What are the opening hours?

Monday 10am - 10pm Tuesday 10am - 10pm Wednesday 10am - 10pm Thursday 10am - 10pm Sunday 9am - 10pm

Eman ElAmir - إيمان الأمير

Name: Eman ElAmir - إيمان الأمير
Address: 58 Zaker Hussien Street, Nasr City, Cairo, EG
Telephone: +201032018339
Price range: Not Applicable
Rating: 5

Home
Egypt
Cairo
Eman ElAmir - إيمان الأمير

اشتقت إلى شغفي بالكتابة وحجزت تذكرة ذهاب بلا عودة
(16)

تقديم استشارات عن السفر . تنظيم رحلات لبلاد مختلفة . تنظيم رحلات داخل مصر . ورش كتابة عن أدب الرحلات. تعلم كل ما يخص الأماكن.

13/08/2024

"لا يوجد خوف مستمر، إنها إرادتك أنت وحدك التي تفصل بين مخاوفك وبين ما تريد تحقيقه"
من مقال من خاف ندم
كتاب

13/08/2024

حلقة برنامج حلم عمري مع الإعلامية نهى مروان
إعداد مها منصور وإخراج هبة تيمور

12/08/2024

مع كل العلم اللي درسته في حياتي وكل التكنولوجيا اللي بتتطور كل لحظة حوالينا اللي بتتغير بشكل مرعب واللي مش هيواكبها مش هيفضل مكانه ده هيرجع ورا في آخر الصف. فيه صوت جوايا بيقولي وماله آخر الصف صوت بيقولي إني محتاجة بس أرجع للحياة البسيطة اللي مبعملش فيها حاجة غير اني اعمل اللي بحبه في هدوء وسكينة وأقابل وجه كريم وهو راضي عني.
عاشت الحاجات البسيطة وعاشت الناس البسيطة
وعاش الصوت اللي جوانا اللي بيقولنا دايما إن موعدنا الجنة وإن اللي بنعيشه ده كله هو مجرد رحلة عشان نوصل فيها وبيها للحياة الحقيقية
اللهم رضاك والجنة
عاشت الناس الحلوة
ودمتم

12/08/2024

اليوم العالمي للشباب

بما إن النهاردة هو اليوم العالمي للشباب واللي بتحتفل بيه الأمم المتحدة كل عام زي النهاردة
لازم نعرف ان نص الكوكب حاليا هما الشباب
واقصد هنا أعمار ١٥ و ١٦ و١٧ و١٨ وده طبقا لآخر الإحصائيات العالمية
الشباب دول هما المستقبل والأمل في بكرة
اقفوا جنبهم وعلموهم وشاركوهم أحلامهم وطموحاتهم
اوعوا تخلوهم يفقدوا الأمل ولا يحبطوا
لكل واحد عنده شاب في عيلته أو دايرة معارفه حاول تطمنه وتوجه بلطف وتسمع منه قصته وحلمه
فخورة باني قابلت في حياتي شباب كتيرة وحاولت أكون شمعة تنور لهم الطريق بدل ما اكون معاهم بنلعن الظلام
احتووا الشباب وادعموهم
وشاركوهم أحلامهم
لكل شاب بيبتدي حياته اوعي تيأس وعافر ورا حلمك واوعي تخاف كمل وعافر وانجح واستعين بالله ولا تعجز
عاش الشباب في كل مكان وزمان
الحلم ما هو مستحيل
كل سنة وكل شباب العالم طيبين وبخير وسعادة وصحة
ودمتم
د. إيمان الأمير

11/08/2024

انتظروني اليوم الأحد ١١-٨-٢٠٢٤ الساعه ١٢ منتصف الليل في برنامج حلم عمرى على شاشة الفضائية المصرية مع المذيعة نهى مروان
اعداد: مها منصور
اخراج : هبه تيمور

11/08/2024

عندما أقوم ببناء فريق فإني أبحث دائما عن أناس يحبون الفوز ، و اذا لم أعثر على أي منهم فانني أبحث عن أناس يكرهون الهزيمة. روس بروت

مبروك للأبطال

08/08/2024

Feel the fear and do it anyway 🌍
اشعر بالخوف وإفعلها
مفيش مشكلة إننا نحس بالخوف لكن لازم نقاوم ونعمل الحاجات اللي خايفين منها لأننا هنكتشف وقتها إننا قدرنا نواجه مخاوفنا ومتحرمناش من حاجة كان نفسنا نعملها بس خايفين.

