر بيقعدوا وراي المشربيات دي عشان يشوفوا ويسمعوا من غير ما حد يجرح خصوصيتهم جلسات الطرب المقامه في القاعه الرئيسيه الموجود فيها الرجال في الدور الاسفل ، وكل ده كان بيعكسلنا حياه الترف والرفاهيه اللي عاشها اصحاب القصر فيه ❤️✨
بس كده دي كانت حكايتنا انهارده ❤️

متنسوش تتابعوني علي الانستجرام ❤️
https://instagram.com/kholoudmoneim96?igshid=13vxxmeiae72z

02/05/2023

I have reached 11K followers! Thank you for your continued support. I could not have done it without each of you. 🙏🤗🎉

18/02/2023

صالون حلاقه بالقاهره عام 1818


متنسوش تتابعونا علي انستجرام عشان تشوفوا وتسمعوا حكايات وقصص اكتر❤️✨

https://instagram.com/kholoudmoneim96?igshid=13vxxmeiae72z

16/02/2023

صباح الجمال عليكوا ❤️✨

كلنا عارفين مدينه بغداد العريقه والعظيمة الموجودة في العراق وعارفين ان ليها تاريخ كبير
فبغداد كان يقال عنها في العصر العباسي انها عاصمة الدنيا ❤️

لكن ياتري يعني ايه اسم بغداد 🤔

بعد تفحيص وتمحيص كتير من المؤرخين وصلنا ان بغداد هي كلمه فارسية بتتكون من مقطعين بغ بمعني عطيه او بستان وداد بمعني الاله. يعني بغداد معناها عطية الله او بستان الله او جنه الله ، وكان بيطلق عليها باردوا انها مدينة السلام ودار الإسلام والزوراء و لقب الروحاء لطيب هوائها 🌸✨

وبس كده دي كانت معلومتنا انهارده متنسوش تابعونا علي انستجرام عشان تعرفوا معلومات وتسمعوا قصص اكتر.❤️✨

https://instagram.com/kholoudmoneim96?igshid=13vxxmeiae72z

19/01/2023

ياتري لو كنت عايش في العصر ده كنت هتلاقي حل احسن من ده لمشكلة الخليفه ؟👀

متنساش تعمل حفظ للفيديو عندك ممكن تحتاجوا في وقت تاني ❤️

ومتنسوش تتابعونا علي انستجرام عشان تشوفوا وتسمعوا حكايات وقصص اكتر❤️✨

https://instagram.com/kholoudmoneim96?igshid=13vxxmeiae72z

14/01/2023

مينفعش يكون محتوي صفحتنا عن التاريخ والاثار ومنحتفلش بعيد الآثاريين المصريين‏
كل عام وآثاريين مصر بخير ❤️✨
بنحتفل انهارده ١٤ يناير بعيد الآثاريين وهو اليوم اللي تم فيه تعيين أول ‏رئيس مصري لمصلحة الآثار السيد مصطفى عامر، في عام 1953م بعد أن كان المنصب مقتصرًا على الأجانب فقط.‏ ومن بعدها الآثاريون المصريون اجتهدوا بكل تفاني في العمل الأثري وحافظوا على تاريخ مصر وآثار بلادهم وكل ده انتج عنه العديد من الاكتشافات الأثرية الهامة والافتتاحات للعديد من المتاحف وتطوير المواقع الأثرية.
ودي بعض المعلومات عن أبرز الآثاريين المصريين تكريمًا لهم وتقديرًا لجهودهم البارزة في خدمة العمل الأثري ولإسهاماتهم فيه . وكان ليا الشرف بشكل شخصي ان واحد من الآثاريين العظام دول دراسلي في فتره الجامعه وهو الدكتور عبدالحليم نور الدين الله يرحمه .

متنسوش تتابعونا علي انستجرام عشان تشوفوا وتسمعوا حكايات وقصص اكتر❤️✨

https://instagram.com/kholoudmoneim96?igshid=13vxxmeiae72z

02/01/2023

حارس المسجد، دمشق، 1891 ✨.

