What are the opening hours?

Monday 10am - 8pm Tuesday 10am - 8pm Wednesday 10am - 8pm Thursday 10am - 8pm Friday 9am - 5pm Sunday 10am - 8pm

Amr Badawy - عمرو بدوي

Name: Amr Badawy - عمرو بدوي
Address: Zaker Hussien, Cairo, 11765, EG
Telephone: +201212121333
Price range: £££

Home
Egypt
Cairo
Amr Badawy - عمرو بدوي

Amr Badawy - عمرو بدوي مدون سفر وكاتب رحلات وصانع افلام من بلاد الله الواسعة، تابعوني وهتشوفوا العالم وهتسافروا رحلاتنا كمان

أهلا بكم في الصفحة الرسمية لوقع
www.travelsawa.com

مين عمرو بدوي؟

انا اسمي عمرو، مصاب بلعنة حب السفر والمغامرة!

حسيت دائما ان ناس كتير بتخاف تسافر علشان معندهاش خبرة وحاسين ان السفر غالي وصعب، فقررت اني اعمل الموقع ده علشان حاجتين: اولا اشارك الناس نصائح السفر الي اتعلمتها خلال سفري لحوالي 65 بلد في العشر سنين الي فاتت، ويتعلموا ازاي يسافروا احسن وارخص. ثانيا اني كمان اشاركوا كل صوري و قصصي

و فيديوهاتي عن رحلاتي ومغامراتي الي فاتت و الي جاية. يمكن تكون طريقة فعالة انها تشجع الناس تخرج من comfort zone بتاعتها وتسافر تجرب حاجة جديدة بتحبها.

وحاليا عملت شركتي الجديدة Travel Sawa علشان تعملكم رحلات جماعية لكل بلاد الدنيا بأحسن جودة وافضل سعر

27/12/2024

مين هنا لسة بيدور علي عروض للحج و العمرة ؟!🕋🌙

دلوقتي تقدروا تحجز معانا رحلات الحج المباشر ، ورحلات عمرة رمضان الشهر الكامل وديه بتكون طوال شهر رمضان المبارك او عمرة العشرة الأواخر.. كمان متاح عمرة شهر رجب وديه بتكون حوالي 10 أيام إلى اسبوعين 🕌

و ربنا يكتب لكم جميعا زيارة مكة المكرمة والمدينة المنورة ❤️🙏

للاستفسار والحجز، كلمونا على رقم خدمات الحج والعمرة وهنتواصل معكم بكل عروض وخدمات السياحة الدينية.

☎️01284153889☎️

ترخيص شركة بيست إيجيبت (307)

#الحج #العمرة

26/12/2024

تسافروا ايطاليا وبسعر 36500 فقط ؟! 🇮🇹🇮🇹🔥

رحلة اسبوع هنقيم في أهم و أجمل مدن ايطالية (روما - ميلان - فلورانس) 🇮🇹🇮🇹

❌️ الرحلة غير متاحة رحلة جماعية مع جروب

✅️ ولكن متاحة فقط لو عايز تسافر لوحدك او مع عيلتك او مجموعة صحاب او كابلز وحابين تعملوا هاني مون يبقى ديه فرصتكم للسفر في المعاد والبرنامج اللي تختاروا وبسعر يناسبكم 📅💰

متاح كمان أستخراج تاشيرة الشنجن ‼️

لتفاصيل أكتر عن رحلة إيطاليا او مكان في اوروبا سيبوا كومنت أو كلمونا من خلال أرقام فريقنا☎️
01289751963
01226184363
01023029653
01226071969
01280209429

25/12/2024

مين هنا من سكان المعادي و أعضاء في نادي وادي دجلة؟!🤔😍

سكان المعادي يجمعوا هنا🔥علشان احنا في Travel Sawa هنكون موجودين في إيفينت Christmas Expo في نادي وادي دجلة في المعادي يوم 26 و 27 و 28 ديسمبر 🤩

الناس اللي هتنورونا في الايفينت هيكون ليكم خصومات على جميع رحلاتنا خارج مصر 1000ج كمان.. هيكون في خصومات على الرحلات الفردية وشهر العسل وخدمات أستخراج التأشيرات 🌍✈️

فريقنا كمان هيكون متواجد للرد على كل أسئلتكم عن السفر ويساعدكم تختاروا الرحلة المناسبة ليكم 🧳

