Yalla No5rog - يلا نخرج

25/04/2019

افضل خروجات فى مصر
النفسية محتاجة قعدة في رووف 😍
فين الناس الى بتحب المبانى القديمه و live music والساكسفون
و يا سلام كبايه شاى بالنعناع وانت قاعد فى الرووف
وبعد متستمتع بالمزيكا والشاى تدخل المكتبه الى فى الفندق فيها كتب كتير اوى و قعدتها حلوه ورايقه جدا
انت كمان ممكن تحجز غرفه و تقوم الصبح كده و تعود فى الرووف مع الهوا الحلو ده ترجع 100 سنه يا بختك يا عم
المكان: Le Riad Hotel de Charme
العنوان: شارع المعز لدين الله - أمام بيت السحيمي.
التليفون: 0227876074 - 02278760 0

https://www.facebook.com/leriadhotel/

24/04/2019

23/04/2019

جبنه سايحه كتير 🧀🧀🧀🧀 سخنه مع ساندوتش فراخ او بيف ترابل و خص و صوابع جبنه بتقرمش و تشد🍔🍔
نفسك تاكل حاجه جامده وطعمها حلو و على قد جيبك الحجم بجد مش صور
شوف انت بس شكل الاكل و تخيل كده
زاك احلى اكل 🍔🌭🍕

https://www.facebook.com/zacksfriedchicken/

23/04/2019

لو انت شغال و قرفان ?😤و مستنى يوم الخميس اجازه 😄😄😄طبعا علشان تحرير سينا
جمعه و سبت كمان 🤩🤩معاه و هوب هوب تاخد الاحد من رصيد اجازاتك مع الاتنين 👍?
هتعمل اه بالاجازه دى ياترى!!!!!!!!🤔🤔
انا اقوالك بحر⛱️🏖️🏝️ و رامله و يخت و بوفيه مفتوح🍔🍕🥙🍰🥤 للناس الاكيله و مزيكا حلوه 🔈🔈و استجم
شهر 4 من احسن الشهور فى السنه فى دهب و شرم
سافر استجم و ارجع لمديرك مبسوط و مفرفش
و مش هننساه إخوانا الى عندهم امتحانات خدلك يومين و ارجع وحش تاكل 😁😁😁الكتب اكل

https://m.facebook.com/story.php?story_fbid=1183545355159941&id=1152608071587003

23/04/2019

الكلام ده للناس الى عندها الادالين عالى 😱😱😱😱ولا بيفرق معاها مرتفعات ولا شقلبات
تخيل نفسك طاير 🦅🦅🦅فى الجو و هواء شديد
تحس كده ان روحك بره نفسك مش معاك مع نسبه الادرالين 🙈🙈🙈🙈ترتفع والبنات تصوت 👧👧🏻و تخرج الى فى قلبها .

مين قال انك هتدفع كتير ده لو روحت دريم بارك هتدفع اكتر

طيب انا هتكلم انك تقضي يوم مجنون و هتلعب 4 لعب هيكلفك 200 جنيه و مش لازم تلعب كله و ممكن تتحاسب باللعبه و هتكلفك 50 جنيه.

يلا نبدا المغامره

في مكان اغلب القاهريين يعرفوه في المقطم اسمه دير سمعان الخراز و ديه عباره عن كنيسه محفوره في صخور المقطم و معروفه جدا.

*ملحوظه
مش عايزك تتخض و انت طالع طريق الكنيسه عشان هتمر علي عزبه الزبالين فهتلاقي الريحه صعبه شويه بس مجرد ما توصل الكنيسه هتلاقي الريحه اختفت.

و انت داخل الكنيسه قول لامن انك داخل عند ماريو.

ماريو ده راجل كندي عايش في مصر بقاله ٢٥ سنه و بيتكلم عربي مكسر.

جه مصر و عمل منطقه العاب ملحقه بالكنيسه اسمها High Ropes و كلها عباره عن احبال مربوطه في منطقه الجبل.

هناك هتلاقي ٤ العاب بس الاربعه امتع من بعض بمراحل و العاب مش مؤلوفه بالنسبابنا عشان مش بنشوفها غير بره او علي التيلفزيون.

اول ما تدخل منطقه الالعاب هتلاقي منطقه لجلوس لناس الي حابه تتفرج بس و تتصور و الجلوس مجانا يعني مش لازم تطلب او تشتري حاجه.

هتلاقي حمام نضيف عشان لو حبيت تغير هدومك.

قبل ما تبدا اللعبه هتدخل منطقه يلبسك فيها الخوذه و شورت حزام و دول وسائل الامان.

بعد كده هتدخل منطقه الالعاب الي هتلاقي فيها:

+اول لعبه اسمها zip line

و ديه اهم لعبه لازم تبدا بيها و ديه عباره عن برج بتطلع عليه و تتربط في حبل و تتزحلق و طبعا اللعبه ديه هتحس في الاول بخوف رهيب في الاول بس هتلاقي قمه استمتاع و انت بتتفرج علي المقطم و انت طاير و تتفرج علي الكنيسه من اعلي نقطه.
اللعبه ديه محتاجه ثقه في نفسك انك في امان و مفيش خطر عليك.

سعر اللعبه ديه 75 جنيه.

+ملحوظه مهمه
اللعبه ديه مش بتشتغل غير قبل ما الدنيا تضلم عشان تكون شايف الدنيا من فوق.

+لعبه تسلق الصخور
اللعبه ديه لازم تبدا بيها قبل اللعبتين التانيين عشان محتاجه طاقه عاليه و فيتنس عالي جدا عشان مجهود عالي انك تطلع ارتفاع عالي جدا عشان تضرب الجرس و طبعا متخفش بيكون في شخص انت مربوط بيه عشان يحافظ علي توازنك و انت طالع و عشان لو ايدك سابت الصخور تكون في نفس ارتفاعك و متقعش.

سعر اللعبه ديه 50جنيه

+لعبه الاحبال المنخفضه (low ropes)
و من هنا بتبدا الاثاره انك تمشي علي احبال و جسر و اللعبه ديه محتاجه توازن و حتي لو رجليك ثابت و انت علي ارتفاع فبيكون في حبل تاني بتتزحلق عليه عشان يوصلك لمنطقه التانيه و تكمل اللعبه.