مين كان خايف من خطوة ولما خدها الخوف راح خلاص؟

انا كنت خايفة اطلع على سطح المركب واتزخلق بس عملتها واتصورت صورة حلوة بقت ذكرى معايا من كرويا في ألبانيا
وحاجات كتير كنت خايفة منها وقدرت اعملها شاركونا واجهتوا خوفكم من ايه؟

06/08/2024

من وحي الثانوية العامة

البوست بتاع كل سنة 👈 مع بعض التعديل والتنقيح
بعد المباركات والتهنئات والزغاريد تعالوا اسمعوا قصتي

كان مجموعي 93% ودول سنة 95-96 كانوا رقم عظيم جدا والطريق كله مفتوح لأي كلية ما عدا بعضهم عشان كنت مش دارسة أحياء استحالة طب أو صيدلية.
كنت بحلم أدخل اعلام وبعد كدة أدخل قسم إذاعة وكان خلاص ده هدفي واللي هكتبه في التنسيق .
بعدين سمعت إن فيه كلية جديدة اسمها حاسبات ومعلومات لا هي مفهوم تبع علوم ولا تبع هندسة ولا ليها أي ملامح واضحة وروحت أنا وصديقتي نسأل عنها ونعرف بيدرسوا ايه.
والدكتور اللي قابلناه هناك ودي كانت أول وآخر مرة أقابله في حياتي قالي يومها انتي بتحبي ايه. قولتله بحب الكمبيوتر والإذاعة وبحب أكتب.

قالي خدي طريق العلم وبعدين الإعلام ممكن تتعلميه بعد كدة وممكن تبقى دكتورة وعندك كتب ولو على الإذاعة ممكن تقدمي في أي اختبارات تتعمل ويعلنوا عنها وقتها هتكوني مذيعة مثقفة وعندك منهج علمي وتعملي برامج لها قيمة.
الحقيقة كلامه أثر فيا جدا ورجعت البيت كتبت في الرغبات حاسبات ومعلومات عين شمس، القاهرة، حلوان، المنصورة وبعدها كل كليات الهندسة والإعلام كان رقم 25.

والجميل إن أهلي لا قالولي بتعملي ايه يا مجنونة دي كلية جديدة وملهاش ملامح ولا ادخلي حاجة معروفة وسابوني أجرب وأختار بنفسي وأتحمل مسؤولية اختياراتي.

ومجموعي فرق .01 % اني أدخل عين شمس ودخلت جامعة القاهرة رغم بعد المشوار بس عملت اللي بحبه.
وبعد 20 سنة من اليوم ده كلام الدكتور بيتحقق أهو بقيت دكتورة وعندي كتب ولسى بقدم في إعلانات الإذاعة صحيح لسى مبقتش مذيعة بس طلعت ضيفة في برامج إذاعية كتير وعندي أمل في الحلم لسة..

وبعد ما اشتغلت في شركات مصرية وشركات انترناشيونال وجهات حكومية وقابلت جنسيات كتيرة واتعينت في الجامعة وخضت تجربة التدريس . سبت كل الحاجات دي واشتغلت في مجال السفر والسياحة وبرضوا سبتها بعد رحلة استمرت ٥ سنين عشان أعمل حاجة تانية جديدة أنا بحبها .
ويا عالم بكرة هحب ايه واسيب ايه وأعمل حاجة جديدة تانية . أنا محدش يتوقعني أبدا 😂😂

لكل الطلبة الحلوين اعملوا اللي بتحبوه مهما كان غريب واسألوا واعرفوا كل الاختيارات المتاحة واتمسكوا بحقكم في الاختيار.
لكل الأهالي الجميلة سيبوهم يجربوا ويعيشوا قصتهم هما بلاش يبقوا نسخة مكررة من حياتكم لأنكم تعرفوا عنهم أكتر .

