楊媽媽陪你移民加拿大 cmmchan immigration inc.

12/21/2024

【無牌經營】

繼早兩日出招改「旗杆」的法例之後，阿🐍下一步出招打擊的就係無牌經營移民生意嘅人士。

不過就唔係即時執行，而係出咗大字報，分別係三個層面徵詢公眾意見，有興趣去發表偉倫嘅歡迎去留言部份搵連結。2月4日截止。

其實咩叫收費，有時都好難講，整完套片叫你請佢飲咖啡算唔算？ 叫你去YouTube 比個super thanks 又點計呀？

呢啲嘢，講真又點清得哂吖～

即使有牌，有時都未必信得過啦［陳小姐講緊自己啫，唔係話其他同行😂］。

12/18/2024

【話嚟就嚟】

幾時見政府做嘢咁快手過呢？現在就睇阿🐍幾時決定一刀切了～🙃

好似佢琴日咁講：冬天冷，大家記得添衣。

陳小姐周末起也會外遊，有急事的話電郵聯絡，不然的話煩惱事就新的一年再處理好了～

12/18/2024

【冬天來了】

今日臨收工阿🐍比人叫咗出嚟公佈一堆事項：包括取消「扯旗杆」這個活動、取消LMIA工作在CRS上的50分、以及加入當局有權取消已批出的移民文件或積存未處理的申請［可見圖中文件，但它不及阿🐍 在CPAC上講得咁詳細］。

前兩件事情其實都講咗好耐啦，一直未行動啫⋯⋯但係最尾嗰件，阿🐍比嘅例子係”mass fraud”，唔知佢係咪講緊嗰堆申請難民嘅留學生，但有咁嘅新例，總會令人擔心，因為作為臨時居民真係冇乜上訴嘅渠道呢！

希望這個冬天不太冷～

12/15/2024

【北部偏遠】

另一個比較少人詢問，而又應該發生嘅，就係北部偏遠計劃：之前叫RNIP，嚟緊嘅新版叫RCIP。

同護老托兒一樣，一樣屬於只聞樓梯響階段，仍未有細節，不過呢個就有少少唔同，因為係要等各地區申請成為合資格社區。

社區申請早已經係七月關閉，尋日就有消息話，上個試點(RNIP)其中一位選手申請RCIP失敗［見圖］。

有社區失敗，自然即係遲早有社區成功啦，所以呢個試點在新的一年應該真係有機會會推到出嚟。RNIP積存的數字，因各社區已截龍一段時間，相信亦唔會非常之多。

申請資格方面，每個社區會有自己嘅要求，不過都唔會跑得出係要有工作經驗，以及一定的英文同教育程度云云，最緊要係，嗰個社區你接受到囉。

有需要嘅各位自行留意事態發展，至於那個老問題：「行###線會唔會快過另外嘅###路線」，真係無人知道㗎喎！

命運呢樣嘢，到你就係你的了⋯⋯

12/15/2024

【鷄定蛋先】

年尾將至，就發現很多人在問護老托兒這條移民路線（因為之前的那個試點項目都係一月一日爭頭位嘛⋯⋯）。今年就無呢支歌仔唱了，因為連項目詳情都未有呢！

初夏六月的時候，阿🐍的確有話會出個更好的護老托兒試點【見圖】，但截至今日，這個項目還未有任何進一步消息。相信現時積存案件在減少配額的情況都夠明年用，所以亦實在不急。

有興趣者可以先做準備滿足已知的頭三個需求，但到了最後job offer這一點，又係去返，邊個老人家/有需要的小朋友可以等到你批出身份、有咩公司肯『無著數』的情況下出個job offer比一個無身份的外國人這個問題了？？？[按：收著數亦當然是不合法的。］

這路線一有消息會立即來這邊報告，暫時不用再問了～

12/12/2024

【過渡時期】

由於早前提及關於學生嘅修例來得太快太突然，引來不少聲音。今日移民部就靜靜地加咗啲「過渡時期」措施，無留意嘅選民唔會投訴，同時對現有學生又無咁大影響，都可以算係win-win嘅～

據聞依家新來嘅全部都會變咗「封閉式」學簽（即係有寫明可以喺邊間學校讀），所以呢個緩衝措施，應該只係適用於本身已經係加拿大讀緊嘅學生。

仲有三星期就新年了，究竟一眾人士期待已久嘅托兒護老計劃同埋全新嘅偏遠地區計劃幾時會生得出呢？大家在新的一年拭目以待吧。

12/05/2024

【努力讀書】

行緊🅰️準備衝線，學簽又唔夠到畢業嘅要留意，同行今朝分享咗圖中呢一份續簽的拒簽信，話係學生們同佢分享，問佢仲有冇法補救云云 ［按：佢話如今只好找律師⋯⋯］。

咁「詳細」（但係講咗又等於冇講，又要返去ATIP先會知發生咩事）嘅拒簽陳小姐係第一次見，同行亦冇分享係屬於咩人，會唔會係讀書唔合格，還是點樣 ［按：佢補上話係大學生，不過有其他同行reply最近一星期也收到類似的求助］。有理由相信係『即時失效』法規生效後頭幾批的「受害者」。

