ALi Explores

ALi Explores I like to Explore ancient and abandoned places, Join my tours to discover and learn more - Ali Ezzat
(46)

23/11/2024

قولت للجروب اللي معايا فى الرحلة ان معاهم ربع ساعة بس فى الريست و نرجع تاني للباص
- لما يرجعولي بعد ساعة


جاهزين للجولة رقم 15 ؟
23/11/2024

جاهزين للجولة رقم 15 ؟

الناس اللي اتفرجت على فيلم الفيل الازرق 🐘كان فيه اماكن غريبه جداً دكتور يحيي بيروحها و هوا سرحان بخياله فى عالم تاني لما...
23/11/2024

الناس اللي اتفرجت على فيلم الفيل الازرق 🐘
كان فيه اماكن غريبه جداً دكتور يحيي بيروحها و هوا سرحان بخياله فى عالم تاني لما ياخد الحباية

واحد من الأماكن دي هو متحف جاير أندرسون ( بيت الكريتلية )⁦ 🏚️
اتصور فيه اغلب مشاهد الفيل الازرق ٢ و فيلم التوت والنبوت وقصر الشوق و چيمس بوند

البيت بيرجعك بالزمن لعصور قديمة عشان اتبنى من حوالي 483 سنة
و هما فى الأصل بيتين جمب بعض واتربطوا بقنطرة مع فرق 100 سنة بينهم

ده غير القصص و الأساطير اللي مرتبطة بالبيت زي انه اتبنى بأمر من الجن و فيه بئر مسحور لو بصيت فيه هاتشوف صورة حبيبتك و علاقة البيت بسفينة سيدنا نوح

المكان حلو و يستاهل الزيارة و انك تتصور فيه كمان 📷
هاندخلة فى رحلتنا الجاية للقاهرة القديمة : منطقة السيدة زينب
و طبعاً مش هانسيب قصة او حدوتة حصلت جوه البيت مش هانحكيها

أشوفكم على كل خير 💛



هانروح فين فى جولة السيدة زينب ؟
22/11/2024

هانروح فين فى جولة السيدة زينب ؟

= إيه أصعب حاجة بالنسبالك فى اي رحلة يا علي ؟- ربنا مايوريك لمة بنات أصحاب فى كنبة الباص اللي ورا 😅😅
22/11/2024

= إيه أصعب حاجة بالنسبالك فى اي رحلة يا علي ؟
- ربنا مايوريك لمة بنات أصحاب فى كنبة الباص اللي ورا 😅😅

نصيحة مهمة هاتفيدك فى السفر 👌في يوم من الأيام عملت رحلة خاصة لواحة سيوة لأصدقاء ليا من الكويت كانوا حابين يعملو جلسات إس...
21/11/2024

نصيحة مهمة هاتفيدك فى السفر 👌
في يوم من الأيام عملت رحلة خاصة لواحة سيوة لأصدقاء ليا من الكويت كانوا حابين يعملو جلسات إسترخاء و علاج بالفن و حاجة آخر جمال و طبعاً مافيش أفضل من واحة سيوة عشان نعمل فيها الأيفنت الجميل ده.

وقت الغداء دخلنا المطعم و كل واحد قال هياكل ايه و أستغربت من دكتورة معانا فى الجروب طلبت بصلة صغيرة متقطعة فى شوية مياه تأكلها قبل ما تتغدى

و عشان انا شخص فضولي بطبعي 😅
ماقدرتش اعدى الموضوع كدة و حبيت أسالها و ردت عليا بالجملة دي وقالتلي :

" البلد اللي توصلها ، كُل من بصلها "

- شرحتلي إزاي ان ورق نبات البصل عموماً بيمتص الغبار و السموم من الجو و معاهم كمان الڤيروسات الموسمية و سبحان الله مضاد السموم و الڤيروسات دي بيتصنع جوه البصلة و يتخزن فيها

عشان كدة هي كل ما تروح بلد مختلفة لأول مره بتاكل من بصل البلد دي عشان يزود مناعتها شوية من اي ڤيروسات موجودة فى جو البلد

فلما تروح مكان جديد عليك و انت شخص بيجيلك حساسية بسهولة من عفرة الجو خصوصاً وقت الخريف حاول تاكل من البصل اللي موجود فى المكان اللي انت فيه 😊

