What are the opening hours?

Monday 8am - 10am Tuesday 8am - 10am Wednesday 8am - 10am Thursday 8am - 10am Friday 8am - 10am Saturday 8am - 10am Sunday 8am - 10am

https://www.facebook.com/105518695911194/

DAIF - ضيف

Home
Egypt
Cairo
DAIF - ضيف

اكتشف مع ضيف ثقافات مصر الأصلية في رحلات غير عادية
(3)

21/01/2024

من مغامرتنا الأخيرة في قرية النزلة قلعة الفخار المصرية.😃
رحلة عرفتني على أصدقاء رائعين وعرفت فيها أكتر عن ثقافات مختلفة🤩
#ضيف

27/12/2023

رأي بعض اصدقائي في مغامرة استكشاف الفخار في قرية النزلة 🤩🤍
اتمنى دايمًا اقدم لكم مغامرات ممتعة🤍

مستنيين ايه عشان تنضموا لينا في مغامراتنا؟
كلمونا واحجزوا مكانكم دلوقت 😃🎫🏺

19/12/2023

لما عرفت ان في يوم للغة العربية
حبيت اشارك معاكم اد ايه انا منبهر بيها وبالثراء اللي فيها، وكل ما بعرف اكتر عنها بيزيد انبهاري. 🤩
والمبهر في اللغة العربية مكانش بس تعبيرها بدقة عن كل اللي بنحسه! انما كمان الفن في استخدامها.

هسيب لكم هنا بيت شعر ابهرني فيه ان حروفه كلها منفصلة😲 وكمان معناه عميق جداً 👌🏻
قولولي تعرفوا ايه عنه؟
وايه مقبساتكم المفضلة في اللغة العربية؟

17/12/2023

في مغامرتنا لاستكشاف حي الفخارين في قرية النزلة، تشرفنا بمقابلة المعماري الرائع د. Hamdy El Setouhy. 🤩
استمتعنا بكلامه الملهم عن القرية وعن حي الفخارين، وانبهرنا بجهوده في إعادة إحياء القرية. 😃

17/12/2023

توثيق مغامرتنا لتجربة صناعة الفخار بإيدينا في أجواء حقيقية مش مصطنعة، في قرية النزلة قلعة الفخار المصرية 🤩 🏺

عيشت مغامرة مميزة واكتسبت أصدقاء رائعين في يوم ميتنسيش. 🤍✌🏻

تحبوا تكونوا جزء من مغامرتنا الجاية؟

28/11/2023

أثناء بحثي عن الناس الأصلين وحرفهم وثقافتهم عرفت ثقافات جميلة لبلد أروع، بيطلق عليها "أرض كنعان"! 🤫
وعرفت ان الاسم ده نسبة لأول شعب عربي سكن البلد دي وفضلوا يطلقوا عليها الاسم ده لحد سنة 1200 قبل الميلاد.😎😉
عرفت عن البلد دي ان ليهم ثقافات مميزة وحرف جميلة هشارك معاكم جزء منها ومن المعلومات الشيقة اللي عرفتها عنها.🤩✌🏻

23/09/2023

صناعة الملابس من الصناعات الضخمة اللي مليانة تفاصيل، مش مجر خياطة وتصميم، كل بلد بتعكس ثقافتها وتاريخها في ملابسها، فهنلاقي الملابس التراثية اللي فيها روح المكان.

وفي حياتنا المعاصرة صناعة الملابس بقى ليها اتجاه مختلف عالمي وهو الأزياء السريعة المنتشرة في كل أنحاء العالم.

#ضيف

23/09/2023

مكنة وخيط! 👀

حاجتين قادرين يحولوا قطعة قماش ملهاش ملامح، لملابس بتفاصيل وتصاميم ومقاسات مختلفة. وأنت بتلبس بعد كده تخيل المجهود اللي اتعمل عشان يوصلك لبسك جاهز، هتقدره وتحبه أكتر. 👌

#ضيف

23/09/2023

على الرغم من التطور التكنولوجي ووجود ماكينات قادرة على الإنتاج الضخم، إلا إن الأشغال اليدوية هتفضل محتفظة بقيمتها اللي لا تقدر بثمن لأنها بتحمل جواها روح الحرفي اللي بذل فيها مجهود وشهد على تحول المادة الخام لقطعة فنية أو عملية.

