حل مشاكل -المجتمع

حل مشاكل -المجتمع منظمه اجتماعيه

احنا في البيج هنا هنبسطلك مشكلتك على قد ما نقدر و نحلها مهما كان حجمها في وجهه نظرك ، اياكانت المشكله بمجرد ما تحكيها و تقولها لناس ولا تعرفك ،، بس عارفين انهم بس هيساعدو صاحب المشكله من غير ما يعرفو هو مين ، دا هيساعدك تحلها و تاخد أحسن الأراء ،، و حتى لو ملقتش اراء هترتاح لمجرد انك حكتها .. المشكله انت لما تحكيها هترتاح و لازم متدهاش أكبر من حجمها و خليك واثق انك أكبر من اي مشكله تقابلك ،، لأن ط

ول مانت واثق ان المشكله صغيره و أنت أكبر منها يبقى هتقدر تحلها بسهوله،، و لما تنزل المشكله مع الناس هتساعدك و تستفيد من خبراتهم و تجاربهم الي أكيد عندك زيها و ممكن تكون بتمر بيها دلوقتي ،، اسمع منهم رأيهم و حاول تستفيد متنسوش ان المشاكل كلها بتنزل في سريه تامه

in our page we will simplify your problem as we can ,, we will try to solve your problem ,, whatever its size in your point of view, whatever the problem it will be solved by telling it to people,, they don't know you, but they want to help you in solving your problem,, their point of view will help you in taking best decision , and even if you didn't found the right decision ,, you have shared your problem with people and tell your problem to some people that will make you better Psychologically .. you must not give the problem larger than the size and be acetic confident you are the largest of any problem faces you , because when you are sure that your problem is very small and it will not be as obstacle in your life that will help you to take the quick and right decision to this problem ,, with people you will benefit from their expertise and experiences ,, listen their point of view and try to benefit from it ,, don't forget that all your problems will shown in a very secret way

21/01/2024

من فضلك انا 29سنه سنجل وبعمل العاده السريه حوالي خمس او ست مرات بليوم هل هذا راح يسبب مشكله ليه بعد الزاوج

21/01/2024

هو لما خطيبتي تبقي حلوة مع كل الناس وهزار مع زمايلها الولاد في الشغل وقرايبها الولاد وسلام بالايد عادي ومعايا أنا ضوابط خطوبة ووش خشب ومعاملة ناشفة ده يبقي اسمه ايه ؟!

21/01/2024

انا مخطوبة
وسمعت ان خطيبي بتاع بنات
اعرف ازاى انه بتاع بنات
لو سمحتوا ادوني حلول
نزلها من فضلك من غير اسم ولا صورة وانا هتابع الكومنت

21/01/2024

عندي 23 سنة ومازلت انسة ربنا مبعتليش نصيبي المهم في واحدة قريبتي كل ما تلاقيني في مناسبة تقولي انتي لسة متجوزتيش وكلام زي كده وتضحك قالتلي متتشرطيش اتجوزي حتى على ضرة ولا خدي واحد عجوز ده اللي ادك عيالهم ماشيين جنبهم وهما طولهم كده
انا سكت ومرديتش عليها ومشيت جبت رقم جوزها وبقالي اربع ايام بتكلم معاه وخلاص هكون درة ليها
قولولي اخلي جوازنا بفرح وكده ولا على الضيق؟

21/01/2024

انا عندي مشاكل كتير اوي مع اهلي في البيت ممنوع الخروج ممنوع البس ممنوع فلوس كل حاجه ممنوعه لغايه ما اتجوز مع ان انا لسه صغيره انا ٢١ سنه بس هيا مخلصه جهازي من زمان حتي اللبس وكل حاجه مخلصها وبتعاملني اوسخ معامله عشان تخليني اوافق ع اي حد يتقدملي لأنها عارفه اني رافضه فكره الجواز ورفضت عريس قبل كده وطبعا ات ات ضر بت واتحبست لغايه ما هو كمان رفض عشان اتعاملت معاه بقله زوق
دلوقتي نا محتاجه اي واحد نتجوز ان شالله شهر وبعد كده نتطلق ومش هاخد منه اي حاجه ولا حتا الجهاز
عشان بعدها اعيش حره وابقا براحتي واسافر اشتغل بره