البلد اللي توصلها ، كل من بصلها

💛

هانتحرك من الأسكندرية و القاهرة عشان نروح نستكشف محمية وادي الحيتان 🐋 هانخيم هناك ليلة عشان نرصد نجوم الشتاء 🔭🌌 الصحراء ...
20/11/2024

هانتحرك من الأسكندرية و القاهرة عشان نروح نستكشف محمية وادي الحيتان 🐋
هانخيم هناك ليلة عشان نرصد نجوم الشتاء 🔭🌌

الصحراء دي كانت جزء من قاع المحيط من حوالي 40 مليون سنة و بسبب عوامل كتير المياه انحسرت و قلت و المكان بقى مقبرة كبيرة للحيتان اللي كانت عايشة فى المنطقة دي و ما اتبقاش غير الحفريات.

الرحلة دي ممتعة و هاتتعرف على ناس جميلة جداً و انت بتتعلم ازاي تحدد المجموعات النجمية و تفرق بين الكواكب و النجوم و ازاي تحدد الأتجاهات فى الصحراء
و طبعاً هانتصور مع النجوم بعد المحاضرة الفلكية و العشاء البدوي الرائع

و بعد كدة هانسحب الـ Sleeping bag بتاعتنا ونفرشها على الرمال عشان نفرد ضهرنا و نستمتع بمنظر النجوم فى السماء
هانصحى تاني يوم على الفجر عشان نفطر و نلحق نشوف الشروق من فوق جبل المدورة و نقضي الوقت بعدها عند شلالات وادي الريان

ان شاء الله التجربة دي هاتكون فى اول شهر ديسمبر
و هاستناكم تتواصلوا معايا عشان أحجزلكم مكان معانا
( ماتنسوش الحجز المبكر هايوفر معاكم فى تكلفة الرحلة)

🏜️ الأيفنت موجود فى اول كومنت


لو مصر اتحرقت فالمسجد ده مش هايتحرقولو مصر حصل فيها فيضان فالمسجد برضة مش هايغرق 🕌بيت قديم و فيه بئر مسحور لو بصيت فيه ه...
20/11/2024

لو مصر اتحرقت فالمسجد ده مش هايتحرق
ولو مصر حصل فيها فيضان فالمسجد برضة مش هايغرق 🕌

بيت قديم و فيه بئر مسحور لو بصيت فيه هاتشوف صورة حبيبتك

المكانين دول هاندخلهم و نعرف حكايتهم لما تيجوا تتمشوا معايا فى منطقة السيدة زينب

محتاج ناس بتحب المشي و التصوير و التاريخ عشان تيجي معايا الجولة دي 😊

- إبعتلي رسالة لو مستعد و حابب تخوض معايا التجربة الأثرية دي عشان أبعتلك كل حاجة محتاج تعرفها

📷 By: Olga Buravleva


رحلة للزمن القديم فى حي السيدة زينب 👑واحد من أقدم الأماكن الأثرية في مصر و هانزور فيه أماكن مهمةو زي ما عودتكم هانعرف قص...
19/11/2024

رحلة للزمن القديم فى حي السيدة زينب 👑

واحد من أقدم الأماكن الأثرية في مصر و هانزور فيه أماكن مهمة
و زي ما عودتكم هانعرف قصة كل مكان بالتفصيل و نوثقة و نتصور فيه كمان 📷

طب ماتقولنا يا علوة كدة نبذة ولا معلومة صغيرة عن كل مكان هانزوره ؟

- المكان الأول اتقال عنه : أريد أن ابني جامع إذا احترقت مصر كلها بقى ، وإن غرقت بقى
يقع على قمة جبل يشكُر
📍 جامع احمد بن طولون

أما المكان التاني يعتبر تحفة فنيه محدش يعرفها كتير
بيت الحكايات و الأساطير ولو بصيت فى البئر المسحور هاتشوف صورة حبيبتك فيه
📍 متحف جاير أندرسون ( بيت الكريتلية )

و بعدها هاندخل القصر المملوكي الوحيد الباقي لغاية النهاردة بكامل عناصره المعمارية
وهو كمان كان أول مدرسة اتعملت للبنات في عهد التنوير
📍 قصر الأمير طاز

