https://www.facebook.com/114188401712356/

Otwo bees - اوتوبيس

Name: Otwo bees - اوتوبيس
Address: Egypt, 10Th of Ramadan City, EG
Telephone: +201014648465

Home
Egypt
10th of Ramadan City
Otwo bees - اوتوبيس

❤️🤸اوتوبيس بس ممكن تقولي يا بيسو

18/08/2024

بيسو قرر يروق عليكم كالعادة 🥳♥️
المرادي المحطة الجاية على شرم الشيخ بلد السفاري 🔥🔥❤️
يوم 9/9/2024 هنتحرك وهنروح على فندق يونى شرم أكوا بارك 💒
⭐ فندق 3 نجوم بلس
📍 الموقع: هضبة ام السيد
🏖️ صف ثاني له شاطيء خاص
🏄 أكـوا بارك للكبار و للأطفال مجانا و حمامات سباحة

💥 سعر الفرد
🏖 الاقامة افطار وعشاء ... 2650 جنية
🏖 الاقامة افطار غداء عشاء .. 2999 جنية

سياسة الأطفال تحت سن ال12سنة مجانًا، 550 جنية كرسي في الباص.

مدة الاقامة 4 ايام 3 ليالي ❤️🥳

الحجز والاستفسار: 01014648465

17/07/2024

مش يلا بينا نصيف ولا اي 🤩❤️
بيسو هيخربها معاكم وهيخلي الفقير يصيف وهيولع الدنيا ♥️🔥
نخش في الموضوع علطول؟
نخش في الموضوع علطول.🤩❤️

هنطلع من عندنا على flag Beach 🏖️ بنادي التجديف التابع للقوات المسلحة 🧑‍✈️📸
تعالى بقا اقولك ايه ومين هو flag Beach 🏖️

شاطيء هتعيش لون وروح دهب ودا لبساطة الشط وهدوء قعداته، شاطيء مجهز بحمامات وغرف تغيير ملابس، دا غير البار علشان لو حابب تشرب مشروبك البارد أو الساخن وعصايرك الفريش. ❤️🤩

هنتجمع الساعة 6 صباحًا في الاردنية عند قصر الثقافة وهنتحرك لـflag Beach 🏖️، هندخل الشط ونبدأ يومنا من هنا بقا، كل دا بقا بكام؟؟؟!
كل دا بــ300 جنية بس.
شامل:
- باصات مكيفة حديثة.
- دخول الشط، من 9صباحًا إلى 6 مساءًا.
- الشماسي والكراسي 🏖️
- غرف تغيير الملابس و الحمامات.

سياسة الأطفال:
أقل من 6 سنين مجاني وليس له مقعد بالباص.
فوق ال6 سنين تذكرة كاملة.

مسموح بدخول المأكولات والمياة ولكن غير مسموح بالمشروبات.

المعاد تاني جمعة في شهر 8 واللي بيوافق 9/8/2024
هنتجمع عند قصر الثقافة بالاردنية.

للحجز والتواصل: 01014648465

23/06/2024

أيو ووووووه يا إسكندرية 🤩❤️

احنا عارفين ومتأكدين أن الجو الفترة الأخيرة متنشن والناس مش مبسوطة، وناس خارجة من عذاب الفاينل وعاوزة تتبسط شوية فعشان كدا قررنا نبسطكم، فقررت أنا المدعو بيسو اطلع المحطة الجاية رحلة الإسكندرية 🤩
وما أدراك بالاسكندرية، وجمال الاسكندرية😉✈️
وطبعًا الرحلة معانا بيبقى جوها مُختلف خالص وأبقا اسأل وجرب 🧞
نخش في الموضوع علطول، نخش في الموضوع.

1- هنطلع على المتحف المائي، أو زي ما بيقول متحف الاحياء المائية، هتخش بقا تشوف الجمال والروقان تحت الماية، وبعد ما تخلص بقا حبيت تتمشى على كورنيش القلعة، تروح تاكل ايس كريم من عزة، حبيت تدخل القلعة يعني بص هتستمتع يعني هتسمتع 😂😻

2- طبعًا يا معلم انت في اسكندرية لازم ولابد تطلع على محطة الرمل عشان تروح كبدة الفلاح، دا من الطقوس والعادات معروفة يعني اسكندرية يبقى لازم تروح الفلاح تتغدى، عشان بعد كدا هتطلع على الكورنيش بقا تتمشى وتعيش حياتك.
3- بعد كدا بقا نطلع على مول سان استيفانو بقا والكافيهات والقاعدة الرايقة وكمان عشان ترتاح شوية من فرهدة اليوم، وكمان عشان تجهز للجمال كله.