21/01/2024

خطبت واحده خريجه معهد طبى. الصراحه كنت فرحان جدا بيها وحيبتها جدا وهى كمان حبيتنى. قعدنا مع بعض سنه ونص كانو احلى وقت فى حياتنا. خلصت شهور الامتياز واتفقنا انها متشتغلش
بس بعد كده قالتلى انها عايزه تشتغل ف مجالها وأصرت على كده .. قولتلها انتى حره . دى وظيفتك وحياتك ولو مش عايزه تشتغلى هكون فخور بيكى باردو.. ساعدتها وخلصتلها ورقها بأيدى. ايدى اللى تتشل دى اه هى. وهنا بدأت المقارنات من مديرها او زمايلها او او. لدرجه انها قالتلى هو مرتبك دا هيعيشنا كويس !!. المهم اخترعت المشاكل والقفشات اللى بدون سبب وفى الاخر قالت انها مش عايزه تكمل.. ليه يابنتى. انا مخنوقه وانت فيك وفيك وفيك. بعد ما وقفت جمبها ف كل حاجه.. شهر ونص بالضبط من الانفصال اتقدملها زميلها ف الشغل ووافقت عليه لا ومصممه كمان.. ولما عرفت الموضوع دا بالصدفه البحته والله غالبا اجلو الموضوع عشان محدش يقول ما صدقت خلصت من دا وراحت لدا.. حسبى الله ونعم الوكيل فى وقتى وصحتى وحبى اللى كان ليها اللى اتباعو بالرخيص اووووى

21/01/2024

من غير تجريح لو سمحت
اخويا كان قالي امسك تليفون مراتي اعمل حجة انك غيرت باسوورد الواي فاي وفتش ف الفيس وهات كل الرسايل اسكرينات عشان بتمسك الفون ومش بتتكلم معانا لقيت رسايل بينها وبين شخص غريب حكياله ع مشاكلها بينها وبين اخويا ورسايل بينها وبين اخوها شاتم علينا وحكياله ع كل حاجة ومنزلة بوستات شكوي مننا بعت الاسكرينات لاخويا وابويا وبعتنا لصاحب ابوها عشان اهلها ميتين وملهاش حد ومتعرفش حد الا هو وفضحناها وجيت اطلع الموبايل اوريهم وساختها عي كانت عاملة بلوك للشخص الغريبىده من مدة قصيرة جيت اطلعلهم الرسايل قالو لا مش عوزين نشوف حاجة وعملنا فضيحة لها وحرمناها من ابنها واطلقت وخدت الحاجة اللي جبتها بس واخويا طلقها بعد ماكان نفسها ترجع تاني تربي ابنها بعدها بكام شهر رفعت قضية وخدت الولد اخويا مطلبش يشوفه الا مرة واحدة من وقتها مسالش عليه وكانت مسلفة اخويا ورث امها كله اخويا حرمها منه ومرضيش يديها مليم منه دلوقت هي اتفضحت عندنا وعندهم هناك ف البلد ومش نعرف عنها حاجة
كدة احنا غلطانين ف حاجة

21/01/2024

نزل يا ادمن
انا بجد مش عارفة اضحك ولا اعيط جوزي مغضبني ف بيت اهلي عشان اكلت المانجا بتاعته

21/01/2024

مرحبا ياريت من غير اسم مرتي تضل تضر بني وتعمل معايا حركات ولما ارد واقلها ليه تقلي لو مش عاجبك قول انا بصراحه حاسس ان رجولتي انصابت و مش عارف شو اعمل