若之後有多些資料再回來分享，不過各位同學畢業前都係打醒十二分精神好了！出面世途險惡啊～😦

［按： no status 攪唔出🅰️出嚟啊！］

12/04/2024

【多些包容】

各位同學如果在放假前呢兩個星期 或 新學年覺得學校個ISA黑口黑面，希望大家可以理解一下。

原因係政府最近嘅修例，除咗學生嘅學簽有可能即時失效之外，亦都係各ISA嘅膊頭上「百上加斤」（見圖）。

日日都要處理學生嘅大小事已經煩到爆㗎啦，而家仲要搞咁多有期限嘅行政嘢⋯⋯話就話係鐵飯碗，但係嚟緊海外留學生驟減，工都唔知保唔保得住，呢份當真係唔係優差！

12/02/2024

【輕微加價】

在加境內申請續期，無論是工簽或是學簽，因現時處理時間偏長，若不幸被拒簽，有可能即日就失去身份要立即停工/停課。

雖然大家若有大條道理可試reconsideration，但成功的機會頗低，處理也要時間，因此沒另一份申請pending的話，同時reapply是非常正路的做法（按：若reconsideration成功，可到時再withdraw+refund，最少排咗隊先）。

這個情況以前是要另加$229 (was $200!)，但昨天起加咗價，要$239.75［見圖］。明年更會加至$246.25。

這個『機會』一定要在失去身份後90天內使用，唔係就有可能升級成A41⋯⋯ 最近令陳小姐心煩意亂、狂甩頭髮正正就係一份上咗ID的A41。

這類案件除了玩程序真係無乜論點可以打，所以千祈唔好比呢件事情發生，拜託～🥺

11/29/2024

將這篇兩年前的文章帶返上水面。

"BOWP" [[[按*: 入申請時真係唔好用呢個term, 前人已經有樣板俾我哋睇,會瀨嘢㗎 ...]]] 被拒不是世界末日，仲有路可走，不過，當然一早做好防範措施唔好去到呢一步就更加好啦！

---

*What you are asking for = A75 = https://www.canada.ca/en/immigration-refugees-citizenship/services/work-canada/extend-permit/bridging-open-work-permit.html [manual = https://www.canada.ca/en/immigration-refugees-citizenship/corporate/publications-manuals/operational-bulletins-manuals/temporary-residents/foreign-workers/provincial-nominees-permanent-resident-applicants/bridging-open-work-permits.html]

What you actually wanted = R01 = https://www.canada.ca/en/immigration-refugees-citizenship/services/immigrate-canada/hong-kong-residents-permanent-residence/open-work-permit.html [manual = https://www.canada.ca/en/immigration-refugees-citizenship/corporate/publications-manuals/operational-bulletins-manuals/temporary-residents/foreign-workers/open-work-pathways-hong-kong.html]

【移民3R】

唔經唔覺『港人限定』兩條移民路線已經開咗接近十個月。剛剛check，已大概有差唔多五百人成功上岸。其他有的在等批，有些在儲工時，有些在努力學習，還有一些，是在等入場券的。

入場券最普遍都係個兩種：
🎟️ 學簽
🎟️ 工簽

順順利利批出嘅，就可晉升上面另外兩個分類。但若不幸被拒(Refuse)，就要唸對策了。

呢個時候其實有三條路可走：
➡️ Reconsideration
➡️ Re-file
➡️ Review (Judicial)

選擇那一(或多項)視乎最初的被拒原因、是否還合資格再申請、需要這張入場券的速度、不出聲的後果、以及口袋裡錢包的厚度等等⋯⋯

C$5一份的GCMS notes可能是好的開始，但並非解決問題的全部。

又，如果個官好人，未Refuse前發PFL給申請者時間解釋補料，一定要非常認真地對待，因為被拒這個歷史除了跟一世之外，仲可能附送永遠都擦唔甩的 4(1) - 不實婚姻 或 40(1) - 虛假陳述 㗎！🥲