📌لوكيشن المكان هتلاقوا في أول كومنت.. هستناكم تشرفونا ونتعرف عليكم! ❤️

23/12/2024

Around Egypt in 100 Days
🇪🇬 1️⃣0️⃣0️⃣ 🗓 🌍 🇪🇬

🚙 رحلة البطوطة الاولى 🚙

اولى تحديات مغامراتي انا وبطوطة هتكون جولة في مصر من شمالها لجنوبها ومن شرقها لغربها علشان نعمل محتوى جديد ومختلف عن كل مكان في مصر في مدة ١٠٠ يوم وغالبا الخريطة دي هي خط السير المقترح

🚩🚩 مين عايز يقابلنا في رحلتنا؟ 🚩🚩

🗺 شوفوا خريطة الرحلة في اول كومنت 🗺

⬅️ البداية هتكون من الجيزة و القاهرة بمعالمهم الفرعونية الاسلامية وبعد كدة هتحرك ⬇️ جنوبا من الفيوم الى محافظات الصعيد وحتى اسوان وابوسمبل

وبعد كدة هطلع ↖️ شمالا من خلال الصحراء الغربية وواحتها كلها لحد سيوة ... بعدها اطلع ➡️ شرقا لساحل مصر الشمالي من مطروح لاسكندرية، وبعدها محافظات وعواصم الدلتا ومدن القناة

وبعد كده سيناء ⬇️ شمالها وجنوبها وجبالها ووديانها وشواطئها، بعد كدة هكمل على البحر الاحمر من اول السويس لحد الغردقة واخيرا في حلايب وشلاتين على الحدود السودان

المسار الزجزاجي طالع نازل فوق وتحت علشان احاول اشوف كل محافظات مصر وعواصمها واشهر مدنها واثارها وتاريخها وحضارتها على مدى الاف السنين

المحتوى هيكون سياحي ثقافي اجتماعي تاريخي عن كل حاجة شوفتها بشكل ابداعي وباللغة الانجليزية علشان الغرض منه تنشيط السياحة المصرية وتحقيق اقصى استفادة للبلد

🔴🔴 محتاجين مساعدتك 🔴🔴

اهلا وسهلا باي حد عايز يقابلنا او يساعدنا في المغامرة بتاعتنا في اي مكان في مصر ... المغامرة هتبدأ من اول السنة الجديدة 2025

اي حد يقدر يساعدنا ويكون جزء من رحلتنا من اهل كل مدينة وصناع محتوى و مرشدين سياحين - ياريت يتواصلوا معايا من خلال الفورمة في اول كومنت علشان نتقابل ويعرفوني على احلى حاجة حلوة اشوفها واعرفها واصورها واجربها واكلها واشربها في كل مكان هنروحه

❤️ المشروع ده هيكون احلى لما تكونوا جزء منه ❤️

انتظروا اولى بوستات من المغامرة في اول يناير 2025

وتابعوا الهاشتاج ده علشان تشوفوا كل جديد عن المغامرة

22/12/2024

فرص توظيف في قطاع السياحة في دولة قبرص اليونانية📢📢

الناس المتهتمة تشتغل في مجال السياحة خارج مصر تجمع هنا 😍

واحد صاحبي شغال مدير في سلسلة فنادق في قبرص اليونانية وكان محتاج يعين ناس في بعض الوظائف بمرتبات كويسة واقامة وتأمين طبي ومميزات حلوة كتير في الفنادق اللي شغال فيها.. وسألني لو اقدر ارشحلة ناس عندها خبرة وترفع رأسنا وتشتغل في قبرص وتقبض باليورو 💷
بس متبقاش تنسانا بقى 😅😂

المهتمين بالوظائف في قبرص يملوا الفورمة اللي في أول كومنت وهنتواصل معاكم ☎️

الشباب المهتمة بالوظائف خارج مصر تقدروا تتابعوني من خلال الفيس بوك والانستجرام لأننا بنزل فرص عمل واستثمار في أوروبا💡💼"

21/12/2024

بمناسبة الطلب على رحلات بالي 🇮🇩 وماليزيا 🇲🇾 قررنا نعملكوا رحلة في اجازة نص السنة بعد غياب 3 سنين😉🎉