ديه سعرها 75جنيه

+لعبه الاثاره High rope
و ديه حلوتها انها ارتفاع عالي جدا و بتمسك في احبالي و تتشعبط في الجبل و تتحرك بالحبل زي طرزان.

ديه اصعب لعبه عندهم بس كل ده امان بنسبه ١٠٠٪

سعرها 100 جنيه.

**اهم الملحوظات
-روح بملابس رياضيه و كوتشي و بلاش جينز عشان حركه رجلك تكون سهله

-قبل ما تروح لازم تحجز قبلها مع ماريو عشان تعرف في اماكن و لا لأ
و ده رقمه 01200140662

-لو رايح بالمواصلات اركب اي عربيه راحه المقطم و قلهم دير سمعان و هينزلك في اقرب مكان فتنزل تركب توك توك ب ٥ جنيه يطلعك لفوق.

-لو عندك فوبيا من الاماكن العاليه بلاش تروح.

- المكان امان بنسبه ١٠٠٪ و الناس هناك متعاونه جدا جدا و بيهرجوا معاك عشان تتلاشي الخوف.

- لو سنك اقل من ١٨ سنه فلازم يكون معاك حد من اهلك عشان يمضي انك سليم و مش بتعاني من مشاكل صحيه.

-المكان شغال طول الاسبوع ما عدا يوم الاحد.

-مش لازم تلعب كل حاجه و بتحاسب بعد اما تخلص لعب.

22/04/2019

بتحب المغامره ،التنطيط، الصيد طيب حابب تفصل و تنطلق بس مفيش فلوس
لا يا سيدى هقولك عاى مكان بيطلع رحلات باليخت دى يوز حلوه جدا و رخيصه
#شم النسيم والبيض الملون🥚🥚 مينفعش ننام 🛌🏻🛌🏻فى البيت وناكل رنجه و فسيخ
بس ممكن تطلع السخنه و تكون مع صحابك على يخت فى نص البحر⛴️🚤 وتاكل اكله سمك محترمه🍤🍤🎏🎏
مع صناره او تعمل اسنوركلينج ☠️☠️



https://www.facebook.com/EgyptSunmarine/

22/04/2019

عشاق_الشكولاته🍫🍫🍫🍫 اين انتوا
كلت وافل ،تشيز كيك ، طاجن نوتيلا غرقان شكولاته و مقدرتش تكمله
احساسك وانت متبهدل من الشكولاته وهى سخنه وبدوب وانت بتاكلها

الى مجربش flavorbar فاتوا كتير دلوقتى لى فرع فى نصر سيتى
بس هقولك حاجه بينى وبينكوا كلوا هناك علشان بيكون مغرقها شيكولاته
ولو مش قادر تكمل خدها معاك واعمل حسابك فى ازازه مياه ولتر بيبسى


https://www.facebook.com/myflavorbar/

22/04/2019

14/09/2018

16/05/2018

كل سنه وانتم طيبين

29/01/2018

09/01/2018

الشتااا دلوقتي 😍😍🌧🌧❄💜💜🎶
إسكندرية .. ملتقي العشااق 😍💙💙❤❤
اسكندرية مارية

09/01/2018

مسجد الرفاعي 😍😍😍
سمى مسجد الرفاعى بذلك الاسم نسبة إلى ( أحمد عزالدين الصياد الرفاعي ) أحد أحفاد الإمام أحمد الرفاعي الذي ولد بالعراق 🧐
هو واحد من أعرق مساجد مصر، شيد عام 1329 هجرية الموافق لعام 1911 ميلادية. ويقع المسجد في مواجهة مسجد السلطان حسن بمنطقة القلعة بمصر...
بعض الاضرحة التى يضمها مسجد الرفاعى 👇👇
1/ ضريح نور هانم والدة الخديوى عباس :
2/ ضريح الخديوى عباس الاول :
3/ اضرحة لزوجات الخديوى عباس وبعض بناته :
4/ ضريح الامير طوسون باشا ابن سعيد باشا :
5/ ضريح ابراهيم باشا :
بالاضافة الى قبر الملك فاروق الاول
ويقع المسجد في منطقة القلعة، ومن الجهة البحرية لمسجد الرفاعى يقع مدخل الدرب الأحمر

08/01/2018

هل سمعت عن أبو جالوم ؟ 🤔🤔
إنها محمية طبيعية في محافظة جنوب سيناء في وادي الرساسة بدهب وتطل على خليج العقبة وتبلغ مساحتها 500 كيلو متر منها 350 كيلومتر في اليابسة و150 كيلومتر في الماء وهي محمية متعددة الأغراض لما بها من الروعة والجمال
تعتبر محمية أبو جالوم منطقة سياحية متكاملة لما فيها من تعدد الأنشطة مثل السباحة والغطس والطفو كما يمكنك مشاهدة الشعاب المرجانية الرائعة الجمال والأسماك الملونة علاوة على جو البحر الرائع هناك وقد أعلنت محمية طبيعية في عام 1992.
تتميز في طابعها الطوبوغرافي والجيولوجي الخاص باقتراب الجبال الرائعة الجمال من الشواطئ الهادئة البديعة مما يجعلها لوحة خيالة في جمالها وما يميزها أيضا هذا النظام الكهفي تحت الماء لمائها وشواطئها وهو نظام تمتد كهوفه داخل أعماق المياه إلى ما يقرب من 100 متر في صورة مبدعة خيالية بدخول الكهوف تحت الماء.

