Berlínur

Name: Berlínur
Address: Berlin, DE
Telephone: +4917638248631
Rating: 4.9

Berlínur bjóða upp á leiðsögn á íslensku um Berlín. Í boði er Sælkeraferð, Múrtúr, M? Berlínur bjóða upp á leiðsögn á íslensku um Berlín.
(17)

Hvort heldur sem það er sérsniðin ferð til handa minni og stærri hópum, Sælkeraferð þar sem gengið er um borgina og bragðlaukarnir njóta sérþýskra og sérberlínskra kræsinga eða Múrtúrinn þar sem farið er dýpra í stórbrotna sögu borgarinnar, sérílagi skiptingu Þýskalands í Austur- og Vestur Þýskaland. Einnig eru í boði Hjólreiðarferðir og Múltíkúltí Kreuzberg ferð þar sem gengið er um fjölmenningar

hverfið Kreuzberg. Glæný ferð er "Brot af því besta". Um er að ræða 2 til 2,5 klukkutíma örferð þar sem stiklað er á stóru um sögur borgarinnar. Bókanir og nánari upplýsingar: [email protected]

08/11/2024

Berlínur í München bjóða upp á glænýja jólamarkaðsferð á aðventunni. Lykilorðin eru Glühwein, jólaskreytingar og sölubásar fullir af gjafavörum og fallegu handverki í einni af höfuðborgum jólamarkaðanna.
https://www.berlinur.de/ferd/jolamarkadsferd

Hlökkum til að hitta ykkur í München!

24/10/2024

Það var sannur heiður að taka á móti forseta Íslands, Höllu Tómasdóttur, manni hennar Birni Skúlasyni og sendiherra Íslands Auðunni Atlasyni, í skoðunarferð.

25/09/2024

Við Berlínur tókum á móti dásamlegum hópi ljósmæðra frá Heilbrigðisstofnun Suðurlands í endurmenntunarferð. Þær skoðuðu fæðingardeildir tveggja stærstu sjúkrahúsa borgarinnar og hittu kollega sína í Berlín, bæði úr hópi lækna sem og ljósmæðra.

15/05/2024

🇩🇪 Berlínur eru á leið á Oktoberfest í samstarfi við TA Sport.
Októberfest í München og íslensk leiðsögn!
✨ 26. – 29. september ✨

✈️ Flogið er beint til München á fimmtudegi og aftur heim á sunnudegi.

Verð frá 249.800 kr á mann m.v. 2 fullorðna saman.

Innifalið í verði er flug, farangur, íslensk fararstjórn, akstur til og frá flugvelli, gisting með morgunverði, skoðunarferðir, aðgangur að októberfest og matur og bjór á hátíðinni 🍻

Sjá nánar á https://tasport.is/vara/oktoberfest-i-munchen/

19/12/2023

Berlínur bjóða upp á ferðir í München þegar Ísland keppir þar í EM í handbolta.
11. jan - fimmtudagur
10:00 Brot af því besta
10:00 Sælkeraferð
16:00 Brot af því besta

12. jan - föstudagur - leikdagur
10:00 Brot af því besta

13. jan - laugardagur
10:00 - Brot af því besta
13:00 - Sælkeraferð

14. jan - sunnudagur - leikdagur
10:00 Brot af því besta
13:00 Brot af því besta

15. jan - mánudagur
10:00 - Sælkeraferð
16:00 - Brot af því besta

16. jan - þriðjudagur - leikdagur
10:00 Brot af því besta
13:00 Brot af því besta

17. jan - miðvikudagur
10:00 Brot af því besta
13:00 Sælkeraferð

Brot af því besta - í hjarta München; 2-2 ½ klst gönguferð. Ferðin hefst við hina gylltu Maríusúlu á Marienplatz, aðaltorgi borgarinnar, en þaðan er gengið um miðbæinn og helstu kennileiti hans skoðuð. Hoppað verður á milli tímabila eftir því sem gengið er á milli auk þess sem sagt verður frá daglegu lífi þessarar „nyrstu borgar Ítalíu.“ Gönguleiðin liggur um torg, breiðar og mjóar hliðargötur, blómagarða og ýmsa króka og kima sem fáir vita af.
Verð: 50€ á mann

Sælkeraferð - í maga München; Um 4 klst sælkeraferð. Ferðin hefst við hina gylltu Maríusúlu á Marienplatz, aðaltorgi borgarinnar, en þaðan liggur leiðin að Viktualienmarkt, hinum sögufræga matarmarkaði borgarinnar en rekja má rætur hans til ársins 1158. Markaðurinn er þræddur og boðið verður upp á alls kyns kræsingar og drykki sem Berlínur hafa valið úr framboðinu. Ferðinni lýkur í einni elstu byggingu bæjarins, falinni perlu sem fáir vita af, þar sem gestum gefst kostur á að væta kverkar sínar enn frekar.
Verð: 100€ á mann (allt smakk innifalið)

Pantað er í ferðirnar með því að senda tölvupóst á [email protected]. Þar þarf að koma fram hver margir vilja fara í ferðina sem og símanúmer eins úr hópnum.