🛫 تاريخ الرحلة : 26 يناير - 5 فبراير🛫
⌛المدة: 11 يوم – 10 ليالي

الرحلة ديه هتكون ميكس كدا بين الطبيعة في بالي من شواطئ وجبال وشالالات وقري ومعابد وغابات زي غابة القرود ومزارع الأرز الشهيرة و التطور و التكنولوجيا و التسوق في ماليزيا ، هنعمل Rafting و ziplining و سفاري وركوب التلفريك ، بالاضافة اننا هنتسوق في ارخص مول للبراندات المشهورة في كوالالمبور 🛍️

الأهم بقى إنه اندونيسيا و ماليزيا تاشيرتهم سهلة وبتكون عند الوصول! 😍

لتفاصيل الرحلة من الأسعار والبرنامج كلمونا من خلال رقمنا الموحد
☎️01212121333☎️

20/12/2024

❌️مين يقدر على مغامرة طولها ١٢٠ الف كيلومتر ⁉️‼️

🛩 تعالوا اعرفكم على طيارتى الجديدة ✈️ 😛
🚙 اقصد سيارتى الجديدة 🚙 😍

واللى هى فى واقع الامر مش مجرد سياره هى بساطى اللى هطير بيه حول العالم 🗺 بس مش فى السماء، هكون على الارض 🌎 🌏

❤️ تعالوا اعرفكم على الحلوة بطوطة ❤️

سيارتي الجديدة لمغامرات سفر من نوع جديد تماما
سميتها بطوطة طبعا على اسم اعظم رحالة في التاريخ ابن بطوطة ... تعالوا احكي ليكم القصة باختصار 😅

🟢🟢 السفر البري Overlanding 🟢🟢

طبعا انا طول عمري بحب ال Road Trips لان فيها متعة مختلفة تماما عن اي طريقة سفر تانية - فيها حرية حركة بدون قيود - ودي اكتر طريقة تلائم شخصيتي الي من برج الحمل ولا احب التحكمات اطلاقا ... لو حد يفتكر رحلتي الاولى بعربية ايجار لمدة شهرين في امريكا ٢٠١٦ - ومن ساعتها بحلم يكون عندي طريقتي الخاصة للسفر البري

انا اصلا قابلت شخصيا رحالة كتير بيسافروا Overlanding بطرق برية كتيرة وسمعت منهم حكايات وقصص لا تعد ولا تحصى. صديق سافر بالعجلة من هولندا الى اليابان، واخر من المغرب الى السودان بمحاذاة ساحل افريقيا كله، واخر من كرواتيا الى جنوب افريقيا على موتوسيكل. وشوفت اونلاين ناس تانية كتير بموتوسيكلات او عربيات او فانات بيلفوا في اوروبا وامريكا واسيا وأفريقيا

🟡🟡 العربية بطوطة 🟡🟡

بخطط للموضوع بقالي سنين والحمدلله اشتريت العربية من سنتين وبدأت خطة بطيئة جدا علشان استعد للمغامرات بيها - وكان اهمهم الحصول على استقرار مادي مستمر علشان يقدر يصرف علينا احنا الاتنين، وكذلك استقرار اجتماعي عاطفي هبقى اعلن عنه قريبا 🤵👰‍♂️🔜

العربية احتاجت الكثير من التجهيزات طبعا علشان تكون مناسبة للترحال في اي مكان وزمان، وربنا يستر وتقدر تتحمل مغامراتي وجناني وهبقى اعرفكم عليها في بوست لوحدها وهتشوفها في الفيديوهات

اختياري لعربية تويوتا قديمة هو انها عربية يعتمد عليها بشكل كبير جدا رغم انها موديل ١٩٩٧ - ولا قدر الله في حالة الاعطال امكانية اصلاحها من اي اعطال في اي مكان في كوكب الارض تقريبا

الفانات الكبير ( RV ) المجهزة بسرير ومطبخ وحمام وكدة مش احسن حاجة لانها معقدة في السواقة والركن والتحرك بحرية في اي مكان وكمان اعطالها مش سهلة. انا شخص minimalist وعربية قوية بشوية اضافات بسطية هتكون افضل اختيار ليا.