08/01/2018

من افضل أماكن تصوير الفوتوسيشن👨‍👩‍👦‍👦💃👩‍❤️‍👩
👬♥️❤️♥️
واسعار رسوم التصوير بها
- قصر محمد علي " في المنيل " : التذكرة 50 جنية
للتصوير العادي اما لو عريس وعروسة بـ 1000 جنية
- فندق هيلتون دريم لاند فى اكتوبر بـ 1500
- فندق بيراميدز بارك الطريق الصحراوى 1000
- دار الدفاع ب 1000 لعريس و عروسة
- فاميلي بارك " الرحاب " : سعر تذكرة دخول المصور و 3 أفراد ب 750 جنية .
- قصر البارون : في العادي والأمان أنك تطلع تصريح
بيكون لو هتصور الصبح بـ 1200 وبليل بـ1600
- فندق كتراكت ب 500 طريق سقاره
-جزيره المعادي 500 رسوم دخول عريس وعروسه + الكامير
- حديقة فجون " علي طريق سقارة " تذكرة 500 جنية .
- الحديقة الدولية " مدينة نصر " : ثمن دخول كاميرا 50 جنية وتصوير عريس وعروسة 500 جنية الساعه الواحدة
- حديقة الأندلس " مدخل الزمالك " : سعر التصوير 400 جنية وثمن تذكرة الدخول لأي فرد 5 جنية .
- حديقة الأزهر : تذكرة ب 10 جنية لأي فرد والتصوير ببلاش
- حديقة الطفل بـ مصر الجديدة :
سعر تذكرة دخول المصور وتلات أفراد 300 جنية ساعة واحدة .
- حديقة الأسماك : تذكرة تصوير عريس وعروسة 250 جنية .
- منتجع سكاي ريزورت التجمع الخامس
بـ 1150 لخول العروسين والمصور فقط
- فندق فيرمونت هليوبلس بـ 2500
- الماسه ب4000 رسم دخول الكاميرا بس
- فندق مينا هاوس بـ 5000 ولكن يشترط اقامة الفرح به
- فندق لو باساچ المطار بـ 1500
- فندق جى دبليو ماريوت القاهرة الجديدة بـ 10000
- فندق كمبنسكي القاهرة الجديدة بـ 10000

08/01/2018

City camp

لخروجه اللي كلها اكشن وفرهده للصبح 😀😍💃
المكان اسمه **City Camp 👏
العاب كتير كلها احلي من بعض و بتبقي اجمد لو خروجه شله تولعوها مع بعض 😀
فيه العاب كتيير زي حرب القوس و Color Fight 🙋😀
وشجيع السيما انك تنط من علي ارتفاع 12 متر
لعبة تانيه جديده انك تكون زي الكوره الbolling واصحابك بيحدفوك وانت تفضل تدحرج 😀
المكان فيه مساحات كبيره والعاب تانيه حلوه زي ال sand boarding و غيرها كتير 👏
وكمان فيه منطقه كافيهات للاستراحة شويه من الفرهدة 😘😘😘
هتلاقو بحيره شكلها حلو اوي جوا للصور الحقوها خصوصا قبل البهدله😀✋
بصوا بقى النقطة المهمه اللى عاوز يستمتع مينفعش يروح واحد ولا اتنين ولا تلاتة الافضل تبقوا خمسة على الاقل علشان لو فى مجموعة تانية حاجزة معاكم فى نفس اليوم تبقوا فريق ضدها ويبقى فى تنافس وكل ما تزودا العدد يبقى المكان بتاعكم انتم
سعر الفرد 150 جنية لاى عدد مرات لعب ولاى العاب ولاى وقت ..
( على فكرة هما عندهم أكتر من 30 لعبة ونشاط مش كلهم بيبقوا موجودين بس ع الاقل هتلاقى 10 العاب فى المرة اللى تروحها )
ارقامهم 01009993580 / 01144456439
https://www.facebook.com/citycampeg/

07/01/2018

Camp X-treme
😍😍
أنهارده بقى هنكلمك عن خروجه جديده خالص 🤔🤔
الخروجه العائليه يعنى اللى تلم فيها عيلتك على أد ما تقدر وتتجمعوا فى حته بره
فيها خضره ولعب وتنطيط وبهجه طول اليوم للكبار قبل الصغيرين كمان
( الخروجه دى أنقرضت من زمان بس أحنا فضلنا وراها لغاية لما جبنهالكم تانى )
أنتم ممكن تتبلوا لحمتكم وفراخكم ( والمكان بيوفرلكم شوايه ) وتعملوا أحلى اكل ولمه مع بعض ..👩‍👩‍👦‍👦👩‍👩‍👦‍👦
ومش معنى أنكم فى المكان فهيسيبوكم فى حالكم بالعكس ده هما هتلاقيهم علطول ما انتوا قاعدين بيحفزوك بمسابقات والغاز 🤨
( يعنى اللى بيمسك الموبايل علطوول مش هيلاقى وقت وهتفصل يعنى هتفصل )
المكان فى حته نقيه جدا فى أكتوبر بعيد عن العمار بس متقلقش المكان متأمن بالكامل ده كمان لو عاوزين تعملوا تخييم ممكن يساعدوكم
يعنى اى حاجه فى نفسكم عاوزين تعملوها هتعملوها ..ده حتى مش هتنعوا هم التصوير لانهم بيصوروا اليوم بالكامل وبيبقوا معاك علطول
وفى كمان حاجه كده زى مزرعه صغيره فيها ماعز وديوك وبط هتبسط الاولاد أوى اوى 😁😁
انت كل اللى هتعمله انك هتتصل بيهم وتحجز اليوم
( لو الحجز لاكتر من 10 أفراد فممكن يخلى اليوم بتاعكم انتم بس ومحدش تانى يشارككم المكان )
المكان بيبدأ من 9 صباحا
وسعر الفرد 95 جنيه حد هيقولنا طب أحنا هنروح ومعانا تيته مثلا وهى عاوزه تقعد معانا فى الشمس وبس ..اللى هيخش وميشاركش فى اى نشطه هيبقى تيكت الدخول 20 جنيه بس وكمان فى أسعار تانيه لو مش هتشارك فى كل الانشطه ..🤗🤗
مضمار التحدي
-ورشة فنية للتلوين والرسم على البيض للأطفال
-البحث عن الكنز
-ألعاب جماعية
-حرب الألوان
-بيبي فوت ضخم
-بلياردو ضخم
-ملعب كرة النفخ
-تويستر
-ملعب كرة الصابون
-ملعب الطين
-نار مخيم
-تصوير تنكري
-مسابقات و العاب
-شطرنج ضخم
-سلم وتعبان ضخم
-كرة طايرة
المكان كمان ممكن يتعمل فيه أعياد ميلاد ( هتبقى فكره جيده ) ورحلات مدارس
**المكان مفيهوش أكل ☺️😚
**الأطفا أقل من 6 سنوات مجانا
العنوان / الحزام الأخضر وصلة دهشور شركة 6 أكتوبر الزراعية بوابة 1 حوض 14
فيه برامج للكبار ...الحجز مسبقا بالتليفون
https://www.facebook.com/CampXtreme1/

