13/10/2022
تأشيرة وسكن ب 4400 بس 🙈🙈
أحبابنا اللي عماله تنزل من غير ما تفهم والله ومش بحبط حد بكلم عن تنفيذ وخبرة تعالي بقا افهمك اي مووضع نسك
أولا منصة أو موقع نسك لإجراءات التأشيرة عبارة عن توجيه وليس تنفيذ مباشر يعني نوضح
حضرتك هتدخل عشان تجيب العمره ام ٤٤٠٠ جنيه هتلاقي اختيارات أولهم
هل أنت مقيم دائم في الولايات المتحدة أو المملكة المتحدة أو الاتحاد الأوروبي أو تحمل تأشيرة الولايات المتحدة أو المملكة المتحدة أو شنغن؟
التاني عشان الإجابة هتكون لأ عشان لو معاك امريكا او اوربا اكيد انت عارف انك تاخد عمره أو سنه كامله عند الدخول.
الثاني
هل أنت مقيم في دول مجلس التعاون الخليجي؟ (مجلس التعاون الخليجي هو اتحاد إقليمي يضم البحرين، الكويت، عمان، قطر، المملكة العربية السعودية، والإمارات العربية المتحدة)
طبعا لأ عشان خلاص كل من هو مقيم عارف أنه يقدر يطلع تأشيرة ف ٥ دقائق ب ٣٠٠٠ بالكتير وسنه كامله ويسافر برحته في اي وقت
تلاقي الصدمة قدامك بتقول اي بقا
يحق لك استخراج تأشيرة عمرة وبسهولة من خلال التقديم على أحد مزودي الخدمات المعتمدين أو من خلال زيارة أحد وكالات السفر المعتمدة المحلية لديك لحجز حملة العمرة.
اي ده يقصد اي ده يعني المصريين ملهمش ف ام ٤٤٠٠ دي
يا باشا اعقلها وسيبك من الأخبار الكلام لما اتقال صاحب الكلمة مش عارف سعر العملة في مصر كام الآن
وكمان لما تخش تحجز باقة جرب وشوف هتقدر تجيب تأشيرة أرخص من الشركة ولا الشركة أقل
طبعا الشركة اقل بكتير ومضمونه كمان عشان هتدخل تحجز وتدفع كمان لكن لازم من اي وكيل سعودي وبعد الدفع الخارجية بتكون ف انتظار رفض الطلب او قبول الطلب من الشركة السعودية اللي بالتأكيد خايفه علي شركتها من التخلف عن العودة وهترفض الطلب شوف بقا لما تقدم والآخر تترفض وكمان لو تم استرداد فلوس هتكون جزء ده لو تم استرداد اساسا فلوس
الخلاصة اللي تخص نسك بالفعل مش بالكلام نبطل هري هنكسب والله افضل بدل الهبد اللي خلي الناس مبقاش عندها ثقة في شركات السياحة
حتي الآن مش مسموح للمعتمر استخراج تأشيرة عمره عبر نظام الخارجية السعودية للمصريين وجميع الطلبات توجه لسيستم الخارجية بعد اختيار الباقة والوكيل السعودي ويوافق كمان ووقتها هتلاقي الباقة لو انتم 4 أشخاص وصلت للفرد في حدود ١١ ألف التأشيرة
ومتنساش انك لو طلعت تأشيرة عمرة لازم تحصل على الباركود التعريفى من بوابة العمرة المصرية اللى هو محدش هيقدر يطلع الباركود دا غير شركة سياحة مصرية