متنسوش تتابعونا علي انستجرام عشان تشوفوا وتسمعوا حكايات وقصص اكتر❤️✨

https://instagram.com/kholoudmoneim96?igshid=13vxxmeiae72z

23/12/2022

كيف بدأ الرز بلبن ❤️✨

يسلام كده علي طبق رز بلبن بالمكسرات ولا واخد وش فرن ياااه او حتي ساده خالص مش هيقول لاء 😋😍
لكن ياتري الوصفة اللذيذة دي وصلتنا ازاي 👀🤔

يقال ان في العصر الاموي طلب الوالي والقائد(يزيد بن المهلب)من الخدم بتوعه انهم يعملوله نوع من الحلوي يكون مميز وخاص بيه الخدم كانوا في حيره من امرهم ياتري انهي نوع من الحلويات ممكن يكون مميز عشان يرضي القائد، والحل السحري كان في سهوله التفاصيل وبساطتها ✨شويه رز منقوعين في الميه واللبن يعملوللنا احلي طبق حلويات وقع يزيد بن المهلب في غرامه واتسمي مهلبيه في الوقت ده نسبه له .
الوصفه بعد كده اتطورت واول مره تظهر بشكلها الحالي كان في القرن ال١٥في الدوله العثمانيه وكان بيوصفها الأطباء كعلاج لمشاكل المعدة .
بعد كده انتقلت لمصر في نفس الفتره لكن المصريين استخدموها كنوع من انواع التحليه مش للعلاج وحطوا التاتش بتاعهم وضافوا ليها المكسرات ،ووزعوها كنوع من انواع الصدقة علي زوار الاضرحة والمساجد الكبيرة .
لكن الأوربيين كانوا بيستخدموها كطبق رئيسي علي المائدة في القرن ال١٤ وفي القرن ال١٥ بقت للتحلية وضافوا ليها السكر .
تقول عليه (رز بلبن )زي المصريين تقول عليه (محلبية )زي اخواتنا التوانسة تقول عليه (بحته )زي اخواتنا الفلسطينين او (رز بالحليب)زي بلاد الشام قول زي مانت عايز المهم اننا متفقين انه بقي عندنا نوع من الحلويات التي لا تقاوم❤️✨
بس كده دي كانت حدوتتنا انهاردة 😍

لو لسه معرفتوش حكاية مثل (كدابين كدب الآبل ) روحوا شوفوها علي الانستجرام بسرعه 🤩ومتنسوش تعملولننا متابعه علي الانستجرام عشان تسمعوا وتشوفوا حكايات وقصص اكتر 👇😍

https://instagram.com/kholoudmoneim96?igshid=13vxxmeiae72z

09/12/2022

كنت تعرف المعلومة دي قبل كده لومكنتش تعرفها شير الفيديو مع حد من صحابك عشان يعرفها هو كمان ومتنسوش تتابعوا صفحتنا علي الانستجرام عشان تسمعوا وتشوفوا حكايات وقصص اكتر
❤️✨👀
https://instagram.com/kholoudmoneim96?igshid=13vxxmeiae72z

03/12/2022

لو لسه مزرتش القصر شير الفيديو مع حد عايز تروح معه ❤️

تابعوانا علي الانستجرام عشان تشوفوا وتسمعوا حكايات اكتر ✨👀
https://instagram.com/kholoudmoneim96?igshid=13vxxmeiae72z

30/11/2022

سمعت عن شجرة البرساء قبل كده 👀
متنسوش تابعونا علي انستجرام ❤️
https://instagram.com/kholoudmoneim96?igshid=13vxxmeiae72z.

28/11/2022

كيف بدأ كاس العالم 🤔

مفيش اي شك ان كاس العالم الفتره دي هو حديث الساعة ناس بتتكلم عن التنظيم العظيم اللي عملته قطر وكلنا شوفناه والعالم كله انبهر بالتنظيم و الوطن العربي كله فخور بيه ❤️😍 ,ناس تانيه بتتكلم عن اداء المنتخبات ومين احسن ومين يستاهل وحاجات تانيه كتير لكن اللي محدش اتكلم عنه كتير هو كيف بدأ كاس العالم اصلا 🧐