تصميم بطوطة الفرعوني يعكس طبعا هويتي المصرية الاصيلة علشان العربية تكون لوحة اعلانية متحركة للتذكير في اي مكان بالعالم بمصر كواجهة سياحية متميزة وهيكون مكتوب عليها مواقع اونلاين وQR Code للدعاية السياحية عن مصر ... ودي ليها بوست لوحدها طبعا🔜

🔵🔵 تحديات بطوطة 🔵🔵

الرحالة ابن بطوطة سافر في رحلته حول العالم في مدة ٢٨ سنة على ظهور الجمال والاحصنة والسفن والمراكب مسافة حوالي ١٢٠ كم ... متخيلين من افريقيا لاسيا لاوروبا وكتب كل مغامراته في كتاب (تحفة النظار في غرائب الأمصار وعجائب الأسفار)

التحدي الي ناوي اعمله انا وبطوطة اننا نسافر ال١٢٠ الف كم حول العالم برضو ولكن مش في ٢٨ سنة ان شاء الله 😅😅😅 - ربنا يكتبلنا العمر والصحة (دعواتكم) هنعملهم في ٥ سنين من ٢٠٢٥ ل ٢٠٣٠ علشان المغامرة دي تكون ماتش الاعتزال بتاعي بقى واتفرغ لصعود الفضاء بقى بعد كدة 🌙 🐮 🌟 🤣🤣🤣

هى حلم من احلامى المؤجلة، والله كنت من زمان بحلم بيه بس الحمدلله ان اخيرا على قرب ان احققه بمشروع كبير وخطة عمل أحقق بيها جزء من طموحى اللى مابينتهيش

🟤🟤 دعم بطوطة 🟤🟤

الحمدلله دعم مشروع بطوطة الاساسي هيكون عن طريق شركتي Travel Sawa وفريق عملها الرائع الي رافع راسي طول الوقت بشغله واجتهاده - ولكن طبعا هنكون محتاجين دعم اكتر واكبر في الفترة الجاية من شركة ورعاة يساعدونا نحقق انجازات كتيرة ...ودي هنبقى نحكي عنها في بوست لوحده🔜

وطبعا الاهم من ده كله دعمكم في المتابعة والتفاعل مع المحتوى بتاعها الي هنزلها من كل مكان

🟠🟠 مقابلة البطوطة 🟠🟠

المغامرات الي هنعملها انتوا هتكونوا جزء منها - هنقابل انا وبطوطة منكم ناس كتير في رحلاتي في بلاد كتيرة. كمان عايز اتعاون مع صناع محتوى شاطرين علشان يكونوا جزء من رحلتنا ومغامراتنا ونعمل محتوى مختلف في حتت كتيرة ... ودي كمان هيكون ليها بوست لوحدها🔜

⚫️⚫️ محتوى بطوطة ⚫️⚫️

هنقوم بتوثيق المغامرات دي كلها في بوستات وصور وفيديوهات كتيرة بالعربي احيانا على صفحاتي، ولكن الاغلبية هتكون باللغة الإنجليزية من خلال صفحات خاصة ببطوطة على مواقع التواصل الاجتماعي Explore with Battuta وكمان هيكون في موقع الكتروني يحمل نفس الاسم ... هتلاقوا اللينكات في اول كومنت

هحاول انقل ليكم كل الحاجات الحلوة الي شوفتها وجربتها وحبيتها والحاجات الوحشة الي زعلتني و اتعلمت منها، هنشوف ثقافات تاريخ اكلات اشخاص - هتكون مغامرة محدش عارف حدودها ايه وفين .... تتخيلوا البطوطة ممكن توصل لحد فين ؟؟؟

⬅️ نتمنى منكم المتابعة والدعم لمغامراتي انا والبطوطة حول العالم علشان الرحلة تستمر ➡️

وانتظروا الاعلان عن اولى مغامراتي انا والبطوطة قريبا في البوست الي جاي🔜

تابعوا الهاشتاج ده دائما علشان تشوفوا كل جديد من مغامرات بطوطة

19/12/2024

أحنا قررنا نشتغل عمال نظافة يوم الاحتفالية السنوية لشركتنا 😍🧑‍🌾

احتفالنا بالعيد السنوي السادس لتيم Travel Sawa في الفيوم 🇪🇬❤️
عايزة اقولكم انه اخر مرة زرت فيها الفيوم كنت متضايق جدا من شكل المخلفات من علب مياه وعصير ومناديل وأكياس أكل ومناديل وسجائر 🚬🤦🏻‍♂️

علشان كدا قررنا أنا وفريق العمل أثناء رحلتنا السنوية للاحتفال بعيد ميلاد Travel Sawa السنة ديه إننا نعمل حاجة مختلفة من خلال مبادرة بسيطة كدا إننا ننضف المكان اللي هنتفسح فيه.. اثناء الأنشطة اللي عملنها على البحيرة والشلالات وركوب المراكب إننا نشيل كل المخلفات اللي شوفناها وعايز اقولكم إننا جمعنا حوالي 6 أكياس كبار من المخلفات 😅😅🪣