و لو لسا معانا وقت و مافرهدتوش مني هانروح مكان أخير 😊

- عارف المثل اللي بيقول "رايح فين هي تكية ؟ "
التكية بقى هي مكان كان بيعمله الحاكم أو السلطان للمتصوفين أو العباد الزاهدين يقعدوا فيه ياكلوا ويشربوا و يباتوا فيه من غير فلوس كنوع من أنواع التبرك
📍 التكية المولوية

- و طبعاً هانتمشي فى حي السيدة عشان انا عايز أجرب طعم السوبيا من عند الرحماني 🥛

أنا مش هنا عشان أقولك " تعالي وخلاص " أنا هنا عشان أضمنلك إنك هتخرج من الجولة دي وأنت مستمتع وحاسس إنك كنت عايش معاهم في زمنهم.

هتتعلموا تفاصيل صغيرة مش هتلاقوها في الكتب، و الرحلة دي هتفتح ليكم أبواب لقصص وأسرار منسية.. مستني ايه ؟ 🤔
إتفضل أبعتلي رسالة على الصفحة او على الواتساب عشان ابعتلك التفاصيل ( المعاد و السعر)
و احجزلك مكان معايا ليك و لأصحابك اللي بيحبوا التصوير في الأماكن القديمة و التاريخية

الناس المناسبة فى المكان المناسب 🌿كنا محتاجين الفُسحة دي بجد و جددنا طاقتنا 😊وصلنا بركة الملك فاروق فى دهشور و شوفنا منه...
17/11/2024

الناس المناسبة فى المكان المناسب 🌿
كنا محتاجين الفُسحة دي بجد و جددنا طاقتنا 😊

وصلنا بركة الملك فاروق فى دهشور و شوفنا منها اهرامات سنفرو و امنمحات وعرفنا قصتهم
ركبنا العربية الكارو اللي أخدتنا للمزرعة اللي هانقضي فيها باقي اليوم وبجد كفاية الأستقبال و الترحاب و الذوق اللي شوفناهم من اول ما وصلنا

أستريحنا شوية من الطريق و شربنا الشاي و بعدها بدأنا نعمل العيش و نخبزه و نرميه فى الفرن على الحطب و اللي الرغيف بتاعة بيطلع حلو كانوا الستات بيزغرطوله 😅❤️

قعدنا و عملنا قُرص بأيدينا و كنا بنحشيها عجوه وكل واحد كتب اسمه على العجين بتاعة و لما طلعت كانت تحفة بجد.. و بعدها عملنا كور الطاقة.. عجوة بالسمسم و جوز الهند بس كانت جميلة جداً 😋

أتمشينا شوية فى الأرض و بعدها لاقينا الغداء جاهز 😍
فراخ و محشي مشكل و بطاطس فى الفرن و طاجن رز و سلطة و ختمناها بعصير ليمون نعناع 🍋

و بعدها شوفنا المحاصيل اللي بتتزرع فى المزرعة و مواعيدها و اتعلمنا ازاي نطلع على النخل و بعدها الستات الجميلة اللي فى المزرعة عملولنا أساور من نبات الحلفا عشان نلبسها فى ايدنا كاتذكار من المزرعة

و ختمنا الزيارة بقعدة عربي و غناء فلكلوري مصري على نغمات الطبلة و إحنا بنشرب القهوة و الشاي بالنعناع

اليوم كان جميل أوي بس الأجمل هما الناس اللي شاركتني اليوم.. جروب لذيذ كدة و ناس روحها حلوة و تحس انك عارفهم بقالك فترة طويلة 💛

و طبعاً شكرأ لمزرعة Dahshur Today 🌿 على البروجرام و على الأستقبال وان احنا حرفياً ماكناش محتاجين حاجة خالص بسبب أهتمامهم بينا و شكراً على دورهم التنموي كمان فى دهشور كلها و اللي مع الوقت هاينقل المنطقة دي لمكانة اكبر بكتير

شكراً على اليوم الحلو يا ناس يا حلوة 😍

أشوفكم على خير فى مغامرة و فسحة جديدة و مختلفة


لو مصر اتحرقت فالمسجد ده مش هايتحرقولو مصر حصل فيها فيضان فالمسجد برضة مش هايغرق 🕌بيت قديم و فيه بئر مسحور لو بصيت فيه ه...
15/11/2024