07/01/2018

سافرت النوبه قبل كده؟

رحلتنا الجاية للنوبه يوم 18 يناير لمدة 4 أيام و3 ليالي
هنزور فيها كل حتة ف اسوان و نعمل كل حاجة و كل ده ب 1500 جنيه بس
لتفاصيل أكتر عن الرحلة شوفوها عاللينك ده https://www.facebook.com/events/167238413881703/
و للحجز والاستعلام ممكن تكلمونا على
For info & reservation 📞 contact us on :-
01090370043 - 01008197500 - 01110399510 - 01025306030
Whats App: 01110399510 - 01090370043
مقر الشركة:-
- القاهره : شارع الشيخ ريحان عابدين امام مستشفي احمد ماهر
- مواعيد العمل :- يومياً من الساعة 11 صباحا حتى 8 مساءً
- امكانية الحجز من أي مكان عن طريق ايداع بماكينة (ATM) في بنك الـ (CIB) دون استخدام بطاقة ، فقط ادخل رقم حسابنا ورقم الموبايل الخاص بك ، وارسل لنا صورة الايصال ..هيوصلك voucher علي mail او علي whatsapp
- فودافون كاش على رقم : ( 01090370043 _ 01008197500 ) مع اضافة (2%) رسوم الخدمة

07/01/2018

Villa Belle Époque
هذا البوست عنصرى جدا ويخص البنات 🤐
ماتخليش حد يقولك سافرى لما تتجوزى أو لما اخوكى يفضى 😂
حضرتك هتسافرى جوا مصر فى المعادى كأنك روحتي المالديف اللى هتموتى عليها واتفسحتى فى باريس وكل اللى بتشوفيها على النت وبس 🙈
ده فندق Villa Belle Époque في المعادي 😍
تحفه في كل شئ ،، هدوء و شياكه و مناظر ترد الروح
طبعا ده أحلى مكان تعمل فيه مفاجئة لحد أو تعزمة على خروجه مينسهاش طول عمره
مناسب جداً لو عايزة تعملى فرحك أو مناسبة مهمة عندك 😉
أول ماتدخل من البوابة هتحس إنك داخل أفخم مكان فى لندن
الـ atmosphere هناك رومانسى وكلاسيك من الدرجة الأولى 😊
الغرف هناك مناسبة جداً كسعر وكجودة ولو قررت تاخد الريسك فى هناك suite فأول حاجة هتفتح عينك عليها هو منظر الورد والشجر وحمام السباحة 🌸
ماينفعش تفوتوا وقت الغروب هناك

07/01/2018

Scribbles Courses - سنتر شخبطة
طلبه هندسه نضم كده جمب بعض عشان الكلام ده مهم جدآ اللى مش عارف يعمل مشروع التخرج بتاعه 😭😭 متسوح ومش عارف ينفذ اى حاجه المكان ده هيساعدك 😵😵 فى مذاكرتك ومشروعك وهيخليك تتخرج كمان 😂😂😂😂😂
"" شخبطه ""
ده مكان هادى جدآ ومناسب للمذاكره والتركيز ومناسب اكتر لكل طلبه هندسه ومشاريعهم ورسوماتهم وحركاتهم 😉😉
المكان عباره عن ٣ غرف
_ اول غرفه كبيره فيها كراسى ومكاتب وترابيزات وكل واحد فى حالو يا محى 😁😁😁
_ الغرفه التانيه فيها قعده عربى على الارض وفى الترابيزه بتاعه الرسم الهندسى عشان لو انت فريق اصدقاء ورايحين مع بعض تقعدو باللابات بتاعتكو تخططو وتقومو تنفذو الرسم على الترابيزه 👌👌👌👌
_ الغرفه الثالثه
دى بقه للكورسات الهندسيه زى
Autocad _ 3D max _ revit _ photoshop _ skefch-up _ lumion _ v ray
كل الكورسات دى تقدر تاخدها عندهم وتكلفتها اقل بكتير من اى مكان بره 😃😃😃😃
طبعا الشىء الاساسى wifi لا غنى عنه والمكان بيساعد الطلبه اللى عندهم مشاريع تخرج وبيجبلهم معيدين يسعدوهم وينفذو معاهم مشروعهم على اكمل وجه 😊😊😊😊😊
هما كمان عاملين عرض على كورسات ال
Autocad _ 3D max _ Vray
التلاته دول ب ٩٠٠ جنيه بس وطبعا انتو عارفين الاسعار بره عامله ازاى 😉
وفى عرض كمان على
Sketch-up _ Vray + lumion
التلاته دول ب ٥٠٠ جنيه بس
احلى مشروع تخرج ده ولا ايه
يوجد جميع المشروبات الساخنه والبارده
الساعه ب ٥ جنيه وال ٣ ساعات وبقيت اليوم ب ١٥ جنيه فقط
قاعه الكورسات الساعه ب ٣٠ جنيه وتساع ٢٠ فرد 👍👍👍
نسيت اقولك ان فى قعده
Out door بره للمذاكره بردو جميله جداااا والمكان بشكل عام هادى ولذيذ وهيساعدكم كتير
يلا نلحق نخلص مشاريعنا
https://m.facebook.com/Scribbles.courses/