هنرجع بالزمن لسنه ١٩٠٤ في باريس من داخل اول اجتماعات (الاتحاد الدولي لكره القدم FIFA) ,الاجتماع ده كانت حاضره فيه 7دول (سويسرا/ فرنسا/ هولندا/ الدنمارك/ بلجيكا/ السويد/اسبانيا)وقالو ليه منعملش بطولة عالمية لكره القدم الفكره كانت حلوه لكن تطبيقها كان صعب وخد سنين طويله عشان يتنفذ وده بسبب رفض (اللجنة الاولمبية الدولية)لفكره البطولة لتخوفهم ان ده ممكن يأثر علي الدورات الاولمبية ده غير تخوفهم ان ال FIFA تسيطر علي كره القدم اللعبة الاكثر شعبيه في العالم كله ،،لكن في سنه 1921 رجع طرح الفكره من تاني مع تولي المحامي الفرنسي (جول ريميه)رئاسه الاتحاد وعمل كل اللي يقدر عليه عشان ينفذ الفكره وبالفعل يوم25/5/1928كان اجتماع تاريخي بالنسبة للاتحاد وتم فيها الاقرار بالاجماع علي اقامة بطولة لكاس العالم واتسمت (بكأس النصر).

بعد كده بدأ التحضير للبطولة والاوروغواي طلبت انها تنظمها لانها كانت رائده المنتخبات في الوقت ده ده غير انها بطله اخر دورتين اولمبيتين وتم الموافقة علي طلبها وتكفل الFIFA بدفع مصاريف الفرق والانتقالات ده غير التسهيلات اللي اتقدمت للمنتخبات المشاركة في البطوله ،، وطبعا مفيش بطوله من غير جايزة ودي مش اي بطوله ده كان حلم الFIFAمن سنين طويله وخلاص بيتحقق فكان لازم تكون الجايزه ثمينه للمنتخب الفايز وعشان كده اتعمل كاس من الذهب الخالص بوزن 3,5كجم وبطول35سم وكان مصمم علي هيئة اله النصر عند اليونانين وعلي رأسه قدر ذهبي رمز لتتويج الفريق المنتصر واتسمي الكاس ب(كاس النصر)او(كاس جول ريميه )تقديرا لجهوده ،وبدأت البطوله سنه 1930من غير تصفيات تأهليه وشاركت فيها 13دوله وفازت بيها الاوروغواي.

اما الشكل الحالي لكاس العالم بيرجع لسنه 1974لما قررت الFIFAصنع بديل لكأس النصر ومن وسط 53عرض مقدم تم اختيار الفنان الايطالي (سيلفيو غازانيغا)عشان يصنع كاس جديد للبطوله وكان طوله 36,5سم /5كجم من الذهب الخالص وقاعده من طبقتين مصنوعة من المرمر ،واول من فاز بيه كان المنتخب الالماني سنه 1974 .

ودي كانت حكاية كاس العالم من ساعه ما كان مجرد فكره سنه 1904والفكره بقت واقع سنه1930وفضلت البطوله تتعمل من ساعتها كل 4سنين لحد يومنا هذا وهي بتتعمل ،والسنه دي بتتعمل في قطر 🇶🇦 سنه ٢٠٢٢ بشكل ابهر العالم كله وفي نسخه ملهاش مثيل ❤️✨

متنسوش تتبعونا علي الانستجرام عشان تشوفوا وتسمعوا حكايات اكتر❤️
https://instagram.com/kholoudmoneim96?igshid=13vxxmeiae72z

21/11/2022

حكايتنا عن تاريخنا وأثارنا عمرها ما بتخلص وعشان كده تابعونا علي الانستجرام عشان تسمعوا حكايات اكتر ونعرف مع بعض اماكن للخروج كتيره وحلوه. ❤️✨

https://instagram.com/kholoudmoneim96?igshid=13vxxmeiae72z.

