06/09/2024
*بي نيشتي ترافيل بتقولك حافظ على عربيتك في الصيف بالخمس نصايح دول:*
*1-متركنش عربيتك في الشمس عشان دهان العربية ميبهتش، وتحافظ على عمر الكاوتشات؛ ولو مُضطر تركن في الشمس استخدم غطاء عازل للعربية.*
*2- اتأكد إنك بتغير زيت العربية بانتظام وبتستخدم زيت بجودة عالية عشان الحرارة بتزود حرق الزيت فاستهلاكه بيزيد في الصيف.*
*3- اعمل فحص دوري لكاوتشات العربية وضغط الهواء فيها ،عشان الضغط لو عالي والكاوتش متهالك من الشمس ممكن ينفجر وأنت بتجري بالعربية.*
*4-افحص سائل التبريد أول بأول واتأكد ان مفهوش مشكلة، ولو اضطريت تفتح غطاء الرادياتير أو قربة المياه، استنى لما العربية تبرد عشان إيدك متتلسعش.*
*5- خف الحمولة على العربية خاصة في الصيف لإن الحمل الزايد بيسخن الموتور أسرع، وبلاش تسيب عطور أو كحول فى العربية عشان ممكن ينفجر لا قدر الله.*
*امشي على النصايح دي عشان تتأكد إنك دايمًا في أمان، ومحافظ على عربيتك وأنت سايق في الصيف.*