10/11/2023

Berlínur kynna með stolti nýjustu ferð sína; bjórferð. Ferðin er í hverfinu Neukölln og þar er tvinnuð saman saga ýmissa bjórtegunda og saga Berlínar og Þýskalands. Og drukkið talsvert magn af bjór! Nánar á https://www.berlinur.de/ferd/bjorferd

26/10/2023

Berlínur tóku í vikunni á móti sínum öðrum Heiðarskóla á árinu. Nú þeim á Reykjanesi. Þau áttu góðan námskeiðsdag en voru líka dugleg að fara í skoðunarferðir og hafa gaman. Takk fyrir komuna!

21/09/2023

Í síðustu viku fengu Berlínur góða heimsókn frá starfsfólki ráðhússins í Árborg. Þau heimsóttu m.a. flugvallarsvæðið a Tegel og berlínska þingið. Þau fengu svo að sjálfsögðu líka skoðunarferð með Berlínum. Takk fyrir komuna!

16/09/2023

Í dag hófst Októberfest niðri í München!

Þessi flotti hópur sem átti bókað í sælkeraferð um Viktualienmarkt gerði sér lítið fyrir og mætti allur í Lederhosen og Dirndl! Ragna (lengst til hægri), sem sér um ferðirnar okkar, niður frá, missti næstum andlitið af aðdáun - enda ekki oft sem einhver toppar hana þegar kemur að bæverskum búningunum.

13/09/2023

Okkar eiginn Grétar Amazeen fór með fréttamanninn Björn Malmquist og fleiri gesti í hjólreiðaferð um Berlín. Hér má heyra skemmtilegt innslag í Síðdegisútvarpi Rásar 2 um ferðina, byrjar á ca. mínútu 7.

13/06/2023

Starfsmenn Suðurhlíðarskóla voru að ljúka endurmenntunarferð sinni til Berlínar. Sérstök áhersla var á náttúruna og umhverfismál. Berlínur héldu námskeið um hvernig hægt er að nýta nærumhverfið í kennslu í sjálfbærni, farið var í skóla sem leggur mikið upp úr útiveru auk þess sem við veltum fyrir okkur áskorunum framtíðar á Futurium safninu. Dásamlegt að fá að taka a móti þessum frábæru konum.

08/06/2023

Berlínur tóku á móti Heiðarskóla í Hvalfjarðarsveit í endurmenntunarferð til Berlínar. Þvílíkur hópur!
Berlínur taka að sér
skipulagningu endurmenntunarferða fyrir allar fagstéttir. Bæði faglega hlutann sem ég frítímann, eftir því hvers er óskað.
Hafið samband á [email protected] og ræðum málin. Berlín bíður!

Til þeirra sem eru staddir í Berlín; komið í múrtúr á morgun!Skráning á info@berlinur.de

23/05/2023

Til þeirra sem eru staddir í Berlín; komið í múrtúr á morgun!
Skráning á [email protected]

23/05/2023

Nemendur úr Waldorfskólanum Lækjarbotnum spreyta sig í að klífa bakvegg Berlínarmúrsins. Sem er alls ekki góð hugmynd því þá lenda þeir beint inn á dauðasvæðinu!
Krakkarnir fóru í múrtúr með Berlínum í skólaferðalaginu sínu til Berlínar.

20/05/2023

Allar helgar frá apríl til október er matarmarkaðurinn Thaipark haldinn í Preußenpark við Brandenbugische Straße. Þar slær fjöldi manns upp tjöldum og eldar og selur alls kyns asískan mat. Fjöldi gesta mætir með picnic teppi og gæðir sér þar á mat og drykk. Sannarlega hægt að mæla með!

09/05/2023

Gönguferðin Bowie í Berlín verður farin 11. maí kl. 10:00. Í ferðinni verður farið á slóðir Bowie í borginni en hér bjó hann og starfaði 1976-1978 og gaf út 3 af sínum frægustu plötum.
Skráning á [email protected].

08/05/2023

Nokkrir sælkerar í sælkeraferð og kynntust matarborginni Berlín. Matarmenningin er auðvitað samofin sögu borgarinnar og því að sjálfsögðu fjölbreytt og spennandi. Komið með!

Laust er í þessar ferðir næstu daga. Hægt er að lesa um ferðirnar á berlinur.de en skráning fer fram á info@berlinur.de....

02/05/2023

Laust er í þessar ferðir næstu daga. Hægt er að lesa um ferðirnar á berlinur.de en skráning fer fram á [email protected].

Adresse

Berlin

Telefon

+4917638248631

Webseite

http://www.berlinur.de/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Berlínur erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.