14/11/2022

ايه رأيكم في اللوحة دي ؟
جميله مش كده انا عن نفسي بحب الزرافات جدا بحسها كائن لطيف مسالم وفي حاله 🥺😍
المهم نرجع لموضوعنا اللوحه دي رسمها الفنان السويسري (جاك لوران اغاسي )ولانه كان متخصص في رسم الحيوانات والمناظر الطبيعية كلفهُ الملك (جورج الرابع) انه يرسمها واهتم بتفاصيل التفاصيل فيها وخرجت لنا تحفه فنيه وسمها( لوحة الزرافة النوبية) ومحفوظة لحد انهاردة في المجموعة الملكية للعائلة البريطانية.
لكن ياتري ايه الحكاية اللي وراي اللوحة وازاي وصلت الزرافة لانجلترا 👀🧐
الحكاية بتبدأ من عند (محمد علي باشا )والي مصر لما حب انه يهدي العلاقات المتوترة مابين مصر و الدول الاوربية وده كان بسبب مشاركة محمد علي مع قوات الدولة العثمانية في الحرب علي اليونان لقمع الثورة اليونانية ،، وبعد تفكير كتير ارسل محمد علي للقنصل الفرنسي الموجود في مصر (برناردينو دروفيتي) وده كان راجل معروف عنه الذكاء والفساد فسأله محمد علي يعمل ايه فاقترح عليه انه يبعت هديه مختلفة من نوعها للدول الأوربية ميكنش لها مثيل هناك والعالم كله يحكي عنها. فقرر محمد علي انه يرسل زرافة لهناك وبالفعل ارسل زرافة لفرنسا وزرافة للنمسا وزرافة لانجلترا. واللي هي موجوده في اللوحة دي لما وصلت الزرافة لهناك حصلت ضجه كبيرة هناك وكان لها استقبال كبير وهنا كانت اول مره زرافة توصل لأوروبا سنه ١٨٢٧ وتم وضعها في حديقة جورج الرابع بوندسور .
ده غير انه محمد علي ارسل معاها 2حراس مصريين و بقرتين لتوفير اللبن اللي تحتاجه الزرافة لنموها ايوة هما اللي موجودين وراي الزرافة في اللوحة هناك 👀 .
وأشرف علي الزارفة مدير حديقه الحيوان (إدوارد كروس )وهو كمان موجود في اللوحة.
ولكن كل ده استمر لمدة سنتين بس واتوفت الزرافة 🥲💔بسبب طبيعة الجو الغير مناسبة لها وزي ماهو واضح في اللوحة الزرافة منحنية بسبب التعب ونظرة الارهاق اللي في عيونها وهما بيحاولوا يشربوا او يمكن كان بياخدوا عينه من البول بتاعها عشان يفحصوها لكنها ماتت في النهاية بعد سنتين بس من وصولها💔
دي كانت حكايتنا انهاردة لو حابين تعرفوا تفاصيل اكتر عن الزرافات اللي وصلت للنمسا وفرنسا قوللنا في الكومنتات ❤️


.

متنسوش تتبعوا صفحتنا على انستجرام 👇💜
https://instagram.com/kholoudmoneim96?igshid=13vxxmeiae72z

04/11/2022

❤️✨

27/10/2022

العفريت يصل المحروسة 👻

في صباح يوم 12/8/1896 صحي اهالي القاهره علي خبر مالي الصحف الخبر بيقول العفريت يصل المحروسه 👀خبر تاني بيقول العفريت يسابق الريح🧐 وغيرها وغيرها من العناويين والمقالات اللي بتبين قد ايه سكان القاهرة كانوا منبهرين بالحدث ده وهو كان عباره عن احتفال كبير بمناسبه تشغيل الخط الاول لسير عربات الترام الكهربائي بالتزامان مع بدايه دخول الكهرباء للبيوت المصريه ووقف الاهالي في الشوارع علي الجانبين عشان يشوفوا الترام وهو بيبدأ اول رحلاته من شوارع بولاق مرورآ بالعتبة لحد القلعه .

ثانيه واحده هو ترام القاهره كان اول ترام في مصر 🤔. طبعا لا
اول ترام في مصر وكمان اول ترام في قارة افريقيا كلها كان في مدينه الإسكندرية وده كان سنه ١٨٦٠ لما منحت الحكومة المصريه لتاجر انجليزي يهودي اسمه (إدوارد سام فريمان )حق امتياز إنشاء خط للترام من عند مسله كليوباترا (محطه الرمل ) لحد منزل الشيخ عتمان (محطه فلمنج) وفي سنه ١٨٦٣تم افتتاح ترام مكون من ٣عربات بتجرها الخيول، مع إزدياد العمران في فتره حكم الخديوي اسماعيل اتشجعت الشركه انها تستخدم عربات الترام اللي بتشتغل بالفحم بمرور الوقت والسنين نزل الترام اللي بيشتغل بالكهرباء القاهره سنه ١٨٩٦ وبعدها بسنه اشتغل في الاسكندرية ١٨٩٧ وكان اغلب سائقي الترام من الطليان والكمساريه كانوا من مالطةوتمن التذكرةكان ٢مليم .