以上是這星期看了過百個case有感，唯希望大家沒有需要用上這3R就是了。沒事陳小姐又返去溫習了⋯⋯📖

11/29/2024

【即時失效】

最近無論是工簽同學簽都有大量改變，其中一點就係【圖一】新加上的「一旦停學，手上張學簽就立即失效」這項。

這樣子的話，當局係唸住位同學未停學就申請改簽，當日即走還是點呢？

你話佢哋無思考過又唔係吖，睇返【圖二】的改例研究文件，連同學的「機會成本」都計埋㗎喎！

無論如何，各位走🅰️的好好努力讀書，當心唔好唔合格比人停學啊！

11/21/2024

【記得報稅】

雖然『鄧』要program稅率哪些同事可憐，不過今日土豆宣佈今年12月14日至明年2月15日期間，圖中的東西均可免聯邦稅 - 移民服務不在此列，所以在加拿大搵陳小姐幫忙仍然係要收稅。每個家庭實際可以慳到幾多，就要睇吓喺邊度購物了。

另外， 在2023年有工作的人仕，今年12月31日前報2023年的稅，合資格者有可能在春天收到$250嘅支票。

數目不大，但好過無咁啦。大家又覺得今次行動嘅最終目的係乜嘢呢？

11/19/2024

【承接上題】

講起展望下年數字重設，剛見到九月嘅數字出咗，就順道同大家分享埋。

九月份來講，移民部都算幾勤力，總共處理咗差唔多3萬7千個人，其中約2千3人屬於人道系列【圖一】。

純粹睇數字估計，當中只有10份係來自香港 ， 相比之前幾個月少咗好多？！【圖二】

以上只屬陳小姐能看到的數據，背後原因及未來發展就講唔到俾你聽。但依2024嘅移民水平來推算，恐怕真係要等到一月先有好消息【圖三】。

11/19/2024

【CIMM】

尋日那個移民委員會，最矚目嗰句應該係【圖一】呢一句，不過，講啫，總有人快總有人慢，鬧呢個其實唔關佢事嘅人又真係好無辜，佢打份工㗎咋。

至於封WP-EXT信係錯定係點，其實官網已有解釋封信點解要咁寫【圖二】，相信問嘅唔知、打份工嗰位又唔知/唔記得，所以先比人迫到埋牆吧～

入咗/準備入隊嘅，真係唔好唸太多了，對自己心理健康不好的。既然入咗之後一直到2029都有方法保持合法身份，就好好活個在加的人生吧！

期望一到一月數字重設後會一次過有好多好多好多好消息～🩷

11/17/2024

【絕世好橋】

相信大家都知最近移民界的變動唔多唔少同現時嘅『房屋供應』壓力有關［但前移民阿🐍正正就係而家嘅房屋阿🐍，嗯⋯⋯］。

最近做預算的辦公室就向阿🐍照頭倒了一盆冰水，話如果真係靠今年的移民水平來「制造」（減少？）房屋需求，依而家嘅數量，九成的非永久居民要在未來三年離開先行得通 （見圖），咁樣會唔會唸多咗？

唔知大家覺得今次阿🐍條絕（？）橋掂定唔掂呢？

11/15/2024

【學簽轉校】

行🅰️嘅應該都開始得八八九九，會中途轉校的應該不多，所以現在無法在”GC key”轉學校也沒什麼大不了【圖一】 。

但係唔排除開始有些大小朋友會由中學升上大學或專上學院。留意返咁情況小朋友係_需要_申請一張學簽的，其他情況的處理方法可見【圖二】 。

規矩日日在變，而家在學校做ISA應該都幾大壓力！

11/11/2024

【深表同情】

最近聽到有家庭工簽申請被無故拒簽，因而要立即停工，陳小姐深表同情但亦無能為力。

唯一可以做的就是警世一下之後要申請的各位務必打醒十二分精神，千祈唔好『輕敵』。

⭐️申請「入咗🅰️🅱️PR後可申請那張OWP 」需要留意的事情⭐️

【圖一】這個撳極都唔完嘅問卷官員喺*看不見*的，唔好以為呢度答對咗就會批到嘢出嚟。

其實呢個問卷填來只係為咗幫助系統出格格比你upload文件，但大家到呢步都應該很清楚格格經常有太多或太少的情況，所以，自己執生！

［按：相比之下，陳小姐的介面可以自選幾多格格，比幾多錢，實在輕鬆得多。］

【圖二】 這個申請的「法律依據」，重要。

［按：這個常會被網友稱為BOWP，但申請時用這個term恐怕令官員有所誤會。］

【圖三】 是這個申請的「官員處理手冊」，正所謂『知己知彼，百戰百勝』，所以都重要。

【圖四】 是「申請者須知」，重點見【圖五至七】 。

【圖八】 不作解釋，明就明，不明就算了。

當然，做齊都唔包生仔，但做多點都好過做小嘅。萬一真係要告上法庭，講嘢都可以大聲啲嘛～🙃

11/08/2024

【一些改變】

最近移民部動作多多，其中一些可見本post的四張圖。

按：這post主要係比我自己留個紀錄，有需要時易啲搵返～😆