21/01/2024

ازاي اتخطي ان ابويا سماني ع اسم الاكس بتاعته ودا مسببلي مشاكل مع ماما

21/01/2024

نزل يا أدمن
وأنا رايح أخطب أخد معايا أيه تانى غير قفص طماطم وقفص بطاطس وفرختين

21/01/2024

من فضلك انشر يا ادمن
مراتي دايما بتلبس لبس مكشوف في بيتنا واحنا لسا متجوزين بقولها راعي الحياء شوية انا مش فاهم فيه ايه ده انا بتخض من اللي بتلبسه وتقولي حلال وعادي
اعمل ايه واخليها تبطل ازاي

21/01/2024

من غير اسم من فضلك؟
انا كنت شايل فلوس في البيت وانا علي طول مسافر ومراتي دخلت مشروع من غير ما اعرف وخسرت كل الفلوس وانا طلقتها بس عندي منها بنت ومش عارف اعمل ايه ارجعها عشان البنت ولا القرار اللي انا اخذته صح

21/01/2024

حد يرد عليا ضرورى اختى مخطوبة من يومين وانهاردة خطيبها عمال يقولها انا خدامك وهقعد تحت رجليكى ابوس رجليك طبعا هى مصدومة من الكلام حد يفهمنا هو كدة اية دة كده مريض ولا اية والنبى البوست يتقبل عشان هى قفلت معاه وعايزة تسيبة

21/01/2024

السلام عليكم
انا معنديش اخوات وبابا وماما متوفيين عايشه مع عمي وم فتره اتخانق معايا وطردني م البيت احنا معانا بيت بتاع بابا بس مكنتش عايشه فيه وبعد م مشيت م عنده حاليا عايشه ف بيتنا لوحدي فلوس بابا وكل حاجه م ورث مع عمي انا مش معايا اي حاجة وهو دايس ع كل حاجه وانا معرفش اي حد غير عمي م قرايبي ومش لاقيه حل معاه خاصة انا ف جامعه ولسه بدرس ومحتاجه مصاريف للكليه وحاجات تانيه ليا وهو مش بيسأل فيا خالص . ف ناس م صحابي قالولي روحي القسم واعملي محضر. بس انا خايفه ربما يعمل معايا حاجه لو عرف كده. و اهي الدراسه قربت تبدأ وبالوضع دا مش هعرف ادخل الكليه السنه دي عشان انا السنه ال عدت كلها كنت بشتغل وبصرف ع نفسي وتعبت اوي ومش عاوزه اكرر ال حصل معايا السنه ال عدت. وف نفس الوقت مش هاين عليا اسيب الكليه بتاعتي انا ف كليه طبيه ودا حلمي اصلا وخايفه اندم اني اسيبها. ومش عارفه اعمل اي او اتصرف ازاي.
؟؟؟ عايزه حل والنبي

21/01/2024

انا عندي ٢٠ سنه طالبه جامعيه بس لحد دلوقتي مش بعرف اتعامل مع اي ولد لدرجه اني لو شاب كلمني هفضل متنحه ومش هرد ولا حتي هفتح بوقي بكلمه انا مره خبط عالباب بتاعنا شابين كانوا جايين يعزموا بابا وبابا مكنش موجود فهو فضل يقولي الفرح امتى وقولي لبابا كتب الكتاب يوم الجمعه وانا عماله بهز دماغي زي الهبله وخلاص طب اتكلم اقول الف مبروووك او اتفضلوا حتى وبعد لما قفلت الباب قعدت اقول اي الهبل دا طب كنت قولتلوا الف مبرووك حتى انا مش عارفه اي الحل لمشكلتي دي بجد انا فى مواقف كتير بيقابلني مش بعرف اتصرف فيها بسبب الموضوع دا😭

21/01/2024

انا معايا توأم ومن لما خلفت وجوزى مش بيقرب عليا مع انى نضيفه جدا ف نفسى وبهتم بنفسى وديما باخد بالى من الأولاد ونضافتى الشخصيه بس هو قالى انا بقرف من لما ولدت