الترام مش مجرد عربيه بتمشي بالكهرباء وخلاص ده كان بمثابة حلقه ربط لشوارع القاهرة ببعضها فمثلا سكان مصر الجديدة مكنوش يقدروا ينزلوا وسط البلد يمارسوا حياتهم اليوميه ويرجعوا تاني لبيتهم بكل سهوله في نفس اليوم ،،الترام بقي سهل كل ده وقضي علي فكره العزله للأحياء البعيدة وبدأت الحياه تدب فيها من تاني بعد انشاء المحلات الكبري والمسارح والكازينوهات وده اثر علي الحركه التجارية في مصر بشكل كبير ده غير انه كترت الأندية الثقافية وبدأت تتشكل حركه من الرأي العام بين الناس وتدور المناقشات والناس تتعرف علي افكار بعض وعاداتهم المختلفه.


❤️✨

15/10/2022

حكاية اكلة❤️✨
مساءالخير
انهاردة حبه احكيلكم عن اكلة مفيش الذ منها بيحبها الكبير قبل الصغير
حتة عجين عليها شويةاضافات من اللي قلبك يحبها وسموها بيتزا 🍕 قادرة انها تسعدك وتظبط مودك وتحسسك ان الدنيا لسه فيها حاجات حلوه تستاهل تكمل عشانها 😅😋
لكن ياتري الاكلة اللذيذة دي وصلتلنا ازاي 🤔

هل تصدق عزيزي القارئ ان البيتزا في الاساس اكله اخترعها الفقراء في إيطاليا وقت إنتشار المجاعات في أوروبا عشان يقدروا يسدوا جوعهم وكانت بسيطه جدا من الدقيق والزيت والزعتر ، وفي القرن ال١٦ اتحولت البيتزا لأكله شعبيه في ايطاليا وتحديدًا في مدينة نابولي ويقال ان اول انواع البيتزا كان اسمها (المارينار )عباره عن عجين عليه صلصه وزيت زيتون وزعتر وريحان ،واتسمت بلاسم ده نسبه للبحارة الطاليان(الماريناي) اللي كانوا بيخدوها معاهم لرحلات الصيد بتاعتهم في خليج نابولي🌊.
وفي يوم من الأيام كانت الملكة (مارجريتا )ملكة ايطاليا بتتمشي في الشوارع ووقفت قدام واحد من محلات بيع البيتزا بعد ما شدتها ريحتها وأصرت انها تجربها واتقدملها بيتزا بصوص الصلصه الحمرا 🍅وعليها جبنه موتزاريلا بيضا واوراق الريحان الخضراء🍃 وعجبتها جدا 😋🤩لدرجه انها خلتهم يضموها من ضمن الأكلات الرسمية اللي بتتقدم في القصر عشان كده اتسمي النوع ده علي اسمها وبناكلها لحد انهارده😋.