4- نيجي بقا في المهم، المعمورة واوعى من جمال المعمورة، بتحب الملاهي هتلاقي هناك احلى ملاهي، دا غير بقا الشط بليل والقاعدة عليه اللي مش هقولك واوصفلك جمالها يكون عامل ازاي 😉

5- مفاجأة هناك محدش هيعرفها غير هناك ✨🖤

كل دا بقا بكام ودا المهم أنا عارف 😌✈️
كل دا ب250ج، الاسعار شاملة:
*التنقلات رايح جاي وداخل الإسكندرية بأعلى جودة باصات مكيفة موجودة 🚖
*رسوم دخول مدينة المعمورة🌛

باقي التفاصيل.
هنتحرك إن شاء الله من الاردنية تاني جمعة في شهر 7 واللي هتكون يوم 12/7/2024 هنتحرك من أمام قصر الثقافة الساعة 6 صباحًا، وهنخلص يومنا هناك أن شاء الله ونتحرك من هناك الساعة 1بليل عشان نكون قضينا يومنا كامل 🤸🤩.
للحجز والاستفسار.

التواصل على الرقم أو عن طريق فودافون كاش:
01014648465

11/05/2024

الصيف السنادي بتاعنا، تحب بيسو يوديك فين 😉💛

29/01/2024

بيسو رجع يا ولاد ❤️🔥

18/10/2023

ناس كتير دخلت تسألنا فينكم وفين الشغل حتى الميديا مش ظاهرين فيها، وناس تانية داخلة تسأل عن رحلاتنا الجاية امتى وفين؟

نعتذر للجميع الشغل كله واقف، ومفيش جديد ولا هيكون في جديد ومعندناش استعداد نطلعكم رحلات أو خروجات أو تجمعات وأخواتنا في غزة بيمــوتــوا مــقتــولين.

بنعتذر عن فرحتكم فالعالم كله حزين.

27/09/2023

بعد ما تكوي الجلابية وهي تجهز العباية أو الدريس، متنساش تعيش ولو ليوم واحد حياة عبغفور البرعي وفاطمة كشري 🖤🔥

25/09/2023

عارفين إن الدنيا غالية والفرحة كمان بقت بفلوس، وعشان مفيش اغلى من فرحتك عندنا قررنا 🤎
نعملك يوم بـ30 جنية بس، يوم مختلف معشتهوش قبل كدا، تعالى نقولك اي اللي هيحصل.

يوم الاتنين الجاي الموافق 2 اكتوبر، الولاد، هتلبس الجلابية بتاعتك الجميلة والبنات هتلبسي عبايتك السودة، وهنتجمع في الاردنية عند الفندق الساعة 5 مساءًا، وهنترحك على مزرعة Arabian nights - اريبيان نايتس للخيول، هنروح هناك تلاقيهم بيستقبلونا استقبال ولا اروع نتفرج على الخيل وترتاح شوية عشان بعد كدا هيحصل العظمة اللي بجد، هيبدأ الطبل البلدي والمزمار يشتغل، مع وجود التنورة وهنبدأ يومنا بطابع وشكل ومفاجآت كتيرة هنعملها هناك ونخلص يومنا على الساعة 11 ونروح.

وتخيل إن كل دا بــ30 جنية بس، تخيل فرحتك بتتقارن بكيلو بصل.
اللحق احجز من خلال الرقم:
01014648465
واه متنساش لازم تكون لابس الجلابية وأنتِ لازم تكوني لابسة العباية السودة🖤

.

22/09/2023

تفتكر بــ 30 جنية ممكن تعمل اي؟!

