ملفات وتظلمات الشنغن

Home
Egypt
Cairo
ملفات وتظلمات الشنغن

تجهيز ملفات سياحية وتظلمات رفض السفارات الأوروبية (شنغن) -أون لاين
(1)

10/04/2024

كل عَام والأمَّة الإسْلاميَّة حَول العَالمْ بِخَير 🌎✈️

عِيـــــد فِطـــــر مُبَـــــااااارك 🎊❤️

29/03/2024

مكاتب خدمات التأشيرات
Tls , Bls , Vfs
أجازة رسمية الخميس والجمعة
والسبت والأحد
ابتداء العمل من يوم الإثنين
الموافق 1/4/2024

17/03/2024

تعالو اقولكوا علي تجربتي مع الشنجن عشان
‎الناس تستفيد بوست طويل بس مهم جدا

‎الشنجن مش فيزا مستحيلة ولا محتاج تاخد 900 فيزا لبلاد في القطب الشمالي من غير تأشيرة ولا جزر ف المحيط الاطلنطي عشان يعني تقوي باسبورك و تاخدها بعد كدة انت ممكن تاخدها من اول مرة علي باسبور ابيض من غير ما تكون تنين او حاجة طب ازاي و بيعتمد علي ايه؟ تعالي نفصص ورقة ورقة كدة و برضو هتكلم على عوامل تانية غير الورق لو عملتها اضمنلك تاخد التأشيرة ب اذن ربنا طبعا لانها كله ف الاخر نصيب بس انت بتعمل الي عليك و تتوكل علي الله

‎ 1- الHR letter أو سجل تجاري وبطاقة ضريبية
*(مبدئياً لازم يكون نشاطك متسجل في البطاقة وجواز السفر)
‎الإتش آر أو خطاب العمل: ورقة مهمة و دايما يستحسن تكتب فيها النقط دي ( المرتب - المسمي الوظيفي - تاريخ التعيين - الرقم التأميني - تاريخ السفر و الرجوع - موافقة صاحب العمل من السفر- ختم الشركة - امضاء ف الاخر ) طبعا مع ذكر اسم الشركة و عنواناها و رقم تيليفون و ايميل ، عايز اقولك انت لو عملت كدة انت كدة بنسبالهم تمام لان الحاجات دي الي قولتها هو بيقولك اكتبها ف التعليمات اصلا الي علي موقع السفارة فا انت كتبتها خلاص هو كدة اتبسط منك و خليته يرتاح و مقرفتوش ولا خليته يلف وراك .

كذلك السجل التجاري والبطاقة الضريبية: (لازم يكون السجل مستخرج حديث والبطاقة الضريبية بتاريخ قديم عشان تثبت مصدر اموالك إلي في البنك)
وبتسجل ليهم (رقم الشركة + العنوان + إيميل الشركة)
‎2- الحساب البنكي اخر 6 شهور

‎هل لازم أكون مليونير ؟ لا ، كشف الحساب البنكي طبعا يكون جديد يعني استخرجه قبل معاد التقديم بـ3 أو 4 ايام مثلا ،بس الاهم فيه انه يكون في حركة كويسة مش فلوس كتير وخلاص، انت ممكن تكون عامل حركات ب 100 الف بس الحساب فيه 50 الف حاليا مثلا ، لان ف اخر الورقة ف الكشف بيكون في جدول كدة صغير مكتوب فيها انت صرفت قد ايه و دخلك قد ايه خلال ال6 شهور هو ده من الاخر المهم مش انت حاطط مليون جنيه و ف الاخر لا صرفت حاجة ولا دخلك حاجة و المجموع صفر ف الاخر عشان كدة هو بيطلبه اخر 6 شهور هو مش عايز يعرف انت معاك ف البنك فلوس كتير ولا لأ و هو عايز يشوف بتصرف ف ايه و بتعمل ايه ف بلدك قبل ما تسافر ومعاك مبلغ يغطي تكاليف سياحتك، و الدليل ان الي بيصرف كتير ب الكارت و كدة بيطلع كشف حسابه 6 او 8 ورقات و هو ده المهم دا اولا بيدي مصداقية لحسابك انك بتصرف من فلوسك ثانيا بيبين قد ايه انت واحد بتصرف عموما مش حاطط رقم لغرض السفر و هتسحبه تاني فا كدة انت اقنعت القنصل و تقدر تاخد التاشيرة لو حسابك فيه ع الأقل 80 الف حتي عادي