النجارة من أكتر الحرف اليدوية اللي محتاجة دقة وبيبذل فيها مجهود بدني، لكن النتيجة بتكون دايماً مجدية وتدعو للفخر. 😍

#ضيف

23/09/2023

مش معقول الدقة! 👀
كل أداة من دول ممكن تغير حالة وشكل كنبة أو كرسي أو ترابيزة!
النجارة فن محتاج حرفنة وأيد فعلاً تتلف في حرير. 👌

#ضيف

22/09/2023

فن النسيج من أقدم الصناعات اللي استخدمها الإنسان لتلبية حاجاته من ملابس وأغطية.

النول هو الأداة اللي بتستخدم لصنع المنسوجات المختلقة، اللي ممكن تكون سجاجيد أو لوحات منسوجة بتتعلق للزينة.

مدرسة رمسيس ويصا واصف في منطقة الحرانية بالجيزة هي الداعم الأكبر لفن النسيج، واتخرج منها فنانين قدروا بعد كده يقوموا مشاريع تكون مصدر رزق ليهم، ده غير طاقة الإبداع اللي بتنعكس على كل قطعة بيغزلوها بإيديهم.

#ضيف

22/09/2023

تحفة فنية! عارفين إيه ده؟ 👀
ده اسمه "نول" جهاز بيتغزل عليه منسوجات مختلفة، سجاجيد وكليم.

الشغل اليدوي ده بياخد مجهود عظيم ووقت كمان، بس النتيجة دايماً بيكون ليها طعم مختلف عشان بتبقى فيها من روح الحرفي اللي اشتغل عليها، وذوقه ورؤيته الخاصة.

#ضيف

22/09/2023

صناعة الصابون قديمة جداً محدش عارف ابتدت امتى، بس مثلاً الألواح السومرية من ٥٠٠٠ سنة بتقول انهم كانوا بيغلوا الرماد مع الدهون الحيوانية والنباتية عشان يصنعوا مادة بتستخدم في التنظيف، وموجود كمان برديات مصرية عمرها ١٥٠٠ سنة فيها وصفات مشابه للصابون المصنوع من الأملاح القلوية المخلوط بالزيت. انهاردة، بيتم تصنيع الصابون في ٣ خطوات، أولاً خلط الزيوت والدهون والقلوبات عشان يعمل مزيج من الصابون والماء والجلسرين وده اسمه التصبن، وبعدين الخليط ده يجف، وأخيراً إضافة العطور والألوان.

#ضيف

22/09/2023

عملت أحلى شغل بالفخار، خلصت ولازم اغسل إيدي كويس. 👀
عظيم الصابون بيرغي وينضف وريحته حلوة، يا ترى مين اللي عمله وبيجي منين وإزاي؟!

#ضيف

22/09/2023

صناعة الفخار من أقدم الحرف اليدوية اللي عرفها الإنسان، وتعتبر جزء من تراث مصر.

من أشهر أماكن صناعة الفخار: قرية الفواخير وقرية النزلة وقرية تونس وقرية جريس وقرية المجفف وقرية الرحمانية.

أما طرق تشكيل الفخار فبتتنوع بين التشكيل اليدوي اللي بيعتمد تماماً على أيدين الحرفي ومهارته، والتشكيل بالقوالب الجاهزة، والتشكيل باستخدام العجلة الدوارة.

صناعة الفخار ممتعة بكل المقاييس، متعة الحرفة نفسها والتشكيل ومتعة اقتناء منتجات يدوية وإدراك إن كل قطعة ليها حكاية.

#ضيف

22/09/2023

ازيكوا! 👀
أنا انهاردة بعمل حاجة لذيذة أوي،

كلنا كنا بنحب نلعب بالطين واحنا صغيرين، بس الموضوع طلع كبير، صنعة وحرفة بيتميز بيها المصريين على مر السنين، والفضل يرجع لطمي نهر النيل العظيم.

صناعة الفخار في مصر تراثية ومن أقدم الحرف اليدوية، المصري القديم كان بيستنى موسم الفيضان عشان ياخد طمي النيل الطبيعي ويشكل منه الأواني والأدوات والتحف والتوابيت.

حابين تعرفوا إيه كمان عن الحرفة دي؟

18/09/2023

هو ايه ده؟ 👀

#ضيف

18/09/2023

يعني ايه قهوة؟ 👀

#ضيف

18/09/2023

يعني ايه شارع؟ 👀

#ضيف

15/09/2023

ازيكم!