19/09/2023

تفتكروا اي اللي جوه الصندوق؟

خمن تاخدها ببلاش 🛑🔥
مفاجأة كبيرة 😉

15/09/2023

مش بس رحلات، احنا كمان بنعمل خروجات 🧡

جاهزين لخروجتنا قبل الصيف ما يخلص؟ 🧡😇

09/09/2023

معروف آخر السفاح، يومين وبيتسجن.
إحنا مش سفاحين إحنا دايمًا موجودين 😇❤️

05/09/2023

دلعنا العاشر، بينا على الزقازيق❤️🕝

اهل الزقازيق جاهزين للطلعة الأولى😌❤️؟

04/09/2023

عصابة احتلت بورسعيد، مش مجرد رحلة 🔥❤️

30/08/2023

كمان ساعة هنطلع على السخنة، دعواتكم بالتساهيل ❤️🔥
وخليكوا على أتم الإستعداد ❤️🔥

28/08/2023

على معادنا يوم الاربعاء إن شاء الله في يوم فريد من نوعه بورتريه بالعين السخنة ❤️

ومش ناسينكم في تغطية رحلة بورسعيد، تابعونا وهتشوفوا يومنا كان عامل ازاي ❤️😉

27/08/2023

رحلتنا الجاية السُخنة فندق بورترية يوم الاربع الجاي ❤️

باب الحجز اتقفل قبل ما نعلن فسوري بقا معلش، ملحقناش نعلن والحجز خلص!❤️😂
تابعونا يوم الاربع أن شاء الله ❤️

26/08/2023

كُنا قولنا وقررنا نقول مفاجأتنا في رحلة بورسعيد امبارح، فقررنا كل اللي طلع معانا رحلة بورسعيد هيطلع معانا رحلة مجانية داخلية في العاشر من رمضان، وهنروح مزرعة Arabian nights - اريبيان نايتس للخيول العربية الأصيلة ❤️

بنقدم جزيل الشُكر للإستاذ محمد ابو سمرة لمبادرته الجميلة لشركة اوتوبيس ❤️✨

26/08/2023

من رسايل الاستقبال في الباص، بنحب دايمًا نرحب الجيست بأطيب الكلمات العطرة الجميلة المهذبة.

24/08/2023

احنا بنهتم بالجيست قبل ما يطلع من بيته ❤️

وبنقفش كل واحد صاحي فيهم عشان دول بالذات هيغنوا ويرقصوا عشان يعرفوا بقا ميناموش كويس!

24/08/2023

يا مُسهل الحال يارب ❤️

24/08/2023

انهاردة وقفة الرحلة🤍🥂

17/08/2023

دي مش خمسة في عين الحسود، لا، دا عدد المفاجأت اللي هتكون في رحلة بورسعيد يوم الجمعة الجاية 🤎😉

13/08/2023

دي مش حنة بيسو، دا مجرد فديو لينا في رحلتنا الأخيرة 😉❤️
متنساش بقا إننا عندنا رحلة يوم 25 اغسطس ❤️🤸

09/08/2023

الحجز مش بالكلام في حاجة اسمها دفع.

08/08/2023

العودة جودة، واللي يصلي ع النبي يكسب، بقالنا كتير غايبين وربك ما يقطعلنا عادة أبدًا يارب 😉❤️
مش هنقول أكتر من انكم وحشتونا ووحشنا اللمة الحلوة والفرحة اللي بتخرج من القلب ❤️😇
علشان كدا قررنا نوديكم لابو العربي، لبلد السمك، وصاحبة براءة إختراع الكاساتا، قررنا نوديكم بورسعيد، وما ادراك بورسعيد مع اتوبيس هتبقى عاملة ازاي ❤️😉

