05/01/2025
#نصائح #للمعتمرين
**ارجوا ناخد بالنا من حاجات معينه مهمه وانت بتجهز لسفرك :**
١- المعلبات فول وتونه والجبن وكنكه القهوه وكيس البن والشاي
والسكر وملح والاعشاب والكوبيات الكرتون وزيت الاكل
والطحينه وصابون سائل بالليفه..من أهم الأشياء
٢ - الفندق فيه كاتل مياه وصابون وش وشامبو.. وبلاش تاخد معاك
عيش.. الخبز هنا كويس ورخيص ومتنوع ..
٣ - مكن حلاقه جيليت والمكنه الحلاقه الكهربيه مهمه
اطباق ومعالق وحله صغيره لو هتسخن اكلك في غرفتك
مهمين جدا ..
٤ - طبعا لو هتسخن اكل في الفندق ..خد معاك سخان كهربا مسطح
صغير وخد معاك لحوم مستويه متنوعه ..فيه تلاجه في الفندق
ماتقلقش ..
٥ - ماتشليش هم المياه ..جمعيات خيريه بتوزع مياه يوميا بالكميه
اللي انت عايزها ..
٦- لو تعرف خد معاك رز و خضار .. خيار وبطاطس وطماطم
والطماطم هنا مش حلوه . وغاليه ..
٧- خد كل علاجك
٨ -المخبوزات المخبوزات المخبوزات ..هتنفعك جدا لو هتقعد في
الحرم بين الصلوات ..
٩ - ماتاخدش لبس شتوي كتير ..الجو هنا حلو. وفي أغلب الأوقات
حر . الاهم خد معاك تيشرتات نص وكم ..وجلاليبك طبعا..
١٠- هات معاك شمسيه . هتنفعك لو الجو حر. وهتنفعك جدا لما.
الجو يمطر ..المطر هنا غريب وشديد وطول اليوم ..
١١- الفيش هنا كلها ثلاثيه ..هات محول فيشه ثلاثيه ..اوعي تنسي
١٣ - البطاقه الصحيه اللي بتعملها في مصر ب 1000ج دي محدش
بيشوفها خالص لا في مصر ولا في السعوديه ..لو عاوز تاخدها
عشان تستفيد باللقاح انت حر ..
١٤ - لو انت مدخن . استغل وجودك في الحرم انك تقلع عن
التدخين ..علبه السجائر هنا بحوالي 25 ريال . متخيل !!
والمطار بياخد منك الولاعه لو معاك ...
١٥ - هات شبشب مخصوص لأداء العمره..وبلاش تستخدمه في
التواليت.. واستغل كل صلاه وكل وقت تقضيه في الحرم ❤️
وحاول تدخل التواليت قبل ماتروح الحرم ..العدو الاول ليك
في الحرم احتياجك لدخول التواليت لانه بعيد وقصه كبيره.
١٦ - هات معاك شوز نعل طبي ..هينفعك.. لان المشي هناكتير جدا.
١٧ - الطيران السعودي عدد ٢ شنطه 23 كيلو داخل الطياره
وشنطه صغيره 10ك فوق ..دا غير شنطتك الخاصه.
١٨ - لما تنزل الحرم اشتري خط ..افضلهم STC وبعديه موبايلي
١٩ - يوم الجمعه هنا اصعب يوم ..لازم تروح بدري جدا عشان
تلاقي مكان تقعد فيه .ياما هتصلي وانت واقف
وتمشي من الحرم بعد العصر ..بسبب زحمه الاتوبيسات ..
٢٠ - اوعي تضيع صلاه الفجر في الحرم.وماتحرمش نفسك انك تقعد
لحد الشروق من افضل اوقات الدنيا واللهم تقبل منا ❤️
إليكم بعض الاسعار هنا :
خضار : طماطم خيار بطاطس موز برتقال ..الكيلو ب ٨ ريال
رز أو سكر ب ٨ ريال... كيس العيش ب ريال... لتر اللبن ب ٧ ريال
قارورة مياه ٦ ريال ..زيت الاكل ب 12 ريال.. لتر الرايب ب ٧ ريال
فرخه كامله مشويه بالرز بحوالي 40 ريال .. الملح 2 ريال ..
عدد 3 بيضه ب 2 ريال .. الصابون السائل الفيرى ب 12 ريال .. وجبه البيك المسحب في مكه ب 23 ريال .. الاندومي ب 7 ريال
الايس كريم ب 10 ريال .. علبه الزبادي 2.5 ريال ..
باقه نت ومكالمات STC ب 45 ريال ( ١٥ جيجا نت و ساعتين مكالمات ) .. اما موبايلي سعر الباقه دي 60 ريال ..
صفحه متخصصة لحجوزات الفنادق بمكه المكرمه والمدينة المنورة وخدمات المعتمرين والحجاج بأفضل سعر وجودة