أنا ضيف 👀

#ضيف

23/07/2023

#ضيف

23/07/2023

الضيف ممكن يبقا واحد صاحبك، أو حد من عائلتك، أو زميلك!

أو حتى كائن غريب، جه صدفة، وقررنا نسميه ضيف!
ضيف صاحبنا هيبدأ رحلته من مصر، وفضوله هياخده في رحلة طويلة هيتعلم فيها حاجات كتير جداً ومتنوعة.

هيكون حابب يشارك معاكم كل تفصيله، جاهزين تشاركوه الرحلة؟ 👀

#ضيف

23/07/2023

أي شيء عشان يتحرك محتاج طاقة، مثلاً كل المحركات بتحتاج بنزين!
بس بنزين صاحبنا ضيف DAIF في رحلته مختلف شوية!

البنزين اللي بيحركه هو الاستكشاف DISCOVERING!
ودي الصفة اللي بيمثلها حرف ال “D” في اسمه DAIF! واللي هتكون السبب انه يتعلم ويعلمنا معاه حاجات كتير جديدة في رحلتنا سوا!

طيب تفتكرو ايه هي الصفة التانية اللي بيمثلها حرف ال A في DAIF؟ 👀

#ضيف

23/07/2023

الفضول وحب الاستكشاف لوحده مش كفاية عشان تتعلم كل حاجة!

محتاج كمان يكون عندك قلب شجاع، قلب يخليك تخوض تجارب جديدة كل يوم عشان تتعلم منها!
من الآخر، محتاج تكون مغامر .. ADVENTURER!
ودي تاني صفة في صاحبنا ضيف واللي بيمثلها حرف الـ “A” في اسمه DAIF!!

الدور دلوقتي على حرف الـ “I” .. تفتكرو ايه المقصود بيه؟! 👀

#ضيف

23/07/2023

زي ما قولنا ان الاستكشاف لوحده مش كفاية وانه محتاج قلب مغامر عشان تبني معرفة!
كمان المعرفة العملية لوحدها مش كفاية لو عايز تكون مبتكر!

لازم الخيال ياخد جزء من تفكيرك جمب المعلومات اللي بتجمعها!
ودي ثالث صفة في صديقنا DAIF، وهو انه IMAGINATIVE!
الصفة اللي بيمثلها حرف الـ “I” في DAIF.

استنوا البوست الجاي عشان تعرفو آخر حرف من حروف DAIF هيقول ليكم ايه عنه! 👀

#ضيف

23/07/2023

فيه دخيل ممكن يكون رخم، ودخيل ممكن يكون مش محبوب!
وفيه دخيل تاني ممكن يبقا لطيف، لطيف جداااا!

الدخيل شخص لا ينتمي للمجتمع الموجود فيه.
وده في كتير من الأوقات بيتسبب في وجود حالة من الجمود وصعوبة التواصل بينه وبين الناس اللي حواليه!

بس DAIF رغم انه Foriegn أو دخيل يعني، زي ما حرف الـ “F” في اسمه بيقول!
إلا انه حابب المجتمع المصري بعاداته وثقافاته وكل تفاصيل الحياة ف، وحابب يندمج فيه بسرعة جداً!

فهل يا ترى هينجح؟ ويكون دخيل محبوب ولطيف؟
تعالو نشوف سوا ونبدأ معاه الرحلة!👀

#ضيف

20/07/2023

هو ايه دا وبتعمل بيه ايه؟ 👀

#ضيف

19/07/2023

وانت كمان بتعمل ايه؟ 👀

#ضيف

18/07/2023

انت بتعمل ايه؟ 👀

#ضيف

29/06/2023

اخدت عيدية 👀

#ضيف

Address

Zamalek
Cairo
11511

Opening Hours

Monday	8am - 10am
Tuesday	8am - 10am
Wednesday	8am - 10am
Thursday	8am - 10am
Friday	8am - 10am
Saturday	8am - 10am
Sunday	8am - 10am

Website

facebook.com

Alerts

Be the first to know and let us send you an email when DAIF - ضيف posts news and promotions. Your email address will not be used for any other purpose, and you can unsubscribe at any time.

Contact The Business

Send a message to DAIF - ضيف:

Videos

Interesting adventure of shaping clay and connecting to nature 🤩 come join us now !

Now, this is the technique for shaping the clay that set everything in motion.🏺 Ready to witness all this fun in person and try it out yourself? Come join us and book your spot now! 🌟”