06/01/2018

Raseef Nemra Khamsa رصيف نمره خمسة

الأماكن الحلوة مش بس في دهب لا كمان ممكن تكون قريبه منك اوي

المكان حلو اوي و ديكورته كمان جميله و حلوه للتصوير😍👍
المكان مختلف عن اي مكان ممكن تروحه
ندخل بقي علي الاكل
المنيو فيه حاجات كتيره اوي🙈😍
عندهم جميع انواع المكرونات الي ممكن تحب تاكلها🙈😍
و الناس الي بتحب الجبن هتبسط اوي هناك
عندهم طاجن المكرونه
بالجبنه السايحه و قطع الكرسبي مع الوايت صوص
الجبنه 😍😋
و كمان عندهم طاجن السجق بالمكرونه و الجبنه السايحه😋😍
و عندهم مكرونه بالكبده😍
و النجرسكو عندهم حلوه اوي و معموله بطريقه حلوه و جديده
و كمان عندهم اصناف كتيره من المكرونات بنكهات مختلفه🤔😍
و عندهم كذا صنف خاص بالجبن علشان 😍الناس الي بتحب الجبن😍
و عندهم كمان حواوشي
للناس الي بتحبه😋😋😍😍
و لو عايز اكل خفيف
عندهم سندوتشات😍
و كمان عندهم حاجات كتير اوي و اصناف كتيره من الاكل😍🤔
لازم تجربوه
دا غير ان الناس الي شغالين هناك خدمتهم محترمه او
مفيش احلى من اكل زي ده لما تكون قاعد في
رصيف نمره خمسه😍😍
https://www.facebook.com/raseefnemra5amsa/?fref=mentions

06/01/2018

Bricks - Burgers & More
المكان Bricks - Burgers & More
علي عكس أماكن البرجر اللي في مصر كلها اللي بيحسسوك إنك بعد ما بتاكل لازم تقوم تمشي 😢 و بعدها تقعد تفكر انت و صحابك
هي دي اتحسبت خروجة ولا لأ 😂😂
المكان ده عامل مود حلو أوي للقعدات بره و جوه بحيث ان الأكل يبقا جزء من الخروجة مش الخروجة كلها أكل 👿
البرجر عندهم كان حوار ..
#أولا اللعب عندهم ببلاش طالما قاعد في المكان 😍😍
#الولاد طبعا اللي ليه في FIFA 2017 انت فاهم إيه اللي بيحصل 💃
#البنات لو ماسيطرتوش علي الدراعات الأول هتستنوا Next و ممكن Call of Duty بقا أو أي Games تانيه تليق عليكم 😃🙃 أو ممكن بلاش ألعاب قتاليه خالص و تطلعوا بره في الـ Outdoor تمشوها كوتشينه و Board Games أحسن 😘
*بيعملوا دليفري في الشيخ زايد 👌
العنوان : 12588 The Walk Mall, Beverly Hills - أكتوبر 6
التليفون : 01094666808
https://www.facebook.com/bricksegypt/

06/01/2018

الاميريكين

كنا زمان والناس القديمة تعرف ده كويس أوى ان اللى يروح جروبى أو الأمريكين فى وسط البلد يبقى من الناس الراقيه اللى حابه تقعد بمزاجها فى هدوء ..ومن أيام الأبيض وأسود والأماكن دى معروفه وتقريبا محدش سمع عنها كلمه مش ولابد لان المكان واخد 4 نجوم من وزارة السياحه وبيتعامل معاملة فندقية .. وده كان السبب الاولانى للأنبساط ان الواحد يرجع للأماكن العتيقه من تانى والاكل كمان على أد الأيد
التجربه الجديده اللى شدتنا فى وسط البلد هو الأمريكين Fast Food واللى شوفنا اللوجو بتاعه جنب فرع الامريكين الى فى تقاطع طلعت حرب مع 26 يوليو فقولنا نخش نجرب ونشوف الناس دى اللى عاملاه جديد والفكر الجديد اللى فى المكان ..
مبدئيا كدة المكان نضيف جدا جدا والناس اللى شغاله بجد ودودة وناس حابة شغلها وعاوزين يخدموا المكان بكل طاقتهم ..فى حوالى 9 ترابيزات لما بتقعد بتجيلك المنيو وبتلاقى الصدمة الأولى ان فى وجبات ب 25 جنيه بس فى مكان زى ده ( وجبة متكامله ) وتشبع البنى أدم الطبيعى ..يعنى هتقعد فى مكان جديد نضيف ومش هتصرف أكتر من 50 جنيه لو انت ومراتك او انت وخطيبتك ( مفيش خدمة وضريبه على فكرة )
أحنا جربنا 3 وجبات مختلفة الاولى قطعة مكرونه بشاميل معاها قطعتين فراخ بانية بس حلوة
الوجبة التانيه كانت ربع فرخة مع رز وتورللى ..
الوجبة التالته أسمها أسترجانوف ودى قطع لحم فى صوص جامد جدا ومعاها رز وبطاطس مطبوخة بس خفيفة أوى ( ممكن تسألوهم لو تبدلوها بتورللى هتبقى أحلى كتير ) ..الوجبات دى بيجى معاها عيش زى التوست كده بس ناشف طعم الزبدة باين فيه كان معانا أطفال عجبهم أوى أكتر من الأكل
اى وجبة من جودتها مش هتصدق أن تمنها 25 جنيه بس لان الاكل مش صايص لأ ده معمول فى مطابخ جروبى تحت أدارة فندقيه وده الاهم والنقطه اللى بنرشحهلكم انه لو حد ناوى يعمل خير فى رمضان او يفطر صائم أو محتاج ممكن يستقطع مثلا كل يوم 25 جنيه من فلوسه ويطلع بيها وجبة زى دى بجد مخدومه واللى هياكلها هيحس انه فعلا كل حاجه نضيفه مش معمولة أى كلام وخلاص
الحلو عندهم بقى مشهور من سنة 1946 أسمة الكوشون ويعتبر أيقونة المكان وده عبارة عن 3 بولة أيس كريم ومعاها مربى لارينج وقطع يوسفى مجفف وكريمه لبانى حاجه كده من العالم الموازى ...صنف حلو مكلناش زيه قبل كده وتكفى 2 مستريح و ب17 جنيه 😊
تجربه جديده بس عتيقه وعلى أد الأيد خالص
العنوان : جنب فرع الامريكين الى فى تقاطع طلعت حرب مع 26 يوليو
https://www.facebook.com/Alamericaine1943/