لو مصر اتحرقت فالمسجد ده مش هايتحرق
ولو مصر حصل فيها فيضان فالمسجد برضة مش هايغرق 🕌

بيت قديم و فيه بئر مسحور لو بصيت فيه هاتشوف صورة حبيبتك

المكانين دول هاندخلهم و نعرف حكايتهم لما تيجوا تتمشوا معايا فى منطقة السيدة زينب

محتاج ناس بتحب المشي و التصوير و التاريخ عشان تيجي معايا الجولة دي 😊

- إبعتلي رسالة لو مستعد و حابب تخوض معايا التحربة الأثرية دي عشان أبعتلك كل حاجة مختاج تعرفها


كان فيه ملك مصري شاب اخد جزء من جيشة و اتحرك فى رحلة من الصعيد لغاية ما وصل لمنطقة كدة فى الدلتاوأصطدم بمجموعة من الصياد...
14/11/2024

كان فيه ملك مصري شاب اخد جزء من جيشة و اتحرك فى رحلة من الصعيد لغاية ما وصل لمنطقة كدة فى الدلتا
وأصطدم بمجموعة من الصيادين و المزراعين لأول مره فى حياته..

= أنتم مين ؟

- إحنا ( رخيتو)

= يعنى ايه رخيتو ؟ حد يفهمني..

- يعني طائفة من عامة الشعب المصري ، مش بنطمح فى سلطة او ثروة.. زي ما حضرتك شايف احنا صيادين و فلاحين و حرفيين شاطرين و بس كدة

= طب انتم عايشين هنا من أمتى ؟

- إحنا تاريخنا بيرجع للعصر الفرعوني القديم يعني من قبل الأسرة الأولي و احنا عايشين هنا فى الدلتا

= خلاص انا هاسمي البلد كلها ( رخيت) على اسمكم انتم يا أهل الدلتا

- طب ممكن نعرف حضرتك مين ؟ شكلك ابن ناس و محترم و معاك حاشية كبيرة

= إسمي نارمر.. الملك نارمر أو تقدروا تقولو الملك مينا

" زحف الملك نارمر الي رخيت من الصعيد فى ثورته الأولى لتوحيد الوجه البحري و الوجه القبلي..
فأصطدم بأهل هذة المنطقة و هم طائفة من عامة الشعب يسمون رخيتو و من هنا جاء الأسم"
- كتاب تاريخ رشيد ، هيئة الأثار سنة ١٩٩٢

يعني المدينة اللي رايحين نزورها دي كانت مصرية صِرف.. بس احنا بصراحة رايحين ندور على مدينة تانية فى نفس المكان بس فى عصر مختلف خالص 😊

مؤرخين كتير كتبوا ان فى نفس المكان كان فيه مدينة يونانية مصرية اسمها " بـــولبـــتـــيـــن "
بولبتين كانت سوق كبير أوي من العصر الفرعوني لغاية العصر اليوناني

ذُكر فى القرن الخامس انه كان بيتم تصنيع العجلات الحربية فيها و اللي كانت ساعتها إختراع مشهور جداً
بعد سنين كتير اوي لما بنقرأ فى كُتب الرحالة بنلاقيهم بيقولوا ان مدينة رشيد الحالية قامت على خرائب بلوبتين بعد ما الكل سابها و قالو ان بلوبتين مش أسطورة و كانت فعلاً موجودة و هتلاقوا اثار فرعونية و يونانية كتير فى الشارع

- طب سؤال يا علي معلش.. هما اليونايين دخلو رخيت إزاي عشان يبنو المدينة اليونانية دي ؟
وايه اللي باقي من اثار المدينة دي لغاية النهاردة ؟

= أنا هاحكيلكم القصة كلها بالتفصيل و هاخدكم من ايديكم و افرجكم على المدينة دي فى رحلتنا الجاية لمدينة رشيد الأثرية و اللي هانحكي تاريخها فى 4 عصور مختلفة و اوريكم الدليل على بلوبتين فى كل مكان فيها