اثناء الحرب العالمية الاولي هاجر مجموعة من الايطاليين لامريكا ونقلوا معاهم فكره البيتزا، الامريكان عجبتهم جدا لكنهم حبوا يحطوا التاتش بتاعهم وغيروا في العجينه وخلوها سميكه اكتر وزودوا البروتين زي اللحوم والفراخ والبيبروني لأضافات البيتزا وانتشرت البيتزا في العالم وكل بلد ضافت ليها من طابعها زي الروس اول من عملوا بيتزا السي فوود.
بعد الانتشار ده ظهر شويه ناس بيدوروا عن اصل البيتزا 👀🧐( اول مجموعه) منهم قالت دي اصلها مصري قديم وكانت عباره عن خبز رفيع عليه اعشاب بيتقدم في عيد ميلاد الملك وده موجود في نقوش الجدران في المقابر والمعابد .
(تاني مجموعه) منهم بتقول ان اصلها يوناني لان الاغريق زمان كانو بيضيفوا التوم والبصل وزيت الزيتون والاعشاب علي خبز مسطح.
ظهرت بقي (مجموعه تالته )سنه ١٩٨٤وسمت نفسها(جمعية بيتزا نابولي الأصلية 🍕)وقالت ان ايطاليا اصل البيتزا لان الايطاليين هما اللي اخترعوا الجبنه الموتزاريلا 🧀واحد من المكونات الاساسية في البيتزا ،ده غير ان المؤرخين قالو ان الصفات اللي قالتها المجموعتين الاولنين عن الخبز المصري واليوناني تشبه (الفوكاتشيا)واحد من انواع المخبوزات الايطاليه ملهاش علاقه بالبيتزا .
الحكايه تخلص علي كده لا طبعا 😅👀ظهرت مجموعه ناس تانيه واختلفوا علي اصل التسميه مجموعه منهم قالت انها بتعود للفظ يوناني (بيتا) وهو نوع من الخبز المنتشر في جنوب شرق اوروبا .
مجموعه تانيه قالت انها بترجع للفظ لاتيني (بينزا)ومعنها الخبز المفرود .
واخر مجموعه قالت انها بترجع للفظ (بيزو)او (بيتزو)وهي كلمه في اللغه الايطاليه القديمه ومعنها ملئ الفم .

ودي كانت الحكايه بكل تفاصيلها ✨يختلفوا في التسميه زي ماهما عايزين المهم عندنا ان وصل لعصرنا اكله لذيذة لا تقاوم كفيله انها تحقق السعاده في قاعدة حلوه وسط اصحابك وحبايبك ❤️

06/10/2022

كل نصر واحنا طيبين❤️✨✌️✌️🇪🇬

30/09/2022

كيف بدأ الخلق👀

مساءالخير❤️✨
معانا انهارده حكاية لذيذه كده عن معتقدات المصري القديم.
المصري القديم كان زينا بظبط بتجيله افكار وجودية كده من اللي بتجيلنا بعد الساعه ١٢بليل 👀
وبيسأل نفسه كيف بدأ الخلق ؟🤔وبعد تفكير كتير لقي الاجابه اللي ترضيه🧐.

فأسطورة نشأة الكون اللي آمن بيها المصري القديم قايمة علي فكره ان منطقه الدلتا كانت بحر وظهر في البحر ده شويه جزر طينيه والتل البارز في الماء ده اسمه (نون)،نون بعد كده خلق نفسه وخلق الكون .
مع بداية الاسرات كل مجموعة من الكهنة لإله معين بدأت تقول ان إلههم هو اصل الوجود وكل واحد فيهم بيدعم كلامه بنظرية وكترت النظريات حول نشأة الكون اللي كانت فكرتها واحده لكن تفاصيل الخلق فيها اتغيرت من بلد للتانية ،والنظريات او المذاهب دي عددهم وصل ل٤مذاهب(مذهب عين شمس /مذهب الاشمونين/مذهب منف/مذهب طيبه).

ظهر كهنه إيونو (عين شمس )وقالو ان كان فيه وحدة حضارية موجودة قبل نعرمر وكانت عاصمتها إيونو وعشان كده اعتبر كهنه إيونو ان بداية خلق الكون كانت من عندهم فظهر مذهب عين شمس اللي بيقول ان الكون كان محيط ازلي كبير اسمه (نون)بعد كده بيظهر تل في الدلتا عند منطقه عين شمس وبعدها بيظهر الإله( أتوم )واحد من صور إله الشمس ،بعد كده بيقف أتوم علي حجر شكله هرمي وخلق نفسه ومن نفسه خلق زوج من الآلهه (شو،وتفنوت)الاتنين اتجوزوا وخلفوا ألهيين (جب/ونوت)اتجوزوا هما كمان وخلفوا(إيزيس/أزوريس/ست/نفتيس)وبعد كده حكموا الآلهة التسعه العالم .

دي كان مذهب او نظرية عين شمس لو حابين نتكلم عن باقي النظريات قوللنا في الكومنتات ❤️✨