‎3- حجز الفندق و الطيران

‎الاتنين حجز مبدأي مش بتحجزهم فعليا بس بتحجزهم ، طب ازاي دي فزورة ؟ و هو بيكون طلبهم مؤكدين ؟ كدة هترفض ؟ لا ، اقولك ازاي هو عايز يشوف جدية و انك بتقنعه انك فعلا مسافر سياحة ، اولا الطيران يستحسن تعمله من شركة وطنية زي مصر الطيران متجبلوش شركة محدش سمع بيها ولا شركة اجنبية انت لما تجبلو شركة وطنية انت كدة بتحترم ذكائه مش بتضحك عليه و الموضوع سهل خالص ، مصر الطيران انت بتدخل تعمل التكت ع الموقع عادي بنفسك و تختار تدفع بعدين بس كدة انت حجزت تذكرة، و طب حجز الفنادق ازاي اخليه مؤكد ؟ انت بتحجز الفنادق من علي booking و تختار الفنادق الي بيكون مكتوب عليها اوبشن pay at the property او الدفع عن الوصول و بعدين تحط الكارت بتاعك ، طب انت خايف ياخدو فلوس ، ماحدش هياخد حاجة عموما بس لو خايف اوي يا سيدي متحطش كارت في فلوس اصلا و اطمن و هيتقبل عادي و الحجز هيتأكد و يتبعتلك بيه ميل ده الي بتطبعه عشان تقدم بيه و انت كدة حاجز فعليا يعني لو راسلو الفندق و سألو عنك انت اسمك هناك محجوز ف اليوم الي اخترته و انت مدفعتش حاجة

‎4- استمارة طلب التأشيرة:

‎ناس كتير مش بتهتم بيها و تكروتها عايز اقولك ان دي زي الcv كدة هي اول حاجة القنصل بيشوفها اصلا فا لو مكتبتهاش ب ضمير صدقني هو هياخد عنك انطباع وحش ف باقي الورق ف اتعامل معاها ان دي الانطباع الاول حط كل بياناتك ب دقة عنوانك شغلك الي ف الhr ارقام تيليفون ايميلات اسم الفندق او الشخص المضيف لو موجود ب بياناته كلها و املاها بضمير لان دي الي بتخليه يصدقك او يشك فيك ف الاول

‎4- خطة السفر او مسار الرحلة:

‎من اهم وأصعب الاوراق الي ناس كتير بتفتكرها ملهاش لازمة و تكروتها مع ان والله دي عن تجربة اهم ورقة فيهم طب ليه ؟ انت مقدم تأشيرة سياحة يعني رايح تشوف اماكن و تلف هناك اعتبر القنصل ده اخوك و بتحكيله هتعمل ايه لما تروح هناك انت مثلا قايل هتقعد 10 ايام قولو كل يوم هتزور ايه و تعمل ايه بالساعة والدقيقة لو هتسافر من مدينة ل مدينة جوة البلد قولو برضو اي حاجة بتفكر هتعملها و يستحسن و ده رأيي الشخصي اكتبها بنفسك متروحش لشركة لان انت هتكتبها ب ضمير اكتر و تحط فيها مجهود هتفتح الword ع الكومبيوتر و تعمل جدول تبتدي تكتب كل يوم و شوية صور للاماكن و اطبع يا باشا و حطها ف الاوراق و خلصت ، والله ناس كتير لما بتقولي اترفضنا لما بشوف خطة السفر بتاعتهم بقولهم انا لو من القنصل هرفضك برضو ، اتعامل معاههم ب احترافية هتكسب، هتستهون هما مش هيجاملوك و يا عم روح هناك ان شاء الله متخرجش من الفندق حتي انت حر بس انت دلوقتي اكنك ف انترفيو شغل لازم تبين جديتك ف اعملها باحترافية و ضمير عشان تقنع القنصل انت رايح عارف هتعمل ايه و هو كدة كدة مفيش مقابلات مش هيسألك ف حاجة و جوجل موجود تقدر تجيب منه كل معلومات السياحية عن البلد ف اتعب شوية فيها عشان تلاقي نتيجة