- معادنا يوم السبت 16 نوفمبر

لو حابب تعرف اكتر عن الأثار و التاريخ يبقى لازم تنضم لرحلاتنا و مغامراتنا الجاية كلها
عشان أنا 😎

| |





أنا بحب رشيد جداً و مش بفوت اى فرصة عشان ازورها 🌴 و أحلي حاجة فى جولة رشيد ان احنا مش بنسيب مكان مش بنروحة او نشوفهاحنا ...
13/11/2024

أنا بحب رشيد جداً و مش بفوت اى فرصة عشان ازورها 🌴 و أحلي حاجة فى جولة رشيد ان احنا مش بنسيب مكان مش بنروحة او نشوفه

احنا بنطلع من أسكندرية و عندنا هدفين عايزين نحققهم :
١- نعرف كل حاجة عن تاريخ المدينة من ايام نشأتها لغاية النهاردة
٢- نجرب كل حاجة ينفع تتاكل فى البلد حرفياً 😅😁

بنتجمع الأول فى الأسكندرية و نركب الباص و نوصل رشيد و بنروح نزور عم طه ، ده مش مكان أثري بس ده اقدم محل بيعمل فول و فلافل فى رشيد من مئات السنين ولسا زي ماهو و واخد شكل المطاعم من ايام المماليك .. طعم الأكل حلو جدا.. بنفطر ونقعد ع القهوة نشرب حاجة و بحكي قصة المدينة من ايام مصر الفرعونية

بنتحرك جوه المدينة و نشوف البيوت القديمة و نحكي قصتها و نمشي وسط السوق و نتخيل ايام الحملات اللى جت على رشيد

بنزور المسجد المعلق فى رشيد و نحكي قصتة و نتصور عنده و بعد كدة بنتمشي ع البحر و نجيب ايس كريم تحفة.. و رشيد مشهورة بيه عشان ببتعمل طبيعي من الفاكهة

بنروح قلعة قايتباي و ندخلها من جوه و نحكي قصة اكتشاف حجر رشيد فيها و نطلع من القلعة نروح البوغاز و ده نقطة التقاء النيل بالبحر من غير ما يمتزجو ببعض.

هانرجع ع الكورنيش و نركب مركب صغننة عشان تودينا مسجد ابو مندور و نتسلق التل الرملي اللى قدامه عشان نشوف صهريج محمد علي و نشوف رشيد كلها من فوق

بنرجع نركب المركب تاني و ننزل منها ع الكورنيش عشان ندخل السوق عشان ناكل
ممكن ناكل مشويات من عند أباظة خصوصاً الفراخ بالكمون او ناكل سمك و فيه ناس كدة بتحب تجيب فسيخ و رنجة و سردين 😅

بعد الغداء بنتجمع ع البحر نشرب الشاي و هاخليكم تجربو اختراع فظيع فى رشيد ( فطير بالهريسة).. حاجة كدة بتعلى السكر فى الدم من اول قطمة بس تحفة 😅

جولة رشيد بتبقى خفيفة و ممتعة و بترجع منها عارف صحاب كتير

لو حابب تعيش التجربة البسيطة دي زينا كدة.. تقدر تنضم لينا فى جولة رشيد الجاية
هاسيبلكم لينك الأيفنت فى الكومنتات لو حابب تحجز معايا 💛

لو حد من أصحابك بيحب التاريخ والأستكشاف و القصص قوله يـــ

| |



في نفس المكان اللى انا واقف فيه ده تم أكتشاف أهم حجر في العصر الحديث وهو حجر رشيد علي أيد «بوشار» أحد ضباط الحملة الفرنس...
13/11/2024

في نفس المكان اللى انا واقف فيه ده تم أكتشاف أهم حجر في العصر الحديث وهو حجر رشيد علي أيد «بوشار» أحد ضباط الحملة الفرنسية

القلعة دي المفروض أنها تكون حرفياً أشهر قلعة في العالم وعمرها 557 سنة

دى قلعة قايتباي فى رشيد وبترجع للعصر المملوكي.

تخيلوا حجم السياحة العالمية اللي ممكن تيجي إلى مصر علشان تشوف القلعة اللي تم فيها أكتشاف حجر رشيد اللي كان سبب في فك الطلاسم وفتح أبواب الحضارة المصرية القديمة ..