مبروك لكل الناجحين ويارب تحققوا كل أحلامكم.
ولكل اللي مقدرش يحقق النجاح السنة دي.. مش آخر الدنيا ولا تزعلوا ولا تلوموا نفسكم نكمل سعي وإن شاء الله الجاي أحسن..

#تروبيكال

الصورة من حفل تخرج الدكتوراة ٢٠١٤
الحفلة بتكون بعد التخرج بسنة 😎
مين يعرف يطلعني فين في الصورة؟
عاشت الناس الحلوة
ودمتم

05/08/2024

آمن انك تستطيع الوصول وستجد أنك قطعت نصف الطريق.
ثيودور روزفلت
الصورة من رحلة القطار من كاندي إلى نوراليا سريلانكا

03/08/2024

I wish everyone I've met on my journey nothing but peace and love.
Whether we separated on good,bad,or in different terms, I wish you well. I Wish you success. May you find what you are looking for.
Author unknown

01/08/2024

Life is full of beauty.
Notice it.
Smell the rain, and feel the wind.
Live your life to the fullest potential, and fight for your dreams.

01/08/2024

أول سفرية برة مصر من ١٤ سنة كانت مع طارق ومي
بداية الإنطلاق والخروج برة دايرة المألوف
سافرنا مع بعض المغرب وتركيا وفرنسا والبرتغال وأسبانيا
مي وطارق مش مجرد صحاب دول أسرة جميلة وعيلة تانية
مي وطارق بيسافروا ويلفوا العالم وبيساعدوا الناس ياخدوا الخطوة وينطلقوا ويعيشوا المغامرة
يارب نتجمع من جديد ونسافر بلاد تانية
سافروا مع صحابكم وشجعوا بعض
عاشت الناس الحلوة

31/07/2024

اكتشفت أنه ما من وسيلة أفضل لتتأكد إن كنت تحب أحدا أو تكرهه سوى أن تسافر معه.
مارك توين
مساء المحبة .. مساء السفر 😊
الصورة من نيجمبو سريلانكا Dutch Canal

28/07/2024

مع صديقتي الجميلة الكاتبة المتألقة لبنى الحو
مع أحدث إصداراتها تبدأ الحياة خارج منطقة راحتك
كتاب جديد هو حياة جديدة
شهادتي في لبنى مجروحة لأننا نعرف بعض من أيام جروبات الياهوو واحنا لسة طلبة في الجامعة ومش هقول من كام سنة 🤩
اشتروا الكتاب على ضمانتي وغيروا حياتكم
ربنا يديم المودة Lobna Elhaw

23/07/2024

"I discovered that I don't go out to restaurants , coffee shops or malls . Even I went to cenima Less than 10 times in my life. I discovered that I don't belong to anyplace. I only travel and I miss travelling ."

Photo from Hiriwadunna lake, Dambulla, Sirilanka

22/07/2024

السعادة قرار
ﻻزم يكون فيه أكتر من شئ بيسعدك مش حاجة واحدة . عشان لو حاجة منهم مش متاحة متتوقفش سعادتنا عليها .
حط قائمة كبيرة كده و هتﻻقي حياتك فيها حاجات كتير أوي مصدر للسعادة.
خروجة حلوة.
رحلة.
أكله بتحبها.
صاحب بترتاح أما تكلمه.
قريب بتحب زيارته.
طفل تلعب معاه.
كتاب تقراه.
فيلم بيضحك.
كرتون بيبسطك.
مكان بتحب تروحه.
حاجة جديدة تجربها .
هواية بتحبها.
حاجات كتير اوي ممكن نضيفها مش هنلاحق نعدها .
السعادة مش محتاجة غير قرار من جواك إنك تستمع بالحاجات الحلوة الكتير اللي حواليك وتفرح بيها.
ربنا يسعد أيامكم ويفرح قلوبكم .