والحمد لله عيلة Travel Sawa بتكبر من عدد الموظفين والرحلات الجديدة وعملائنا اللي نجاحنا بيكمل بيهم وكمان بقى في Community خاص بعملائنا وبنعملهم في رحلات مجانية خاصة بيهم ❤️😍

18/12/2024

إزاي تحصل على تأشيرة اليابان بسهولة و بنسبة قبول 90 % وفي خلال آسبوع فقط؟!! 🇯🇵

أولا الأوراق المطلوبة للتاشيرة :-
- كشف حساب بنكى 3 شهور
- جواب اثبات العمل (HR Letter)
- حجز طيران مبدئى - حجز فندق مبدئى- برنامج الرحلة
- تأمين سفر (امان مقبول)
- تملى الابليكشن بتاعهم من على موقع السفارة

و كل الخطوات ديه احنا بنساعدك فيها 😎

بتاخد كل الورق ده و بتروح اى يوم السفارة من الاحد للخميس من غير حجز من الساعة 9 لحد الساعة 12 ظهرا لتسليم الأوراق فى حالة الموافقة على طلب الحصول على التاشيرة بتدفع مصاريف السفارة وانت بتستلم 💵

لو عيلة هتقدم او في بنت بيكون نسبة القبول تقريبا 99% ‼️🤷🏻‍♂️

و دمتم مسافرين 😍✈️

17/12/2024

حد عنده توقعات من الصور دي ازاي وفين هتكون مغامراتي الفترة الجاية؟🤔

حد ملاحظ إية هي الأشياء المشتركة في كل الصور؟!

انتظروا الاعلان قريبا عن اجمد مغامرات هتتعمل بشكل وطريقة مختلفة تماما عن اي حاجة عملتها قبل كدة😍

الي هيقول الكيس ده فيه ايه هديله منه تفاحتين 🤣🤣

الي هيتوقع صح هاخده لفة 🤣🤣

16/12/2024

5 معلومات سريعة كدا لازم تعرفوهم علشان اسمعوا مني انتوا لازم تسافروا النرويج ياجماعة 😅😍🇳🇴 🇳🇴

1-النرويج موجودة في شمال أوروبا علي الحدود مع السويد من جهة الشرق، و فنلندا و روسيا من جهة الشمال الشرقي، ومع الدنمارك من جهة الجنوب.. اول حاجة هتلاحظها لما تسافر النرويج نضافة الطرق والشوارع وإنها هادية وأمان جدا وغالية جدا كمان ودة بسبب زيادة معدل رفاهية الحياة عندهم😅

2- الإقامة :- لما تسافر بلد أحلى حاجة فيها الطبيعة اختار دايما تقعد ف البيوت اللي في القرى الريفية، علشان تكون متخيل بس.. انت هتصحي على منظر البحيرات وشلالات وجبال وخضرة حواليك في كل مكان، انا اختارت اقامتي تكون في جبال قرية voss وقرية stranda وطبعا هنتحرك منهم عشان نزور قرى كتير تانية زي قرية flam الساحرة أشهر واجمل قرى غرب النرويج❤️

3- الطبيعة :- 90 % من مساحة النرويج من الطبيعة، اكتر من ثلثي مساحة البلد من الجبال وفيها نصف مليون بحيرة دة غير الغابات والوديان والشواطئ، وأكتر حاجة بتخلي طبيعة النرويج مميزة عن طبيعة اي بلد تانية هو وجود اكتر من ١٠٠٠ مضيق بحري fjords على طول ساحل النرويج الغربي من الشمال للجنوب، وطبعا هنزور ونشوف منهم اجمل مضايق بحرية زي Geirangerfjord و Hardangerfjord🏞️

4- مدينة بيرجن هي عاصمة غرب النرويج من أحلى و أكبر مدن النرويج، وتاني اكبر مدينة في النرويج بعد أوسلو العاصمة.. أهم حاجة تعملها في زيارتك لمدينة بيرجن تجربة رحلة بالقطار الجبلي للوصل لأعلى قمة جبل Fløyen Mountain وزيارة أهم معالم المدينة من الضاحية التاريخية bryggen وقلعة Bergenhus Fortress والمينا وسوق السمك و هتلاقوا فيه كل أنواع السمك اللي ممكن تتخيلوها‼️😍