21/01/2024

نزل من غير اسم يا ادمن
انا فرحي قرب ووداني كبيرة عايز حلول متبقاش باينة اوي لان الموضوع رخم جدا

21/01/2024

انا نفسيتى تعبانه جدا انا حملت وانا مكنتش عايزا ولا كنت بتمنى الخلفه والعيال دايما كنت بقول يارب ما تدينى حمل المهم انى حملت مش عارفه اعمل ايه بدعى كتير اوى ان ربنا يخلصنى منه محدش يقولى حرام الحرام اللى بجد انى اتحمل حاجة مش قدها ربنا هيستجيب صح حد يقولى انا مببطلش دعاء انه ينزل نفسى ربنا يستجيب انا عارفه ان فى ناس بتتمنى وكدا بس انا مش حمل مسؤليه زى دى

20/01/2024

انا شاب عندي ٢٣ سنة
وفاضلي سنة كلية وسنة جيش
مبشتغلش جمب الكلية عشان كلية صعبة وحضور ٤ ايام في الاسبوع من ٩ ل ٤ العصر
كلية هندسة
لا عندي شقة ولا فلوس ولا غيرو
ازاي هبدأ حياتي وانا عندي ٢٥ سنة بعد ما عمري ضاع في التعليم
وعلي فرض لاقيت شغل كويس اول ما اخلص جيش علي ٢٥ سنة
ازاي هجيب شقة واحوش فلوس للجواز
انا مكتئب وحياتي واقفة ومش عارف اعمل اي

20/01/2024

انا بحب بنت وهيا بتحبني جدا وحبيت اتقدملها بس اهلي انا رفضين تماما جربت كل الطرق مفيش فايده حد يقولى اتصرف ازاى مع العلم انا من الصعيد يعني مخهم تعبان ف اي حد يقولى اى طريقه اخدها بيها وانا مش معاي اخدلها شقه بره للاسف بس عندي شقه ف البيت بتاعنا

20/01/2024

انا خاطب وانا و خطيبتي بنحب بعض اوي.. هي محترمه وبنت ناس اوي وعمرنا ما مسكنا موبايلات بعض نفتش فيها .. كان في فترة انا وهي مبقناش نتكلم كتير بسبب ظروف شغلي و كدا... ف مره واحنا قاعدين مع بعض فتحت موبايلها عشان توريني حاجه ف الواتس عندها ولاحظت انها نزلت الشات لتحت بسرعه زي ما تكون خافت اشوف حاجه... سالتها ممكن اشوف الواتس ثولني ادتني الموبايل بدون تردد... لقيت عندها ف الارشيف شات بينها وبين زميلها ف الشغل... المفروض انها كانت دايما بتقولي انهم مش بيتكلمو غير ف شغل... بس لقيت الشات مش شغل خالص... في دحك وهزار( هزار فقط كوميكس وبس) و لقيت بردو انها كانت بتحكيله علي المشاكل بيني وبينها عشان تاخد رايه... بصراحه انا اتعصبت وقومت حاسبت ومشيت علي طول من غير م اوجهلها اي كلمة.... من وقتها وانا حاسس في حاجه اتكسرت مني ناحيتها .. اعمل ايه؟؟

Address

Cairo
10011

Telephone

(925) 402-1586

Website

Alerts

Be the first to know and let us send you an email when حل مشاكل -المجتمع posts news and promotions. Your email address will not be used for any other purpose, and you can unsubscribe at any time.

Videos

اوكرنيا جايه في الطريق كله يشتري ومحدش يستعجل

يا الله ❤❤❤

قاعد فى عز البرد هو وبناته على الرصيف يبكى بعد طرده من المنزل.. والسبب 400 جنيه #جبر_الخواطر

كتاب الله أحيانا * وبالتوحيد أوصانا❤ . رووووعه جدااا 🌸❤
كتاب الله أحيانا * وبالتوحيد أوصانا❤ . رووووعه جدااا 🌸❤

Shortcuts

Share