‎دول كدة اهم 4 ورقات الي اتكلمت عليهم فوق ، الباقي بقي كله ورق روتيني مش اكتر جوازك و صور منه ،صور لأي تأشيرة لو معاك ، صورة شخصية ، ورقة تامين السفر و شهادة تحركات لو اول مرة ليك تسافر اوروبا بنسبة للمصريين طبعا ، ورق كله تعمله ف يوم واحد والله ، شوفت الموضوع سهل ازاي

‎خلصنا من الورق تعالى اقولك بقي علي شوية تريكات بسيطة كدة تفرق معاك

‎1- رتب ورقك كويس يعني كل تواريخك مظبوطة حجز الفندق مع الطيران مع تاريخ السفر بتاعك كله مظبوط اوعي تلخبط ف يوم زيادة او اقل كله ماشي مع بعضه يعني لو مسافر من يوم 1 ل 5 يبقي حياتك كلها ف الورق من يوم 1 ل 5 فهمت ؟

‎2- قدم علي الاقل حجزين فندقين في مدينتين مختلفين عشان يبان ع الاقل هتقعد ف كل مدينة 3 أو 4 أيام و متنساش تحجز ليلة الوصول و اخر ليلة الي انت حتي راجع فيها و متستغربش انا عارف بقولك ايه احنا اتفقنا كلها وسائل اقناع مش اكتر

‎3- متذكرش ف الاستمارة انك هتزور بلد غير البلد الي انت مقدم من سفارتها خد تاشيرتك بعدين عيش براحتك بس قدام القنصل انا راجل رايح اقعد الاسبوع ولا ال10 ايام عندكم كلهم

‎4- قسم رحلتك علي 2 او 3 مدن علي الاقل ف خطة السفر مفيش حاجة اسمها مسافر اقعد اسبوع ف مدينة واحدة كدة انت بتحور و مش عارف حاجة عن السفر و رايح تهرب بنسبالهم انت رايح تلف و تزور مدن ومعالم كتير ف لازم تحط فنادق ف مدن مختلفة

‎5- اهتم ب شكل الورق و نظمه يعني عرفت تطبع الورق ب الوان تمام 😅 رتب الورق بشكل كويس يعني الصور لوحدها و الاصول لوحدها دبس الورق الي ليه علاقة ببعضه مع بعض و قسم الدنيا صدقني كل ده مهم ، اكتب استمارتك ب الكومبيوتر مش بخط الايد يعني من الاخر ريح الي بيشوف ورقك متخلهوش قرفان من ورقك ممكن تتريق عليا بس والله كل ده بيفرق

‎6-متسمعش كلام شركات سياحة و مكاتب كلهم مش فارقلهم تاخد تاشيرة او لا هما عايزين فلوس ، اعمل ورقك بنفسك ماحدش هيخاف علي نفسه و يهتم ب ورقه قدك

‎7-ترجم اي ورقة ب الإنجليزي لو كانت عربي او استخرجها ب الإنجليزي لو متاح مفيش حاجة اسمها ورق عربي يدخل سفارة اوروبية ورقك كله بالإنجليزية مش شرط لغة البلد الي مسافرها

‎8- الورق كله ف كل الشنجن واحد تقريبا بس برضو حضر ورقك دايما من ورقة التعليمات الي بتقدر تنزلها من موقع السفارة يعني مقدم سياحة شوف الورق المطلوب من الموقع و طبقه ب حذافيره امشي ب الكتالوج هو مش هيخرج من الي قولته انا بقولك ازاي تحضر ب نفسك ملفك

‎اختار بلاد تقدم عليها يكون فيها سياحة عالمية بكل انواعها يعني سياحة تاريخ او ترفيهية او حتي رياضية عشان يبقي سفرك ليهم مقنع زي هولاندا و اسبانيا و المانيا بلجيكا و ايطاليا و خدهم بنسبة القبول بالترتيب كدة زي ما كتبتهم من الاكتر نسبة قبول للاقل شوية ، و متقدمش من ايطاليا اول مرة خليك ف اول 4 ف الاول ، المهم بقي يعني متروحش تقدم من بولاندا ولا أستونيا و الجو ده و تفتكر دول غلابة بقي و هيدوك التأشيرة عشان بلاد تعبانة و اسمهم ف الاتحاد الاوروبي و خلاص عايز اقولك دول هيرفضوك حتي لو معاك شنجن قبل كدة اصلا😂 لان هما مش مقتنعين بنفسهم اساسا كا بلاد سياحية ف هيقتنعوا بيك انت ازاي 😅 ولا تروح بلاد الاغنياء زي سويسرا و السويد و النرويج ، خليك منطقي عشان تتصدق 😁