تخيلوا بس لو عملنا دعاية لجزء صغير من آثارنا الإسلامية زي القلعة دي بس بشكل صحيح ممكن ده يُعيد الاعتبار لاثارنا الإسلامية بشكل خاص وآثار مصر كلها وتنشيط السياحة بشكل عام ..

📷 الصور من رحلة رشيد الأخيرة و انا بشرح تاريخ الحجر من قلعة "برج" رشيد المنسية ومن نفس مكان الصورة تم أكتشاف حجر رشيد سنة 1798م وأستولت أنجلترا علي الحجر بعد خروج الحملة الفرنسية وتم عرضه في المتحف البريطاني من سنة 1802م لغاية النهاردة


أنضموا لرحلة رشيد الجاية يوم السبت ١٦ نوفمبر لو حابين تعرفوا معلومات أكتر 😊

باقي ٩ أماكن فقط


تعرف ان أبواب رشيد عمر مايصيبها السوس او تبوظ ابداً مع الوقت ؟معروف عن أهل رشيد انهم بيعملو عملية تبخير لخشب البيوت كل ف...
12/11/2024

تعرف ان أبواب رشيد عمر مايصيبها السوس او تبوظ ابداً مع الوقت ؟

معروف عن أهل رشيد انهم بيعملو عملية تبخير لخشب البيوت كل فتره و عملية التبخير دي بتقضي على السوس و النمل الأبيض اللي ممكن يصيب الخشب اللي بقاله فترة طويلة ممكن تعدي عشرات السنين

أبواب رشيد موجودة من مئات السنين و لسا بحالتها لدرجة ان الأهالي للأسف بدأت تفكها و تبيعها للمهتمين بالديكور و الأنتيكا عشان سعرها عالي زي الأبواب اللي فى خلفية ديكور برنامج صاحبة السعادة لـ إسعاد يونس.. و بدأو يركبوا ابواب حديد عادية عشان يستفادوا من الفلوس

بس لسا فيه جوامع و بيوت محتفظة بالأبواب الأنتيكة دي و فى الرحلة الجاية هانشوفهم و هانشوف الناس اللي بتجمعهم و احنا بنتمشي وسط السوق

الأبواب دي لو كان فيها الروح و بتتكلم كانت حكتلنا قصص كتير من اللي حصل وراها 😊

لو حابب تنضم للجولة بتاعتنا يوم السبت الجاي كل اللي عليك انك تبعتلي رسالة او تسيب كومنت و انا هاقولك كل التفاصيل و ازاي تقدر تنضم

أشوفكم على خير 💛

| |






لو زهقت من الروتين و عايز ترتاح من ضغط الشغل يبقى الرحلة دي اتعملت عشانك 🌿- إبعتلي رسالة او سيبلي كومنت لو حابب تنضم لين...
12/11/2024

لو زهقت من الروتين و عايز ترتاح من ضغط الشغل يبقى الرحلة دي اتعملت عشانك 🌿
- إبعتلي رسالة او سيبلي كومنت لو حابب تنضم لينا فى الـ Weekend الجاي

أهل أسكندرية عندنا مهمه جبر خاطر 😊💛المحل دة فالسلطان حسين جنب محمصة العزة .. محل قديم و فيه سيدة فاضلة من أمهاتنا قاعدة ...
11/11/2024

أهل أسكندرية عندنا مهمه جبر خاطر 😊💛

المحل دة فالسلطان حسين جنب محمصة العزة .. محل قديم و فيه سيدة فاضلة من أمهاتنا قاعدة فيه طول اليوم بتبيع حاجات بسيطة .. بونبوني و بسكوت و مناديل

المحل مش ملفت للنظر و معندهوش تنوع فالمنتجات ف بطبيعة الحال محدش بيشتري منه لان تقريبا محدش واخد باله منه و كل ما بكون هناك بلاقي محدش بيقف يشتري اصلاً

جبر خاطر لو معدي أشتري من عندها هي بظبط علي السلطان حسين بين الازاريطة ومحطة الرمل جنب محمصة العزة وانت مدي ضهرك للازاريطة و رايح علي محطة الرمل

أشتروا منها بنية جبر خاطر و ممكن تدي الحاجات الحلوة دي لطفل بنية اطعام و جبر خاطر و ادخال سرور تبقي اخدت اضعاف الأجر من كل ناحية "والله يضاعف لمن يشاء"