5-الشلالات في النرويج :- النرويج فيها اكتر من 5000 شلال ومن أشهرهم شلال seven sisters من أحلى وأجمل الشلالات في النرويج موجود بين مضيق بحري وجبال، وشلال Briksdal glacier.ودة شلال متجمد بنوصله عن طريق عربيات السفاري، وشلال Vøringsfossen اللي ارتفاعه اكتر من ١٨٠ متر، وشلالات تانية كتير🤩

إتفرجوا علي الصور علشان هتحسوا إنك مش بس لازم تسافر النرويج إنت لازم تنقل أقامتك فيها😅😍🇳🇴

سيبوا كومنت وهبعتلكم تفاصيل رحلتنا الجاية للنرويج 😉

15/12/2024

إية افضل وأحلى وقت ممكن تسافروا فيه دبي؟؟!🤔🇦🇪🇦🇪

📆الفترة ديه في مهرجان كبير جدا بيقام في دبي اسمه (مهرجان السياحة والتسوق) من 15 ديسمبر إلى 15 يناير

كل الشركات والبراندات العالمية بتقدم خصومات وعروض وبتكون كبيرة جدا خلال المهرجان 🔥

المميز بقى إنه ديه هتكون النسخة ال 30 للمهرجان علشان كدا هتكون أكتر سنة فيها خصومات وعروض‼️🛍️

وبالفعل في شركات ابتدت تعلن عن عروضها والجوائز والهدايا خلال المعرض🎁

المهرجان كمان بيكون في احتفالات مبهجة وحفلات موسيقية وعروض العاب نارية وأنشطة مختلفة يعني هتبسط 😍🎉

يعنى لو بتفكر تسافر لوحدك او مع عائلتك فدة أحلى وقت تسافر فيه دبي بالاخص خلال موسم الشتاء علشان تعيشوا تجربة تسوق ممتعة وأجواء احتفالية مميزة جدا✈️🧳

حاليا متاح عندنا تنظيم رحلات فردية لدبي وباكدجات مميزة جدا! 🇦🇪✈️

سيبوا كومنت أو أبعتولي رسالة وهرد عليكم بكل التفاصيل 📩

13/12/2024

لية لازم تسافر بالي؟!🤔🇮🇩🇮🇩

بالي أشهر جزيرة موجودة في أندونيسيا، وتعتبر أكبر بلد إسلامي في العالم، بالرغم انه أندونيسيا فيها عشرات الآلاف من الجزر ولكن جزيرة بالي تبقى هي أشهر وأهم مقصد سياحي في جنوب شرق أسيا❤️

1️⃣-بالي جزيرة متنوعة جدا مليانة شواطئ رملية، شواطئ بركانية، بحيرات ، بحيرات، جبال.. وغابات دة غير حقول الأرز واللي تعتبر من المزارات السياحية اللي لازم تروحها

2️⃣التاشيرة :- تاشيرة بالي سهلة ومضمونة ودة لأنها بتكون عند الوصول وسعرها حلو جدا يعني مش هتحتاج اي أوراق او تصاريح وديه اهم ميزة في اي بلد هتقدر تسافرها

3️⃣الactivities اللي ممكن تجربوها الgiant swing في بالي كانت خيالية ، وأنشطة بحرية كتير دة غير النايت لايف والحفلات على البحر

4️⃣ إية أحسن وقت تقدر تسافر في بالي؟!😍

بالي تقدر تسافرها في اي وقت في السنة الجو بتاعها تروبيكال، درجات الحرارة دايما في أواخر العشرينات والتلاتينات الrainy season بتاعها من نوفمبر لإبريل لكن المطر هناك مبيأثرش على جودة الرحلات ولا الأجواء🤩

5️⃣بالي مليانة معابد هندوسية كتير جدا، وليهم تقاليد وشعائر دينية بجد غريبة و هتتبسطو لما تتعرفو عليها، لكن معبد بحيرة براتان يعتبر من أقدم وأحلى المعابد الهندوسية فيها ، ودة لانه جزء من المعبد داخل بحيرة.