06/01/2018

دايما بنسمع أن اسكندرية مفيها خروجات كتير .. حابين نقولكم من دلوقتي مفيش ملل
لأن لالا لاند دايما عنده جديد وال Outing فيه مع أصحابك بيبقي أحلي 🍭🎮
لالا لاند المكان اللي بيخرجكك عن المألوف 🤗
من أول ما تدخله حتحس بالبهجة والسعادة .. من ألوانه المختلفة 🌈
والمزيكا اللي بتحبها 🤸‍♀️ والمفاجأت اللي بتلاقيها دايما 🎸🎺🎻
طبعا مش حنتكلم عن الأكل لأن المنيو مختلف ومتنوع مش حتلاقي ألذ ولا أطعم منه 🥙🍗
لو عايز تغير أنت وأصحابك مودك بجد يبقي عندك مكان واحد
العنوان / داون تاون - بجوار قرية عبد الوهاب للمشويات - لو مارشيه مول.
For Reservation Call / What's up :
BEBO : 011 530 99 703
NOSHA : 0112 50 57 422

06/01/2018

Immersive VR
المكان Immersive VR
من احسن الاماكن اللي ممكن تعيش فيها تجربة الـVR 😍 عندهم اكتر عدد لعب ممكن تتخيلو و دايما Updated كل اسبوع 💃💃 كواليتي اللعبة هناك طبعا بيختلف عن اي مكان تاني عنده VR انت بتلبس النضارات و السماعات خلاص بتسافر مش هتبقى سامع حاجة برة و مع نفسك بقى 😍 ولو انتو جروب ممكن تلعبو لحد 7 مع بعض في نفس الوقت !!
المكان هناك متقسم Partitions و الارض و الحيطة Completely Safe عشان لو وقعت او حاجة و ده هتفهموا اكتر لو لعبت عندهم Skating 😂 🤚
و عندهم 2 Partitions للعربيات بس و دي انت بتبقى جوة عربية بمعني الكلمة وتقدر تسوق Manual او Automatic كل حاجة في العربية هتبقى موجوة و هتدخل جوة نضارتك و سمعاتك و خلاص بقى انت كدة استلمت رخصتك تعمل اللي انت عايزه في وسط السباق 😂 💃
و من الحاجات اللي لازم تجربوها لعبة Richie Plank Experience و دي انت بتطلع في اسانسير و بعدين بتمشي على خشبة و هتتزق تقع الموضوع مش سهل خالص و كمان هما هناك بيعيشوك التجربة بطريقة مختلفة و هتنهار 😂 😱
و طبعا الZombies لازم تتلعب هما عندهم منها لعب كتير و تقدر تلعبها Single او Multi و تدخلو كلكم تسندوا بعض في اللي هيحصل فيكم من الهجوم الشنيع 😂 🏃🏃
لو مجربتش VR هتتبسط هناك جدا و لو جربت هتتبسط اكتر عشان هتحس بالفرق فعلا 😍
الاسعار على حسب عدد الافراد:
فرد او فردين .. سعر الفرد بيكون 100 في نصف الساعه و 170 في الساعه
لو 3 افراد .. سعر الفرد بيكون 95 في نصف الساعه و 160 في الساعه
لو 4 افراد .. سعر الفرد بيكون 90 في نصف الساعه و 150 في الساعه
لو 5 افراد .. سعر الفرد بيكون 85 في نصف الساعه و 140 في الساعه
لو 6 افراد .. سعر الفرد بيكون 80 في نصف الساعه و 130 في الساعه لو 7 افراد .. سعر الفرد بيكون 75 في نصف الساعه و 120 في الساعه
العنوان: مول Skies Plaza 3بشارع التسعين - التجمع الخامس - امام الجامعه الامريكيه بوابه 1 - بجوار امريكانا بلازا.
التليفون: 01020100044 - 01020300220
https://www.facebook.com/ImmersiveVREgypt/

05/01/2018

.J.Cafe.Restaurent

امبارح في المعادي كنا فيR & J
حاجه كده تحفه من كل الاتجاهات 😍
المكان عباره عن فيلا فيها 3 قعدات 👌
في الجنينه تحت هي عباره عن كنب و كراسي ملونين 💃 و الارضيه كلها نجيله و في Projector هناك العادي بتاعه mbc 2 Silent و المزيكا اللي بتبقا شغاله تحفه فعلا تراكات تظبيط المود - لكن لو في حاجه زي مسرح مصر او The Voice او ماتش علي BEIN Sport طبعا انتوا عارفين هيحصل إيه 😊
في الجزء التاني من الجنينه هي القعده العربي ❤ كراسي و كنب علي الارض و الطبليه و براد الشاي و الاضاءه و الديكور كله قعده عربي
جوه الفيلا قعدات هاديه و كلاسيك شويه و ممكن يتعمل فيها اعياد ميلاد كمان لو نسقتوا معاهم حجز قبلها - اعداد من اول ترابيزه واحده بعدد صغير يوصل لـ 30 او اكتر
المكان فيه دفايه فحم تحفه بتنزل لكل ترابيزه من بعد الساعه 8 بالليل
**نيجي بقا للاكل : الشيف هناك عالي اوي و الاكل بتاعهم حلو جدا عن تجربه 😉 والحلو اكتر انه كتير 😂😋 يعني مثلا في طاجن مكرونة فراخ او لحمة بـ 30 جنيه تقريبا مش هتقدروا تخلصوه اصلا و الكوردن بلو كان تحفه برضو و في حواوشي اختراع بعيش تورتيا - حواوشي من عالم تاني و المنيو مليان حاجات كتير حلوه و اسعارها حلوه جدا 👇
*** مفيش مينمم
**** في WIF
لعنوان : فيلا 6 ,شارع 263 المعادي
التليفون : 01146733888 - 01280068121
https://www.facebook.com/R.J.Cafe.Restaurent/