وصفة تانية لعنوان المحل :

- وانت جي من الشلالات هتعدي اشاره كليه الطب هتلاقي توكيل سامسونج علي الشمال هو الشارع اللي بعد فؤاد خليل بتاع الكاوتش

- لو جي من صفيه زغلول هتعدي كشري علي السخن بشارعين هتلاقي المحل علي اليمين

ربنا يكرمهم ويرزقهم يارب

بنقضي يوم كامل وسط الطبيعة 🌿بنزرع و نحصد و نتصور و نخبز عيش و نلعب مع الحيواناتو بناكل أكل فلاحي معمول بأيد ستات شاطرة م...
11/11/2024

بنقضي يوم كامل وسط الطبيعة 🌿
بنزرع و نحصد و نتصور و نخبز عيش و نلعب مع الحيوانات
و بناكل أكل فلاحي معمول بأيد ستات شاطرة من الأرض لطبقك على طول 😋

تعالى معانا فى رحلتنا الجاية لريف دهشور 😊🌴


🌴

Address

36 Luxor Street , Sporting
Alexandria

Telephone

+201101808799

Website

Alerts

Be the first to know and let us send you an email when ALi Explores posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ALi Explores:

Videos

قولت للجروب اللي معايا فى الرحلة ان معاهم ربع ساعة بس فى الريست و نرجع تاني للباص - لما يرجعولي بعد ساعة #سافر_مع_علي #هاوريك_أماكن_ماتعرفهاش #دمتم_مستكشفين #بنلف_مصر_في_أمان

إحياء أهم الشخصيات فى التاريخ بالذكاء الأصطناعي - الجزء الأول Asking AI to show me the most important characters in History - Part 1 #Ali_Explores #AiArt

متحف جايير اندرسون أو بيت الكرتيليه وقصه العشق ❤️ المتحف فى حى السيده زينب بالقاهرة هو عباره عن بيتين ولما تطلعوا معايا الرحله هتشوفوا ازاى بتربطهم قنطره معانا فى رحلتنا هتعرفوا كل القصص ومين هو جايير اندروسون الظابط البريطانى وازاى سكن البيت جولة أثرية في السيدة زينب 👑 A historical tour to Al Sayeda Zaineb #سافر_مع_علي #هاوريك_أماكن_ماتعرفهاش #دمتم_مستكشفين #القاهرة_القديمة #Ali_Explores #Old_Cairo #walkingtours #storyteller #Travel_with_Ali #Explore_Egypt

مين يحب يجي معايا واحد من أكبر و اهم المساجد فى القاهرة القديمة ؟ هانزور جامع احمد بن طولون و نتسلق المئذنة بتاعته فى جولة السيدة زينب #سافر_مع_علي #هاوريك_أماكن_ماتعرفهاش #دمتم_مستكشفين

لسا متاح أماكن في رحلة دهشور بكره 😊🌿 ولو عددكم أكتر من ٣ هانعملكم خصم تحفة بجد

الغروب من أهرامات دهشور 🌿⛅ لسا متاح أماكن فى رحلتنا لو حد حابب يقضي يوم معانا هناك وسط الطبيعة و الخضرة #سافر_مع_علي #هاوريك_أماكن_ماتعرفهاش #دهشور

من أنشطة المزرعة فى ريف دهشور 🌿 تقدروا تنضموا لرحلتنا هناك يوم الجمعة 15 نوفمبر #سافر_مع_علي #إكتشف_دهشور #Ali_Explores #Dahshur_tours

ألعاب نارية Fireworks فى قلعة قايتباي 😍💛🎆🎇

Can't wait for our adventure in Dahshur 🌿 Join us in November 2024 #Ali_Explores #travel #Dahshur #countryside #RuralExperience

تعالوا معانا وادي الحيتان أفضل مكان للتخييم و رصد النجوم و تقدروا تنضموا لرحلة شهر نوفمبر تصوير Naira Adel #سافر_مع_علي #هاوريك_أماكن_ماتعرفهاش #رصد_النجوم #وادي_الحيتان

Shortcuts

Share

Category

Nearby travel agencies

Other Eco Tours in Alexandria

Show All