6️⃣الشوبينج هناك اسعاره حلوة جدا ممكن تجيبوا منتجات طبيعية و تجميل دة غير السوفنيرز ولازم تجربوا أغلى قهوة في العالم 💵

والأهم ياجماعة إنه بالي مش للهاني مونرز بس هي مناسبة لكل الفئات من عائلات وأطفال وللسناجل كمان😎

12/12/2024

لية نسافر جورجيا؟؟! 🤔🇬🇪🇬🇪

انا جمعتلكم 10 أسباب هتشجعكم إنكم تسافروا جورجيا 😍🇬🇪

1- طبيعة متنوعة 🏞️
جورجيا بتجمع بين جبال القوقاز العالية والشواطئ الحلوة جدا على البحر الأسود ، سواء كنت بتحب الجبال أو الشواطئ أو حتى الأنهار والوديان كل حاجة هتلاقيها

2- تآشيرة أون لاين سهلة‼️

معظم الدول العربية مش محتاجة تأشيرة لدخول جورجيا، وده بيسهل عليك السفر ، بالنسبة لينا في مصر تأشيرتها بتكون اون لاين ودخولك للبلد مضمون بالذات لو هتسافر مع رحلات جروب😉

3- سهولة الطيران والمواصلات ✈️🚃

جورجيا بتوفر طيران مباشر من دول كتير، والمواصلات الداخلية مريحة ورخيصة..المدن الرئيسية زي تبليسي وباتومي مرتبطة ببعضها بوسائل نقل عامة وسكك حديدية، فالتنقل بين المدن رايق وسهل.

4- بلد اسعارها معقولة ومناسبة للميزانية 💵🤔

جورجيا من البلاد اللي تقدر تستمتع فيها وبأسعار معقولة. الفنادق والمطاعم والمواصلات بتناسب جميع الميزانيات، فا البلد مناسبة جدا لو محدد بادجيت متوسطة.

5 - سيزون السفر :- 🔥❄️

جورجيا فيها تنوع مناخي ومناسبة للسفر طول السنة.
يعني انت لو مسافر في الصيف، الأجواء بتكون مشمسة ومثالية لاستكشاف الطبيعة، وفي الشتاء بتكون المناطق الجبلية زي جوداوري ممتعة جدا وهتستمتعوا بالبتزلج على الجليد.. يعني مهما كان وقت زيارتك، هتلاقي دايماً انشطة مختلفة وأماكن تناسبك.

6- التاريخ والثقافة العريقة 🏛️

جورجيا مليانة بالمدن القديمة والأماكن الأثرية، المعابد والقلاع والمباني التاريخية عمرها آلاف السنين.. زي مدينة متسخيتا وكوتايسي، وده بيخليك تحس إنك بتعيش في زمن تاني.

7- الأكل الجورجي🌮🥞

الأكل في جورجيا من أهم الأسباب اللي تخليك تروحها اصلا! الأكلات الجورجية زي الـ"خاتشابوري" (خبز محشو بالجبنة) والـ"خينكالي" (زلابية محشوة باللحم) كان طعمها جامد جدا

8- الأنشطة 🧗‍♀️

جورجيا عندها كل الأنشطة اللي ممكن تتخيلها سواء بتحب التزلج في الشتاء، أو تسلق الجبال و ال Ziplining والـRaftting وركوب التلفريك.

9- المنتجعات الطبيعية العلاجية💆

جورجيا مشهورة بمنتجعاتها الطبيعية زي مكان اسمه بورجومي،فيها ينابيع مياه معدنية علاجية.

10 الشعب الجورجي😍🇬🇪

الناس في جورجيا ودودين جداً ومتعاونين، بيحبوا الضيوف والسياح وبيحسسوهم إنهم في بلدهم. ثقافة الضيافة جزء من حياة الشعب الجورجي، دة بيخليك مستريح في البلد اللي بتكون فيها.

متحمسين إنكوا تسافروا جورجيا؟! 😉🇬🇪

11/12/2024

يلا بينا على زنزبار - بلاد الهاكونا ماتاتا! 😍✈️🇹🇿

يعني ايه هاكونا ماتاتا؟🤔
كلمة باللغة السواحيلي معناها “مفيش مشكلة”

-رحلتنا الجاية بقى رايقة ومافيهاش اي مشاكل خالص😍هتكون يوم 2 فبراير يعني في أجازة نص السنة.. لي واحدة من احلى الشواطئ الموجودة في افريقيا والعالم كله، مالديف افريقيا زي ما بيقولوا عليها ودة حقيقي ياجماعة🏝