20/07/2024

ليس باللايك وحده يحيا الإنسان

بعد كل التطورات اللي شهدها تطبيق Facebook واللي معاها كل ما تحتاج تعمل صفحة أو ايفنت ويكون عندك متابعين لازم تدفع فلوس إعلانات .

في الأول كانت الأرقام بسيطة وبتوصلك لعدد معقول من المشاهدات لحد ما تحول الموضوع إلى تجارة وبزنس مربح جدا للشركات لحد ما بقت عروض قوية جدا ال 5 آلاف لايك بألفين جنيه واكتر بكتير . ورسايل شبه يومية عشان اشتري العروض. ادفع تحصل على التفاعل المطلوب.

هو لطيف إن الواحد يوصل كلامه و أفكاره للناس بس من غير الإبتزاز المادي ده . ومن غير إعلانات تلاقي بعدها لايك من أمير الأحزان ولا صنعت نفسي بنفسي والحسابات العجيبة دي .

الفكرة الحقيقية هتوصل حتى لو غيرت تفكير شخص واحد فقط ده كفاية جدا إن الإنسان يدرك قيمة اللي بيقدمه. ربنا يرزقنا الرضا ويساعدنا نتكيف في المتغيرات الكتير حوالينا .. وليس باللايك وحده يحيا الإنسان .

بس في نفس ذات الوقت لو قدرت تساهم ان فكرة حلوة توصل لحد تاني دوس لايك أو عبرله ان كلامك فرق معاه. لأن الصفحات دي مش عشان نكلم نفسنا الجمهور اللي متابع هو صاحب الحدوتة كلها.

الله.. الوطن.. الجمهور المتفاعل
ودمتم

19/07/2024

افعل ما يسعدك ، فالأيام لا تعود. - رينيه ديكارت
الصورة من التليفريك في جنتنج بنتانج ماليزيا ٢٠١٥

17/07/2024

الصداقة هي الشجرة التي يحتمي بظلها المسافرون. - صامويل تايلر
بارك الله في الأصدقاء المخلصين ورحم من رحل منهم عنا
وأعاننا الله على ود من تبقى وجمع شملنا في خير

17/07/2024

إعادة نشر للتذكرة

كل يوم نلتقي مع رحيل أحدهم . الكل يكتب عبارات العزاء ويعود إلى طريقه. البعض يبذل جهدا أكبر فيتحدث تليفونيا والبعض يخبرك أنه يريد أن يراك . الموت ليس فقط فقدان من نحب ومن مات اﻵن ولكنه يذكرك بكل من ماتوا من قبل. ربما فرحوا هم لملاقاة بعضهم وبقيت انت وحدك لا تعرف كيف تكون الحياة بعد ذلك.

لتكتشف كم عدد المرات التى نويت فيها أن تفعل شيئا وأجلته . وكم عددت البدايات التى لم تجد لنفسها نهاية . وكم من الوعود قد قطعتها لنفسك لكي لا تهتم بالدنيا الفانية وتعمل على حياتك اﻷخري. لتجد نفسك من جديد مع نفس الأسئلة الحائرة التى ربما ظننت أن لها إجابة . لكن الإجابات ليست دائما تلك النموذجية كما يقول الكتاب .

رحل أبي وعمي وجدي وجدتي وخالتي وابنتها وعمتي ورحل الكثير من أساتذتي ورحل بعض أصدقائي ورحل الكثير من الناس وما زال الرحيل في طريقه. وانت تحاول قبل أن تمضي في طريق الرحيل أن تحفر أثرا لذكرك عندما ترحل . لتدرك أن باب اﻷمل ﻻ زال مفتوحا لتدخل .