05/01/2018

البوست الأضخم لخطط شهر العسل(خد مننا مجهود ضخم يا ريت يتم التقدير )
بوست مهم لكل اللى هيتجوز قريب وبيفكر هيعمل أيه
مبدئيا كدة أنت بتتجوز يعنى هتعرف تاخد أجازة فتوقيت الأجازة مهم جدا ..
معروف أن موسم التزاوج عند المصريين بيبقى بعد العيد الصغير والعيد الكبير هو اه بيبقى توقيت مثالى للجواز بس مش التوقيت المثالى للسفر ودة علشان الدنيا كلها بتبقى أجازات فالأفضل أنك تتجوز فى الدراسة أو تستنى لما الدراسة تخش وتبدأ للأجازة دى علشان فعلا يبقى شهر عسل .. بس اللى خلاص مضطر ننصحة يدور على الفنادق اللى بتقبل الكبار فقط لان المستوى بيبقى أعلى شوية ..
فى ناس كتير اوى بتبقى أول سفرية ليهم هى سفرية الجواز والبوست دة متوجهه ليهم بالأساس ودة هنحاول نوضح فيه التوقيتات والاماكن المثالية لأجازة سعيدة ..
لان الشتاء قرب فهنتكلم عن اماكن الشتاء الاول
اول ما نقول شتاءيبقى وش الأقصر و أسوان ودة من خلال النايل كروز اللى بين الأقصر واسوان وبتبقى فى الغالب لمدة 4 أيام ووانت فى الاقصر تركب البالون فى وقت الشروق بيبقى متعة جدا ودة بيبقى تقريبا ب 600:1150جنية الفرد وممكن تتفق مع اى حنطور هناك وهو يظبطلك كل حاجة .. ممكن كمان تروح جزيرة الموز وتاخد شوية صور تجنن هناك وأنت دى هتروحها أزاى ..أنت بتروحوها عن طريق فلوكة فى النيل ودى حاجة فى حد ذاتها ممتعه اوى والفلوكة ممكن تاخد لوحدك ب 120 جنية تقريبا .. ووانت فى أسوان برضه ممكن تاخد فلوكة تانية ودى تدويك بقى النوبة وتنزل فى بيوت الأستضافة اللى هناك وتشوف الكرم اللى على حق والنضافة وراحة البال اللى متتعوضش ..( أللى بيتعرف انه عريس جديد هناك بيتقام معاه بالواجب اوى من أهل الكرم أهل النوبة ) ...
رحلة النوبة دى أساسا ممكن تكون لوحدها خالص وتنفض خالص للأقصر وأسوان بيوت الأستضافة هناك ( هى مش مسماها فندق ) بس بتتعامل معاملة أفضل فندق 5 نجوم من حيث كل شئ ..انت ع النيل ليل ونهار والمزارات هناك زى السد العالى ومتحف النوبة ومعبد أبو سمبل وكل الأثار الفرعونية اللى كلنا عارفنها ...بس بننصحكم لو رايح أبو سمبل ظبط نفسك على خميس أو جمعة علشان تحضر الصوت والضوء واللى هتفضل فاكرة لو بعد 10 سنين من روعتة
تانى مكان فى الشتاء مميز اوى ممكن يكون فى الفيوم وبالتحديد فى قرية تونس وهى فيها فنادق متنوعة كتير من اول 600 جنية فى الليلة لغاية 3000 والفيوم ممكن يتعمل فيها حاجات كتير ( بس معظمها فرهدة بس كشهر عسل مش هتتنسى بردة ) انك تتسلق الجبال أو تتفرج علي الشلال و تتزحلق علي الرمل و تعمل مغامره مع البرشوط أو تركب فلوكه في البحيره و تاكل الاكل الفلاحي الجميل ..لو حابب الفرهدة

05/01/2018

حد شاف منكم قبل كدة مياة النيل جنب الاهرامات ؟؟؟
أه شوفناها بس فى الصور الأبيض وأسود بتاعت زمان
طب يالا بقى خد كامرتك وروح أتصور فى المكان دة وببلاش :)
طيب تعرفوا ان فى بركة فى الجيزة أسمها بركة الملك فاروق وأتسمت كدة علشان الملك فاروق كان بيصطاد عندها الطيور ..ودى كانت المكان اللى بتستريح فيه الطيور المهاجرة ..
لغاية دلوقتى المكان دة أستراحة الطيور المهاجرة ..
طيب تعرفوا أن المنطقة دى فيها 3 أهرامات الهرم الأسود والهرم الاحمر والهرم المنحنى ..المنحنى (او المشهور بسنفرو )أتسمى كدة عشان كان فى غلطة فى بنائة الهندسى فاتعمل الهرم الاحمر علشان يداروا ع الغلطة دى وهو لونة أحمر علشان حجارتة لونها أحمر ..
المكان مثالى لزيارتة فى الشتاء مع شوية أهتمام بسيط هيتحول لحاجة تانية خالص
مكان حلو جداً بس عايز شوية اهتمام كالعادة
وزيارته في الشتاء أحسن كتير .. تخيل أنت بقى مياة وخضرا وصحراء فى مكان واحد حاجة نادرة مش كدة
التجربة المميزة في الزيارة دي
هى صعود الهرم نفسه و دخوله و النزول لغرف الدفن
التى ترتفع عشرة أمتار فى قلب الهرم والتى تنزل لها مسافة 65 متر (145 درجة)
من خلال نفق صغير و متعب و مرعب ..
لكن لما توصل للغرف المهيبة دى هتحس بالرهبة و الأعجاب بشكل و حجم و عظمة المكان
تستحق مشقة النزول و الصعود !! ( صعب جدا ع الاطفال او مينفعش من الأساس )
خروجه رائعة تستحق التجربة
ونتمنى طبعاً أن يتم الأهتمام بالمكان لأنه جميل ( أحنا بنقول أهو محتاج أهتمام)
و يستحق أن يكون مزار سياحى عالمي متميز فى وقت قريب ان شاء الله ...
و أتمنى أن تجربوا تزوروه خاصة أنه قريب جداً من القاهرة
العنوان بـ Gps :
https://www.google.com.eg/…/data=!4m8!4m7!1m0!1m5!1m1!1s0x1…