بص يا معلم خطوات يومنا كالآتي:
- هنتجمع الساعة 6 قدام قصر ثقافة العاشر من رمضان في الاردنية.
- هنبدأ نطلع الباص عشان هنقول كام كلمة كدا، ونستقبلكم بأول مفاجأة "مفاجأة الاستقبال هتعجبكم جدًا" 😂
- هنتحرك بباص علطول على بور فؤاد، عشان نركب المعدية يا معلم وتاخدوا احلى فديوهات وصور ومتنساش لو معاك بواقي عيش عشان نأكل طائر النورس سوا 😇
- واول ما ننزل من المعدية هننزل علطول على شارع الفيلل أو زي ما بيقولوا فلل الهيئة والجامع الكبير ، وهناك بقا البيوت الأثرية اللي هتاخدوا فيها صور ولا احلى 📸❤️
- وننزل بقا على جبل الملح، اللي هتتصور صور هناك وهتنزلها على أساس انك في روسيا، واحنا هنقول اه انت كنت في روسيا وهنقف في ضهرك متقلقش 🤍😉
- وبعد كدا هنلف عشان نروح نشوف طائر الفلامنجو بس يارب بقا نلاقيهم هناك، وبعد كدا نرجع على المعدية تاني، عشان اللي متصورش يا تصور يا بيسو؟
لا يا حبيب قلب البيسو عشان هنروح بقا على بورسعيد نكمل باقي رحلتنا 😌❤️
- نروح بقا على حديقة فريال، ولو طلبتم فريال شخصيًا هجبهالكم اليوم دا متقلقوش 😌❤️
- نطلع بقا على سوق السمك بقا يا معلم عشان تعيش حياتك بقا وتشوف فسفورك وتفسفر احلى فسفرة كدا وربك يسترها بعد كدا بقا 🙂🤍
- بعد كدا بقا هنطلع على السوق التُجاري بقا نلف لفة حلوة عشان تعملي شوبينج ياختي انت وهي "اهو دا اللي فالحين فيه، جتكم نيلة" 😤
- وبعد كدا نروح نسحب على جولة حرة بقا في كورنيش بورسعيد عشان تروق على حالك وتستجم كدا وتظبط دنيتك ❤️👌
وبعد كدا نركب الباصات بتاعتنا عشان نتوكل على الله بس هيكون ممنوع النوم والفرهدة عشان عندنا موال تاني في الباص لازم نعملها 😌👌
ملحوظة مهمة: اليوم فيه كذا مفاجأة وإعلان المفاجأت هناك بقا للي هيجي معانا ❤️😉

كل دا يا معلم ب170ج
شايف السعر كويس دي حاجة على دماغ بيسو شخصيًا، شايف السعر غالي متجيش بقا بعد الرحلة تقولي خد فلوس الدنيا كلها وبتاع بس طلع رحلة تانية والكلام دا، فسيبها على الله كدا وجهز نفسك ❤️✨
تتواصل ازاي بقا معانا:
كلمنا على الرقم دا سواء واتس أو فون: 01014648465
وطريقة الدفع فودافون كاش على نفس الرقم برضو ❤️👌

طب مأكدتش عليا ياعم بيسو هنتحرك امتى ومنين بالظبط.
بص يا حبيب قلب بيسو يوم الجمعة 25/8/2023 هنتحرك من قدام قصر ثقافة العاشر من رمضان الساعة 6 الصبح هنتحرك من بورسعيد أن شاء الله على الساعة 12 بليل ❤️

Address

Egypt
10Th Of Ramadan City

Telephone

+201014648465

Website

facebook.com

Alerts

Be the first to know and let us send you an email when Otwo bees - اوتوبيس posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Otwo bees - اوتوبيس:

Videos

الجيست اول الشهر الجاي واحنا رايحين flag Beach 😂❤️ #رحلات #enjoy #fypシ #الساحل #السخنة #السويس

قرينا الفاتحة في ابو العباس 💙✨

OMG 😂😂❤️ #رحلات #fypシ #enjoy

اسكندرية😂❤️

والله ما حصل 💔

الاكوا في رحلاتنا بيبقى مختلف 😉♥️

بنفكركم مع بيسو الكامب فاير بيبقا عامل ازاي 🔥🥁

الجيست لما يطلع معانا رحلة الاهرامات.

صباح الخير ❤️🔥

واحنا متجمعين امبارح في اربيان نايتس ❤️😉

كُنا قولنا وقررنا نقول مفاجأتنا في رحلة بورسعيد امبارح، فقررنا كل اللي طلع معانا رحلة بورسعيد هيطلع معانا رحلة مجانية داخلية في العاشر من رمضان، وهنروح مزرعة Arabian nights - اريبيان نايتس للخيول العربية الأصيلة ❤️ بنقدم جزيل الشُكر للإستاذ محمد ابو سمرة لمبادرته الجميلة لشركة اوتوبيس ❤️✨