يأتي الموت ليعلمك أصل الحياة ، تتزاحم اﻷفكار وتتسابق الحكايات لتعود لتلك اﻹجابة التى تعرفها عن ظهر قلب . سبحان من له الدوام وسبحان من خلق من الموت حياة.

15/07/2024

الأماكن حواديت
ولأن المعركة الحقيقية في حياتي هي مع الفقر والجهل والمرض
وأنا مش غنية أقضى على الفقر .. ولا طبيبة أعالج المرض
إنما ممكن جدا وبكل الطرق نحاول مع بعض نقضي على الجهل.
من سنين كتيير كنت فاكرة الجهل محو الأمية .
وبعد سنين أكتر لقيت الجهل أسلوب حياة وبدرجات متفاوتة.
أولهم جهل الإنسان بنفسه وقيمته وامكانياته.
وعشان كل اللي بيسألني إيه كل الدوشة دي والسفر والأماكن.
السفر هو مدرسة الحياة ... سافر هتعرف معنى وقيمة جديدة كل يوم لكل شيء بتشوفه.
سافر لو بتحب الأكل .. الهدوم .. الثقافة ... المشي.. التجارب
سافر لو بتحب البرد.. التلج.. الدفيء.. الصقيع
سافر لو بتكره الروتين. . سافر لو بتحب النظام .. سافر لو بتكره النظام ..
السفر فيه كل حاجة وأي حاجة وولا حاجة.
سافر لو عايز تفكر وسافر لو عايز متفكرش .
سافر لو عندك خطة .. سافر لو كنت عشوائي
في النهاية كل واحد فينا نسخة أصلية من نفسه بيعيش الحياة بطريقته .. بيحب ألوان غيره ميحبهاش.. بياكل حاجات غيره ما يقدرش ياكلها.
في كل مكان كان فيه حكاية. ولكل حكاية أبطال كتير للحدوتة.. نقابل ناس ونتعلم منهم . ونتعلم عن نفسنا أكتر .
الحياة حدوتة كبيرة عايش فيها أبطال حقيقيين .
سافر وجرب واتعلم .. هتكون بطل لحدوتة في كل مكان تروحه.
ولسه مكملين مع حواديت تانية .

ودمتم

14/07/2024

"If man has no tea in him he is incabable of understanding truth and beauty"
Blue Tea field Garden
Sirilanka 2016

13/07/2024

النباتات لا تملك العقل، ولو غطيتها بصندوق فيه ثقب لخرجت من هذا الثقب متتبعه للضوء، فما بالنا لا نتبع النور ونحن نملك العقول. - نجيب محفوظ

الصورة من رحلة الواحات البحريه نوفمبر2011

10/07/2024

وعلى سبيل السعادة الاقي اتوجراف جميل من أيام المدرسة
مدرس العربي كان كاتب لي كلام رائع مع أنه مكانش بيدرس لي ده كام عارفني من مسابقات الطالبة المثالية واتحاد الطلبة والمناظرات
ما شاء الله خطه حلو وأسلوبه جميل
وكان بيقولي حاجات انا مش عارفاها عن نفسي
دلوقتي بعد ٢٨ سنة على الكلام ده يمكن ده أجمل كلام سمعته في حياتي
أستاذي ربنا يديلك الصحة إن كنت من أهل الدنيا ويرحمك إن كنت فارقتنا
كانت لنا أيام
المدرسة كانت أجمل مكان في الوجود
المدرس كان أب ويشجع الطلبة على الطموح وبيديهم أمل
لكل واحد بيشتغل مدرس ولادنا أمانة في إيدك

Address

58 Zaker Hussien Street, Nasr City
Cairo

Opening Hours

Monday	10am - 10pm
Tuesday	10am - 10pm
Wednesday	10am - 10pm
Thursday	10am - 10pm
Sunday	9am - 10pm

Telephone

+201032018339

Website

http://www.emanelamir.com/

Alerts

Be the first to know and let us send you an email when Eman ElAmir - إيمان الأمير posts news and promotions. Your email address will not be used for any other purpose, and you can unsubscribe at any time.