05/01/2018

Egyptian Creative Arts

وانتم بقى بتزورا المتحف اللى فى البوست اللى فات دة هتلاقوا التحفة الفنية دى على الشمال قبل ما توصل للمتحف
الصور اللى موجودة كلها هتشدك أنك تنزل دلوقتى وتروح ( البنات انت ليكم هناك شوية أكسسوارات هاندميد تجنن الكل هيسألكم أنتم جايبنها منين )
مكان صغير أوى بس يدوبك اول ما تدخل برجلك هتنبهر وهتخلص الفلوس اللى معاك كلها على اللى موجود جوة ( الحاجات أسعارها عادية جدا يعنى 100 جنية تبضع بيها شوية هدايا محترمة )
المكان يجمع بين منتجات يدوية ( 99 % من الحاجات اللى موجودة عندهم صناعة يدوية )
ومش صناعات يدوية بس لأ دة معظم الحاجات هناك من أعادة التدوير كمان
يعنى مكان هتحس بالبهجة من اول ما تدخلة .. مينفعش تبقى مصرى ومنشجعش الشغل ده ومتشتريش منه ( واحنا هناك كان فى مجمةعة كبيرة من الاجانب منبهرة بكل ركن فى المكان )
الصور اللى موجوده دى واحد على عشره من المتعه اللى هتلاقيها هناك
شجع بلدك والحرف الجميله اللى فيها
الناس اللى ملهومش فى الجشع واللى مبيستغلوش اللى بيروح هناك ويدفعك فلوس لو حتى بصيت على حاجته ..
ومعنى أنك تلاقى حاجه هاند ميد يعنى حاجه بتبقى بالقطعه يعنى لو لبس بالتطريز يبقى مستحيل تلاقى حد لابس زى اللبس ده أو مثلا الخواتم كله تقريبا بيبقى قطعة واحده ..
لما تقف فى المكان كل ركن عينك هتيجى فيه هتلاقى حاجه جديده ومع أنها ممكن تبانلك بسيطه ألا أننا متأكدين أنها خدت وقت ومجهود جبارين ومقارنة بالأسعار أنت أكيد هتلقيهم أقل من بره
مش هنحكى كتير هنسيبكم مع الصور اللى حاولنا نظهر فيها جمال المكان بس المكان أجمل من الصور بكتير ..بس خللى بالكم المكان بيقفل الساعة 5 المغرب والجمعة اجازة
العنوان : 21 ميدان طولون السيده زينب أمام جامع أحمد بن طولون
التليفون : 01278985303
https://www.facebook.com/creative333arts/?fref=mentions

04/01/2018

متحف الفن الأسلامى
عارفين الحاجة اللى الواحد يفتخر أنها موجودة فى البلد ... طيب نقولكم حاجة فى ناس كتير ممكن تروح متحف مرة وخلاص أحنا المتحف دة من ساعة أفتتاحة من حوالى 8 شهور و أحنا كان لينا 3 زيارات وكل مرة بيبقى فى أنبهار ..
اللى بيقدر الحاجت دى ويقدر اللى واقف قدامة ويبقى عند المقدرة التخيل هى الناس دى كانت بتستخدم الحاجت دى أزاى وبتلبس اللبس دة أزاى هيحس بجد بشعور جميل أوى
هنقول حاجة بسيطة لما الواحد بيدى ميعاد لحد اليومين دوول بيبقى معاه موبايل وساعة فى أيدة وعربية تقدر توصلة طيب الناس دى كانت بتلتزم بمواعيدها أزاى ؟؟؟
اهى دى حاجة هتعرفوها هناك وفعلا لما تتخيلها هتسرح بدماغك كتير أوى
طيب السيف والدرع دة مين اللى كان بيستخدمة وعمل بيه ايه ودافع عن أيه وانتصر ازاى وتخيل بقى مع المرشدين القصة كلها ( الموضوع مش انى ألف واتفرج ع التحف وبس كدة)
كل قطعة ووراها سر وحكاية..
المقتنيات الدهبية اللى هى عيار 24 والزمن مأثرش فيها خالص والسيف اللى من الدهب الخالص والدراهم والدنانير ( صُرة من الدنانير :) ) والكتابات اللى مكتوبة بدقة جدا ع الابواب والادوات لما تقرب منها تكتشف أنها مش زخارف دى كتابات ورسومات بترمز لكل حاجة ( برضة المرشدين هيقوللك ع كل حاجة )
أخيرا نتمنى أننا نكون شوقناكم لأن اللى مكتوب دة لا يمثل 1 على 1000 من اللى هتشوفوه وهتنبهرة بيه دة غير ان الحديقة الملحقة بالمتحف تحفة وهتاخدوا فيها أحلى صور
مواعيد العمل : يوميا من 9 صباحا ل 5 المغرب ( الجمعه بس بيغلق أبوابة ساعتين لصلاة الجمعة )
سعر التذكرة : 10 جنيه للمصرى و 5 جنيه للطلبه
الاجانب : 50 جنيه و الطالب الاجنبى 25 جنيه
تذكره التصوير الفوتو غرافى : 50 جنيه
يوم السبت : التذكره 15 جنيه لأن يوم السبت المتحف مفتوح لحد 9 بليل
العنوان :منطقة باب الخلق . امام مديريه الامن القاهرة لو رايح بالمترو هتنزل محطة محمد نجيب

04/01/2018

Say Cheese Egypt

مفيش حاجه احلي من التشيز كيك في الحياه بجد😍
المكان Say Cheese Egypt
لما تدخل المكان هتلاقي التلاجة قدامك 😍😍🙈مليئة حاجات كتير اوي🙈😍 و اختار منها بقي الي انت عايزه🤷‍♀️😍🙈
عندهم الRed Velvet 😋و دي قطع كيك الريد فيلفت مع في Cheese الكريمي😍
😍 و عندهم حاجه اسمها البراونيز و دي عباره عن قطع البراونيز مع الكريم تشيز و عليهم صوص كراميل و شيكولاتة
و البلوبيري 😍 و ده بيكون عباره عن صوص البلوبيري و من النص التشيز كيك
و الوايت تشوكلت 😍و دي عباره عن التشيز كيك فوق البسكوت و عليهم من فوق طبقة وايت تشوكلت و انت و عندهم 😍👍حجات تانيه كتيره حلوه اوي😍😍
https://www.facebook.com/SayCheeseEgypt/?fref=mentions