‎، تقدر تتفادي كل الغلطات و ان شاء الله خير و ربنا يوفق الجميع ❤️ ، و ان شاء الله لو عجبكم البوست هبقي اعمل بوست مفصل تاني عن ازاي تسافر اوروبا ب أسعار ارخص من مصر و تتبسط 😅

ومتنساش ممكن اريحك من دا كله واجهزهولك لحكم شغلي وخبرتي ولله الحمد ♥

17/03/2024

ناس كثير بتسئلني اي هي المهنه المناسبه للسياحة لأوروبا
للقبول في سفارات الشنجن = خلينا نتفق علي الاتي
اي مهنه حرفيه ( مع احترامي ليهم ) اكيد هتكون نسبه قبولها ضعيف جدا لان مش الطبيعي ان حرفي بيشتغل باليوميه يسافر دوله أوروبية سياحه
اي مهنه من مكتب العمل زي مدير مبيعات او مندوب مبيعات او سيلز او تسويق او خلافه المهن دي اتهرست هرس في السفارت لان نص مصر بتعمل المهن دي في باسبورها و من وجهه نظري ان خلاص بقي معروف للسفارات ان اللي مالوش شغلانه بيعمل مهنه مدير مبيعات
* الأقوى مهنة تأمينات علي مسمي شركة أو مهنة حرة مرموقة زي دكتور وما شابه من المهن الحرة
نيجي بقي للسجلات التجاريه صاحب شركه او مكتب بصراحه الموضوع بقي مستفز اوي تقريبا نص شعبك بقو رجال اعمال وخصوصاً استيراد و تصدير او محلات دهب او خلافه - علشان تقدم بسجل تجاري لازم السجل يكون مر عليه كذا سنه و تكون شركه تضامن مش منشاءه فرديه لو فردية لازم كشف حساب للشركة مع الشخصي داعم ليه و تكون راسمالها كوييس مش 10 الاف جنيه و يكون ليها كشف حساب في البنك ده كده حيقوي موقفك و يا سلام بقي لو تقدم ان مامن علي الموظفين في الشركه او انك بتدفع الضرايب بتاعه الشركه - غير كده يبقي الشركه دي حبر علي ورق
الموضوع كله ورق علي بعضه يعني المهنه جزء من القبول يعني لو باسبورك فيه سفريات سابقه سياحه و كشف حسابك معدي الميت الف و الاتش ار بتاعك مرتب كويس و تعييينك قديم في الشركه اكيد دولت حيقرقوا كده ( يعني الخلاصه الموضوع مش مهنه و بس)
كلامي ده و لا هو قرأن و لاهو كلام أنزل ده رائيي الشخصي من خبرتي بقالي سنين في المجال ومتابع صفحات السفر و خلافه و ناس اتقبلت بالمهن اللي ذكرتها دي

15/03/2024

🌟 خدماتنا: تجهيز ملفات سياحية وتقديم تظلمات رفض السفارات🌟

هل حلمت برحلة سياحية مثالية؟
هل واجهت رفض غير متوقع من السفارة؟
متقلقش ، احنا هنا عشان نساعدك ونعالج المشاكل!

🌍 خدماتنا تشمل:

تجهيز وتنظيم ملفاتك السياحية بدقة واحترافية
تقديم تظلمات قانونية وفعالة لرفض التأشيرة من السفارات
مساعدتك في فهم الإجراءات والمتطلبات لتجاوز التحديات بنجاح بإذن الله

كلمنا على رسايل الصفحة عشان نقدر نفيدك

14/03/2024

عَليه أفضَل الصَّلاة والسَّلام"..💫

13/03/2024

اللهم اجعلنا أسعد خلقك بك، و أقرب عبادك إليك، اللهم اغفر لنا ما مضى و أصلح لنا ما بقى و أكتب لنا رضاك و عفوك و الجنة🤍🌙✨

31/05/2022

كمل👌

31/05/2022

☺️❤️‍🔥

Address

Cairo

Website

https://www.facebook.com/share/M4PvNtWwWSvSGE5v/?mibextid=WC7FNe

Alerts

Be the first to know and let us send you an email when ملفات وتظلمات الشنغن posts news and promotions. Your email address will not be used for any other purpose, and you can unsubscribe at any time.