-الجزيرة مش مجرد رملة ومية حلوين وبس، لأ دي مليانة اسواق ومحلات وتاريخ وانشطة ومزارات كتيرة.⛰🛶

-الجزيرة متأثرة بالثقافات العربية الافريقية السواحيلية، اهلها مسلمين من مئات السنين لانها كانت تحت حكم سلطة عمان قديما.🕌

-جزيرة زنزبار بتتميز بشواطئها الحلوة جدا والمياة الشفافة التركواز ورمالها البيضاء الناعمة وعشان كدة بيسموها بمالديف افريقيا لانها المالديف بالظبط 🏖️

لو عايزين تعرفوا تفاصيل أكتر عن رحلتنا الجاية لزنزبار سيبوا كومنت وهنرد عليكم بكل تفاصيل الرحلة من البرنامج والسعر 😍

10/12/2024

باقي أخر اسبوع على حجز قرعة الحج 2025 ‼️‼️ 🕋

بصورة البطاقة ومقدم بسيط تقدر تقدم على رحلة الحج لبيت الله الحرام. بالتعاون مع اكبر شركات السياحة الدينية في مصر شركة بيست ايجبت✈️

📅أخر معاد للحجز يوم 20 ديسمبر ⏰

للاستفسار والحجز، كلمونا على رقم خدمات الحج والعمرة وهنتواصل معكم بكل عروض وخدمات السياحة الدينية.
01284153889 📞

فرع شركة بيست ايجيبت ترخيص (307)

#الحج #مكة #المدينةـالمنورة #العمرة

09/12/2024

رحلة سريلانكا والمالديف اكتملت بفضل الله 😍🇲🇻🇱🇰

وهيكون في رحلة جديدة بسعر جامد في أجازات نص السنة وبأعداد محدودة جدا ‼️ 🥳

رحلة مدتها 11 يوم هنزور فيها 5 مدن مختلفة في سريلانكا من مغامرات وتنطيط وأنشطة كتير.. وهنقضي أيام رايقة في جزر المالديف🔥❤️

يعنى رحلة مناسبة للشباب المغامرين والهاني مونرز كمان 🪂👩‍❤️‍💋‍👨

لتفاصيل الرحلة من الأسعار والبرنامج سيبوا كومنت وهنرد عليكم بكل التفاصيل 🤩

08/12/2024

تعرفوا ان المسافة من بيروت في لبنان الى دمشق في سوريا ٣ ساعات بالعربية؟ طول عمري نفسي اعمل رحلة للبلدين مع بعض لكن للأسف مالحقناش زمان .... تفتكروا الأوضاع ممكن تستقر سياسيا وامنيا يوما ما ونعملها؟ 🇸🇾 🇱🇧

سافرت سوريا مرتين قبل الثورة وبصراحة كانت رحلة في آلة الزمن لعصر للخمسينات الجميل القديم ... روحت دمشق وقرى ومناطق سياحية حواليها - وكذلك اثار مدينة تدمر الرومانية (الله يرحمها بقى) واتبسطت جدا من ناسها واهلها - واكلها طبعا خرافي - نزلت في فندق boutique hotel .في المدينة القديمة وكان بجد من احلى تجارب الاقامة الي في حياتي. عايش في لوكيشن باب الحارة حرفيا. وكنت ناوي اسافرها الصيف الي فات علشان بعد ما عملوا التاشيرة اونلاين لبلاد كتيرة.

افتكرت النهاردة شريط ذكرياتي في سوريا بعد مشاهدة سقوط دمشق او تحرير دمشق - على حسب انت مع اي فريق فيهم او ايه هي قناعاتك السياسية

اتمنى طبعا ما نشوفش حر..ب اهلية ويكون في استقرار وتعلم من اخطاء الدول الكتيرة الي دخلت في صر.. اعات سياسية مس.. لحة ولحد النهاردة غير مستقرة.

ربنا يستر ويحفظنا ويحفظ مصر دايما 🇪🇬

Address

Zaker Hussien
Cairo
11765

Opening Hours

Monday	10am - 8pm
Tuesday	10am - 8pm
Wednesday	10am - 8pm
Thursday	10am - 8pm
Friday	9am - 5pm
Sunday	10am - 8pm

Telephone

+201212121333

Website

http://www.travelsawa.com/

Alerts

Be the first to know and let us send you an email when Amr Badawy - عمرو بدوي posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Amr Badawy - عمرو بدوي: