07/11/2024
الاسكندرية
هي ميامي و ش خالد إبن الوليد ، و كوبري إستانلي و القلعة و مكتبة إسكندرية ، وشوارع محطة الرمل وغيره.
أحب أاقولك أن دي مش اسكندرية الحقيقية دي إسكندرية بتاعة السياح اللي بتشوفها ف الصور ..
لو حابب تشوف إسكندرية الحقيقية وتحس بنبض الناس والشوارع إسمع مِڼـّي ..
لآزٍمٍ تروح حواري السيالة ..تمشي ف شارع النصر وتدخل سوق زنقة الستات ... وغيط العنب وكرموز وعامود السواري .. تمشي ف شوارع وحواري كوم الدكة ... تروح اللبان ... تشرب حجر معسل ف قهوة حمودة أو قهوة أبو صابر في ڪامب شيزار
مشربتش قهوة ف البن البرازيلي ف محطة الرمل ومطاحن البن الآهلية ف شارع النبي دانيال ، وقهوة الإسعاف والقهوة الوطنية والتجارية ف المنشية ..
تمشي ف شارع البوسطة القديمه ف المنشية وتاڪل سندوتش جبنة ترڪي وتشرب ڪوباية لبن من محل وادي النيل ... وتاڪل حتة هريسة أو بوريك بالجبنة من العصافيري ف محطة مصر ... لآزٍمٍ تمشي ف سوق شيديا وسوق زنانيري وسوق زين العابدين وسوق الميدان وسوق راتب وسوق باڪوس ...
لآزٍمٍ تشم ريحة البن والبحر ف شارع بورسعيد .. مروحتش طبعا المڪس إشتريت سردين .. وآڪيد مرحتش حلقة السمك إشتريت سمك بربون ومرجان وجمبري وڪابوريا طازة طالعة من البحر الفجر .... عشان تشوف إسڪندرية الحقيقية لآزٍمٍ تمشي ف شارع النبي دانيال وتشوف أڪشاك الڪتب .. وتمشي ف شارع فؤاد وتتفرج ع آقدم مباني العالم .. عشان تحس إنك ف إسڪندرية ڪان لآزٍمٍ تروح الحضرة والنزهة .. وتروح محرم بك تتفرج ع مااا تبقى من ڤيلل ڪانت لأعرق عائلات الجاليات الأجنبية ف إسڪندرية ...
أمشي ف الشوارع الجانبية والحواري والزقاايق لتستمع إلى اللهجة السڪندرية الحقيقية مش المزيفة اللي سمعتها ف مسلسل ريا وسڪينة .. رحت هانوفيل وبيطاش العجمي ؟ رحت القباري والورديان قعدت ع قهوة خفاجى ؟ .. مشيت ف شارع 45 وشارع القاهرة وعديت من قدام كشري هدير ....؟ آڪيد لأ ..
يبقا انت ماا شفتش إسڪندرية. ..
إسڪندرية مدينة آمنة ومسالمة وصغيرة وجميلة جداا .. مواصلاتها متوفرة 24 ساعة ..
إسكندرية البلد الوحيدة اللي شعبها بيمدح فيها وبيتباهي بيها ف كل مكان من جمالها وجمال بحرها
هي دي اسكندرية
